Санаи 04 июли соли равон дар толори Мақомоти иҷроияи ҳокимияти давлатии шаҳри Кӯлоб муҳокимаи ҷамъиятӣ дар мавзӯи “Натиҷагирӣ аз иҷрои татбиқи “Барномаи рушди иҷтимоию иқтисодии шаҳри Кӯлоб барои солҳои 2020-2025” баргузор гардид.
Дар муҳокимаи мазкур раиси шаҳри Кӯлоб Назарзода Бахтиёр Худоёр, Файзулло Машраб Қурбоналӣ, вакили Маҷлиси намояндагони Маҷлиси Олии Ҷумҳурии Тоҷикистон, Абдусаломзода Мунаввар- Маҷлиси намояндагони Маҷлиси Олии Ҷумҳурии Тоҷикистон, Бобошозода Шоҳин, сармутахассиси Раёсати рушди минтақаҳои Вазорати рушди иқтисод ва савдои Ҷумҳурии Тоҷикистон, Зокир Раҳмонов, мушовири маҳаллии Барномаи Рушди Созмони Миллали Муттаҳид дар Ҷумҳурии Тоҷикистон ва дигар шахсони масъул иштирок доштанд.
Нахуст, дар ҷаласа роҳбарияти мақомоти иҷроияи ҳокимияти давлатии шаҳри Кӯлоб Назарзода Бахтиёр суханронӣ намуда, қайд намуд, ки Барномаи рушди иҷтимоию иқтисодии шаҳри Кӯлоб барои солҳои 2020-2025 тибқи дастури Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмсон ва дар асоси банди 35-и Нақшаи чорабиниҳо оид ба иҷрои дастуру супоришҳои Сарвазири Ҷумҳурии Тоҷикистон, ки ҳангоми сафари корӣ ба шаҳри Кӯлоб рӯзҳои 7-8 ноябри соли 2018, баён доштанд, таҳия гардида, бо дастгирии бевоситаи Пешвои миллат бо қарори Ҳукумати Ҷумҳурии Тоҷикистон аз 25 июни соли 2020, №389 тасдиқ шудааст.
Бояд қайд намоем, ки Барномаи мазкур дар ҳамкорӣ бо Вазорати рушди иқтисод ва савдаои Ҷумҳурии Тоҷикистон бо забонҳои тоҷикӣ, русӣ ва англисӣ дастраси вазорату идораҳои дахлдор, мақомоти иҷроияи ҳокимияти давлатии вилояти Хатлон, ташкилоту муассисаҳои шаҳри ҷамоатҳои деҳоти шаҳр ва як қатор ташкилотҳои байналхалӣ гардонида шудааст.
Барномаи рушди иҷтимоию иқтисодии шаҳри Кӯлоб барои солҳои 2020-2025 ҳамагӣ 225 лоиҳа ба маблағи 7 миллиарду 12,0 миллион сомониро дар бар мегирад.
Дар идома аз ҷониби масъулин ҷиҳати натиҷаҳои иҷрои Барномаи рушди иҷтимоию иқтисодии шаҳри Кӯлоб барои солҳои 2020-2025 маълумоти муфассал пешниҳод гардид.
Бахши матбуотии МИҲД-и шаҳри Кӯлоб
Дар толори Мақомоти иҷроияи ҳокимияти давлатии шаҳри Кӯлоб ҷаласаи назоратӣ таҳти раёсати раиси шаҳри Кӯлоб Назарзода Бахтиёр Худоёр доир гардид.
Дар кори ҷаласа муовинон ва роҳбари дастгоҳи раиси шаҳр, роҳбарони мақомоти ҳифзи ҳуқуқ, сардорони раёсатҳо, мудирони шуъбаву бахшҳои дастгоҳ ва мақомоти иҷроияи ҳокимияти давлатӣ, роҳбарони ташкилоту муассисаҳои таълимию тиббӣ, раисони ҷамоатҳо ва дигар шахсони масъул иштирок доштанд.
Нахуст, раиси шаҳр ҷаласаро ифтитоҳ намуда, ҳозиринро ба рӯзномаи маҷлис шинос намуд. Қайд намуд, ки ҳар яки моро мебояд, ки тибқи дастуру супоришҳои Асосгузори сулҳу ваҳдати миллӣ, Пешвои миллат муҳтарам Эмомалӣ Раҳмон, ки дар вохӯрӣ бо фаъолони вилояти Хатлон санаи 18 июни соли равон дар ноҳияи Данғара дар самти таъмини амнияти озуқаворӣ иброз доштанд, корро боз ҳам ҷоннок намоем.
