Санаи 24.11.2024 ба ифтихори Рӯзи Парчами давлатии Ҷумҳурии Тоҷикистон дар шаҳри Кӯлоб ҳамоиши мутантан ва роҳпаймоии идона баргузор гардид.
Дар чорабинии идона раиси шаҳри Кӯлоб Назарзода Бахтиёр Худоёр, ректори Донишгоҳи давлатии Кӯлоб ба номи Абуабдуллоҳи Рӯдакӣ, доктори илмҳои ҳуқуқшиносӣ, профессор Раҳмон Дилшод Сафарбек, масъулину кормандони ташкилоту муассисаҳои шаҳрӣ, кормандони ВАО-и кишвар, собиқадорону фаъолони соҳаҳои гуногун ва ҳамчунин дигар сокинони касбу кори гуногун фаъолона иштирок намуданд.
Пеш аз роҳпаймоии идона ҳайати меҳмонон ва иштирокдорони чорабинӣ ба хотири гиромидошт ва эҳтиром ба муқаддасоти миллӣ дар пояи Парчами давлатӣ, ки дар назди бинои мақомоти иҷроияи ҳокимияти давлатии шаҳри Кӯлоб қомат афрохтааст, гулчамбар гузоштанд.
Дар ин чорабинии фараҳбахш ва идона ҳазорон нафар шаҳрвандони синну соли гуногун бо шиору овезаҳо ва рӯҳияи болидаи идона, бо дарки рӯҳияи худогоҳиву худшиносӣ ва ифтихори ватандорӣ аз майдони марказӣ то Қасри фарҳанги ба номи Рустами Абдураҳими шаҳри Кӯлоб роҳпаймоӣ намуданд.
Пас аз роҳпаймоии идона дар Қасри фарҳанги ба номи Рустами Абдураҳими шаҳри Кӯлоб қисмати тантанавии ҳамоиш барпо гардид.
Дар оғози чорабинии тантанавӣ
раиси шаҳри Кӯлоб муҳтарам Назарзода Бахтиёр Худоёр иштирокдорон ва сокинони шаҳро ба муносибати Рӯзи Парчами давлатии Ҷумҳурии Тоҷикистон аз номи раиси вилояти Хатлон муҳтарам Давлаталӣ Саид табрик гуфта, изҳор намуданд, ки
боз як хизмати бузурги Иҷлосияи таърихию такдирсози 16-уми Шӯрои Олии Тоҷикистон аз он иборат аст, ки дар он Парчами миллии давлати соҳибистиқлолу соҳибихтиёри Тоҷикистон арзи ҳастӣ намуд. Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, дар иртибот ба ин масъалаи муҳим, дар яке аз суханрониҳои худ зикр намуданд, ки «Парчами давлатӣ ҳамчун нахустин рамзи давлати соҳибихтиёри тоҷикон, 24 ноябри соли 1992 дар Иҷлосияи 16-уми сарнавиштсози Шӯрои Олии кишвар, ки дар ҷараёни он тақдири давлатдории навини тоҷикон тарҳрезӣ гардида, роҳи таъмини сулҳу оромӣ, суботи сиёсӣ ва ваҳдати миллӣ, инчунин ба сӯйи ҳадафҳои умумӣ қадамҳои аввалин гузошта шуданд, қабул гардид». Боз ҳам тибқи таъкиди Сардори давлат «Бо мақсади гиромӣ доштани ин рамзи муқаддаси миллӣ 20-уми ноябри соли 2009 бо фармони Президенти мамлакат 24 ноябр — Рӯзи Парчами давлатии Тоҷикистон эълон гардид». Инак, соли 15-ум аст, ки мо ин санаи муҳимро таҷлил карда истодаем. Таъкид намуданд, ки кишварҳои муосири рӯйи замин дорои Парчам, Нишон ва Суруди миллианд. Дар моддаи 3-и Конститутсияи Ҷумҳурии Тоҷикистон низ зикр гардидааст, ки «Рамзҳои давлатии Тоҷикистон Парчам, Нишон ва Суруди миллӣ аст». Яъне парчам яке аз рукнҳои давлатдории ҳар як мамлакат мушаххас маҳсуб меёбад. Пешвои муаззами миллат низ ишора кардаанд, ки «дар ҷаҳони муосир соҳиби Парчами миллӣ будан яке аз рамзҳои асоситарини истиқлолу озодӣ мебошад». Мебояд таъкид намуд, ки ҳарчанд мо ҳамагӣ 32 сол муқаддам, Парчами давлати соҳибистиклолро қабул карда бошем ҳам, вале мардуми тоҷик ҳамчун миллати куҳанбунёд, яке аз қадимтарин парчамдорони олам аст. Маълум аст, ки парчамҳо таърихи беш аз 3000 сола