Санаи 26 майи соли равон дар Донишгоҳи давлатии Кӯлоб ба номи Абуабдуллоҳ Рӯдакӣ бо мақсади рушди тафаккури техникӣ, тарғиби ҷаҳонбинии илмӣ, дастрасӣ пайдо намудан ба техникаву технология, тавсеаи ихтироъкорӣ ва навоварӣ, пайвасти илм бо истеҳсолот, ҷалби бештари хонандагону донишҷӯён ва дигар қишрҳои ҷомеа оид ба омӯзиши фанҳои риёзӣ, дақиқ ва табиӣ, ҳамчунин дарёфт ва муаррифии истеъдодҳои нав дар ин самтҳо байни хонандагони муассисаҳои таҳсилоти миёнаи умумӣ, донишҷӯёни муассисаҳои таҳсилоти ибтидоӣ, миёна ва олии касбӣ, омӯзгорони муассисаҳои таълимии ҳамаи зинаҳои таҳсилот ва дигар намояндагони касбу кори гуногун даври шаҳрии озмуни ҷумҳуриявии “Илм-фурӯги маърифат” баргузор гардид.
Пеш аз оғози озмун муовини раиси шаҳри Кӯлоб Ҳамидиён Орзу суханронӣ карда, таманниёти роҳбарияти мақомоти иҷроияи ҳокимияти давлатии шаҳри Кӯлоб ба кулли иштирокчиён изҳор намуд, қайд гардид, ки озмуни ҷумҳуриявии “Илм-фурӯги маърифат” бо дастгирӣ ва сарпарастии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо мақсади амалисозии “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” баргузор гардида истодааст.
Сипас, ректори Донишгоҳи давлатии Кӯлоб Мирализода Абдусалом Мустафо баромад намуда, ба ҳамаи иштирокчиён барору комёбиҳо таманно намуд.
Дар охир, иштирокчиёни озмуни ҷумҳуриявии “Илм-фурӯги маърифат” аз рӯи номинатсия ва тибқи номинатсия оғоз гардид.
Бахши матбуотии МИҲД-и шаҳри Кӯлоб
Имрӯз, 25 майи соли равон ҷиҳати иҷрои дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ бо мақсади рушди соҳаи маориф, баланд бардоштани сифати таълим, иштироки фаъолонаи хонандагон дар озмуну олимпиадаҳои “Илм фурӯғи маърифат”, “Фурӯғи субҳи доноӣ китоб аст”, “Тоҷикистон-Ватани азизи ман” инчунин омодагӣ ба имтиҳоноти давлатӣ дар муассисаи таҳсилоти миёнаи умумии №1 ба номи Сафармуҳаммад Аюбии шаҳри Кӯлоб семинар-машварат баргузор гардид.
Дар семинар- машварати муовини раиси шаҳри Кӯлоб Ҳамидиён Орзу, Ғаффорзода Давлатҷон мудири шуъбаи рушди иҷтимоӣ ва робита бо ҷомеаи дастгоҳи раиси шаҳри Кӯлоб, масъулину кормандони соҳаи маориф ва директорони муассисаҳои таълимии шаҳр иштирок доштанд.
Нахуст, муовини раиси шаҳри Кӯлоб Орзу Ҳамидиён суханронӣ намуда, изҳор доштанд, ки маориф яке аз самти муҳимми ҷомеа ба шумор рафта, пайваста таҳти таваҷҷуҳ ва ғамхориҳои бевоситаи Роҳбарияти Олии мамлакат муҳтарам Эмомалӣ Раҳмон қарор дорад ва имрӯз бо дастгириҳои бевоситаи Пешвои маҳбуби миллат дар саросари кишвар, озмунҳои ҷумҳуриявии Илм фурӯғи маърифат”, “Фурӯғи субҳи доноӣ китоб аст”, “Тоҷикистон-Ватани азизи ман” ташкил гардида, шавқу рағбат ва қобилияту истеъдодҳои кулли ҷомеа ва таҳсили хонандагон ба маротиб беҳтар гардида истодааст.
Дар охир муовини раиси шаҳри Кӯлоб Ҳамидиён Орзу ба масъулину кормандони соҳаи маориф, директорони муассисаҳои таълимии шаҳр барои дар сатҳи баланд баргузор намудани озмунҳои дар пеш истода дастуру супоришҳои мушаххас доданд.
Бахши матбуотии МИҲД-и шаҳри Кӯлоб
Давлат ва Ҳукумати Ҷумҳурии Тоҷикистон ҳамеша барои солимии ҷомеа, инчунин пешгирии интиқол ва пайдоиши бемориҳои сироятӣ тадбирҳои зарурӣ меандешад.
Ин навбат бо дастгирии мақомоти иҷроияи ҳокимияти давлатии шаҳри Кӯлоб ба хотири паҳн нагардидани бемориҳои сироятӣ маъракаи поккорӣ бомаром идома дорад.
