Санаи 15 августи соли равон дар толори мақомоти иҷроияи ҳокимияти давлатии шаҳри Кӯлоб ҷаласаи назоратии назди раиси шаҳри Кӯлоб Назарзода Бахтиёр доир гардид, ки дар он муовинон ва роҳбари дастгоҳи раиси шаҳр, мудирони шуъбаву бахшҳои дастгоҳ ва мақомоти иҷроияи ҳокимияти давлатӣ, роҳбарони мақомоти ҳифзи ҳуқуқ, сардорони раёсатҳо, роҳбарони ташкилоту муассисаҳои таълимию тиббӣ, раисони ҷамоатҳо, соҳибкорон ва дигар шахсони масъул иштирок доштанд.
Сараввал роҳбарияти шаҳри Кӯлоб ҷаласаро ифтитоҳ намуда, рӯзномаи маҷлисро ба ҳозирин шинос намуд. Сипас, иброз доштанд, ки баҳри амалӣ гардидани дастуру супоришҳои Роҳбарияти Олии мамлакат муҳтарам Эмомалӣ Раҳмон корбариро дар сатҳи баланд ба роҳ монда, ҷашни 31 солагии Истиқлолияти давлатии Ҷумҳуриамоноро бо дастовардҳои навин истиқбол намоем.
Баъдан, аз рӯи масъалаи якуми рӯзномаи маҷлис Роҳбари дасгоҳи шаҳри Кӯлоб Абдуллоев Файзулло оид ба супоришҳои дар маҷлиси қаблӣ додашуда ҳисобот пешниҳод намуд.
Тибқи банди дуюми рӯзномаи маҷлис муовини раиси шаҳри Кӯлоб Даминзода Арафамо оид ба рафти иҷрои “Барномаи давлатии тарбия, интихоб ва ҷобаҷогузории кадрҳои роҳбарикунандаи Ҷумҳурии Тоҷикистон аз ҳисоби занону духтарони лаёқатманд барои солҳои 2017-2022” баромад намуда, қайд кард, ки Фармони Президенти Ҷумҳурии Тоҷикистон муҳтарам Эмомалӣ Раҳмон аз 3 декабри соли 1999, №5 “Дар бораи тадбирҳои баланд бардоштани мақоми зан дар ҷомеа” ҳуҷҷати асосие мебошад, ки баҳри амалӣ намудани “Барномаи давлатии тарбия, интихоб ва ҷобаҷогузории кадрҳои роҳбарикунандаи Ҷумҳурии Тоҷикистон аз ҳисоби занону духтарони лаёқатманд барои солҳои 2017-2022” мавқеи ҳалкунанда дошта, ғамхории навбатии Пешвои муаззами миллат нисбат ба баланд бардоштани мавқеи занону духтарон буда боиси ифтихори мо занону бонувон мебошад.
Дар идомаи кори ҷаласа Муовини якуми раиси шаҳри Кӯлоб Ташрифзода Мунаваршо оид ба рафти кишти такрории зироатҳои кишоварзӣ ва Ҳамидиён Орзу оиди рафти омодагиҳо ба даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон ҳисобот пешниҳод намуданд.
Зимни маҷлиси навбатӣ масъалаҳо оиди фаъолияти қатъии гуруҳҳои корӣ, иваз намудани шиору овезаҳо, рангу бор намудани ташкилоту муассисаҳо ва хонаҳои баландошёна, рафти омодагии муассисаҳои мактабӣ ба соли нави хониш, омодагӣ ба давраи тирамоҳу зимистон дар муассисаҳо, дар сатҳи баланд гузаронидани Конференсияи августии омӯзгорон, супоридани бақияпулиҳои андоз, бунёди корхонаҳои саноатӣ ва дигар масъалаҳо мавриди муҳокима қарор дода шуд.
Бахши матбуотии МИҲД-и шаҳри Кӯлоб
Санаи 11 августи соли равон дар Маркази ҷавонони шаҳри Кӯлоб ҷиҳати баланд бардоштани ҳисси хештаншиносӣ ва ватандӯстии ҷавонон вохӯрӣ доир гардид.
