Бо фарорасии фасли гармо авҷгирии бемориҳои шадиди меъдаву рӯда инчунин бемориҳои шадиди роҳҳои болоии нафас аз қабили гулӯдард бронхит бештар ба вуқӯъ мепайвандад.
Ҳаминро бояд хотирнишон намуд, ки баҳри пешгирӣ ва бартараф намудани оризаҳои бемориҳои болозикр дар асоси нақша чорабиниҳои Мақомоти иҷроияи ҳокимияти давлатии шаҳри Кӯлоб бевосита бо ташаббуси раиси шаҳри Кӯлоб муҳтарам Назарзода Бахтиёр як қатор чорабиниҳо барои бартараф намудани бемориҳои болозикр ба тавсиб расидааст.
Тайи рӯзҳои охир дар шаҳру деҳоти минтақаи Кӯлоб гармшавии аз ҳад зиёди ҳаво мушоҳида карда мешавад, ки ин таъсири манфии худро ба организми кӯдакон ва калонсолон мерасонад. Аз ин лиҳоз падару модарон ва инчунин аҳолии шаҳрро хотиррасон бояд кард, ки дар чунин рӯзҳои гарм бемаврид аз гаштугузор ва безарурат баромадан дар ҳавои тафсон худдорӣ намоянд. Таъсири гармии ҳаво бештар ба кӯдакон ва пиронсолон зараровар буда онҳоро бештар ба бемориҳои мавсимӣ аз қабили офтобзанӣ, бемориҳои шадиди меъдаву рӯда, фишорбаландӣ ва нафастангӣ оварда мерасонад. Барои гирифтор нашудан ба чунин бемориҳо пеш аз ҳама қоидаҳои беҳдоштӣ-гигиениро риоя намуд. Аз истифодаи хӯрокҳои тезтаёр яхмосҳои сарироҳӣ инчунин меваву сабзавоти ношӯста худдорӣ намоянд.
Ташнагии худро бештар бо нӯшоба ва шарбатҳое, ки дар шароити стандартӣ тайёр карда шудаанд рафъ намоянд. Волидон бо кӯдакон сайру гашти худро мебояд дар соатҳои салқини рӯз аз 6 то 9 ва аз қисми бегоҳ бошад аз соати 19 то 21 ба роҳ монанд. Бузургон беҳуда нагуфтаанд, ки пешгирӣ аз табобат беҳтар аст.
Бахшида ба ҷашни бузурги умумимиллӣ 35-солагии Истиқлоли давлатии Ҷумҳурии Тоҷикистон барномаи рушди соҳаҳои иқтисод ва иҷтимоиёти Кӯлоб барои солҳои 2020-2025 қабул гардидааст, ки ба соҳаи тандурустӣ 31 лоиҳа дар ҳаҷми 281 млн сомонӣ равона карда шудааст, ки дар 14 лоиҳа бо маблағи 65 млн сомонӣ дар маркази стомотологӣ, маркази бемориҳои эндрокологӣ, табобатхонаи шаҳрӣ, беморхонаи сироятӣ, беморхонаи ноҳиявӣ, маркази саратоншиносӣ таъмиру таҷҳизонида шудааст. Инчунин дар 15 бунгоҳҳои саломатӣ корҳои таъмиру азнавсозӣ ба анҷом расидааст. Дар 9 лоиҳаи дигар корҳо дар арафаи оғозёбист, ки 36 млн сомониро дар бар мегирад. Дар давоми 6 моҳи соли ҷорӣ аз тарафи муссисаҳои тандурустии шаҳру деҳоти Кӯлоб ба 50481 нафар аҳолӣ хизматрасонии тиббӣ расонида шудааст, ки аз инҳо ташрифи табибон ба хона 17356 дар бар мегирад. Шумораи умумии таваллуд 3193 нафарро ташкил медиҳад. Шумораи умумии фавт 423 нафарро дар бар мегирад. Шумораи умумии бистаришудагон дар беморхонаҳо 5400 нафар мебошад. Хушбахтона дар 6 моҳи соли ҷорӣ бемориҳои сироятии хавфнок аз ҷумла тифи шикам, хорӣ, ботулизм, вараҷа ба қайд гирифта нашудааст. Ваксинация дар байни кӯдакон 95,5% ро ташкил медиҳад.