Ин тадбирҳо аз ҷониби сохтори марбутаи мақомоти иҷроияи ҳокимияти давлатии шаҳр аз ҷумла корхонаи фаръии давлатии истеҳсолии истифодабарии манзил бо мақсади пешгирӣ аз бемориҳои сироятӣ ва таъмини солимии шаҳрвандон роҳандозӣ гардида, нахуст он дар ҷойҳои ҷамъшавии шаҳрвандон, кӯчаву хиёбон ва хонаҳои баландошёна гузаронида шуданд.
Бояд гуфт, ки корҳои поккорӣ дар хонаҳои баландошёнаи маҳаллаҳои Борбад, Шамсиддин Шоҳин амалӣ карда шуда дар маҳаллаҳои Исмоили Сомонӣ, Ҳофизи Шерозӣ корҳо дар ин сат идома дорад. Безараргардонии навбатӣ дар кўчаву хиёбон ва маҳаллаҳои шаҳри Кӯлоб бо фарогирии 80кг маводҳои гипохлориди натрий сурат гирифт, ки он барангезандаи бемориҳои сироятӣ дар муҳитро нобуд месозад.
Тазаккур бояд дод, ки бо дастуру супоришҳои Роҳбарияти мақомоти иҷроияи ҳокимияти давлатии шаҳри Кӯлоб минбаъд низ гузаронидани чунин корҳои безараргардонӣ дар дигар маҳаллаҳо низ роҳандозӣ карда мешавад.
Бахши матбуотии МИҲД-и шаҳри Кӯлоб
Бо мақсади баланд бардоштани ҳисси миллӣ ва ватандӯстиву хештаншиносии наврасону ҷавонон, огаҳӣ пайдо намудан аз таъриху фарҳанги ҳазорсолаи миллати тамадунофари тоҷик, ҳамчунин ба хотири омӯзиши ҳатмии китоби “Тоҷикон”-и Бобоҷон Ғафуров санаи 24 майи соли равон дар китобхонаи вилоятӣ ба номи Садриддин Айнии шаҳри Кӯлоб конфренсияи илмӣ баргузор гардид.
Дар конфренсияи мазкур Ғаффорзода Давлатҷон мудири шуъбаи рушди иҷтимоӣ ва робита бо ҷомеаи дастгоҳи раиси шаҳри Кӯлоб, директори Генералии Муассисаи давлатии “Муҷтамаи ҷумҳуриявии осорхонаҳои Кӯлоб Асозода Ҳотамшо, инчунин омӯзгорон ва дигар фаъолони шаҳри Кӯлоб иштирок доштанд.
Нахуст, меҳмонон аз намоиши осори гаронбаҳои аллома Бобоҷон Ғафуров дидан намуданд.
Сипас, Ғаффорзода Давлатҷон мудири шуъбаи рушди иҷтимоӣ ва робита бо ҷомеаи дастгоҳи раиси шаҳри Кӯлоб суханронӣ намуда, иброз доштанд, ки боиси ифтихор ва сарфарозии ҳар яки мо мебошад, ки китоби «Тоҷикон»-и Қаҳрамони Тоҷикистон, аллома Бобоҷон Ғафуров бо дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба хотири сазовор истиқбол гирифтани ҷашни 30 солагии Истиқлоқлияти давлатии Ҷумҳурии Тоҷикистон бо теъдоди зиёд интишор гардид ва имрӯз дар ҳар як хонадони миллати тоҷик дастрас гардидааст.
Дар идома директори Генералии Муассисаи давлатии “Муҷтамаи ҷумҳуриявии осорхонаҳои Кӯлоб Асозода Ҳотамшо баромад карда, қайд доштанд, ки китоби «Тоҷикон»-и Бобоҷон Ғафуров аз соли нашр зуд дар доираҳои бонуфузтарин илми ҷаҳонӣ эътироф гашта, ҳамчун як асари барҷаставу бунёдӣ дар илми таърих шинохта шуд. Дар пайравӣ ба ин асари бузург донишмандони зиёде кӯшиданд, ки китобе оид ба таърихи халқи худ биофаранд ва дар ин замина асарҳои фаровоне ба нашр расиданд, вале «Тоҷикон»-и Бобоҷон Ғафуров ягонаву беназир боқӣ монд.
Ҳамчунин, дигар иштирокчиён оиди нақши китоби “Тоҷикон”и академик Бобоҷон Ғафуров дар даврони истиқлолият ибрози андеша намуданд.
Тазаккур бояд дод, ки баргузории чунин конфренсия минбаъд низ дар дигар ташкилоту муассиса бо иштироки олимони таърихшинос баргузор мегардад.
Бахши матбуотии МИҲД-и шаҳри Кӯлоб
Подкатегории
Шабакаҳои иҷтимоӣ
30-солагии Истиқлоли давлатии Ҷумҳурии Тоҷикистон
