Ҳуқуқ ва амният

          Дар Қисми ҳарбии 13483-и Вазорати мудофиаи Ҷумҳурии Тоҷикистон дар шаҳри Кӯлоб чорабинии бошукӯҳ бахшида ба истиқболи ҷашни 30-юмин солгарди Конститутсия Ҷумҳурии Тоҷикистон ва қабули савганди ҳарбии наваскарон баргузор гардид.
       Дар ин ҷашни пуршукӯҳ раиси шаҳри Кӯлоб муҳтарам Назарзода Бахтиёр Худоёр, роҳбарияти қисми ҳарбӣ, собиқадорон, фаъолон, волидайни наваскарон ва дигарон иштирок ва ба аёдати сарбозону афсарон ва диловарони Ватан омаданд.
          Дар оғоз раиси шаҳри Кӯлоб Назарзода Бахтиёр Худоёр афсарону сарбозонро ба ин муносибат аз номи раиси вилояти Хатлон муҳтарам Давлаталӣ Саид ва шахсан аз номи худ ва дар шахсияти онҳо тамоми ҳарбиёни ҷумҳуриро самимона муборакбод гуфта, сиҳатмандӣ, тенҷиву оромӣ, кушоиши кор ва дар фаъолияти минбаъда ҷиҳати таъмини ҳифзи марзу бум, суботи кишвар ва амнияти мамлакат комёбиҳои беназир таманно намуд.
         Тазаккур дода шуд, ки Конститутсия қонуни асосӣ буда, қувваи олии ҳуқуқӣ дорад ва асосҳои системаи сиёсӣ, ҳуқуқӣ, иқтисодӣ ва иҷтимоии давлатро муқаррар менамояд. Мусаллам аст, ки шиносномаи ҳар як давлати мустақил Конститутсияи он ба ҳисоб меравад. 30-сол муқаддам, халқи тоҷик ҳам, пас аз соҳибихтиёр гардидани Тоҷикистон, бори нахуст дар таърихи 6 ҳазорсолаи хеш, бо роҳи раъйпурсии умумихалқӣ Конститутсияи Ҷумҳурии Тоҷикистонро қабул намуд ва соҳиби бахтномаи худ шуд. Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ин рӯйдоди муҳими таърихиро чунин ифода карданд: «Конститутсия маҳсули андешаи миллӣ ва арзишҳои бунёдии халқи кишвар мебошад, зеро ин ҳуҷҷати сарнавиштсоз маҳз ба шарофати андешаву ҳуввияти миллӣ, таҳаммулгароӣ ва ҷасорату матонати мардуми дорои маърифати баланди ҳуқуқӣ қабул гардида, барои устувории пояҳои давлати мустақил мусоидат намуд».
         Конститутсияи Ҷумҳурии Тоҷикистон, ки дар бисёр лаҳзаҳои ҳассоси таърихи кишвар қабул шуда буд, давлати соҳибистиқлоли тоҷиконро аз нобудӣ наҷот дод ва миллати тоҷику тоҷикистониёнро аз парокандагӣ раҳоӣ бахшид. Ин ҳуҷҷати сарнавиштсоз, 30-сол боз барои таъмини сулҳи сартосарӣ, Ваҳдати миллӣ, амну осоиш ва рушди устувори Тоҷикистони азиз хизмати босазое карда истодааст. Ҳарчанд 30-сол барои таърих, муҳлати тӯлонӣ набошад ҳам, дар ин муддат Қонуни асосии давлати мо аз имтиҳонҳои ҷиддии ҳаётӣ гузашт ва собит карда тавонист, ки барои кулли мардуми Тоҷикистон дар ҳақиқат ҳуҷҷати тақдирсоз аст. Ёдовар мешавам, ки Конститутсия аз 10 боб ва 100 модда иборат мебошад. Боби дуюми он «Ҳуқуқ озодӣ, вазифаҳои инсон ва шаҳрванд» ном дорад. Дар моддаи 43-и ҳамин боби Конститутсия омадааст: «Ҳифзи Ватан, ҳимояи манфиатҳои давлат, таҳкими Истиқлолият, амният ва иқтидори мудофиавии он вазифаи муқаддаси шаҳрванд аст». Ана тибқи ҳамин муқаррароти Конститутсия Шумо афсарону сарбозони азиз, дар хизмати ҳарбӣ қарор доред ва онро бо сари баланду садоқатмандона ба пеш бурда истодаед.
