Санаи 18 апрели соли равон дар толори Мақомоти иҷроияи ҳокимияти давлатии шаҳри Кӯлоб ҷаласаи назоратии раиси шаҳр Назарзода Бахтиёр Худоёр баргузор гардид.
Дар ҷаласа муовинони раиси шаҳр, роҳбари дастгоҳ, мудирони шуъбаву бахшҳои мақомоти иҷроияи ҳокимияти давлатии шаҳри Кӯлоб, сардорони раёсатҳо, раисони ҷамоатҳои деҳот, масъулони ташкилоту муассисаҳо ва дигар шахсони масъул иштирок доштанд.
Ҷаласаро ба сухани муқаддимавӣ раиси шаҳр ифтитоҳ бахшида, изҳор намуданд, ки ба хотири дар амал татбиқ намудани дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон корбариро бояд дар ҳамаи ҷамоатҳои деҳоти шаҳр аз ҷониби масъулини ҳар як соҳа ва тамоми кормандон боз ҳам беҳтару хубтар ба роҳ монда, то ба ҳадафҳои ниҳоӣ ва рушду пешрафти шаҳрамон ноил гардем.
Дар идомаи ҷаласа ҳамчунин, муовини раиси шаҳр, (ҳамзамон раиси комиссияи даъватӣ) Ҳамидиён Орзу оид ба рафти омодагиҳои даъвати ҷавонон ба сафи Қувваҳои Мусаллаҳи Ҷумҳурии Тоҷикистон маълумот пешниҳод намуд.
Сипас, раиси шаҳри Кӯлоб Назарзода Бахтиёр ба масъулин оид ба сафарбарнамоӣ ба сафи Қувваҳои Мусаллаҳ дастуру супоришҳои мушаххас дода, таъкид намуд, ки нақшаи сафарии даъватшавандагон ба хизмати ҳарбӣ бояд дар наздиктарин фурсат анҷом ёбад.
Баъдан, мудири бахши сармоягузорӣ ва идораи амволи давлатии мақомоти иҷроияи ҳокимияти давлатии шаҳри Кӯлоб Сафарализода Саидҳомид оид ба рафти иҷрои Қонуни Ҷуҳурии Тоҷикистон аз 2 июни соли 2021, №1802 “Дар бораи авф бинобар қонунгардонии дороиҳо ва маблағҳои шаҳрвандони Ҷумҳурии Тоҷикистон суханронӣ намуд.
Ҳамчунин, дар маҷлиси назоратӣ сармутахассис-ҳуқуқшиноси дастгоҳи раиси шаҳр Амирҷон Гулмадов оид ба пешниҳодҳои Прокуратураи шаҳри Кӯлоб ва пешниҳоди шуъбаи 1-и Вазорати корҳои дохилӣ дар ноҳияи Рӯдакӣ баромад намуд.
Дар идомаи кори ҷаласаи имрӯза инчунин, масъалаҳои вобаста ба иҷроиши андозҳои маҳаллӣ, сари вақт пардохт намудани музди меҳнати кормандон, раванди кишти баҳорӣ, ва корҳои соҳилмустаҳкамкунӣ, таъмири роҳҳо, бартараф намудани мушкилиҳои симчӯб дар ҷамоатҳо, фаъолияти корхонаҳои саноатӣ, сохтмону бунёди иншоотҳо ва назоратии қатъии он аз ҷониби сармеъмори шаҳр, шинонидани гулҳои мавсимӣ дар хиёбону кӯчаҳои марказии шаҳр, таъмини об ба аҳолӣ ва дигар масъалаҳои ҷорӣ мавриди баррасӣ қарор дода шуд.
Баъди баррасии масъалаҳои ҷаласаи мазкур раиси шаҳри Кӯлоб Назарзода Бахтиёр Худоёр ба роҳбарони ташкилоту муассисаҳо ҷиҳати дар амал татбиқ кардани нишондиҳандаҳои Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон, иҷрои супоришҳои қаблии раиси шаҳр, дастурҳои маҷлиси навбатии Мақомоти иҷроияи ҳокимияти давлатии шаҳри Кӯлоб, вусъати корҳои ободонӣ, ташкили дурусти корҳо дар самти кишту кори баҳорӣ ва дигар масъалаҳои мубрами рӯз, супоришҳои мушаххас доданд.