доранд. Аввалин парчамҳо дар Чин, Миср ва Эрони қадим пайдо шудаанд. Аммо дар китоби муқаддаси Авесто дар бораи парчамҳои Бохтари қадим ва диравши душманони он маълумот дода шудааст. Парчаму диравш вожаҳои қадимаи тоҷикӣ мебошанд. Яъне, ин далел гувоҳи он аст, ки мардуми тоҷик ҷиҳати пайдоиши Парчам ҳамчун муқаддасот ва рамзи давлатдорӣ ҳам барои инсонияту кишварҳои олам ҳиссаи арзанда дорад. Парчами давлатии Тоҷикистон нишон аз давлату давлатдорӣ, иттиҳоду иттифоқи миллати тоҷик аст, рамзи қудрату тавоноӣ, ифтихор аз ватану ватандорӣ ва муқаддасоти миллии мост, ки дар худ ормонҳои дирӯзу имрӯз ва фардои дурахшони миллати соҳибтамаддуну шарафманди тоҷикро ифода менамояд. Агар забон, қалби миллат бошад, Парчам сари баланди халқ аст. Чунки дар ҳарҷое Парчам афрохта шавад, мардум бо сари баланд ба сӯйи он менигаранд ва дар вуҷудашон ифтихори ватандорӣ дучанд аланга мезанад. Боиси қаноатмандиву ифтихори ҳар яки тоҷику тоҷикистонист, ки имрӯз дар қатори Парчами дигар кишварҳои олам, дар назди иморати Созмони Милали Муттаҳид, Парчами давлатии Тоҷикистони соҳибистиқлолу соҳибифтихор низ парафшонӣ дорад. Бо назардошти гуфтаҳои боло, зарур медонам таъкид намоям, ки Парчам ва бузургдошти он барои ҳар як сокини мамлакат муқаддас аст. Ҷаноби Олӣ ҳам таъкид намудаанд: «Мо вазифадорем, ки Парчами миллии худро ҳифз намоем, эҳтироми онро ҳамчун нишони давлатдории миллӣ, истиқлолу озодӣ ва арзиши бебаҳои миллӣ ба ҷо орем». Бигузор Парчами давлатии Тоҷикистон чун рамзи ифтихору човидонии миллат, саодатмандии халқ ва кишвари соҳибистиқлоламон то абад парафшон бошад.
Чист парчам? Ифтихори миллат аст, Чист парчам? Иқтидори миллат аст.
Ҷуз парчам нест тоҷикро нишон,
Чист парчам? Эҳтироми миллат аст.
Дар идома ректори Донишгоҳи давлатии Кӯлоб ба номи Абуабдуллоҳи Рӯдакӣ, доктори илмҳои ҳуқуқшиносӣ, профессор Раҳмон Дилшод Сафарбек доир ба арзиш ва гиромидошти Парчами давлатӣ суханронӣ намуда, иброз дошт, ки Парчами давлатии мо, ки бо тобиши рангҳои сурх ҳамчун рамзи озодиву истиқлол, сафед — сулҳу оромӣ, сабз — ободию хуррамӣ ва тоҷи соҳибдавлатӣ бо ҳафт ситораи дурахшон инъикоси тамаддуни оламгир, фарҳанги деринбунёди давлатдорӣ, масири пуршарафи ватанхоҳӣ ва қаҳрамониҳои фарзандони ҷонфидои миллат, шоҳкориҳои илму фан ва шаҳрсозию тинати ободкорию созандагии мардуми мо мебошад, таҳти сиёсати хирадбунёду сулҳҷӯёнаи Пешвои муаззаму маҳбуби миллат муҳтарам Эмомалӣ Раҳмон дар марҳилаи навини давлатдории миллӣ моро ба дастовардҳои нодири сиёсию иқтисодӣ ва иҷтимоию фарҳангӣ ташвиқ намуд.
Ба қавли Шоири халқии Тоҷикистон Камол Насрулло, рангҳои сурху сафеду сабзи Парчами давлатӣ рангҳои ишқу умеду шукуфоиянд, рангҳои нишоту некию ҳимматанд, он рангҳои дурахшони зиндагиянд, ки аз онҳо мешавад ҳама рангҳои дигарро бунёд ниҳод. Парчами мо нишонаи муҳаббати мо ба башар, ба инсоният аст, ишора ва даъватест ба осоиштагӣ ва амонии тамоми сайёра. Парчами мо нишони руҳи бешикаст ва иродаи мустаҳками миллати мост, ки аз асрҳо, обу оташи маргбори замонаҳо, овардҳои хунини замонаҳо гузаштаю пойдор мондааст:
Эй, танида аз матои сад ҳазорон ҷисму ҷон!