          Мо ҳам бо истифода аз фурсати муносиб имрӯз тасмим гирифтем, ки ба аёдати Шумо омада, аз ҳолу аҳволи Шумо бохабар шавем. Баъди адои хизмат боз тибқи муқаррароти ҳамин Конститутсия барои муайян намудани роҳу равиши зиндагии ояндаи худ имкониятҳои ниҳоят фаррох Шуморо дар пешанд. Бо боварӣ ва умед гуфта шуд, ки афсарону сарбозон аз ин имкониятҳо самаранок истифода карда, дар оянда як шахсияти баруманди давлату ҷомеа мегарданд.
          Дар ҳамин роҳ ба ҳамаашон бурдбориву муваффақиятҳои беназир орзу карда шуд.
       Дар идома, ба наваскарон муроҷиат намуда изҳор доштанд, ки Шумо шахсиятҳои хеле хушиқбол ҳастед, ки дар рӯзи 30-юмин солгарди қабули Конститутсия қасами ҳарбӣ ёд мекунед. Ин рӯзи муборак тамоми умр дар лавҳи хотири Шумо боқӣ хоҳад монд.. Баъди ёд кардани қасами ҳарбӣ сарбози ҳақиқӣ мешавед. Бояд он қадар хуб хизмат кунед, ки баъди адои он, роҳбарияти қисми ҳарбӣ Шуморо танҳо ба некӣ ёдоварӣ кунад.
         Роҳбарияти мақомоти иҷроияи ҳокимияти давлатии шаҳри Кӯлоб дар фароварди сухан бори дигар сарбозону афсаронро ба муносибати 30-юмин солгарди Конститутсияи Ҷумҳурии Тоҷикистон бахтномаи миллат, шиносномаи давлату миллат шодбош гуфта, саодатмандию сарбаландӣ таманно намуд.
       Дар ин қисмат наваскароне, ки дар даъвати тирамоҳии имсола ба сафи Қувваҳои Мусалаҳи кишвар дохил шуданд дар назди давлату ҳукумат савганди садоқат ёд карданд. Ба падарону модарон ваъда доданд, ки хизмати аскариро бо сари балад адо карда, баҳри ҳифзи якпорчагии Ватани маҳбуб содиқ мемонанд.
         Дар идома наваскарон ва падару модарони онҳо суханронӣ намуда, аз дастгириҳои ҳамешагии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон изҳори сипос намуда, таъкид доштанд, ки имрӯз бо ифтихор мегӯем, Ватани мо тинҷу амон аст, зеро фарзандони мо дар фазои сулҳу оромии кишвар зери ҳидоятҳои созандаи Пешвои муаззами миллат муҳтарам Эмомалӣ Раҳмон хизмати Ватан-Модарро сарбаландона иҷро намуда истодаанд ва баъди анҷоми рисолати ватандорӣ бо сари баланд ба назди падару модари худ бармегарданд. Агар имрӯз фарзандони мо моро ҳимоят накунанд дигар ки мекунанд. Бо ҳамин мақсад падару модарон дар ҳақи Роҳбарияти Олии сиёсии кишвар ва фарзандони шуҷоъи Ватан дуои нек намуданд.
          Дар фарҷом аз ҷониби ҳунармандони шуъбаи фарҳанги мақомоти иҷроияи ҳокимияти давлатии шаҳри Кӯлоб дастагули суруду таронаҳои тоза пешкаши ҳозирин гардонида шуд.
 