Дар вохӯрии мазкур муовини раиси шаҳр Ҳамидиён Орзу, мудири шуъбаи кор ба ҷавонони КИВ ҲХДТ дар вилояти Хатлон, роҳбари ТҶҶ “Созандагони Ватан” дар вилояти Хатлон Ғуломов Меҳроҷ, муовини раиси Кумитаи иҷроияи ҲХДТ дар шаҳри Кӯлоб Саймуминзода Фирӯз, инчунин намояндаи ШВКД дар минтақаи Кӯлоб, аъзоёни гуруҳи Авангард, хонандагони синфҳои болоии муассисаҳои таълимии шаҳр, валантёрон, варзишгарон ва бархе аз котибони ташкилотҳои ибтидоии ҳизбӣ иштирок доштанд.
Зимни ҷаласа муовини раиси шаҳри Кӯлоб, Орзу Ҳамидиён аз дастовардҳои ҷавонони боистеъдоди шаҳри Кӯлобсуханронӣ намуд. Мавсуф қайд кард, ки Асосгузори сулҳу ваҳдаи миллӣ, Пешвои миллат, Президенти ҷумҳурии Тоҷикистон муҳтарам Эмомалӣ Раҳмон дар ҳар як суханронии худ таъкид мекунанд, ки созандагиву ободкории миллату давлат дар дасти ҷавонон аст ва ҷавонон ояндаи имрӯзу фардои давлату миллатанд.
Дар идома мудири шуъбаи кор ба ҷавонони КИВ ҲХДТ дар вилояти Хатлон, роҳбари ТҶҶ “Созандагони Ватан” дар вилояти Хатлон Ғуломов Меҳроч Бо шукргузорӣ аз фазои сулҳу субот ва Истиқлолияти давлатӣ ибрози андеша намуда, қайд аз он дошт, ки хизмат ба Ватан, садоқат ба Пешво, ҳиссагузорӣ дар ободиву шукуфонии Тоҷикистони азиз бояд рисолати ҳар як ҷавони имрӯза бошад ва ҳамчунин ҷавонони имрӯзаи моро мебояд дастгириву хизматҳои сарвари давлатро дар самти ҷавонон қадр намоянд.
Бояд қайд намоем, ки дар вохӯрии имрӯза Бобохонзода Ситора - сардори шуъбаи кор бо ноболиғони РВКД-и вилояти Хатлон дар минтақаи Кӯлоб, Ятимов Алишер-роҳбари гуруҳи Авангарди минтақаи Кӯлоб, Шоҳинов Ҳасан-аъзои фаъоли ҲХДТ баромад карда аз таваҷҷуҳи бевоситаи давлату Ҳукумат бахусус Роҳбарияти Олии кишвар дар самти ҷавонону наврасон дар соҳаҳои гуногун изҳори андеша намуданд.
Сипас, Саймуминзода Фирӯз-муовини раиси Кумитаи иҷроияи ҲХДТ дар шаҳри Кӯлоб аз нақши меҳварӣ доштани ҷавонон дар фаъолияти ҲХДТ ёдовар шуда, қайд намуданд: пешрафти ҷомеа дар тамоми соҳаҳо аз оромии он вобастагии зиёд дошта, муттаҳидиву иттиҳодии ҷавонон асоси он ба шумор рафта, муҳимияти он дар камоли иҷтимоии шахс махсус аст. Набояд фаромӯш кард, ки ҷавонон нерӯи бузург дар ҳар давру замон дониста шуда, дар меҳвари ҳамагуна тағйироту табадуллоти равандҳои ҷомеа нерӯи марказӣ маҳсуб ёфта, нақши муассир доранд.
Бахши матбуотии МИҲД-и шаҳри Кӯлоб
Дар доираи робитаҳои дӯстӣ ва ҳамкорӣ миёни Ҷумҳурии Тоҷикистон ва Ҷумҳурии Ӯзбекистон муносибатҳо байни вазорату идораҳои соҳавӣ густариш ёфта, табодули таҷрибаи мақомоти давлатии тарафҳо ба анъана даромадааст.