Эй, фурӯғи ашку хуну ҳикмати озодагон!
Бо ҳазоронсола таърих аз пасат саф мекашем!
Мо туро чун ганҷи ҷони хеш дар каф мекашем!
Дар ҳамовозӣ бо ин таровишҳои қалби пуртуғёни шоири ватансаро таманнои онро мекунем, ки Парчами давлатии Тоҷикистони азиз ҳамчун рамзи бақои миллат, якпорчагии давлат, ваҳдату ҳамдилӣ, нангу номуси ватандорӣ ва муҳаббату садоқат ба Ватани аҷдодӣ то абад партавафшон ва роҳнамои наслҳои миллати сарафрозу соҳибтамаддун ба сӯйи қуллаҳои мақсуд бошад, таъкид дошт ректори донишгоҳ, профессор Раҳмон Дилшод Сафарбек дар идомаи суханронии хеш.
Ҳамзамон дар идомаи чорабинӣ ғолибони озмуни ҷумҳуриявии "Фурӯғи субҳи доноӣ китоб аст" дар доираи сиёсати маорифпарваронаи Пешвои муаззами миллат муҳтарам Эмомалӣ Раҳмон аз ҷониби роҳбарияти мақомоти иҷроияи ҳокимияти давлатии шаҳри Кӯлоб бо Диплом, Сипоснома ва туҳфаҳои хотиравӣ қадрдонӣ карда шуданд.
Қисмати дигари чорабинӣ бо барномаи ҳунарӣ ва фарҳангии омоданамудаи ҳунармандони Қасри фарҳанг ва сарояндагони машҳури ҷумҳурӣ аз қабили Зиёвиддини Нурзод, Сурӯш Холов, Нигора Холова ва дастаи ҳаҷвнигорони “Ғарибшо компания”, ки саршор аз суруду таронаҳои тараннумкунандаи сулҳу ваҳдат, дӯстӣ, бузургии сарзамини аҷдодӣ ва арҷгузорӣ ба муқаддасот ва рамзи давлатдориву ойини худшиносӣ-Парчами давлатии Ҷумҳурии Тоҷикистон, садо доданд.
Бахши бойгонӣ-матбуотии мақомоти иҷроияи ҳокимияти давлатии шаҳри Кӯлоб
Ҳамдиёрони азиз,
Боз як хизмати бузурги Иҷлосияи таърихию такдирсози 16-уми Шӯрои Олии Тоҷикистон аз он иборат аст, ки дар он Парчами миллии давлати соҳибистиқлолу соҳибихтиёри Тоҷикистон арзи ҳастӣ намуд. Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, дар иртибот ба ин масъалаи муҳим, дар яке аз суханрониҳои худ зикр намуданд, ки «Парчами давлатӣ ҳамчун нахустин рамзи давлати соҳибихтиёри тоҷикон, 24 ноябри соли 1992 дар Иҷлосияи 16-уми сарнавиштсози Шӯрои Олии кишвар, ки дар ҷараёни он тақдири давлатдории навини тоҷикон тарҳрезӣ гардида, роҳи таъмини сулҳу оромӣ, суботи сиёсӣ ва ваҳдати миллӣ, инчунин ба сӯйи ҳадафҳои умумӣ қадамҳои аввалин гузошта шуданд, қабул гардид». Боз ҳам тибқи таъкиди Сардори давлат «Бо мақсади гиромӣ доштани ин рамзи муқаддаси миллӣ 20-уми ноябри соли 2009 бо фармони Президенти мамлакат 24 ноябр — Рӯзи Парчами давлатии Тоҷикистон эълон гардид». Инак, соли 15-ум аст, ки мо ин санаи муҳимро таҷлил карда истодаем. Ба ин муносибат ҳамаи Шуморо ва тамоми мардуми Кӯлобшаҳри бостонӣ ва халқи Тоҷикистони азизро самимона табрику муборакбод мегӯям. Кишварҳои муосири рӯйи замин дорои Парчам, Нишон ва Суруди миллианд. Дар моддаи 3-и Конститутсияи Ҷумҳурии Тоҷикистон низ зикр гардидааст, ки «Рамзҳои давлатии Тоҷикистон Парчам, Нишон ва Суруди миллӣ аст». Яъне парчам яке аз рукнҳои давлатдории ҳар як мамлакат мушаххас маҳсуб меёбад. Пешвои муаззами миллат низ ишора кардаанд, ки «дар ҷаҳони муосир соҳиби Парчами миллӣ будан яке аз рамзҳои асоситарини