                                                                                         Бахши бойгонӣ-матбуотии мақомоти иҷроияи ҳокимияти давлатии шаҳри Кӯлоб
Ҳуқуқ ва амният

          Дар доираи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар маҷлисгоҳи дастгоҳи раиси вилояти Хатлон дар шаҳри Кӯлоб вохӯрии Прокурори вилояти Хатлон, мушовири адлияи дараҷаи 1 Авазҷон Назарзода, раиси шаҳри Кӯлоб Назарзода Бахтиёр Худоёр ва намояндаи қароргоҳи раиси вилояти Хатлон дар шаҳри Кӯлоб Неъматзода Рустам бо иштироки васеъи сокинон, тамоми фаъолони мақомоти иҷроияи ҳокимияти давлатии шаҳру ноҳияҳои минтақаи Кӯлоб бахшида ба 30-юмин солгарди Рӯзи қабули Конститутсияи Ҷумҳурии Тоҷикистон ва эълон гардидани соли 2024 “Соли маърифати ҳуқуқӣ” доир гардид.

          Дар оғоз раиси шаҳри Кӯлоб Назарзода Бахтиёр Худоёр ҳозиринро ба ифтихори 30-юмин солгарди Конститутсияи Ҷумҳурии Тоҷикистон шодбош намуда, изҳор доштанд, ки бо ташаббуси созанда ва роҳнамунсози Пешвои муаззами миллат муҳтарам Эмомалӣ Раҳмон имрӯзҳо дар тамоми гӯшаву канори мамлакат дар фазои сулҳу оромии кишвар 30-юмин солгарди Конститутсияи Ҷумҳурии Тоҷикистон доир гардида истодааст, ки ин аз баланд будани сатҳи маърифати ҳуқуқии шаҳрвандон гувоҳӣ медиҳад.

          Дар идома таъкид гардид, ки маҳз бо қабул гардидани ин ҳуҷҷати тақдирсоз, миллати соҳибватани мо боз ба дастовардҳои назаррас ноил гардид. Зимнан изҳор доштанд, ки Асосгузори сулҳу ваҳдати миллӣ Пешвои миллат Президенти Ҷумҳурии Тоҷикистон муҳтарам Эмомалӣ Раҳмон дар Паёмашон ба Маҷлиси Олии Ҷумҳурии Тоҷикистон рӯзи 28 декабри соли 2023 пешниҳод намуданд, ки соли 2024 "Соли маърифати ҳуқуқӣ" эълон карда шавад. Бо Фармони Президенти мамлакат таҳти рақами 668 аз 30 декабри соли 2023, соли 2024 "Соли маърифати ҳуқуқӣ" эълон гардид.

         Мебояд тазаккур дод, ки ҳар як иқдом ё ташаббус барои расидан ба ягон матлаб ба миён меояд. Ҳадаф аз эълон гардидани соли 2024 "Соли маърифати ҳуқуқӣ" ин баланд бардоштани савияи дониши ҳуқуқии шаҳрвандон мебошад. Кишварҳое, ки бунёди давлати соҳибихтиёр, демократӣ ва ҳуқуқбунёдро пеша кардаанд, баланд бардоштани савияи донишҳои ҳуқуқии шаҳрвандонро вазифаи аввалиндараҷаи худ донистанд. Тоҷикистон ҳам дар ин миён наметавонад истисно бошад. Пешвои муаззами миллат муҳтарам Эмомалӣ Раҳмон дар Паёми болозикрашон таъкид намуданд, ки баланд бардоштани сатҳи маърифати ҳуқуқии аҳолӣ омили асосии эъмори давлати ҳуқуқбунёди ҷомеаи шаҳрвандӣ мебошад.

          Дар доираи "Соли маърифати ҳуқуқӣ" дар давраи сипаришудаи соли равон якчанд вохӯриҳову мулоқотҳо бо мутахассисони варзидаи соҳаи ҳуқуқи ҷумҳурӣ анҷом дода шуд ва имрӯз Прокурори вилояти Хатлон, мушовири адлияи дараҷаи 1 Авазҷон Назарзода тасмим гирифтааст, ки бо мову шумо вохӯриву мулоқот анҷом дода, атрофи паҳлӯҳои алоҳидаи Конститутсия ва қонунгузориҳои амалкунанда сӯҳбат намоянд ва боварӣ дорем, ки ин вохӯрӣ ҳадафмандона буда, боз ҳам сатҳи дониши ҳуқуқии шаҳрвандон боло бурда мешавад.

