Дар арафаи ҳар иду айём роҳбарияти мақомоти иҷроияи ҳокимияти давлатии шаҳри Кӯлоб дар доираи сиёсати ҷавонпарваронаву софдилонаи Пешвои муаззами миллат муҳтарам Эмомалӣ Раҳмон ва раиси вилояти Хатлон Давлаталӣ Саид ба аёдати собиқадорони соҳаҳои мухталиф, маъюбон ва шахсони эҳтиёҷманд рафта, кӯмакҳои моддиву молиявии худро мерасонад.
Бо чунин мақсад ба муносибати фарорасии Соли нави мелодии 2025 имрӯз раиси шаҳри Кӯлоб Назарзода Бахтиёр Худоёр барои ҳолпурсӣ ба хонаҳои собиқадорони меҳнати шаҳр рафта, аз наздик бо онҳо суҳбати самимӣ анҷом доданд.
Дар пайравӣ ба ин иқдомҳои неку созандаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон роҳбарияти мақомоти иҷроияи ҳокимияти давлатии шаҳри Кӯлоб аёдат карда, кӯмаки моддӣ ва туҳфаҳои солинавиро баҳрашон тақдим намуданд.
Зимни сӯҳбати самимӣ раиси шаҳри Кӯлоб Назарзода Бахтиёр Худоёр аз дастгириҳои ҳамешагии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва раиси вилояти Хатлон Давлаталӣ Саид ёдовар шуда, изҳор намуд, ки мо бояд аз чунин як давлати ободу зебо ва сулҳу оромии кишвар шукрона кунем, ки барои миллати тамаддунофар ва фарҳангсолор чунин як роҳбари дилсӯз ғамхори миллатро чун Эмомалӣ Раҳмон ҳадя намудааст.
Бо шарофати сиёсати созандаву бунёдкоронаи Пешвои муаззами миллат муҳтарам Эмомалӣ Раҳмон шаҳри Кӯлоб сол то сол рушд карда истодааст ва симои худро дигаргун намуда истодааст. Ҳамчунин таъкид намуд, ки саҳми Шумо низ дар пешрафт, таълиму тарбияи насли наврас ва шукуфоии Ватани маҳбубамон назаррас мебошад ва ҳеҷ вақт хизматҳои Шуморо давлату Ҳукумати Ҷумҳурии Тоҷикистон фаромӯш намекунад.
Дар навбати худ собиқадорон изҳору сипосу миннатдории худро ба Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва раиси вилояти Хатлон Давлаталӣ Саид расонида, иброз намуданд, ки то вақте, ки ҷон доранд барои рушди тамоми соҳаҳои мухталифи ҷомеа саҳми худро мегузоранд.
Бахши бойгонӣ-матбуотии мақомоти иҷроияи ҳокимияти давлатии шаҳри Кӯлоб
Дар арафаи Соли Нави мелодӣ дар доираи сиёсати ғамхоронаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва тибқи супориши раиси вилояти Хатлон Давлаталӣ Саид аз ҷониби роҳбарияти мақомоти иҷроияи ҳокимияти давлатии шаҳри Кӯлоб ба кормандони соҳаҳои коммуналии шаҳри Кӯлоб маводҳои хӯрокворӣ дастрас гардид.
Дар маросими тақдими кумакҳо раиси шаҳри Кӯлоб Назарзода Бахтиёр Худоёр иштирок намуда, изҳор доштанд, ки тамоми мардуми шаҳри Кӯлоб, аз ҷумла кормандони соҳаҳои иҷтимоӣ зери таваҷҷуҳи бевоситаи Роҳбарияти Олии мамлакат махсусан Президенти Ҷумҳурии Тоҷикистон муҳтарам Эмомалӣ Раҳмон қарор дошта, Сарвари давлат пайваста ба шахсони яккаву танҳо ва табақаи эҳтиёҷманди кишвар ғамхорӣ намуда, ҳамеша ин табақаҳоро дастгирӣ менамоянд.
Инчунин, роҳбарияти мақомоти иҷроияи ҳокимияти давлатии шаҳри Кӯлоб изҳор доштанд, ки чунин кумакҳо дар оянда низ ба дигар оилаҳои эҳтиёҷманд расонида мешавад.
Бахши бойгонӣ-матбуотии МИҲД-и шаҳри Кӯлоб
Ёдовар мешавем, ки санаи 13 декабри соли 2024 аз ҷониби Вазорати меҳнат, муҳоҷират ва шуғли аҳолии Ҷумҳурии Тоҷикистон дар ҳамкорӣ бо мақомоти иҷроияи ҳокимияти давлатии вилоятҳо ва шаҳру ноҳияҳо дар робита ба иҷрои банди 29-и Нақшаи чорабиниҳо дар бораи амалисозии “Барномаи рушди ҳунармандӣ дар Ҷумҳурии Тоҷикистон барои солҳои 2021-2025” (қарори Ҳукумати Ҷумҳурии Тоҷикистон аз 28 октябри соли 2020, №570) дар Муассисаи давлатии “Китобхонаи миллии Тоҷикистон” Озмуни “Ҳунарманди сол”–ро ҷамъбаст намуд.