истиқлолу озодӣ мебошад». Мебояд таъкид намуд, ки ҳарчанд мо ҳамагӣ 32 сол муқаддам, Парчами давлати соҳибистиклолро қабул карда бошем ҳам, вале мардуми тоҷик ҳамчун миллати куҳанбунёд, яке аз қадимтарин парчамдорони олам аст. Маълум аст, ки парчамҳо таърихи беш аз 3000 сола доранд. Аввалин парчамҳо дар Чин, Миср ва Эрони қадим пайдо шудаанд. Аммо дар китоби муқаддаси Авесто дар бораи парчамҳои Бохтари қадим ва диравши душманони он маълумот дода шудааст. Парчаму диравш вожаҳои қадимаи тоҷикӣ мебошанд. Яъне, ин далел гувоҳи он аст, ки мардуми тоҷик ҷиҳати пайдоиши Парчам ҳамчун муқаддасот ва рамзи давлатдорӣ ҳам барои инсонияту кишварҳои олам ҳиссаи арзанда дорад. Парчами давлатии Тоҷикистон нишон аз давлату давлатдорӣ, иттиҳоду иттифоқи миллати тоҷик аст, рамзи қудрату тавоноӣ, ифтихор аз ватану ватандорӣ ва муқаддасоти миллии мост, ки дар худ ормонҳои дирӯзу имрӯз ва фардои дурахшони миллати соҳибтамаддуну шарафманди тоҷикро ифода менамояд. Агар забон, қалби миллат бошад, Парчам сари баланди халқ аст. Чунки дар ҳарҷое Парчам афрохта шавад, мардум бо сари баланд ба сӯйи он менигаранд ва дар вуҷудашон ифтихори ватандорӣ дучанд аланга мезанад. Боиси қаноатмандиву ифтихори ҳар яки тоҷику тоҷикистонист, ки имрӯз дар қатори Парчами дигар кишварҳои олам, дар назди иморати Созмони Милали Муттаҳид, Парчами давлатии Тоҷикистони соҳибистиқлолу соҳибифтихор низ парафшонӣ дорад. Бо назардошти гуфтаҳои боло, зарур медонам таъкид намоям, ки Парчам ва бузургдошти он барои ҳар як сокини мамлакат муқаддас аст. Ҷаноби Олӣ ҳам таъкид намудаанд: «Мо вазифадорем, ки Парчами миллии худро ҳифз намоем, эҳтироми онро ҳамчун нишони давлатдории миллӣ, истиқлолу озодӣ ва арзиши бебаҳои миллӣ ба ҷо орем». Бигузор Парчами давлатии Тоҷикистон чун рамзи ифтихору човидонии миллат, саодатмандии халқ ва кишвари соҳибистиқлоламон то абад парафшон бошад.
Чист парчам? Ифтихори миллат аст, Чист парчам? Иқтидори миллат аст.
Ҷуз парчам нест тоҷикро нишон,
Чист парчам? Эҳтироми миллат аст.
Парчамат парафшон бод Тоҷикистони азиз! Рӯзи Парчами давлатии Тоҷикистон муборак ҳамдиёрони азиз.
Дар доираи сиёсати созандаву бунёдкоронаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, супоришҳои протоколии Роҳбари Гурӯҳи кории ҷумҳуриявӣ дар шаҳри Кӯлоб, Вазири нақлиёти Ҷумҳурии Тоҷикистон Азим Иброҳим, дастурҳои раиси вилояти Хатлон Давлаталӣ Саид ва раиси шаҳри Кӯлоб Назарзода Бахтиёр Худоёр санаи 19 ноябри соли 2024 дар толори мақомоти иҷроияи ҳокимияти давлатии шаҳри Кӯлоб бо соҳибкорони муваффақи шаҳру деҳоти Кӯлоб вохӯрии судманд баргузор гардид.
Дар вохӯрӣ муовини якум ва муовини раиси шаҳр оид ба соҳаи иқтисодиёт, сардорони Раёсатҳо, мудирони шуъбаву бахшҳои дахлдори дастгоҳи раиси шаҳр ва мақомоти иҷроияи ҳокимияти давлатии шаҳри Кӯлоб, мудири бахши муассисаи давлатии “Ташаккул ва рушди соҳибкорӣ” дар шаҳр ва як қатор соҳибкорони муваффақ иштирок намуданд.