         Зимни баромади худ Прокурори вилояти Хатлон, мушовири адлияи дараҷаи 1 Авазҷон Назарзода дар оғоз таъкид доштанд, ки ҷамъ шудани тамоми масъулини соҳаҳои гуногуни ҷомеа ин аз баланд будани сатҳи дониши ҳуқуқии шаҳрвандон ва эҳтироми онҳо нисбати Конститутсияи Ҷумҳурии Тоҷикистон мебошад, ҳамзамон иброз гардид, ки вазъи зудтағйирёбандаи ҷаҳон нишон медиҳад, ки бояд ҳар як сокини Ҷумҳурии Тоҷикистон бо иродаи қавии ватандорӣ, ҳувияти миллӣ ва ҳифзу эҳтироми арзишҳои милливу давлатдорӣ баҳри таҳкими истиқлолу озодӣ масъулияти аввалиндараҷа дошта бошад. Бахусус насли наврасу ҷавон бояд аз ҳама қишрҳои ҷомеа бештар фаъол бошанд, ташаббусҳои созанда пешниҳод намоянд, рамзҳои давлатӣ, муқаддасоти миллӣ ва дастовардҳои истиқлолро ҳифз кунанд, дар ҳаёти сиёсиву иҷтимоии Тоҷикистони азиз бо дасту дили гарм ва нерӯи бунёдгарона ширкат варзанд, амнияти давлат ва шарафу номуси ватандориро ҳимоя карда, худро аз ҳама хавфу хатарҳои номатлуби ҷаҳони муосир эмин нигоҳ дошта, парчамбардори ин сарзамин, марзу бум ва мамлакати муқаддасамон бошанд”.

          Дар идомаи вохӯрӣ иброз гардид, ки Тоҷикистон аз соли 1929 то имрӯз, 5 маротиба, солҳои 1929, 1931, 1937, 1978 ва 1994 Конститутсия қабул кардааст. Конститутсияи амалкунанда аз конститутсияҳои гузашта куллан фарқ дошта, меъёрҳои он мустақиман амал намуда, ба талаботи санадҳои меъёрӣ-ҳуқуқии байналмилалӣ ҷавобгӯ мебошад.

         Чи гунае, ки ба мо маълум аст, санаи 10 декабри соли 1948 аз ҷониби Ассамблеяи генералии Созмони Миллали Муттаҳид Эъломияи ҳуқуқи башар қабул гардидааст, ки иҷрои он барои ҳама давлатҳои аъзои СММ ҳатмӣ мебошад.

          Меъёрҳои Конститутсияи Ҷумҳурии Тоҷикистон аз 6 ноябри соли 1994 ба стандартҳои байналмилалии ҷаҳонӣ ҷавобгӯ буда, аз меъёрҳои Эъломияи ҳуқуқи башар сарчашма гирифтааст.

         Ҷумҳурии Тоҷикистон бо қабули Конститутсия роҳу раванди сиёсӣ, иқтисодӣ ва иҷтимоиро пурра муайян намуд. Ба дигар маъно, халқи тоҷик бо Роҳбарии Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон тақдирашро ба дасти хеш навишт ва ба сӯи ояндаи дурахшон устуворона гом мезанад.

         Таъкид гардид, ки мақсади гузарондани вохӯрии мазкур пешгирӣ намудани шомилшавии ҷавонон ба ҳизбу ҳаракатҳои номатлуб, тарғиби либоси миллӣ, ҳамзамон риоя ва иҷрои қонунҳои амалкунандаи Ҷумуҳурии Тоҷикистон мебошад.

        Инчунин дар ин вохурӣ доир ба мафҳуму моҳияти маърифати ҳуқуқӣ, санадҳои меъёрии ҳуқуқӣ дар самти таълим ва тарбияи ҳуқуқии шаҳрвандон, зарурияти санадҳои меъёрии ҳуқуқӣ, зарурияти риояи бечунучарои талаботҳои қонун ва дигар санадҳои меъёрии ҳуқуқӣ, моҳияти терроризму экстремизм, ҳадафҳои ғаразноки ҳизбу ҳаракатҳои ифротӣ, пешгирии шомилшавии ҷавонон, муҳоҷирон ба гурӯҳҳои ғайриқонунӣ, истифодаи дурусти телефонҳои мобилӣ ва шабакаҳои иҷтимоӣ ва дигар масъалаҳои мавриди баррасӣ қарор дода шуд.

         Дар охири ҷамъомад ҳозирин фикру андешаҳои худро дар бораи экстремизм ва терроризм, шомилшавии иддае аз ҷавонони аз илму маърифат дарканормонда ба гурӯҳҳои ифротгаро баён дошта, аз аҳли толор даъват ба амал оварданд, ки дар чунин вазъият бо дарки масъулияти баланди таърихӣ ва рисолати шаҳрвандӣ мо вазифадорем, ки истиқлоли миллӣ ва осоиштагии ҷомеаи худро аз чунин омилҳои хатарзо ва таъсири қувваҳои моҷароҷӯ эмин нигоҳ дорем.