Дар озмун ғолибони Фестивали ҳунармандони Тоҷикистон “Ҳунар беҳтар аз зар бувад” ва Озмуни ҷумҳуриявии “Ҳунар омӯз...” аз ВМКБ, вилоятҳои Суғду Хатлон, шаҳри Душанбе ва шаҳру ноҳияҳои тобеи ҷумҳурӣ аз рӯйи 7 номинатсия: “Маҳсулоти бофандагӣ ва либос”, “Коркарди чӯб ва маснуоти чубӣ”, “Маҳсулоти минералии ғайриметаллӣ”, “Коркарди металл ва маснуоти тайёри филизӣ”, “Созҳои мусиқӣ”, “Санъати нафиса”, “Ҳунарҳои соҳаи кишоварзӣ” намунаи ҳунарҳои худро ба аъзои ҳакамон пешниҳод намуданд.
Мақсади баргузории озмун рушди фаъолияти ҳунармандӣ, ҳифз ва нигаҳдории мероси ғайримоддии фарҳангӣ, тарбияи ҳисси зебоипарастӣ, хештаншиносӣ, ҳунармандӣ ва ватандӯстӣ, эҳёи анъанаҳои аҷдодии ҳунарҳои мардумӣ ва оммавӣ гардонидани суннатҳои беҳтарини ҳунарҳои мардумӣ, тарғиби таҷрибаи пешқадами ҳунармандони варзида, муаррифии намудҳои гуногуни маҳсулоти ҳунармандӣ ва дастгирию ҳавасмандгардонии ҳунармандон мебошад.
Дар маросими ҷоизасупории озмуни мазкур муовини Сарвазири Ҷумҳурии Тоҷикистон Дилрабо Мансурӣ, Вазири меҳнат, муҳоҷират ва шуғли аҳолии Ҷумҳурии Тоҷикистон Гулнора Ҳасанзода, роҳбарияти вазорату идораҳо иштирок намуданд.
Ҳамзамон дар чорабинии мазкур масъулини мақомоти иҷроияи ҳокимияти давлатии шаҳри Кӯлоб ширкат намуда, аз рӯи номинатсияи “Маҳсулоти бофандагӣ ва либос” сазовори ҷойи 1-ум ва аз рӯи номинатсияи “Коркарди металл ва маснуоти тайёри филизӣ” сазовори ҷойи 2-юм гардиданд.
Ин музаффариятро ба тамоми мардуми шарифи шаҳри Кӯлоб муборак мегӯем.
Ғолибони озмуни “Ҳунарманди сол” бо ҷоиза, диплом ва туҳфаҳо қадрдонӣ карда шуданд.
Бахши бойгонӣ-матбуотии мақомоти иҷроияи ҳокимияти давлатии шаҳри Кӯлоб
Дар партави сиёсати созандаву ободкоронаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, дастуру супоришҳои раиси вилояти Хатлон Давлаталӣ Саид ва нақшаи чорабиниҳои мақомоти иҷроияи ҳокимияти давлатии шаҳри Кӯлоб ҷиҳати боз ҳам тозаву озода нигоҳ доштани хиёбон, кӯчаву маҳаллаҳо, деҳаҳо ва назди ташкилоту муассисаҳои шаҳру деҳоти Кӯлоб корҳои ободониву бунёдкорӣ бо маром идома дорад.
Тибқи дастуру супоришҳои раиси вилояти Хатлон Давлаталӣ Саид ва амалӣ гардонидани нақшаи чорабиниҳои мақомоти иҷроияи ҳокимияти давлатии шаҳри Кӯлоб, имрӯз бо ҷалби тамоми кормандони ташкилоту муассисаҳо, аз ҷумла соҳаҳои маориф, тандурустӣ, фарҳанг, корхонаҳои коммуналӣ ва дигарон дар назди ташкилоту муассисаҳо, хиёбон, кӯчаву маҳаллаҳои шаҳр ва деҳаҳои он ҷиҳати ободу зебо гардонидани муҳити зист, ҳифз намудани табиат, тозаю озода нигоҳ доштани кӯчаву хиёбонҳои шаҳр, гулгашту майдонҳо, шинонидани гулу гулбуттаҳо, дарахтони сояафкан ва ҳамешасабз аксияи тозагӣ таҳти унвони “Саҳми ман дар шаҳри ман” доир гардид. Бояд гуфт, ки аз ҳисоби шумораи зиёди кормандони ташкилоту муассисаҳои шаҳру деҳоти Кӯлоб дар аксияи тозагӣ саҳмгузорӣ карда шуданд.
Чунин ҳашарҳои дастаҷамъона ҳар ҳафта бо мусоид будани боду ҳаво доир мегардад.
Бахши бойгонӣ-матбуотии мақомоти иҷроияи ҳокимияти давлатии шаҳри Кӯлоб
Подкатегории
Шабакаҳои иҷтимоӣ
30-солагии Истиқлоли давлатии Ҷумҳурии Тоҷикистон