Вохӯриро муовини якуми раиси шаҳри Кӯлоб Ташрифзода М. С. кушода қайд намуд, ки вохӯрии имрӯза баҳри вусъат бахшидани ҳамкориҳо ва саҳмгузорӣ дар корҳои ободонию созандагии шаҳр ба шумор меравад.
Ҳамзамон муовини якуми раиси шаҳр иброз дошт, ки Ҷумҳурии Тоҷикистон бо талошу заҳматҳои шабонарӯзии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон рӯз аз рӯз гулгуншукофон гардида, инчунин бо истифода аз захираю имкониятҳои мавҷуда ҳамаи он мушкилоти ҷойдошта тадриҷан бартараф гардида истода, Тоҷикистони соҳибистиқлол ба рушди иҷтимоию иқтисодӣ ноил гардид.
Қобили қайд аст, ки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба рушди соҳибкорӣ дар ҷумҳурӣ диққати аввалиндараҷа дода, пайваста чораҳои дахлдорро амалӣ менамояд. Дар пайравӣ бо Пешвои муаззами миллат таваҷҷуҳи мақомоти иҷроияи ҳокимияти давлатии вилояти Хатлон, аз ҷумла раиси вилояти Хатлон Давлаталӣ Саид оид ба рушди соҳибкорӣ дар вилояти Хатлон низ бештар буда, бо мақсади рушди соҳаҳои мухталифи вилоят пайваста бо соҳибкорон вохӯриҳо баргузор менамоянд.
Бояд зикр намуд, ки бо дастгирии бевоситаи муҳтарам Пешвои миллат дар ҷумҳурӣ иқтисодиёти бозорӣ роҳандозӣ гардида, бахши хусусӣ ва соҳибкорӣ дар ҷумҳурӣ рушд ёфта, сокинони кишвар соҳиби моликияти хусусӣ гардида, дар натиҷа сатҳу сифати зиндагии аҳолӣ сол аз сол баланд гардида истодааст.
Дар шаҳри Кӯлоб низ бо талошу заҳматҳои шабонарӯзии Пешвои муаззами миллат муҳтарам Эмомалӣ Раҳмон, Роҳбари Гурӯҳи кории ҷумҳуриявӣ дар шаҳри Кӯлоб, Вазири нақлиёти Ҷумҳурии Тоҷикистон Азим Иброҳим, раиси вилояти Хатлон Давлаталӣ Саид ва раиси шаҳри Кӯлоб Назарзода Бахтиёр Худоёр барои рушди соҳибкорӣ тамоми шароитҳо фароҳам гардида, дар ягон соҳа монеагӣ вуҷуд надорад.
Бояд қайд намуд, ки як қатор соҳибкорони бонангу номуси шаҳр низ барои ободии шаҳру деҳоти Кӯлоб саҳмгузорӣ намуда истодаанд, ки ин аз масъулияти баланди ватандӯстии онҳо шаҳодат медиҳад.
Ёдовар мешавем, ки ҳангоми вохӯрӣ бо Роҳбари Гурӯҳи кории ҷумҳуриявӣ, Вазири нақлиёти Ҷумҳурии Тоҷикистон муҳтарам Азим Иброҳим ва раиси шаҳри Кӯлоб Назарзода Бахтиёр Худоёр соҳибкорон бо ташаббусҳои созанда, барои саҳм гирифтан дар корҳои ободонию созандагӣ баромад карда, уҳдадориҳо гирифта буданд.
Аз ҷониби мақомоти иҷроияи ҳокимияти давлатии шаҳр оид ба рушди соҳаҳои мухталифи ҷомеа чораҳои зарурӣ амалӣ шуда истодааст.
Директори маъмурияти Минтақаи озоди иқтисодии Кӯлоб Абдуллозода М. дар баромадаш қайд намуд, ки дар Минтақаи озоди иқтисодии Кӯлоб тамоми имтиёзҳо барои соҳибкорон муҳайё гардида, дар муддати кӯтоҳ ба хоҳишмандон қитъаи замин ҷудо карда мешавад. Ҳамчунин барои ҷалби сармояи дохиливу хориҷӣ рӯзи 22 ноябри соли 2024 дар шаҳри Кӯлоб Форуми байналмилалӣ бо дастгирии Дастгоҳи Иҷроияи Президенти Ҷумҳурии Тоҷикистон ва Вазорати рушди иқтисод ва савдои Ҷумҳурии Тоҷикистон баргузор мегардад. Форум имконияти хубро барои пайдо намудани ҳамкор ва ҷалби сармоя фароҳам меорад ва бояд аз ин шароити мусоид истифода намуд.
