Дар доираи ҳидоятҳои созандаву бунёдкоронаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, раиси вилояти Хатлон Давлаталӣ Саид дар доираи омодагиҳо ба ҷашни 35-солагии Истиқлоли давлатии Ҷумҳурии Тоҷикистон бо роҳнамоиҳои роҳбари гуруҳи кории Ҳукумати Ҷумҳурии Тоҷикистон, Вазири нақлиёти Тоҷикистон Азим Иброҳим бо ташаббуси соҳибкорон ва худи сокинони деҳа 25 км роҳи деҳаи Гулзори ҷамоати деҳоти Даҳанаи шаҳри Кӯлоб мумфарш мегардад.
Раиси шаҳри Кӯлоб Назарзода Бахтиёр Худоёр ва дигар шахсони масъул аз рафти оғози корҳо дар деҳаи зикргардида боздид намуда, ба сокинон ҷиҳати саҳмгузорӣ дар корҳои созандагию бунёдкорӣ, сарҷамъию муттаҳидӣ дастуру супориш ва тавсияҳои мушаххас доданд.
Ташаббускорон иқдом гирифтанд, ки дар оянда корҳои ободониву бунёдкориро дар дохили деҳаҳои ҷамоат идома диҳанд.
Ҳоло бо ҷалби мутахассисони роҳсоз ва худи сокинони деҳа кор бо суръати баланд идома дошта, ният доранд, ки дар муҳлати муайянгардида корро бо сифати баланд ба анҷом расонанд.
Бахши бойгонӣ-матбуотии МИҲД-и шаҳри Кӯлоб
Ҷиҳати иҷрои дастуру супоришҳои Сарфармондеҳи Олии Қувваҳои Мусаллаҳи Ҷумҳурии Тоҷикистон, генерал-артиш муҳтарам Эмомалӣ Раҳмон бо мақсади ҳимояи сарҳади давлатӣ, омодабошии ҷангӣ, тайёрии дастаҳои худмуҳофизати минтақаҳои мудофиаи ҳудудӣ, муҳофизати иншооти муҳимми давлатӣ, пешгирии хатарҳои диверсионию тахрибкорӣ аз ҷониби дастаҳои мусаллаҳ, ташкили хадамоти комендантӣ ва инчунин омодагии захираҳои ҳайати афсарию шаҳрвандони дар эҳтиёт қарордошта дар варзишгоҳи шаҳри Кӯлоб омодагии мудофиаи ҳудудӣ доир карда шуд.
Дар чорабинии мазкур сардори Ситоди генералии Қувваҳои Мусаллаҳ- муовини якуми вазири мудофиа, генерал-майор Саидзода Бобоҷон, раиси шаҳри Кӯлоб Назарзода Бахтиёр Худоёр, намояндагони комиссариати ҳарбии вилояти Хатлон ва шаҳри Кӯлоб, роҳбарони ташкилоту идораҳои мақомоти низомию қудратӣ, кормандони ташкилоту муассисаҳо, шаҳрвандони дар эҳтиётбудаи шаҳрӣ ширкат варзиданд.
Раиси шаҳри Кӯлоб Назарзода Бахтиёр Худоёр дар баромади худ иброз намуданд, ки ҳадафи асосии баргузор намудани чунин чорабиниҳо пеш аз ҳама санҷиши омодабошии ҷангӣ, сафарбарӣ ва мудофиаи ҳудудӣ, ҳамзамон сайқал додани таҷрибаи ҳайати шахсии ширкаткунандагон, ҳамоҳангии сохторҳои низомии шаҳр дар сурати ба вуқуъ пайвастани хатарҳои эҳтимолӣ, санҷиши дурусти амалиётӣ-тактикӣ, вусъат додани қувва ва воситаҳои минтақаи мудофиаи ҳудудӣ, баланд бардоштани омодагии руҳиву равонӣ ва қобилияти ҷангиву ҷисмониро дар бар мегирад. Мо бояд ҳамеша баҳри пойдории сулҳу суботи комил дар кишвари маҳбуби худ омода бошем. Ин сарҷамъии мо худ нишони волотарин меъёри ватандорӣ, садоқатмандӣ ба миллат, нишони ҷавонмардии ҳар як соҳибватан мебошад.
Дар идомаи чорабинӣ аз тарафи Вазорати мудофиаи Ҷумҳурии Тоҷикистон ба як қатор волидайни наваскарон, ки дар қисмҳои ҳарбӣ хизмати Модар-Ватан доранд сипоснома супорида шуд.
Бахши бойгонӣ-матбуотии МИҲД-и шаҳри Кӯлоб
Дар толори мақомоти иҷроияи ҳокимияти давлатии шаҳри Кӯлоб оид ба иҷрои дастуру супоришҳои Асосгузори сулҳу ваҳдати миллӣ -Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, раиси вилояти Хатлон Давлаталӣ Саид, ҷамъбасти натиҷаҳои рушди иҷтимоию иқтисодии шаҳри Кӯлоб дар 5 моҳи соли 2025 ва омодагиҳо ҷиҳати арзанда ҷамъбаст намудани нимсолаи соли 2025 ҷамъомад баргузор гардид.