Бахши матбуотии МИҲД-и шаҳри Кӯлоб
Санаи 6 –уми марти соли равон дар миёни 26 давлати ҷаҳон тариқи фосилавӣ аз фанҳои забони англисӣ, математика, табиатшиносӣ ва санъати тасвирӣ Олимпиадаи байналмилалии Future Intelligance Students Olympiyad (ФИСО),ки шомили давлати ИМА мебошад баргузор гардид.
Дар радифи хонандагони литсеву гимназияҳои шаҳру навоҳии мамлакат дар ин олимпиадаи сатҳи баланд хонандагони Муассисаи давлатии таҳсилоти “Литсей барои хонандагони болаёқат”-и шаҳри Кӯлоб иштироки фаъолона намуда ба натиҷаҳои назаррас ноил шуданд.
Зимни суҳбат Дилафрӯз Раҷабзода, директори муассисаи мазкур ба мо иттилоъ дод, ки дар олимпиадаи байналмиллалӣ беш аз 4 ҳазор нафар хонандагон аз мамлакатҳои гуногун иштирок доштанд.
Бо ифтихор ва сарфарозӣ метавон гуфт, ки дар қатори дигар давлатҳо Тоҷикистони мо низ шомил буда, аз ҷумла, 136 нафар таълимгирандагони Муассисаи давлатии таҳсилоти “Литсей барои хонагдагони болаёқат”-и шаҳри Кӯлоб фаъолона иштирок намуданд. Тибқи натиҷагирӣ дар олимпиада 2 нафари онҳо соҳиби медали тилло, 8 нафар медали нуқра, 9 нафар медали биринҷӣ гашта, 53 нафар ҷойи ифтихорӣ ва 64 нафар иштирокчии фаъоли олимпиада гардиданд.
Бахши матбуотии МИҲД-и шаҳри Кӯлоб
Санаи 13 апрели соли 2022 дар толори Мақомоти иҷроияи ҳокимияти давлатии шаҳри Кӯлоб ҷаласаи ҷамъбастии натиҷаҳои рушди иҷтимоию иқтисодии шаҳри Кӯлоб дар семоҳаи якуми соли 2022 бо иштироки Азим Иброҳим, намояндаи Ҳукумати мамлакат, Вазири нақлиёти Ҷумҳурии Тоҷикистон, Назарзода Бахтиёр Худоёр, раиси шаҳри Кӯлоб, Қурбонзода Амирхон, муовини раиси вилояти Хатлон ва кормандони Мақомоти иҷроияи ҳокимияти давлатии шаҳри Кӯлоб доир гардид.
Нахуст, раиси шаҳри Кӯлоб Назарзода Бахтиёр Худоёр, зимни оғози ҷаласаи ҷамбастӣ дар назди ҳозирон баромад намуда иброз доштанд, ки дар давраи сипаригашта сокинони шарафманду сарбаланди шаҳри бостонии Кӯлоб баҳри амалӣ намудани дастуру ҳидоятҳои роҳбарияти олии кишвар, хосатан Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Мақомоти иҷроияи ҳокимияти давлатии вилояти Хатлон баҳри расидан ба нишондиҳандаҳои назаррасу арзандаи меҳнатӣ, аз тамоми имконот самараноку оқилона истифода бурда, бо фаъолияти аҳлонаву содиқонаи худ ба раванди пешрафту тараққиёти диёри биҳиштосоямон вусъати тоза бахшида, дар семоҳаи аввали соли 2022 ба тақвияти корҳои созандагӣ ва фардои боз ҳам ободу осуда заминаҳои мусоиду устувор гузошта истодаанд.
Дар маҷлиси васеи фаъолони шаҳри Кӯлоб оид ба ҷамъбасти натиҷаҳои рушди иҷтимоию иқтисодии шаҳри Кӯлоб дар семоҳаи якуми соли равон ҳисоботи муовини якуми раиси шаҳр Ташрифзода Мунаваршо дар назди ҳозирин шунида шуд.
