Мо бояд дар дунё чунон зиндагӣ кунем, ки номи неку амали хайри мову шумо дар саҳифаҳои таърих барои наслҳои оянда боқӣ монад.
Эмомалӣ РАҲМОН
Ҷавҳари асосии иди Қурбон ин қаробат ҷустан ба Худои таъоло мебошад. Дар тӯли асрҳо талқини арзишҳои инсонпарварӣ, дастгирии ятимону маъюбон, беморону пиронсолон, поси хотири гузаштагон, аёдати пайвандону хешу таборон, изҳори ҳамдардӣ ба аъзодорон ва хайру эҳсон намудан ба ниёзмандон аз ҷумлаи беҳтарин фазилатҳои Иди Саид ҳаст.
Иди Қурбон рӯзи имтиҳону озмоиш аст, ки инсон муҳаббату садоқати худро нисбат ба Худои таъоло баён мекунад.
Хушбахтона имрӯзҳо зери сиёсати хирадмандонаву инсонпарваронаи Асосгузори сулҳу ваҳдати миллӣ -Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва дастуру супоришҳои раиси вилояти Хатлон Давлаталӣ Саид ёрӣ расондан ба шахсони ниёзманд, аёдати собиқадорону барҷомондагон, кӯмак ба ятимону бепарасторон дар арафаи идҳои милливу давлатӣ ба ҳукми анъана даромадааст.
Дар доираи ҳамин тадбирҳои амалӣ чун яке аз рукнҳои Иди Саиди Қурбон аз ҷониби намояндагони мақомоти иҷроияи ҳокимияти давлатии шаҳри Кӯлоб шахсони собиқадору барҷомонда аёдат карда шуданд.
Собиқадорон ҷиҳати дастгириҳои ҳамешагии Пешвои муаззами миллат муҳтарам Эмомалӣ Раҳмон ва раиси вилояти Хатлон Давлаталӣ Саид изҳори сипос намуда, иброз доштанд, ки мо ҳамеша дар сиёсати имрӯзаи давлату Ҳукумати Ҷумҳурии Тоҷикистон устувор ҳастем ва то рӯзе, ки ҷон дорем баҳри амали гардидани дастуру супоришҳои Пешвои тоҷикони ҷаҳон саҳми худро мегузорем ва дар таълиму тарбияи насли имруза ва онҳоро дар руҳияи худшиносию худогоҳӣ ва ифтихори ватандорӣ тарбия менамоем.
Бахши бойгонӣ-матбуотии МИҲД-и шаҳри Кӯлоб
Баҳри таъмини иҷроиши дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва раиси вилояти Хатлон Давлаталӣ Саид ҷиҳати ободу зебо гардонидани ҳудуди ташкилоту муассисаҳо, ҳифз намудани табиат, тозаю озода нигоҳ доштани кӯчаву хиёбонҳои маркази шаҳр, гулгашту майдонҳо дар ташкилоту муассиса ва маҳаллаҳои шаҳри Кӯлоб шанбегии дастаҷамъона баргузор гардид.
Бояд қайд намуд, ки мақсад аз баргузор намудани чунин шанбегиҳои дастаҷамъона тақвият бахшидани корҳои ободониву созандагӣ, тозаю обод гардонидани ҳудуди шаҳр ба ҳисоб меравад.
Сокинони шаҳри бостонии Кӯлоб пайваста кӯшиш менамоянд, ки тамоми саъйю талоши худро баҳри истиқболи сазовори 35-солагии Истиқлоли давлатии Ҷумҳурии Тоҷикистон равона намоянд.
Бахши бойгонӣ-матбуотии МИҲД-и шаҳри Кӯлоб
Фалсафаи зиндагии инсон чунин аст, вақте ки дар фазои орому осуда зисту зиндагонӣ менамояд, зери таваҷҷуҳу ғамхориҳои бевоситаи давлату Ҳукумат қарор дорад кушиш менамояд, то саҳми арзандае дар ободии диёр гузошта бошад. Албатта ки ин ҳама талошу заҳматҳои Асосгузори сулҳу Ваҳдати миллӣ-Пешвои миллат, Президенти ҶумҳурииТоҷикистон муҳтарам Эмомалӣ Раҳмон, раиси вилояти Хатлон Давлаталӣ Саид дар роҳи бунёди Тоҷикистони соҳибистиқлол аз чашми сокинон дур намемонад ва раҳнамунсози онҳо ба корҳои созандагиву бунёдкорӣ гардидааст.
