Санаи 16 августи соли равон дар толори мақомоти иҷроияи ҳокимияти давлатии шаҳри Кӯлоб маҷлиси васеи кормандони соҳаи маорифи шаҳри бо иштироки раиси шаҳри Кӯлоб Назарзода Бахтиёр Худоёр, муовинони раиси шаҳр, намояндагони Раёсати маорифи вилояти Хатлон дар минтақаи Кӯлоб, роҳбарони мақомотҳои ҳифзи ҳуқуқ, роҳбарони ташкилоту муассисаҳои дахдори шаҳр, роҳбари бахши минтақавии Маркази миллии тестии назди Президенти ҶТ, собиқадорони соҳаи маориф ва дигар шахсони масъул баргузор гардид.
Ҷаласаро мудири шуъбаи маорифи мақомоти иҷроияи ҳокимияти давлатии шаҳри Кӯлоб ифтитоҳ намуда, рӯзномаи маҷлисро ба ҳозирин шинос намуд.
Аз рӯи масъалаи якум тибқи тартиби муқаррарнамудаи рӯзномаи маҷлис мудири шуъбаи маорифи мақомоти иҷроияи ҳокимияти давлатии шаҳри Кӯлоб Ҳакимзода Қадамшо “Оид ба фаъолия, дастовард ва мушкилотҳои соҳаи маорифи шаҳр дар соли нави таҳсили 2022-2023” ҳисоботи пешниҳод намуд.
Сипас, Нуриддинзода Сайҷамолиддин, директори Муассисаи давлатии таълимии “Мактаби Президентӣ” барои хонандагони болаёқат дар шаҳри Кӯлоб, Қурбонов Аскаршоҳ, раиси кумитаи падару модарони муассисаҳои таҳсилоти миёнаи умумии №12-и шаҳри Кӯлоб ва Ҳайдарова Назира, директори муассисаи таҳсилоти миёнаи умумии №1-и шаҳри Кӯлоб маърӯзаҳои хешро пешниҳоди ҳозирин намуданд.
Дар идомаи кори маҷлис раиси шаҳри Кӯлоб Назарзода Бахтиёр Худоёр суханронӣ намуда, қайд кард, ки маориф ҳамчун соҳаи афзалиятнок таҳти назари бевоситаи Асосгузори сулҳу ваҳдати Миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дошта, дар давари соҳибистиқлолӣ дар ин самт дигаргуниҳои куллӣ сурат гирифтанд. Имрӯзҳо барои наврасону ҷавонони мо шароите фароҳам оварда шудааст, ки баҳри баланд гардидани сатҳи маънавиёти ҷомеа ва шаклгирии мафкураи ҷавонон мусоидат намоянд. Пешвои муааззами миллат дар суханрониҳояшон чунин қайд кардаан, “Мо бояд ба таълиму тарбияи фарзандонамон, рушди илму маориф, бахусус, илмҳои табиӣ, дақиқ ва риёзӣ, ки асоси омода кардани мутахассисони ояндасози миллӣ мебошад, эътибори аввалиндараҷа диҳем ва нагузорем, ки дар байни ҷомеаи мо ва махсусан наврасону ҷавонон андешаҳои хурофотиву таасуб ва унсурҳои фарҳанги бегона нуфуз пайдо намоянд”.
Ҳамчунин дар ҷаласаи васеи кормандони соҳаи маорифи шаҳри Кӯлоб матни лоиҳаи муроҷиатномаи иштирокчиёни машварат аз ҷониби котибот, мудири кабинети методии шуъбаи маориф Шомадова Гулчеҳра пешниҳод гардид. Баъдан дар ҳузури иштирокчиёни машварати имрӯза лоиҳаи қарори муроҷиатномаи мазкур тасдиқ карда шуд.