        Дар интиҳои вохӯрии мазкур роҳбарияти мақомоти иҷроияи ҳокимияти давлатии шаҳри Кӯлоб ҷиҳати роҳандозӣ намудани чунин вохӯрии судманд ба Прокурори вилояти Хатлон изҳори сипос намуда, изҳор доштанд, ки ҳар як сокини кишвар аз ҷумла сокинони шаҳри Кӯлоби бостонӣ ҷиҳати амалӣ гардидани сиёсати созандаву бунёдкоронаи Пешвои муаззами миллат муҳтарам Эмомалӣ Раҳмон содиқонаву софдилона хизмат менамоянд.

                                                                                   Бахши бойгонӣ-матбуотии мақомоти иҷроияи ҳокимияти давлатии шаҳри Кӯлоб

Ҳуқуқ ва амният

         Санаи 6 июни соли 2024 дар толори мақомоти иҷроияи ҳокимияти давлатии шаҳри Кӯлоб бо иштироки роҳбари Гурӯҳи кории Ҳукумати Ҷумҳурии Тоҷикистон дар шаҳри Кӯлоб, Вазири нақлиёти Ҷумҳурии Тоҷикистон муҳтарам Азим Иброҳим, раиси шаҳри Кӯлоб Назарзода Бахтиёр Худоёр, роҳбарони мақомоти ҳифзи ҳуқуқ дар шаҳру минтақаи Кӯлоб, инчунин муовинони раиси шаҳри Кӯлоб мулоқот доир гардид. Зимни баромад роҳбари Гурӯҳи корӣ дар шаҳри Кӯлоб, Вазири нақлиёти Ҷумҳурии Тоҷикистон муҳтарам Азим Иброҳим баромад намуда, изҳор доштанд, ки мо имрӯз дар доираи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон вохӯрии навбатии худро роҳандозӣ намуда, ҳамзамон он дастуру супоришҳое, ки Пешвои муаззами миллат муҳтарам Эмомалӣ Раҳмон, ки санаи 9 марти соли ҷорӣ бо фаъолон, аҳли зиё ва ходимони дин доир гардид, маншаъ гирифт. Бори дигар он нуқтаҳои муҳиме, ки Пешвои муаззами миллат муҳтарам Эмомалӣ Раҳмон зимни баромадашон ироа доштанд, мавриди омӯзиш ва корбариву коргузорӣ дар фаъолияти минбаъдаи кории ҳар кадоми мову шумо истифода бурда мешавад. Ҳамзамон таъкид намуданд, ки имрӯз мо бояд зимни вохӯриҳое, ки дар сатҳи ҷамоатҳои шаҳру деҳот, ташкилоту муассисаҳо, марказҳои савдо ва кӯчаву маҳаллаҳо ташкил ва баргузор менамоем, бояд пеш аз ҳама аз дастовардҳои соҳибистиқлолӣ, ваҳдати сартосарӣ ва фазои сулҳу оромии кишвар, ки бо талошу заҳматҳои шабонарӯзии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва мардуми шарафманди Тоҷикистони азиз ба даст омадааст, миёни мардум бо далелҳои мушаххас баромад намоем. Моҳияти истиқлоли давлатиро фаҳмонем, зеро имрӯз шаҳрвандони мо, аз ҷумла насли замони истиқлолият ба таълиму тарбия ниёз дошта, онҳоро мебояд дар рӯҳияи ватандӯстиву хештаншиносӣ тарбия намоем.
          Инчунин дар пиёда сохтан ва татбиқ намудани сиёсати созандаву бунёдкоронаи Пешвои муаззами миллат муҳтарам Эмомалӣ Раҳмон ва риоя намудани Қонунҳои Ҷумҳурии Тоҷикистон "Дар бораи масъулияти падару модар дар таълиму тарбияи фарзанд", "Дар бораи танзими анъана ва ҷашну маросимҳо дар Ҷумҳурии Тоҷикистон", "Дар бораи озодии виҷдон ва иттиҳодияи динӣ", ҳамзамон тарғиби либоси миллӣ аз ҷумла чакан ва адрас, ки дар рӯйхати мероси ғайримоддии ЮНЕСКО ворид гардидааст, корҳои