Аз соҳибкорони шаҳр даъват ба амал оварда шуд, ки ҳамкориро бо мақомоти иҷроияи ҳокимияти давлатии шаҳри Кӯлоб ва дигар сохторҳои марбута зич ба роҳ монда, боз ҳам дар корҳои ободонию созандагӣ, аз ҷумла дар бартраф намудани камбудиҳои ҷойдошта дар соҳаҳои мухталифи шаҳр саҳмгузор бошанд.
Дар идома, як қатор соҳибкорон баромад карда иброз доштанд, ки сиёсати пешгирифтаи созандаву бунёдкоронаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро ҳамаҷониба дастгирӣ намуда, барои корҳои созандагиву бунёдкорӣ ва пешрафти шаҳр саҳми арзандаи хешро мегузоранд.
Дар фарҷоми вохӯрӣ, роҳбарияти мақомоти иҷроияи ҳокимияти давлатии шаҳр иброз доштанд, ки бо боварӣ гуфта метавонем, ки соҳибкорони бо нангу номуси шаҳру деҳоти Кӯлоб уҳдадориҳои худро бо сари баланд иҷро намуда, дар рушду нумуи шаҳри Кӯлоби бостонӣ саҳмгузор мешаванд.
Бахши бойгонӣ-матбуотии мақомоти иҷроияи ҳокимияти давлатии шаҳри Кӯлоб
Бахшида ба 32-солагии Иҷлосияи XVI-уми Шӯрои Олии Ҷумҳурии Тоҷикистон ва Рӯзи Президенти Ҷумҳурии Тоҷикистон дар толори Қасри фарҳанги шаҳри Кӯлоб бо иштироки раиси шаҳри Кӯлоб муҳтарам Назарзода Бахтиёр Худоёр, раис Телевизиони Кӯлоб Сафаралӣ Бозорзода, Раиси Кумитаи иҷроияи Ҳизби Халқии Демократии Тоҷикистон дар шаҳри Кӯлоб Сайвализода Салим, роҳбарони мақомоти ҳифзи ҳуқуқ ва фаъолони шаҳр доир гардид.
Боиси ифтихору сарфарозист, ки имрӯз дар рӯзи таҷлил аз Рӯзи Президенти Ҷумҳурии Тоҷикистон ба шуъбаи фарҳанги мақомоти иҷроияи ҳокимияти давлатии шаҳри Кӯлоб туҳфаҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз ҷониби раиси шаҳри Кӯлоб Назарзода Бахтиёр Худоёр ба аҳли кормандон ва ҳунармандони шуъбаи фарҳанги шаҳр тақдим гардид.
Сипас, намоиши китобҳои Пешвои муаззами миллат, ки дар даромадгоҳи Қасри фарҳанги шаҳри Кӯлоб омода гардида буд, ба маърази тамошо гузошта шуд.
Қисмати тантанавии чорабинӣ бо садо додани Суруди миллӣ оғоз гардида, баъдан раиси шаҳри Кӯлоб Назарзода Бахтиёр Худоёр меҳмонон ва сокинони шаҳри Кӯлобро ба ифтихори Рӯзи Президенти Ҷумҳурии Тоҷикистон ва Иҷлосияи 16-уми Шӯрои Олии Ҷумҳурии Тоҷикистон аз номи раиси вилояти Хатлон Давлаталӣ Саид ва мақомоти иҷроияи ҳокимияти давлатии шаҳри Кӯлоб самимона шодбош намуда, изҳор дошт, ки мутобиқи моддаи 2-и Қонуни Ҷумҳурии Тоҷикистон «Дар бораи рӯзҳои ид», рӯзи 16 ноябр ҳамчун Рӯзи Президенти Ҷумҳурии Тоҷикистон ҷашн гирифта мешавад. Ин санаи мубораку фархунда барои мардуми Тоҷикистон ва кулли тоҷикони ҷаҳонро ба ҳамаи Шумо ва дар шахси Шумо тамоми мардуми Кӯлобшаҳри бостонию Тоҷикистони ҷоноҷон самимона табрику муборакбод гуфта, ба ҳама сиҳатмандӣ, рӯзгори хушу хуррам, баракати кору зиндагӣ ва амну суботи абадиро таманно дорам.
Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон дар яке аз суханрониҳои худ ба мардуми Тоҷикистон муроҷиат ва таъкид намуданд, ки «Ман ҳамаи Шумо – халқи азизам ва хурду бузурги Тоҷикистонро сидқан дӯст медорам ва то нафаси вопасин ба Шумо содиқона хизмат мекунам». Пешвои муаззами миллат, Қаҳрамони Тоҷикистон аз лаҳзаҳои аввали ба сари қудрат омадан то ба ин дам бо ҷонбозиҳо ва хизматҳои бемислу монанди хеш, борҳо собит намуданд, ки дар ҳақиқат ғамхору пуштибони халқу миллатанд. Осмони софу хандаи беғаши тифлакон ва тантанаву сурур аз ҳамин рӯз ибтидо гирифт ва бо азму иродаи фарзандони сарсупурдаи миллат устувору побарҷо гардид.
Чаро маҳз 16 ноябр Рӯзи Президенти Ҷумҳурии Тоҷикистон муайян карда шудааст?
Насли калонсол нағз дар ёд дорад, ки 6 ноябри соли 1994 бори нахуст дар таърихи 6 ҳазорсолаи миллати тоҷик, аз тариқи раъйпурсии умумихалқӣ бори нахуст Конститутсияи Ҷумҳурии Тоҷикистон қабул карда шуд. Имсол 30-юмин солгарди ин рӯйдоди муҳими таърихиро дар мамлакат бо шукуҳу шаҳомати хоса таҷлил намудем. Дар ҳамон рӯз, яъне 6 ноябри соли 1994 инчунин интихоботи Президенти Ҷумҳурии Тоҷикистон баргузор гардида буд. Дар ҳамон интихобот Ҷаноби Олӣ бо аксарияти кулли овозҳо Президенти комилҳуқуқи Ҷумҳурии Тоҷикистон интихоб гардиданд. Рӯзи 16 ноябр ҳамчун Президенти тозаинтихоб савганд ёд намуда, ба иҷрои вазифаҳо шуруъ карданд ва дар мамлакат марҳилаи нави давлатдорӣ оғоз ёфт. Тибқи Конститутсияи давлати соҳибихтиёру соҳибистиқлоли Тоҷикистон, дар кишвар шакли нави идоракунии президентӣ ҷорӣ гардид.
Ҳангоми дар ин мансаби олии ҳокимияти давлатӣ ба фаъолият пардохтани Ҷаноби Олӣ, Тоҷикистон дар марҳилаи бисёр ҳасосу мураккаб қарор дошт. Кишвар ба хотима додани ҷанги шаҳрвандӣ, таъмини сулҳу суббот ва ваҳдату сарҷамъӣ ниёзманд буд. Рукнҳои давлатдорӣ муҳтоҷ ба барқароркунӣ буданд. Обру ва нуфузу мақоми Тоҷикистон мебоист дар арсаи байналмиллалӣ зина ба зина баланд бардошта шаванд. Ин ҳама ба салоҳиятнокиву фаъолияти Президенти Ҷумҳурии Тоҷикистон алоқаи ногусастанӣ дошт.
Дар тӯли солҳои сипаригашта муҳтарам Эмомалӣ Раҳмон ба ҳайси Сарвари давлати тоҷикон исбот намуданд, ки шахсияти таърихӣ, абармарди дунёи сиёсат ва фарзанди фарзонаи миллатанд. Зеро тавассути сиёсати хирадмандона, заҳмату талошҳои шабонарӯзӣ тавонистанд дар як муҳлати кӯтоҳи таърихӣ, сулҳу ваҳдати сартосарӣ ва оромиву суботро таъмин, миллатро сарҷамъ ва кишвари ҷангзадаву харобгаштаро дар роҳи рушд қарор диҳанд. Пояҳои давлатдориро мустаҳкам созанд. Фарҳанги сулҳофаринро муҷиби ҳайрати ҷаҳониён гардонанд. Ҳамчун ташаббускори ҳалли масъалаҳои глобалӣ дар саросари олам шуҳратёр шаванд.