Дар 6 моҳи соли 2025 хизматрасонии тиббӣ аҳолӣ зина ба зина боло рафта дастрасии хизматрасонии тиббӣ аҳолӣ босифат ва саривақтӣ мебошад. Ин ҳама самараи заҳматҳои шабонарӯзии Пешвои муаззами миллат муҳтарам Эмомалӣ Раҳмон дар бахши дастгирии соҳаи тандурустӣ дар шаҳру деҳоти Кӯлоб мебошад.
Мо ворисони Синои бузург дар сиёсати пешгирифтаи Пешвои муаззами миллат устувор буда, халқу мардуми Кӯлобшаҳри бостониро бовар мекунонем, ки баҳри хизматрасонии тиббии босифат ва пешгирии бемориҳо хизматрасонии худро ба аҳолӣ дучанд ва ҷоннок менамоем.
Ҳамоҳангсози соҳаи тандурустии шаҳру деҳоти Кӯлоб
Директори МСШ №2 ш. Кӯлоб
Нематуллозода Сунатулло
Баргузории конференсияи илмӣ-назариявӣ бо иштироки муовини раиси шаҳри Кӯлоб Даминзода Арафамо, собиқадори меҳнат Валиева Саъбагул, муовини раиси КИ ҲХДТ дар шаҳри Кӯлоб Саймуминзода Фируз ва намояндагони соҳаи тандурустӣ ба муносибати рӯзи Ваҳдати миллӣ
Дар замони соҳибистиқлолӣ рушди бемайлони соҳаҳои мухталифи ҷомеа таъмин гардида, ҳамзамон марҳила ба марҳила тақвият ёфта истодаанд.
Шаҳри Кӯлоб бо дастгириҳои пайвастаи Асосгузори сулҳу ваҳдати миллӣ -Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва раиси вилояти Хатлон Давлаталӣ Саид ободу зебо гардида, шароити хуби фаъолияту соҳибкориро барои сокинону соҳибкорон фароҳам овардааст.
Дар доираи истиқболи сазовор аз ҷашни умумимилллӣ 35-солагии истиқлоли меҳан раиси шаҳри Кӯлоб Назарзода Бахтиёр Худоёр дар якҷоягӣ бо шахсони масъул аз иншоотҳои сохташаванда, кишти пумбадона, таъмиру асвалтпӯш намудани роҳҳо ва дигар соҳҳаҳо дидан намуданд.
Бунёди ҷомеаи солим аз беҳбудии вазъи соҳаи тандурустӣ, аз ҷумла бунёди муассисаҳои замонавӣ, таъмини шароитҳои мусоид барои кормандони соҳаи тибб махсуб меёбад. Бо мақсади таъмин намудани сокинон бо ҷойи кори доимӣ ва фароҳам овардани шароити муосири тибби дар деҳот аз ҷониби соҳибкорони маҳалӣ сохтмони маркази хизматрасонии бисёрсоҳавии тиббии "Мирзоён" дар ҷамоати деҳоти Зиракии шаҳри Кӯлоб бо маром чараён дорад. Иншооти мазкур аз таҳхона ва 3 ошёна иборат буда, дар масохати 10-сотих замин бунёд шудааст.
Айни замон корҳои сохтмонӣ дар ин иншооти ҷашнӣ дар марҳилаи анҷомёбӣ қарор дошта, қисмати ками корҳо боқӣ мондааст. Ҳамчунин бо мақсади зебо намудани саҳни бино аз хориҷи кишвар дарахтони мевадиханда ва ороиши дастрас намуда шинониданд, ки баъди нашъунамо ёфтанашон ба иншоот ҳусни дигар зам менамоянд.
