dv id="«r52m»" " " ">"
Тибқи фармоиши Вазири тандурустии Ҷумҳурии Тоҷикистон Абдуллозода Ҷамолиддин ва директори Агентии давлатии ҳифзи иҷтимоии аҳолии Вазорати тандурустии Ҷумҳурии Тоҷикистон Сафарзода Абдулло Мумин ҷиҳати иҷрои қарори Ҳукумати Ҷумҳурии Тоҷикистон аз 30-августи соли 2025, №488 “Дар бораи тартиби таъин намудани кӯмакпулии унвонии иҷтимоӣ, муайян намудани андозаи он ва шаҳрвандон (оилаҳо)-и камбизоат дар Ҷумҳурии Тоҷикистон” вохӯрии раиси шаҳри Кӯлоб Назарзода Бахтиёр Худоёр бо намояндагони Агентии давлатии ҳифзи иҷтимоии аҳолии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон баргузор гардид.
Мақсади асосии вохӯрии мазкурро тақвият бахшидани корҳо ҷиҳати дуруст таъин намудани кӯмакпулии унвонии иҷтимоӣ, муайян намудани андозаи он ва шаҳрвандон (оилаҳо)-и камбизоат дар Ҷумҳурии Тоҷикистон, шафоф ва эътимоднок таъин намудани кӯмакҳои унвонии иҷтимоӣ, пешгирӣ аз омилҳои ба коррупсионӣ ташкил медод.
Ҳамзамон Низомномаи намунавии Комиссияи маҳаллии мақомоти иҷроияи ҳокимяти давлатӣ оид ба таъин ва пардохти кӯмакпулии унвонии иҷтимоӣ ба оилаҳо ва шаҳрвандони камбизоати тасдиқгардида ба мақомоти иҷроияи ҳокимияти давлатии шаҳри Кӯлоб шинос карда шуд.
Бахши бойгонӣ-матбуотии МИҲД-и шаҳри Кӯлоб
dv id="«r3eh»" " " ">"
Либоси миллӣ ифодагари фарҳанги ҳар халқу кишвар аст. Махсусан либосҳои милли мо – тоҷикон аз муҳимтарин унсурҳои фарҳангу тамадуни чандинҳазорсолаамон ба шумор меравад. Зану духтари тоҷикро дар ҳама давру замон бо либоси зебову шинами тоҷиконаи атласу адрас ва чакан мешинохтанду мешиносанд. Мутаассифона, имрӯзҳо ин рукни фарҳанги миллӣ ниёз ба ҳимоя дорад. Махсусан, қисме аз ҷавондухтарон майл ба фарҳанги бегона доранду аз пӯшидани либосҳои миллӣ канорагирӣ мекунанд. Тавре мушоҳида менамоем, онҳо бештар либосҳои кишварҳои ғарбию арабиро ва дигар миллатҳоро бозавқ ба бар менамоянду боре ҳам намеандешанд, ки мо - тоҷикон либоси хоси миллии худро дорем.
Далели арзиши воло доштани либоси миллии мо дар он зоҳир мегардад, ки соли 2018 чакани тоҷикӣ ба Феҳристи мероси ғайримоддии ЮНЕСКО шомил гардид. Арзиши атласу адрас низ, ки дар тӯли таърих вижагиву унсурҳои худро нигоҳ дошта омадааст, аз ин кам нест.
Ба хотири арҷгузорӣ ба унсури муҳимтарини фарҳанги миллии мо-либоси миллӣ аз тарафи шуъбаи кор бо занон ва оилаи Мақомоти иҷроияи ҳокимияти давлатии шаҳри Кӯлоб аксияи таблиғотии “Тоҷикона мепӯшем ва бо либоси миллии худ ифтихор менамоем” дар боғи фарҳангӣ-фароғатии шаҳри Кӯлоб ва хиёбони марказӣ гузаронида шуд.
Бахши бойгонӣ-матбуотии МИҲД-и шаҳри Кӯлоб
Дар доираи сиёсати муваффақонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва раиси вилояти Хатлон Давлаталӣ Саид таваҷҷуҳ ба ҳадафи чоруми стратегии мамлакат саноатикунонии босуръат зиёд гардида истодааст. Рушд додани саноати ватанӣ нерӯи азими пешбаранда ва иқтидори калидии тараққиёти иқтисодӣ ба шумор меравад.