Имрӯз кишвари мо дар арсаи ҷаҳонӣ соҳиби обруи бесобиқа гаштааст. Рушди мамлакат, ободию тинҷӣ ва сатҳи зиндагии мардум хеле боло рафтааст. Соли гузашта як ниҳоди бонуфуз бо номи «Гелап» аз Штатҳои Муттаҳидаи Амрико, дар натиҷаи як назарсанҷӣ Тоҷикистонро амнтарин кишвари олам эълон намуд. Худ қазоват кунед ҳозирини гиромӣ, ки мамлакати ҳамагӣ беш аз 30 сол пеш ҷангзада, ба туфайли заҳматҳои шабонарӯзӣ, сафарҳои хатарнок, гуфтугӯҳои мусолиҳатомези Пешвои муаззаму хирадсолори миллат, имрӯз дар садри кишварҳои амни олам қарор гирифтааст. Ин дастоварди бениҳоят бузург аст ва бояд боиси шукргузории хурду бузурги ин сарзамини биҳиштосо бошад.
Бо назардошти хизматҳои болозикри Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, 15 апрели соли 2016 Вакилони Маҷлиси намояндагони Маҷлиси Олии Ҷумҳурии Тоҷикистон пешниҳоди Ҳукумати Ҷумҳурии Тоҷикистонро дар мавриди ворид намудани илова ба Қонуни Ҷумҳурии Тоҷикистон «Дар бораи рӯзҳои ид» баррасӣ ва қабул карданд. Тибқи ҳамин илова, шуруъ аз соли 2016 ҳамасола 16 ноябр дар Ҷумҳурии Тоҷикистон ҳамчун Рӯзи Президенти Ҷумҳурии Тоҷикистон бидуни истироҳат таҷлил карда шуда истодааст.
Мардуми шарафманди Тоҷикистон Рӯзи Президенти Ҷумҳурии Тоҷикистонро ҳамчун ҷашни фархунда, чун рамзи садоқат ба Президент – садоқат ба Ватан ҷашн мегиранд.
Дар охир Рӯзи Президенти Ҷумҳурии Тоҷикистонро ба ҳамаатон бори дигар шодбош гуфта, сарбаландию саодатмандӣ орзумандам.
Суханони худро бо мисраҳои зебои шеъри шоир ҳусни анҷом мебахшам:
Ҷавониро фидо кардам, диёрам то ҷавон бошад,
Гузаштам борҳо аз ҷон, ки ҷонаш дар амон бошад.
Чу аз ҳар ҷонибе сӯи Ватан боди хазон омад,
Баҳорамро сипар кардам, ки эмин аз хазон бошад..
Саломату сарбаланд бошед ҳамдиёрони азиз.
Дар идома директори Телевизиони Кӯлоб Бозорзода Сафаралӣ, раиси Кумитаи иҷроияи Ҳизби Халқии Демократии Тоҷикистон дар шаҳри Кӯлоб Салимзода Салим ва номзади илмҳои таърихи Донишгоҳи давлатии Кӯлоб ба номи Абуабдуллоҳи Рӯдакӣ Сафаров Холмад доир ба таърихи Иҷлосияи 16 - уми Шӯрои Олии Ҷумҳурии Тоҷикистон ва Рӯзи Президенти Ҷумҳурии Тоҷикистон сухан гуфта, ҳозиринро ба ин санаи муҳими таърихӣ сидқан шодбош намуданд.
Инчунин аз ҷониби шуъбаи фарҳанг ба роҳбарияти мақомоти иҷроияи ҳокимияти давлатии шаҳри Кӯлоб дар доираи Аксияи "Тоҷикистон бо Пешвои миллат ба пеш" расми Пешвои муаззами миллат муҳтарам Эмомалӣ Раҳмонро тақдим намуданд.
Ҳамзамон аз ҷониби ҳунармандони вилоят, ҷумҳурӣ ва шаҳри Кӯлоб чорабинии фарҳангии идона, ки тараннумгари Ватандорӣ буд пешниҳоди меҳмонон гардонида шуд.
Бахшида ба Рӯзи Президенти Ҷумҳурии Тоҷикистон аз тарафи бахши кор бо ҷавонон ва варзиши шаҳри Кӯлоб ба роҳбарияти мақомоти иҷроияи ҳокимияти давлатии шаҳри Кӯлоб, мақомоти ҳифзи ҳуқуқ ва ташкилоту муассисаҳо ҳамчун рамзи эҳтиром аксҳои сарисинагии Роҳбари давлат тӯҳфа гардид, ки ифодагари эҳтиром ва пос доштани заҳматҳои ин абармарди дунёи сиёсат хоҳад буд.
Бахши бойгонӣ-матбуотии мақомоти иҷроияи ҳокимияти давлатии шаҳри Кӯлоб
Подкатегории
Шабакаҳои иҷтимоӣ
30-солагии Истиқлоли давлатии Ҷумҳурии Тоҷикистон