Дар пайравӣ аз сиёсати созандаи давлату Ҳукумати Ҷумҳурии Тоҷикистон имрӯзҳо аз ҷониби мақомоти иҷроияи ҳокимияти давлатии шаҳри Кӯлоб зери роҳбарии гуруҳи кории Ҳукумати Ҷумҳурии Тоҷикистон дар шаҳри Кӯлоб, Вазири нақлиёти Ҷумҳурии Тоҷикистон Азим Иброҳим ва узви Маҷлиси миллии Маҷлиси Олии Ҷумҳурии Тоҷикистон, раиси шаҳри Кӯлоб Назарзода Бахтиёр Худоёр корҳои созандагию бунёдкорӣ бо маром идома дорад.
Сокинони маҳаллаи Офтобрӯяи шаҳри Кӯлоб бо ташаббуси Муассисаи давлатии назорати сектори хусусии МИҲД-и шаҳри Кӯлоб имрӯз ба ҳашари умумӣ баромаданд. Зимни ҳашари мазкур 16 адад ҷуйборҳои бетонӣ шинонида шуд, ки дар оянда барои пешгирии офатҳои табиӣ ва нигаҳдории
роҳҳои дохили маҳалла мусоидат хоҳад кард. Дар оянда бунёди деворҳои муҳофизатӣ ва шинонидани зиёда аз 100 дона ҷуйборҳои бетонӣ дар назар аст.
Сокинони саодатманди шаҳри бостонии Кӯлоб тамоми саъйю талоши худро равона менамояд, то ки ҷашни 35-солагии Истиқлоли давлатии Ҷумҳурии Тоҷикистонро бо дастовардҳои назаррас пешвоз гиранд.
Бахши бойгонӣ-матбуотии МИҲД-и шаҳри Кӯлоб
Бо дастгириҳои пайвастаи Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ассотсиатсияи футболи Осиёи Марказӣ, Президенти Федератсияи Футболи Тоҷикистон муҳтарам Рустами Эмомалӣ, раиси вилояти Хатлон Давлаталӣ Саид соҳаи варзиш бахусус футбол рушду нумуъ ёфта, дар тамоми ташкилоту муассисаҳои Ҷумҳурии Тоҷикистон мусобиқаҳои варзишӣ баргузор гардида истодааст, ки ин раванд дар солимии ҷомеа ба манфиат арзёбӣ карда мешавад.
Бахшида ба Рӯзи байналмилалии Футбол дар варзишгоҳи Аренаи шаҳри Кӯлоб фестивал баргузор карда шуд.
Дар ин тадбири варзишӣ раиси шаҳри Кӯлоб Назарзода Бахтиёр Худоёр, роҳбарони ташкилоту муассисаҳо, бахши кор бо ҷавонон ва варзиш, кормандони касбу кори гуногун инчунин дастаҳои футболбозони хурдсол, ки дар муассисаҳои давлатии мактаби варзишии шаҳри Кӯлоб ба машқу тамрин машғуланд иштирок намуданд.
Дар қисмати тантанавии фестивал раиси шаҳри Кӯлоб Назарзода Бахтиёр Худоёр суханронӣ намуда иброз доштанд, ки ин пайки нек ки бо ибтикори бевоситаи Президенти Ассотсиатсияи футболи Осиёи Марказӣ, Президенти Федератсияи футболи Тоҷикистон, раиси Маҷлиси миллии Маҷлиси Олии Ҷумҳурии Тоҷикистон муҳтарам Рустами Эмомалӣ падид омадааст руҳияи кӯдакону наврасон ва ҳаводорону алоқамандони варзишро баланд бардошта, барои ҳарчӣ бештар ҷалб намудани қишрҳои гуногун ба ин намуди варзиш аҳамияти хоса дорад. Аз ҷониби ҷомеаи ҷаҳонӣ якдилона пазируфтани ин иқдом мояи ифтихору сарфарозии тоҷику Тоҷикистонӣ маънидод карда шуд.
Дар ин росто ҷиҳати беҳтару хубтар гардидани вазъи инфросохтори соҳаи варзиш дар шаҳру деҳоти Кӯлоб таваҷҷуҳи хос равона мегардад. Бо зикри ин нуқтаҳо аз насли ояндасози кишвар ва варзишгарон даъват ба амал оварда шуд, ки аз чунин имкониятҳои фароҳамгардида васеъ истифода намоянд, то ин намуди варзиш дар ҷумҳурӣ рушди ҳамаҷониба пайдо намояд.
Дар қисмати ниҳоии чорабинӣ дастаҳои футболбозони хурдсол бо туҳфаҳо қадршиносӣ карда шуданд.
Бахши бойгонӣ-матбуотии МИҲД-и шаҳри Кӯлоб
dv id="«r3ad»" ">"
Подкатегории
Шабакаҳои иҷтимоӣ
30-солагии Истиқлоли давлатии Ҷумҳурии Тоҷикистон