Ба итилои масъулин ҳангоми пурра сохтану мавриди истифода қарор гирифтани бинои мазкур зиёда аз 100 нафар кормандон бо ҷойи кори доими таъмин мегарданд. Бо ба истифода қарор гирифтани маркази саломатии мазкур беморон ба маркази шаҳр нарафта, дар ҳуддуи деҳаи худ ки дорои таҷҳизоти муосири соҳавӣ ва беҳтарин мутахассисони соҳаи тандурустӣ мебошад ба табобат фаро гирифта мешаванд.
Дар дохили беморхона барои гирифторони бемории диабети қанд,фишорбаланди ва дигар бемориҳои музмин гушаи гиёдармони сохта шуда мавриди истифода қарор мегирад.
Дар ҷамоати деҳоти Зиракии шаҳри Кӯлоб то истиқбол аз ҷашни 35-солагии истиқлоли давлатии Ҷумҳурии Тоҷикистон бунёди даҳҳо иншооти таъиноташон гуногун ба нақша гирифта шудааст, ки то кунун қисмати беши аз корҳои сохтмонӣ ба итмом расонида шуда, дар иншоотҳои дигар корҳо бо маром ҷараён дорад.
Бахши бойгонӣ-матбуотии МИҲД-и шаҳри Кӯлоб
dv id="«rc08»" ">"
Дар доираи сафари кории роҳбари Гурӯҳи кории Ҳукумати Ҷумҳурии Тоҷикистон дар шаҳри Кӯлоб, Вазири нақлиёти Ҷумҳурии Тоҷикистон Азим Иброҳим бо ҳамроҳии раиси шаҳри Кӯлоб Назарзода Бахтиёр Худоёр ҷиҳати иҷроиши дастуру ҳидоятҳои созандаи Пешвои муаззами миллат муҳтарам Эмомалӣ Раҳмон санаи 7 июни соли ҷорӣ аз муассисаҳои соҳаи тандурустӣ, аз ҷумла Маркази саломатии кӯдаконаи рақами 3-и шаҳри Кӯлоб ва Беморхонаи ноҳиявии Зарқалъаи ҷамоати деҳоти Зиракӣ шиносоӣ намуда, бо кормандони ин даргоҳ суҳбатҳои самимӣ анҷом дода шуд.
Зимни сӯҳбат, Роҳбарият аз дастгириҳои ҳамаҷонибаи давлату Ҳукумати Ҷумҳурии Тоҷикистон, аз ҷумла Пешвои муаззами миллат муҳтарам Эмомалӣ Раҳмон, ки соҳаи тандурустиро дар меҳвари сиёсати худ қарор додааст ва ҳамеша ин соҳаро дастгирӣ менамояд, ёдовар гардида, таъкид доштанд, ки беҳбуд бахшидан ба саломатии аҳли ҷомеа аз табибони ҳақиқӣ, поквиҷдон ва ворисони ҳақиқии Синои бузург вобастагии калон дорад.
Дар замони соҳибистиқлолӣ шароитҳои мусоиди корӣ, музди маоши хуб ва биноҳои муҷаҳҳаз бо таҷҳизотҳои муосир ин шаҳодат аз фазои сулҳу оромии кишвар дарак медиҳад. Мо боварӣ дорем, ки ҳар кадоми Шумо бо дилу нияти пок, содиқ ба касби худ хизмати халқро содиқонаву софдилона иҷро менамоед. Дар ин росто, ба ҳамаи табибон дар касбу кор барору муваффақиятҳои беназир таманно карда шуд.
Дар интиҳо, зимни сӯҳбат табибон низ изҳори миннатдории худро ба Пешвои муаззами миллат муҳтарам Эмомалӣ Раҳмон ҷиҳати ғамхорӣ зоҳир намудан нисбати соҳаи тандурустӣ ва фароҳам овардани шароити мусоиди корӣ баён намуданд.
Бахши бойгонӣ-матбуотии МИҲД-и шаҳри Кӯлоб
Шабакаҳои иҷтимоӣ
30-солагии Истиқлоли давлатии Ҷумҳурии Тоҷикистон