Дар семоҳаи якуми соли 2022 мақомоти иҷроияи ҳокимияти давлатии шаҳри Кӯлоб дар асоси Конститутсияи Ҷумҳурии Тоҷикистон, Қонуни конститутсионии Ҷумҳурии Тоҷикистон “Дар бораи мақомоти маҳаллии ҳокимияти давлатӣ” фаъолият намуда, Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон (21 декабри соли 2021), дастуру супоришҳое, ки дар Маҷлиси Ҳукумати Ҷумҳурии Тоҷикистон аз 24 январи соли 2022 “Дар бораи натиҷаҳои рушди иҷтимоию иқтисодии Ҷумҳурии Тоҷикистон дар соли 2021 ва вазифаҳо барои соли 2022” ва машварати кории Президенти Ҷумҳурии Тоҷикистон муҳтарам Эмомалӣ Раҳмон бо фаъолони вилояти Хатлон 24 феврали соли 2022 баён ёфтанд, ба роҳбарӣ гирифта, дар семоҳаи аввали соли 2022 ҷиҳати пешбурди иқтисодиёту иҷтимоиёт корҳои муайянро ба сомон расонида, ба нишондодҳои мусбӣ ноил гардидааст.
Мақомоти иҷроияи ҳокимияти давлатии шаҳр ҷиҳати амалӣ намудани дастуру супоришҳои Пешвои муаззами миллат, ки аз Паём ба Маҷлиси Олии Ҷумҳурии Тоҷикистон аз 21 декабри соли 2021 бармеоянд, ҷиҳати дар сатҳи баланди сиёсӣ, ташкилӣ, фарҳангӣ ва бо тӯҳфаҳои арзандаи меҳнатӣ таҷлил намудани 35-солагии Истиқлолияти давлатии Ҷумҳурии Тоҷикистон нақшаи мушахасси чорабиниҳои худро таҳия ва тасдиқ намуда, онҳоро ботадриҷ амалӣ карда истодааст ва барои рушди бемайлони соҳаҳои мухталифи хоҷагии халқ тадбирҳои судмандро амалӣ менамояд,- иброз дошт Ташрифзода Мунаваршо.
Дар идомаи кори ҷаласа оид ба таъмини об дар хоҷагиҳо сардори идораи беҳдошти замин ва обёрии шаҳри Кӯлоб Файзалӣ Миралиев, ҷиҳати сохтмону бунёди иншоотҳо сардори Раёсати сохтмони асосии шаҳр дар шаҳр Холматов З, оиди фаъолияти соҳаи маориф сардори Раёсати маорифи шаҳр Ҳакимзода Қадамшо, оид ба рафти иҷрои қонунҳо “Дар бораи танзим, анъана ва ҷашну маросим” Холмурод Ибрагимов мудири бахши танзим анъана ва ҷашну маросимҳои мақомоти иҷроияи ҳокимияти давлатии шаҳри Кӯлоб баромад намуданд.
Ҳамчунин, дар ҷараёни маҷлиси фаъолон Раиси шаҳри Кӯлоб, иҷрои саривақтии нақшаи андоз, оид ба таъмину фаъолияти лагерҳо, баҳри рушди соҳаи саноат ва фароҳам овардани ҷойҳои нави корӣ, ба кор андохтани корхонаҳои бозистода, таъмини босифати барқ, кишту истеҳсоли маҳсулоти кишоварзӣ, самаранок истифода бурдани ҳар як ваҷаб замин ва рӯёнидани ду-се ҳосил, истеҳсоли пилла, корҳои ободонию созандагӣ, таъмири роҳҳои дохиливу байнишаҳрӣ, таъмини аҳолӣ бо оби нӯшокиву полезӣ, сифатнок иҷро намудани нақшаи даъвати ҳарбӣ, рушди соҳаи сайёҳӣ, ҷалби сармояи хориҷӣ, ҷалби мутахассисони ҷавони соҳаҳои маорифу тандурустӣ ба кор, пешгирии ҷудошавии оилаҳо ба масъулин дастуру супоришҳои махсус дод.
Бахши матбуотии МИҲД-и шаҳри Кӯлоб
Подкатегории
Шабакаҳои иҷтимоӣ
30-солагии Истиқлоли давлатии Ҷумҳурии Тоҷикистон
