Санаи 7-уми сентябри соли 2022 дар толори мақомоти иҷроияи ҳокимияти давлатии шаҳри Кӯлоб вохӯрии раиси шаҳри Кӯлоб Назарзода Назарзода Бахтиёр Худоёр бо роҳбари палатаи савдои Ҷумҳурии Туркия баргузор гардид. Ҳайати расмӣ ва тиҷоратии ҷумҳурии Туркия бо роҳбарии палатаи савдои ин кишвар бо мақсади боздид аз корхонаҳои саноатӣ, мавзеҳои таърихию сайёҳӣ ва баррасии масъалаҳои минбаъдаи ҳамкорӣ ба шаҳри Кӯлоб ташриф оварданд.
Зимни мулоқот раиси шаҳри Кӯлоб ба меҳмонон роҷеъ ба вазъи иқтисоди иҷтимоии шаҳри Кӯлоб ва захираву микониятҳои мавҷуда дар самти рушди иқтисод, соҳаи сайёҳӣ ва ҳамкориҳои ду кишвар дар самтҳои гуногун ибрози андеша намуд. Дар идомаи мулоқот ҷонибҳо оид ба ҳамкориҳо дар чаҳорчӯби созмонҳои байналмилалӣ ва минтақавӣ, ҳамчунин, доираҳои тиҷоратии шаҳри Кӯлоб ва шаҳри Қунияи Ҷумҳурии Туркия табодули андеша намуданд.
Маврид ба зикр аст, ки шаҳри бостонии Кӯлоб бо шаҳри Қунияи Ҷумҳурии Туркия бародаршаҳр буда, то инҷониб миёни ин шаҳрҳо Созишномаи ҳамкориҳо ба имзо расида буд. Ҳаминак, бо мақсади мустаҳкам намудани робитаҳои дӯстӣ миёни шаҳрҳои Кӯлобу Қуния 3 Созишнома дар самтҳои гуногун ба имзо расонида шуд.
Дар фарҷоми вохӯрӣ бо нишони таҳкими робитаҳои дӯстона аз ҷониби роҳбарияти шаҳри Кӯлоб ба ҳайати меҳмонон тӯфаҳои рамзии ифодагари фарҳанги волои миллии халқи тоҷик тақдим карда шуд.
Бахши матбуотии МИҲД-и шаҳр Кӯлоб
5 сентябри соли равон дар толори мақомоти иҷроияи ҳокимияти давлатии шаҳри Кӯлоб таҳти раёсати раиси шаҳри Кӯлоб Назарзода Бахтиёр Худоёр ҷаласаи назоратӣ баргузор гардид.
Дар кори ҷаласа муовинони раиси шаҳр, роҳбари дастгоҳи раиси шаҳр, мудирони шуъбаву бахшҳои дастгоҳи раис ва мақомоти иҷроияи ҳокимияти давлатии шаҳр, намояндагони мақомотҳои ҳифзи ҳуқуқ, роҳбарони муассисаҳои таълимӣ, раисони маҳаллаву ҷамоатҳо ва дигар шахсони масъул иштирок доштанд.
Дар ҷаласаи мазкур масъалаҳои кадрӣ, оид ба таъмини иҷрои супоришҳои қаблӣ, оид ба рафти даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон, рафти корҳои омодагӣ дар иншоотҳои ҷашнӣ, дар бораи рафти иҷрои нақшаи чорабиниҳои мақомоти иҷроияи ҳокимияти давлатии шаҳри Кӯлоб вобаста ба истиқболи ҷашни 31- солгаии Истиқлолияти давлатии Ҷумҳурии Тоҷикистон, оид ба рафти амалишавии қарори раиси шаҳри Кӯлоб аз 19 майи соли 2022, №222 “Дар бораи сари вақт омода намудани соҳаҳои иқтисодиёт ва иҷтимоиёти шаҳру деҳоти Кӯлоб барои фаъолияти мунтазам ва самарбахш дар давраи тирамоҳу зимистони солҳои 2022-2023” ва дигар масъалаҳои ҷорӣ мавриди муҳокимаронӣ қарор дода шуд.