Ёдовар мешавем, ки дар ҳузури иштирокчиёни ҷаласаи мазкур Раҳимзода Ойниҳол, хатмкардаи муассисаи таҳсилоти миёнаи умумии №1-и шаҳри Кӯлоб, гирандаи аттестати аълои универсалӣ бо медали тилло дар равияи табиӣ-риёзӣ бо Ифтихорнома ва маблағи 5000 сомонӣ, роҳбари муассисаи мазкур Ҳайдарова Назира бо маблағи 3000 сомонӣ, Раҳимова Маҳтобӣ омӯзгори МТМУ №1 бо маблағи 2000 сомонӣ ва Директори маркази рушди истеъдодҳо Иззатуллоев Идимад бо маблағи 3000 сомонӣ аз ҷониби роҳбарияти мақомоти иҷроияи ҳокимияти давлатии шаҳри Кӯлоб дар вазъияти тантанавӣ тақдим карда шуд.
Дар охири ҷаласаи васеи кормандони соҳаи маорифи шаҳри Кӯлоб аз ҷониби роҳбарияти мақомоти иҷроияи ҳокимияти давлатии шаҳри Кӯлоб, Вазорати маориф ва илми ҶТ, Раёсати маорифи вилояти Хатлон ба собиқадорини соҳаи маориф, беҳтарин омӯзгорону мураббиён ва дигар кормандони соҳа, ки тайи солҳои зиёд саҳми хешро дар тарбияи насли наврас саҳми шоиста гузоштанд бо Сипоснома ва туҳфаҳои хотиравӣ инчунин шаҳодатномаи Аълочии маорифи Ҷумҳурии Тоҷикистон сарфароз гардонида шуданд.
Бахши матбуотии МИҲД-и шаҳри Кӯлоб
Ба муносибати Рӯзи кормандони соҳаи сохтмон дар толори Мақомоти иҷроияи ҳокимияти давлатии шаҳри Кӯлоб вохӯрии раиси шаҳр Назарзода Бахтиёр Худоёр бо сохтмоничиён ва сокинони бунёдкору созанда доир шуд.
Зимни вохӯрӣ роҳбарияти мақомоти иҷроияи ҳокимияти давлатии шаҳри Кӯлоб тамоми сохтмоничиён ва сокинони бунёдкору созандаи шаҳри Кӯлобро ба Рӯзи кормандони соҳаи сохтмон табрику муборакбод намуда қайд намуд, ки шаҳрсозиву шаҳрдорӣ ва ободкорӣ дар тинату фитрати азалии миллати кӯҳанбунёди тоҷик ҷо дошта, намунаҳои олии он дар осори бисёрҳазорсолаи таърихи бостонӣ ва давраи нави эҳёи созандагиамон – марҳилаи 30 соли соҳибистиқлолии Тоҷикистон таҷассум ёфтаанд.
Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо ишора ба гузаштаи таърихӣ ва имрӯзи миллати тоҷик зикр намудаанд, ки “Миллати тоҷик аз азал ободкору созанда буд ва дар таърихи инсоният сохтмони зеботарин шаҳрҳоро аждодони мо бунёд ниҳодаанд”.
Зимни вохӯрӣ аз ҷониби раиси шаҳри Кӯлоб баҳри бунёди муҷассами Исмоили Сомонӣ байни сохтмончиён озмун эълон карда шуд. Гуфта шуд, ки ғолибони озмун бо маблағи 50 ҳазор сомонӣ қадрдонӣ карда мешавад ва иштирокчиёни озмун метавонанд лоиҳаҳои худро ба шуъбаи меъморӣ ва шаҳрсозии мақомоти иҷроияи ҳокмияти давлатии шаҳри Кӯлоб пешниҳод намоянд.
Дар идомаи вохӯрии мазкур аз ҷониби мақомоти иҷроияи ҳокимияти давлатии шаҳри Кӯлоб як қатор сохтмоничиён ва сокинони бунёдкору созанда барои саҳми арзанда гузоштан дар рушди ободӣ, созандагиву бунёдкорӣ ва эъмори иншооти гуногун бо Ифтихорномаи ва туҳфаҳои хотиравӣ қадрдонӣ карда шуданд.