Дар ҷаласаи навбатӣ тибқи банди якуми рӯзномаи маҷлис Файзулло Абдуллоев оид ба супоришҳои қаблии раиси шаҳр ҳисобот пешниҳод намуд.
Сипас, аз рӯи масъалаи дуюми рӯзномаи маҷлис ахбороти роҳбарони гуруҳи кории таъсисдодашуда ҷиҳати гузаронидани корҳои фаҳмондадиҳӣ ва самаранок истифода бурдании заминҳои наздиҳавлигӣ миёни сокинони деҳот ва маҳаллаҳои шаҳр шунида шуд.
Аз рӯи масъалаи сеюм ҳисоботи сармутахассис-ҳуқуқшиноси роҳбари дастгоҳи раиси шаҳри Амирҷон Гулмадов пешниҳоди ҳозирин гардонида шуд.
Дар идомаи ҷаласа роҳбарияти мақомоти иҷроияи ҳокимияти давлатии шаҳри Кӯлоб ба масъулин ҷиҳати ба самар расонидани кишти такрорӣ, таъминоти оби полезӣ, тақвият бахшидани корҳои фаҳмондадиҳӣ миёни сокинон, инъикоси кишти такрории зироатҳои кишоварзӣ дар телевизиону рӯзномаҳо, риоя кардани қоидаҳои зидди сӯхтор дар ғаллазорҳо, пардохти саривақтии рухсатпулии омӯзгорон ва дигар масъалаҳо мавриди баррасӣ қарор дода, ба масъулин дастуру супоришҳои мушаххас доданд.
Бахши матбуотии МИҲД-и шаҳри Кӯлоб
Дар доираи робитаҳои дӯстӣ ва ҳамкорӣ миёни Ҷумҳурии Тоҷикистон ва Ҷумҳурии Ӯзбекистон муносибатҳо байни вазорату идораҳои соҳавӣ густариш ёфта, табодули таҷрибаи мақомоти давлатии тарафҳо ба анъана даромадааст.
Дар ин замина санаи 30 июни соли равон ҳайати Вазорати шуғл ва муносибатҳои меҳнатии Ҷумҳурии Ӯзбекистон таҳти роҳбарии муовини якуми вазири шуғл ва муносибатҳои меҳнатии Ҷумҳурии Ӯзбекистон Муҳитдинов Эркин Мадорбекович, ҳамчунин мушовири пешбари Маъмурияти Президенти Ҷумҳурии Ӯзбекистон, сардорони сохторҳои Вазорати шуғл ва муносибатҳои меҳнатии Ҷумҳурии Ӯзбекистон ба шаҳри Кӯлоб ташриф оварданд.
Ҳайати меҳмононро дар даромадгоҳи шаҳр раиси шаҳри Кӯлоб Назарзода Бахтиёр Худоёр ва дигар шахсони масъул самимона пешвоз гирифтанд.
Нахуст, меҳмонон Оромгоҳи орифи номдори Машриқзамин Мир Сайид Алии Ҳамадониро зиёрат намуда, аз осорхонаи ин мутафаккири бузург боздид намуданд.
Баъдан, бо ҳузури ҳайати меҳмонони Ҷумҳурии Ӯзбекистон дар толори Мақомоти иҷроияи ҳокимияти давлатӣ Кӯлоб мулоқот оид ба ҳамкорӣ дар соҳаи меҳнат ва шуғли аҳолӣ бо раиси шаҳри Кӯлоб Назарзода Бахтиёр Худоёр баргузор гардид.
Дар идома меҳмонон аз Муассисаи давлатии техникии Литсейи касби техникии сохтмонии ҷамоати деҳоти Даҳанаи шаҳри Кӯлоб боздид намуда аз шароит ва буду боши ин муассиса аз наздик шинос шуданд.
Зимни боздид аз муассисаи мазкур табодули таҷрибаи тарафҳо дар самтҳои танзими муносибатҳои меҳнатӣ, касбомӯзӣ, шуғли аҳолӣ ва таҳсилоти касбӣ сурат гирифт.
Бахши матбуотии МИҲД-и шаҳри Кӯлоб
Бахшида ба 25- умин солгарди ҷашни Ваҳдати миллӣ дар шаҳри Кӯлоб бо дастгирии Мақомоти иҷроияи ҳокимияти давлатии шаҳри Кӯлоб ва бо ҷалби соҳибкорони ватанӣ як қатор иншоотҳои иҷтимоӣ ва хизматрасонӣ мавриди баҳрабардорӣ қарор дода шуд.