Дар ин замина санаи 12 августи соли равон ҳайати меҳмонон аз вилояти Сурхондарёи Ҷумҳурии Ӯзбекистон ба шаҳри Кӯлоб ташриф оварданд
Меҳмононро дар даромадгоҳи шаҳр раиси шаҳри Кӯлоб Назарзода Бахтиёр Худоёр, сокинони касбу кори гуногун вав дигар шахсони масъул самимона пешвоз гирифтанд.
Баъди истиқболи гарму самимӣ ҳайати меҳмонон аз ҶДММ “Парки нассоҷии шаҳри Кӯлоб” боздид намуда, ба раванди фаъолияти корхонаи мазкур аз наздик шинос гардиданд.
Ҳамчунин, дар идомаи сафар ҳайати меҳмонон ба фаъолияти боғи фарҳангӣ-фароғатӣ ба номи Мир Сайид Алии Ҳамадонии шаҳри бостонии Кӯлоб шиносоӣ пайдо намуда, сайре дар ин боғи зебову диданӣ шаҳр карданд. Бояд гуфт, ки дар боғи мазкур аз ҷониби бахши фарҳанги мақомоти иҷроияи ҳокимияти давлатии шаҳри Кӯлоб барномаи фарҳангӣ пешниҳоди меҳмонон гардид.
Сипас, меҳмонон санаи 13 августи соли равон ба нишони эҳтиром ва қадршиносии Оромогоҳи мутафаккири бузург Мир Сайид Алии Ҳамадониро зиёрат намуда, аз Осорхонаи ин мутафаккир ва намоишгоҳи ҳунарҳои мардумии шаҳри Кӯлоб боздид намуданд.
Бахши матбуотии МИҲД-и шаҳри Кӯлоб
Санаи 11 августи соли равон дар толори мақомоти иҷроияи ҳокимияти давлатии шаҳри Кӯлоб ҷаласаи назоратии назди раиси шаҳри Кӯлоб Назарзода Бахтиёр Худоёр баргузор гардид, ки дар он муовинон, роҳбарони сохтории дастгоҳ ва мақомоти иҷроияи ҳокимияти давлатии шаҳр ва роҳбарону соҳибмулкони корхонаҳои саноатӣ иштирок доштанд. Ҳамчунин дар ҷаласаи имрӯза Прокурори шаҳри Кӯлоб Достизода Қутбиддин ширкат намуданд.
Дар ҷаласаи мазкур масъалаҳо оид ба рафти иҷрои уҳдадориҳои андозӣ аз ҷониби корхонаҳои саноатӣ ва ташкилотҳои сохтмонии шаҳру деҳоти Кӯлоб ва пардохти саривақтии андозҳо мавриди баррасӣ қарор дода шуд.
Нахуст, роҳбарияти шаҳри Кӯлоб Назарзода Бахтиёр суханронӣ намуда, қайд кард, ки ҳамаи роҳбарону соҳибмулкони ташкилоту муасисаҳо ва корхонаҳои саноатиро мебояд ҷиҳати дар амал татбиқ намудани дастуру супоришҳои бевоситаи Пешвои муаззами миллат муҳтарам Эмомалӣ Раҳмон оид ба иҷроиши пардохти саривақтии андоз кору фаъолиятро беҳтару хубтар намуда то дар рушду пешрафти шаҳрамон ҳиссагузор бошем.
Дар маҷлиси имрӯза аз рӯи масъалаи рӯзномаи маҷлис сардори Нозироти андози шаҳри Кӯлоб Раҳимзода Назирмад ҳисобот пешниҳод намуд.
Дар идомаи маҷлиси инчунин масъалаҳо оид ба рӯёнидани бақияпулиҳои андоз дар Нозироти андози шаҳр, иҷрои пардохти саривақтии андоз аз ҷониби ташкилотҳо мавриди муҳокима қарор дода шуда ба масъулин дастуру супоришҳо доданд ва вазифадор гардиданд, ки барои саривақт насупоридани бақияпулиҳои андоз чораҳои таъсиррасонӣ андешида шавад.
Бахши матбуотии МИҲД-и шаҳри Кӯлоб
Подкатегории
Шабакаҳои иҷтимоӣ
30-солагии Истиқлоли давлатии Ҷумҳурии Тоҷикистон