Нахуст масъулони соҳавӣ суханронӣ намуда, дарҷ намуданд, ки дар давраи сипаригардида аҳли заҳмати шаҳру деҳоти Кӯлоб натиҷаҳои рушди иҷтимоию иқтисодии шаҳрро бо нишондиҳандаҳои мусбат ҷамбаст намуда, баҳри дар амал татбиқ намудани дастуру супоришҳо ва самтҳои асосии Паёми Президенти Ҷумҳурии Тоҷикистон ба Маҷлиси Олии мамлакат саъю кушиш намуда истодаанд. Ҳамчунин дар чаласа ба масъулон, ҷиҳати бартараф намудани мушкилиҳо дар иншооти сохташаванда, вусъат бахшидан ба бунёди иншоотҳои ҷашнӣ, таъсиси ҷойҳои нави корӣ, дар ин замина ба кор ҷалб намудани сокинон ва беҳтар намудани сатҳи зиндагии аҳолии шаҳру дехоти Кӯлоб дастуру маслиҳатҳои муфид дода шуд.
Дар идомаи ҷамъомад раиси шаҳри Кӯлоб Назарзода Бахтиёр Худоёр, ҷиҳати иҷрои дастуру супоришҳои Мақомоти иҷроияи ҳокимияти давлатии вилояти Хатлон, иҷрои саривақтии нақшаи андоз, дуруст ба роҳ мондани фаъолияти мақомоти омор, рушди соҳаи саноат ва фароҳам овардани ҷойҳои нави корӣ, кишту истеҳсоли маҳсулоти кишоварзӣ, самаранок истифода бурдани ҳар як қитъа замин ва рӯёнидани ду-се ҳосил, корҳои ободонию созандагӣ, таъмири роҳҳои дохиливу байнишаҳрӣ, таъмини аҳолӣ бо оби нӯшокиву полезӣ, рушди соҳаи сайёҳӣ, ҷалби сармояи хориҷӣ, иваз намудани баннер ва лавҳаву навиштаҷотҳои шаҳр, ки яке аз воситахои муҳими таблиғкунандаи сиёсати созандаи давлату Ҳукумат мебошанд ба масъулон дастуру супоришҳои мушаххас доданд.
Дар фарҷом бо натиҷагирӣ аз нишондодҳои давраи ҳисоботӣ масъулонро ҷиҳати вусъат бахшидани корҳои ободониву созандагӣ ва шоиста истиқбол намудани ҷашни 35-солагии Истиқлоли давлатӣ муваззаф намуданд. Ҳамчунин дарҷ намуданд, ки дар партави сиёсати созандаву бунёдкоронаи Асосгузори сулҳу ваҳдати миллӣ -Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамаи моро мебояд тамоми кӯшишу ғайратро ба харҷ дода, дар ободу зебо гардонидани диёри хеш саҳмгузор бошем.
Бахши бойгонӣ-матбуотии МИҲД-и шаҳри Кӯлоб
Дар боғи фарҳангӣ-фароғатии ба номи Мир Сайид Алӣ Ҳамадонии шаҳри Кӯлоб бо иштироки муовини раиси шаҳри Кӯлоб Даминзода Арафамо, роҳбарони ташкилоту муассисаҳо ва дигар фаъолони шаҳр Рӯзи байналмилалии ҳифзи кӯдакон ботантана таҷлил гардид.
Қабл аз оғози чорабинӣ иштирокдорон аз намоиши , дастовардҳои муассисаҳои томактабӣ ташкил гардида, маҳсули меҳнати дастии хонандагони макотиби шаҳр– ғолибон ва иштирокдорони озмунҳо ба намоиш гузошта шуд дидан намуданд.
Сипас, чорабинии тантанавӣ бо сухани ифтитоҳии муовини раиси шаҳр Даминзода Арафамо оғоз гардида ҳамагонро бо фарорасии Рӯзи байналмилалии ҳифзи кӯдакон самимона табрику муборакбод намуда, осмони софу беғубор, хотири ҷамъ, саломатӣ ва хушбахтӣ таманно намуд.
Қайд гардид, ки бо шарофати сиёсати оқилона ва заковати хирадмандонаи Асосгузори сулҳу ваҳдати миллӣ -Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳифзу ҳимояи оила, кӯдак ва волидайн дар меҳвари давлатдории навини тоҷикон қарор дошта, рукни муҳими ҳаёти ҷамъиятӣ ба шумор меравад. Кӯдаконро хазинаи ояндабахши фардои зиндагӣ арзёбӣ намуда таъкид доштанд, ки кӯдакон бо истифода аз фазои орому осуда ва шароити хуби истироҳату таҳсил чун насли ояндасоз ба камол расида, Тоҷикистони азизамонро дар оянда низ чун кишвари соҳибтамаддун ва сарзамини сулҳу ормонҳои наҷиби инсонӣ муаррифӣ хоҳанд кард.
Дар идома ба як қатор роҳбарони муассисаҳои таҳсилоти томактабии шаҳри Кӯлоб барои саҳми арзанда гузоштан дар таълиму тарбияи насли наврас ва дар руҳияи ватандӯстиву хештаншиносӣ тарбия намудани кӯдакон Сипосномаи раиси шаҳри Кӯлоб дар вазъияти тантанавӣ тақдим карда шуд.
Баъдан, барои болидахотирии иштирокдорони чорабинӣ барномаи рангини фарҳангӣ аз ҷониби тарбиятгирандагони муассисаҳои томактабӣ манзур гардид.
Бояд гуфт, ки таҳти ғамхории доимӣ фаро гирифтани кўдакону наврасон, дар замири насли ҷавон парваридани ҳисси баланди миллӣ, эҳсоси худшиносию ватандўстӣ мавриди таваҷҷўҳи ҳамешагии давлату Ҳукумат қарор дорад.
Бахши бойгонӣ-матбуотии МИҲД- шаҳри Кӯлоб
Подкатегории
Шабакаҳои иҷтимоӣ
30-солагии Истиқлоли давлатии Ҷумҳурии Тоҷикистон