Нахуст, дар ҷаласа фармоиши Вазири маориф ва илми Ҷумҳурии Тоҷикистон дар бораи таъин гардидани Одиназода Латофат Амиршо, ба вазифаи директори Муассисаи давлатии Коллеҷи омӯзгории Донишгоҳи давлатии Кӯлобро ба ҳозирин расонида шуд.
Сипас, аз рӯи масъалаи дуюми рӯзномаи маҷлис роҳбари дастгоҳи раиси шаҳр Абдуллоев Файзулло оид ба супоришҳои дар маҷлиси қаблӣ додашуда ҳисобот дод.
Ҳамзамон дар кори ҷаласа вобаста ба рафти даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон гузориши муовини раиси шаҳри Кӯлоб Орзу Ҳамидиён шунида шуд.
Роҳбарияти шаҳри Кӯлоб Назарзода Бахтиёр Худоёр ба масъулини мақомоти иҷроияи ҳокимияти давлатии шаҳри Кӯлоб ва комиссариати ҳарбӣ оид ба ҷалби ҷавонписарони синни даъваташон 1995-2004 ба курсҳои кӯтоҳмуддати ронандагӣ, гузаронидани корҳои фаҳмондадиҳӣ бо волидайни ҷавонон ҷиҳати сафарбарнамоии ҷавонони ихтиёрӣ ба сафи Қувваҳли Мусаллаҳи Ҷумҳурии Тоҷикистон дастуру супоришҳо мушаххас доданд.
Тибқи банди чорум ва панҷуми рӯзнома маҷлис мудири шуъбаи меъморӣ ва шаҳрсозии мақомоти иҷроияи ҳокимияти давлатии шаҳри Кӯлоб Аҳмадзода Қурбон ва мудири шуъбаи бахши фарҳанг Зокирзода Раҳмон оид ба рафти корҳои омодагӣ дар иншоотҳои ҷашнӣ ва дар бораи рафти иҷрои нақшаи чорабиниҳои мақомоти иҷроияи ҳокимияти давлатии шаҳри Кӯлоб вобаста ба истиқболи ҷашни 31- солагии Истиқлолияти давлатии Ҷумҳурии Тоҷикистон ҳисобот пешниҳод намуданд.
Дар идомаи кори ҷаласаи муовини якуми раиси шаҳри Кӯлоб Ташрифзода Мунавваршо оид ба рафти амалишавии қарори раиси шаҳри Кӯлоб аз 19 майи соли 2022, №222 “Дар бораи сари вақт омода намудани соҳаҳои иқтисодиёт ва иҷтимоиёти шаҳру деҳоти Кӯлоб барои фаъолияти мунтазам ва самарбахш дар давраи тирамоҳу зимистони солҳои 2022-2023” ҳисобот дод. Номбурда оид ба раванди муассисаҳои соҳаи маорифу тандурустӣ, фарҳанг, шабакаҳои барқӣ, хоҷагиҳои камуналӣ ва дигар сохторҳо ҳисоботи муфассал пешниҳод кард. Зимни ҷаласа роҳбарияти мақомоти иҷроияи ҳокимияти давлатии шаҳри Кӯлоб ба масъулин оид ба фаъолияти дурусти системаҳои гармидиҳии муассисаҳои маориф, тандурустӣ, фарҳанг ва дигар ташкилоту муассисаҳо дастурҳои мушаххас дода шуд.
Зикр намуд, ки ҷавобан ба ғамхорӣ ва дастгириҳои бевоситаи Асосгузори сулҳу ваҳдати миллӣ, Пешвои миллат, Президенти ҶумҳурииТооҷикистон ҳар яки моро мебояд корро боз ҳам беҳтару хубтар намоем.