Санаи 30.04.2025 вохӯрии раиси шаҳри Кӯлоб Назарзода Бахтиёр Худоёр бо тоҷирони Ҷумҳурии Мардумии Чин баргузор гардид.
Зимни вохӯрӣ роҳбарияти мақомоти иҷроияи ҳокимияти давлатии шаҳри Кӯлоб меҳмононро ба яке аз гӯшаҳои Тоҷикистони биҳиштосо ба шаҳри Кӯлоби бостонӣ хайрамақдам гуфта, иброз доштанд, ки дар доираи сиёсати созандаву бунёдкоронаи Пешвои муаззами миллат муҳтарам Эмомалӣ Раҳмон ҳамкориҳо бо шарикони рушд аз ҷумла сармоягузорону тоҷирони Ҷумҳурии мардумии Чин ривоҷу равнақ ёфтааст.
Зимни вохӯрӣ масъалаи саҳмгузории тоҷирони чинӣ ва бунёди заводи истеҳсоли хишти пухта дар шаҳри Кӯлоб мавриди баррасӣ қарор дода шуд. Заводи зикргардида баъди ба истеҳсолот шуруъ кардан метавонад, ки на ба таври масимӣ, балки мунтазам бинокорони шаҳри Кӯлобро бо хишти пухтаи истеҳсоли маҳаллӣ таъмин намояд. Ин омил метавонад ба рушди босуръати биносозӣ ва шаҳрсозӣ дар шаҳри Кӯлоб заминаи мусоид гузорад.
Ҳамзамон, меҳмонон аз пешравиҳо ва дастгириҳои ҳамаҷонибаи давлату Ҳукумати Ҷумҳурии Тоҷикистон изҳори сипос намуда, барои қабул ва меҳмоннавозии мардуми тоҷик изҳори миннатдорӣ намуданд.
Дар интиҳои вохӯрӣ, роҳбарияти мақомоти иҷроияи ҳокимияти давлатии шаҳри Кӯлоб ҳамчун армуғон ба меҳмонон тӯҳфаҳои хотиравӣ тақдим намуданд.
Бахши бойгонӣ-матбуотии МИҲД-и шаҳри Кӯлоб
dv id="«r30p»" " " ">"
Давлат ва Ҳукумати Ҷумҳурии Тоҷикистон ҳамеша барои солимии ҷомеа, инчунин пешгирии интиқол ва пайдоиши бемориҳои сироятӣ тадбирҳои зарурӣ меандешад.
Ин навбат дар доираи дастуру супоришҳои Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва раиси вилояти Хатлон Давлаталӣ Саид бо дастгирии мақомоти иҷроияи ҳокимияти давлатии шаҳри Кӯлоб ба хотири паҳн нагардидани бемориҳои сироятӣ маъракаи поккорӣ гузаронида шуд.
Ин тадбирҳо аз ҷониби сохтори марбутаи мақомоти иҷроияи ҳокимияти давлатии шаҳр, аз ҷумла корхонаи фаръии давлатии истеҳсолии истифодабарии манзил бо мақсади пешгирӣ аз бемориҳои сироятӣ ва таъмини солимии шаҳрвандон роҳандозӣ гардида, нахуст он дар ҷойҳои ҷамъшавии шаҳрвандон, кӯчаву хиёбон ва хонаҳои баландошёна гузаронида шуданд.
Бояд гуфт, ки корҳои поккорӣ дар маҳаллаҳои шаҳри Кӯлоб мунтазам амалӣ карда мешавад. Безараргардонии навбатӣ бо маводҳои гипохлориди натрий сурат гирифт, ки он барангезандаи бемориҳои сироятӣ дар муҳитро нобуд месозад.
Тазаккур бояд дод, ки бо дастуру супоришҳои Роҳбарияти мақомоти иҷроияи ҳокимияти давлатии шаҳри Кӯлоб минбаъд низ гузаронидани чунин корҳои безараргардонӣ мунтазам роҳандозӣ карда мешавад.
Бахши матбуотии МИҲД-и шаҳри Кӯлоб