Бахши матбуотии МИҲД-и шаҳри Кӯлоб
Санаи 15 августи соли равон дар толори мақомоти иҷроияи ҳокимияти давлатии шаҳри Кӯлоб ҷаласаи назоратии назди раиси шаҳри Кӯлоб Назарзода Бахтиёр доир гардид, ки дар он муовинон ва роҳбари дастгоҳи раиси шаҳр, мудирони шуъбаву бахшҳои дастгоҳ ва мақомоти иҷроияи ҳокимияти давлатӣ, роҳбарони мақомоти ҳифзи ҳуқуқ, сардорони раёсатҳо, роҳбарони ташкилоту муассисаҳои таълимию тиббӣ, раисони ҷамоатҳо, соҳибкорон ва дигар шахсони масъул иштирок доштанд.
Сараввал роҳбарияти шаҳри Кӯлоб ҷаласаро ифтитоҳ намуда, рӯзномаи маҷлисро ба ҳозирин шинос намуд. Сипас, иброз доштанд, ки баҳри амалӣ гардидани дастуру супоришҳои Роҳбарияти Олии мамлакат муҳтарам Эмомалӣ Раҳмон корбариро дар сатҳи баланд ба роҳ монда, ҷашни 31 солагии Истиқлолияти давлатии Ҷумҳуриамоноро бо дастовардҳои навин истиқбол намоем.
Баъдан, аз рӯи масъалаи якуми рӯзномаи маҷлис Роҳбари дасгоҳи шаҳри Кӯлоб Абдуллоев Файзулло оид ба супоришҳои дар маҷлиси қаблӣ додашуда ҳисобот пешниҳод намуд.
Тибқи банди дуюми рӯзномаи маҷлис муовини раиси шаҳри Кӯлоб Даминзода Арафамо оид ба рафти иҷрои “Барномаи давлатии тарбия, интихоб ва ҷобаҷогузории кадрҳои роҳбарикунандаи Ҷумҳурии Тоҷикистон аз ҳисоби занону духтарони лаёқатманд барои солҳои 2017-2022” баромад намуда, қайд кард, ки Фармони Президенти Ҷумҳурии Тоҷикистон муҳтарам Эмомалӣ Раҳмон аз 3 декабри соли 1999, №5 “Дар бораи тадбирҳои баланд бардоштани мақоми зан дар ҷомеа” ҳуҷҷати асосие мебошад, ки баҳри амалӣ намудани “Барномаи давлатии тарбия, интихоб ва ҷобаҷогузории кадрҳои роҳбарикунандаи Ҷумҳурии Тоҷикистон аз ҳисоби занону духтарони лаёқатманд барои солҳои 2017-2022” мавқеи ҳалкунанда дошта, ғамхории навбатии Пешвои муаззами миллат нисбат ба баланд бардоштани мавқеи занону духтарон буда боиси ифтихори мо занону бонувон мебошад.
Дар идомаи кори ҷаласа Муовини якуми раиси шаҳри Кӯлоб Ташрифзода Мунаваршо оид ба рафти кишти такрории зироатҳои кишоварзӣ ва Ҳамидиён Орзу оиди рафти омодагиҳо ба даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон ҳисобот пешниҳод намуданд.
Зимни маҷлиси навбатӣ масъалаҳо оиди фаъолияти қатъии гуруҳҳои корӣ, иваз намудани шиору овезаҳо, рангу бор намудани ташкилоту муассисаҳо ва хонаҳои баландошёна, рафти омодагии муассисаҳои мактабӣ ба соли нави хониш, омодагӣ ба давраи тирамоҳу зимистон дар муассисаҳо, дар сатҳи баланд гузаронидани Конференсияи августии омӯзгорон, супоридани бақияпулиҳои андоз, бунёди корхонаҳои саноатӣ ва дигар масъалаҳо мавриди муҳокима қарор дода шуд.
Бахши матбуотии МИҲД-и шаҳри Кӯлоб
Санаи 11 августи соли равон дар Маркази ҷавонони шаҳри Кӯлоб ҷиҳати баланд бардоштани ҳисси хештаншиносӣ ва ватандӯстии ҷавонон вохӯрӣ доир гардид.