фаҳмондадиҳиро пурзур намоем. Зимни баромад таъкид доштанд, ки мо дар вақти вохӯриҳо албатта шахсони донишманд аз ҳисоби нафароне, ки миёни аҳолӣ обрӯ ва нуфузи бештар доранд, дар тамоми масъалаҳои болозикр ҷалб намоем, зеро ҳамин шахсиятҳои донишманд ва рӯзгордида аз масъалаҳои мазкур ба хубӣ огоҳӣ доранд ва метавонанд мардумро ба роҳи расидан ба зиндагии боз ҳам шоиста роҳнамоӣ намуда, фарҳанги оиладорӣ, дӯст доштани Ватан, эҳтиром ба арзишҳои миллӣ, роҳ надодан ба фарҳанги бегона ва дигар масъалаҳоро ба миён гузоранд.
          Дар идома, вобаста ба эълон гардидани соли 2024 "Соли маърифати ҳуқуқӣ" аз роҳбарони мақомотҳои ҳифзи ҳуқуқ даъват ба амал оварда шуд, ки барои боз ҳам баланд бардоштани сатҳи баланди маърифати ҳуқуқии шаҳрвандон дар баробари баргузории вохӯриҳо, инчунин тавассути телевизиони Кӯлоб суҳбатҳо доир намоянд ва боварӣ дорем, ки ин самараи хуб ба бор меоварад, изҳор доштанд роҳбари Гурӯҳи корӣ дар шаҳри Кӯлоб, Вазири нақлиёти Ҷумҳурии Тоҷикистон Азим Иброҳим.
        Дар идома, роҳбарони мақомотҳои ҳифзи ҳуқуқ изҳор намуданд, ки фаъолияти мо дар ҳамбастагӣ бо мақомоти иҷроияи ҳокимияти давлатии шаҳри Кӯлоб хуб ба роҳ монда шуда, ҷиҳати волоияти қонун ва дигар масъалаҳое, ки имрӯз аз ҷониби Роҳбарияти Олии сиёсии кишвар муҳтарам Эмомалӣ Раҳмон дода мешавад, саривақт иҷро мегардад ва мо тамоми масъулияти худро ба он равона менамоем, ки бисёртар корҳои назаррасро миёни аҳолӣ, аз ҷумла ҷавонону наврасон роҳандозӣ намоем.
        Дар интиҳо, раиси шаҳри Кӯлоб Назарзода Бахтиёр Худоёр ҷиҳати иштирок ва боз якбори дигар расонидани дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба роҳбари Гурӯҳи корӣ дар шаҳри Кӯлоб, Вазири нақлиёти Ҷумҳурии Тоҷикистон муҳтарам Азим Иброҳим изҳори сипос намуда, ҳамзамон изҳор доштанд, ки мо масъулини мақомоти иҷроияи ҳокимияти давлатии шаҳри Кӯлоб дар якҷоягӣ бо роҳбарияти мақомоти ҳифзи ҳуқуқ тамоми чораҳои заруриро роҳандозӣ намуда, баҳри дар амал татбиқ намудани дастуру ҳидоятҳои созандаву бунёдкоронаи Пешвои муаззами миллат муҳтарам Эмомалӣ Раҳмон, роҳбари Гурӯҳи корӣ дар шаҳри Кӯлоб, Вазири нақлиёти Ҷумҳурии Тоҷикистон Азим Иброҳим ва раиси вилояти Хатлон Давлаталӣ Саид бо як масъулияти баланди ватандӯстӣ содиқонаву софдилона хизмат менамоем.
 
                                                                                                                              Бахши бойгонӣ-матбуотии МИҲД-и шаҳри Кӯлоб

Ҷустуҷӯ

Шабакаҳои иҷтимоӣ

facebook instagram youtube

30-солагии Истиқлоли давлатии Ҷумҳурии Тоҷикистон

nar rem nar rem nar rem nar rem nar rem nar rem nar rem nar rem nar rem nar rem

Ҷумҳурии Тоҷикистон, вилояти Хатлон, ш. Кӯлоб, хиёбони И. Сомонӣ №36 Адрес электронной почты защищен от спам-ботов. Для просмотра адреса в браузере должен быть включен Javascript.
TPL_BACKTOTOP