Ҳамчунин дар кори ҷаласа масъалаҳо оид ба иҷроиши пардохти андоз ва дар сатҳи баланд баргузор намудани 31-солагии Истиқлолияти давлатии Ҷумҳурии Тоҷикистон мавриди баррасӣ қарор дода шуд.
Бахши матбуотии МИҲД-и шаҳри Кӯлоб
Санаи 1 сентябр Маросими ифтитоҳи мактабҳои нав бо иштироки Президенти Ҷумҳурии Тоҷикистон муҳтарам Эмомалӣ Раҳмон ва Президенти Федератсияи Русия муҳтарам Владимир Путин ба таври маҷозӣ сурат гирифт.
Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар маросими ифтитоҳи 5 мактаби миёнаи русӣ дар Ҷумҳурии Тоҷикистон иштирок ва суханронӣ карданд.
Нахуст оид ба охирин омодагиҳо ба расми ифтитоҳи муассисаҳои нави таълимӣ дар шаҳрҳои Душанбе, Кӯлоб, Хуҷанд, Бохтар ва Турсунзодаи Ҷумҳурии Тоҷикистон Вазири маориф ва илми Ҷумҳурии Тоҷикистон Раҳим Саидзода ва Вазири маорифи Федератсияи Русия Сергей Кравтсов маълумот доданд.
Ба Сарони давлатҳо ва дигар иштирокчиёни маросими ифтитоҳи мактабҳои наву замонавӣ оид ба ҷараёни татбиқи лоиҳаҳои бунёди муассисаҳои таълимӣ видеофилми кутоҳ пешкаш карда шуд.
Бояд қайд кард, ки дар шаҳри Кӯлоб аз ҳисоби заминҳои қисми ҳарбии 13483 “Б” барои сохтмони Муассисаи таҳсилоти миёнаи умумии таҳсилоташ бо забони русӣ барои 1224 хонанда дар асоси розигии Вазорати мудофиаи Ҷумҳурии Тоҷикистон майдони умумии 3 га замин дар асоси қарори раиси шаҳри Кӯлоб аз 24 майи соли 2018, №289 ҷудо гардида ва бо шаҳодатнома дар бораи бақайдгирии давлатӣ таъмин гардидааст.
Корҳои сохтмонӣ дар муассисаи таҳсилоти миёнаи умумии таҳсилоташ бо забони русӣ барои 1224 хонанда, воқеъ дар хиёбони Исмоили Сомонӣ соли 2021 оғоз гардид.
Дар маросими ифтитоҳи он ҳамчунин раиси шаҳри Кӯлоб Назарзода Бахтиёр ва дигар шахсони масъул иштирок доштанд.
Сипас, дар маросими ифтитоҳи 5 мактаби нави русӣ Президенти Ҷумҳурии Тоҷикистон муҳтарам Эмомалӣ Раҳмон ва Президенти Федератсияи Русия муҳтарам Владимир Путин бо нутқи пурмуҳтаво оид ба ҳолати кунунӣ ва дурнамои равобити ду кишвар, бахусус дар бораи самараи ҳамкориҳои судманд дар соҳаи илму маориф суханронӣ карданд.
Баъди суханронӣ Сарони давлатҳо муҳтарам Эмомалӣ Раҳмон ва муҳтарам Владимир Путин дар вазъияти тантанавӣ барои буридани лентаи рамзӣ ва ба фаъолият оғоз кардани мактабҳои наву замонавии русӣ дар шаҳрҳои Душанбе, Кӯлоб, Хуҷанд, Бохтар ва Турсунзодаи Ҷумҳурии Тоҷикистон иҷозат доданд.
Бахши матбуотии МИҲД-и шаҳри Кӯлоб
Подкатегории
Шабакаҳои иҷтимоӣ
30-солагии Истиқлоли давлатии Ҷумҳурии Тоҷикистон