Дар вохӯрии мазкур муовини раиси шаҳр Ҳамидиён Орзу, мудири шуъбаи кор ба ҷавонони КИВ ҲХДТ дар вилояти Хатлон, роҳбари ТҶҶ “Созандагони Ватан” дар вилояти Хатлон Ғуломов Меҳроҷ, муовини раиси Кумитаи иҷроияи ҲХДТ дар шаҳри Кӯлоб Саймуминзода Фирӯз, инчунин намояндаи ШВКД дар минтақаи Кӯлоб, аъзоёни гуруҳи Авангард, хонандагони синфҳои болоии муассисаҳои таълимии шаҳр, валантёрон, варзишгарон ва бархе аз котибони ташкилотҳои ибтидоии ҳизбӣ иштирок доштанд.
Зимни ҷаласа муовини раиси шаҳри Кӯлоб, Орзу Ҳамидиён аз дастовардҳои ҷавонони боистеъдоди шаҳри Кӯлобсуханронӣ намуд. Мавсуф қайд кард, ки Асосгузори сулҳу ваҳдаи миллӣ, Пешвои миллат, Президенти ҷумҳурии Тоҷикистон муҳтарам Эмомалӣ Раҳмон дар ҳар як суханронии худ таъкид мекунанд, ки созандагиву ободкории миллату давлат дар дасти ҷавонон аст ва ҷавонон ояндаи имрӯзу фардои давлату миллатанд.
Дар идома мудири шуъбаи кор ба ҷавонони КИВ ҲХДТ дар вилояти Хатлон, роҳбари ТҶҶ “Созандагони Ватан” дар вилояти Хатлон Ғуломов Меҳроч Бо шукргузорӣ аз фазои сулҳу субот ва Истиқлолияти давлатӣ ибрози андеша намуда, қайд аз он дошт, ки хизмат ба Ватан, садоқат ба Пешво, ҳиссагузорӣ дар ободиву шукуфонии Тоҷикистони азиз бояд рисолати ҳар як ҷавони имрӯза бошад ва ҳамчунин ҷавонони имрӯзаи моро мебояд дастгириву хизматҳои сарвари давлатро дар самти ҷавонон қадр намоянд.
Бояд қайд намоем, ки дар вохӯрии имрӯза Бобохонзода Ситора - сардори шуъбаи кор бо ноболиғони РВКД-и вилояти Хатлон дар минтақаи Кӯлоб, Ятимов Алишер-роҳбари гуруҳи Авангарди минтақаи Кӯлоб, Шоҳинов Ҳасан-аъзои фаъоли ҲХДТ баромад карда аз таваҷҷуҳи бевоситаи давлату Ҳукумат бахусус Роҳбарияти Олии кишвар дар самти ҷавонону наврасон дар соҳаҳои гуногун изҳори андеша намуданд.
Сипас, Саймуминзода Фирӯз-муовини раиси Кумитаи иҷроияи ҲХДТ дар шаҳри Кӯлоб аз нақши меҳварӣ доштани ҷавонон дар фаъолияти ҲХДТ ёдовар шуда, қайд намуданд: пешрафти ҷомеа дар тамоми соҳаҳо аз оромии он вобастагии зиёд дошта, муттаҳидиву иттиҳодии ҷавонон асоси он ба шумор рафта, муҳимияти он дар камоли иҷтимоии шахс махсус аст. Набояд фаромӯш кард, ки ҷавонон нерӯи бузург дар ҳар давру замон дониста шуда, дар меҳвари ҳамагуна тағйироту табадуллоти равандҳои ҷомеа нерӯи марказӣ маҳсуб ёфта, нақши муассир доранд.
Бахши матбуотии МИҲД-и шаҳри Кӯлоб
Подкатегории
Шабакаҳои иҷтимоӣ
30-солагии Истиқлоли давлатии Ҷумҳурии Тоҷикистон