Бо иштироки раиси шаҳр ва муовини раиси вилояти Хатлон Файзуллозода Заробуддин дар хиёбони Исмоили Сомонии шаҳри Кӯлоб, нуқтаи ултрасадо ва ташхисию табобатии амрози занона, аз ҷониби соҳибкор Анварбӣ Қонунова ба истифода дода шуд.
Тибқи маълумотҳои дастрасгардида сохмони нуқтаи мазкур аз ҳисоби манзили истиқоматии соҳибкор ва қисмати пеши он аз масолеҳи сабуки васлшаванда дар муддати кутоҳ ба истифода дода шуда, айни замон дар он 4 нафар бо ҷойи кори доимӣ таъмин гардиданд.
Дар иншооти мазкур таҷҳизотҳои муосир насб карда шуда, инчунин табибони собиқадор ба кор ҷалб карда шуданд.
Инчунин, дар ҷамоати деҳоти Кӯлоб, деҳаи Обшорон аз ҷониби фармоишгар ҶДММ “Махсус” коргоҳи сангу шағал ба истифода дода шуд. Дар коргоҳи мазкур таҷҳизотҳои эронӣ истифода гардида, 8 нафар бо ҷойи кор таъмин гардиданд.
Ҳамчунин, дар Ҷамоати деҳоти Зиракӣ, деҳаи Бахтобод низ коргоҳи сангу шағал, бо ҷалби соҳибкор Исохонов Каримхон, мавриди истифода қарор дода шуд, ки дар он 8 нафар ба ҷойи кор таъмин шуданд.
Дар Ҷамоати деҳоти Зарбдор бошад бинои ошхонаи №1-и хоҷагии “Хатлон”-и шаҳри Кӯлоб бо маблағгузории Ҳукумати Ҷумҳурии Тоҷикистон бунёд гардида, фармоишгари он Маркази ҳамоҳангсозии лоиҳаҳо оид ба таҷдид ва рушди иншооти инфраструктураи иҷтимоӣ мебошад.
Иттилоъ дода шуд, ки дар иншооти мазкур сохтмончиёни маҳаллӣ ҷалб гардида, корҳои сохтмонӣ дар сатҳи зарурӣ иҷро гардидааст. Дар ошхонаи мазкур имкон фароҳам шудааст, ки дар як баст 85 нафар қабул кунад.
Қобили зикр аст, ки дар идомаи корҳои ободониву бунёдкорӣ бо иштироки муовини раиси шаҳри Кӯлоб Орзу Ҳамидиён ва намояндагон аз Федератсияи Россия дар хиёбони Исмоили Сомонии шаҳри Кӯлоб маркази ташхисию тиббии “Гемотест”, мавриди баҳрабардорӣ қарор дода шуд. Маркази мазкур аз ҷониби “Гемотест-Тоҷикистон” дар ҳамкорӣ бо “Гемотест- Россия” ба таври замонавӣ бунёд гардида, дар он таҷҳизотҳои муосир насб карда шудааст. Бояд гуфт, ки дар марказ 3 нафар бо ҷойи кори доимӣ ва маоши хуб таъмин гардиданд.
Дар доираи тадбирҳои созандагиву бунёдкорӣ дар маҳаллаи Борбад низ Маркази ташхисию тиббии “Гемотест- Тоҷикистон” дар ҳамкорӣ бо “Гемотест- Россия” бо тарҳи муосиру замонавӣ бунёд гардида, 3 нафар ба ҷойи кори доимӣ таъмин шуд.
Дар пайи хамингуна амалу ташаббусхои созандаи Асосгузори сулҳу ваҳдати миллӣ, Пешвои миллат, Президенти Ҷмуҳурии Тоҷикистон муҳтарам Эмомалӣ Раҳмон соҳибкорони шаҳри Кӯлоб ният доранд, ки ба ифтихори ҷашни бузурги миллӣ 35 солагии Истиқлолияти давлатии Ҷумҳурии Тоҷикистон марҳила ба марҳила иншоотҳои гуногунро сохта, мавриди истифода қарор диҳанд.
Бахши матбуотии МИҲД-и шаҳри Кӯлоб
Подкатегории
Шабакаҳои иҷтимоӣ
30-солагии Истиқлоли давлатии Ҷумҳурии Тоҷикистон
