Мақомоти иҷроияи ҳокимияти давлатии шаҳри Кӯлоб тамоми кормандони соҳаи нақлиёти автомобилиро ба иди касбӣ - Рӯзи кормандони нақлиёти автомобилӣ табрику муборакбод мегӯяд.
Боиси рӯҳбаландист, ки касби пуршарафи кормандони соҳаи нақлиёти автомобилӣ аз ҷониби Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пайваста қадрдонӣ гардида, рӯзи муайяне ба ҳайси иди касбӣ дар ин самт ихтисос дода шудааст.
Дар ин росто, "Баромадан аз бунбасти коммуникатсионӣ", ки яке аз ҳадафҳои стратегияи давлатӣ ба ҳисоб меравад, аҳамияти рушди соҳаро дучанд месозад. Бо мақсади расидан ба ин ҳадафи муҳимму стратегӣ тули солҳои соҳибистиқлолӣ бунёди нақбу роҳҳои ба талаботи муосир ҷавобгӯ роҳи нақлиёти автомобилиро ба тамоми гӯшаву канори кишвари азизамон боз намуд. Маҳз бо шарофати дастовардҳо дар соҳаи нақлиёти автомобилӣ рушди бемайлони иқтисодиёти кишвар таъмин гардида, сатҳи некӯаҳволии мардум баланд гардида истодааст.
Бояд қайд намоем, ки дарозии роҳҳои автомобилгарди шаҳру деҳот 344 км –ро ташкил карда, дар давоми нимсолаи аввали соли 2022 муассисаи давлатии нигоҳдории роҳҳои автомобилгарди шаҳр 60 км роҳҳои автомобилгарди аҳамияти маҳаллидоштаро таъмири ҷорӣ намуд. Ҳамзамон, дар ин муддат аз тарафи Вазорати нақлиёти Ҷумҳурии Тоҷикистон барои нигоҳдории роҳҳои маҳаллӣ 79,3 ҳазор сомонӣ ҷудо гардид. Воситаҳои нақлиёти автомобилӣ дар шаҳри Кӯлоб тули нимсолаи аввали соли равон 1 612 400 тонна бор ва 16 598 900 нафар мусофиронро ба ҷойҳои зарурӣ интиқол додаанд, ки нисбат ба ҳамин давраи соли гузашта мутаносибан 116 ҳазор тонна ё 122,9 фоиз ва мусофиркашонӣ 164,2 ҳазор нафар зиёд мебошад.
Бо шукргузорӣ аз ин муваффақиятҳо боварии комил дорем, ки минбаъд низ соҳаи нақлиёти автомобилӣ таҳти сиёсати созандаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон рушд карда, кормандони шарафманди соҳаи нақлиёт ба дастовардҳои беназир ноил мегарданд.
Дар ин кори пурифтихор ба ҳамаи кормандони соҳа сарбаландӣ ва комёбиҳои нав ба нав таманно менамоем.
Рӯзи кормандони нақлиёти автомобилӣ муборак бошад!
Санаи 22 июли соли равон дар толори мақомоти иҷроияи ҳокимияти давлатии шаҳри Кӯлоб, нишасти матбуотии раиси шаҳр Назарзода Бахтиёр Худоёр бо намояндагони воситаҳои ахбори омма доир шуд.
Нахуст раиси шаҳри Кӯлоб барои ҳамкории хубу пурсамар бо мақомоти иҷроияи ҳокимияти давлатии шаҳри Кӯлоб, дастгирии сиёсати давлатӣ, тарғибу ташвиқи арзишҳои миллию давлатдорӣ ва муаррифии дастовардҳои иҷтимоию иқтисодии шаҳр дар давоми соли равон ба кулли рӯзноманигорон миннатдорӣ баён намуд. –
Қайд гардид, ки воситаҳои ахбори оммаи кишвар дар ҳаёти ҷомеаи Тоҷикистони соҳибистиқлол нақши ниҳоят муҳим дошта, радио телевизион, рӯзномаҳои даврӣ ва дигар воситаҳои электронии иттилоотӣ дар ташаккули афкори мардум нақши муассир мегузорад. Ба хусус, дар замони ҷаҳонишавӣ ва шаклгирии идеологияҳои давлатдорӣ ва тафаккури насли замони муосир иттилоот ва воситаҳои идеологӣ дар тарбияи маънавӣ, маърифатноки мафкурасозии ҷомеаи ВАО аҳамияти хоса пайдо мекунанд.
Дар нишасти матбуотии мақомоти иҷроияи ҳокимияти давлатии шаҳри Кӯлоб гуфта шуд, ки гардид, аҳли заҳмати шаҳри Кӯлоб бо фаъолияти назарраси худ дар пешрафти иҷтимоию иқтисодии шаҳр саҳми арзандаи худро гузошта истодаанд.
Зикр рафт, ки дастуру супоршҳое, ки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо фаъолони вилояти Хатлон 24 феврал ва 18 июни соли 2022 дар шаҳри Бохтар ва ноҳияи Данғара иброз намуданд, ба роҳбарӣ гирифта, дар нимсолаи якуми соли 2022 ҷиҳати пешбурди иқтисодиёту иҷтимоиёт корҳои муайянро ба сомон расониданд.
Таъкид гардид, ки мақомоти иҷроияи ҳокимияти давлатии шаҳри Кӯлоб бо дастгирии бевоситаи муҳтарам Пешвои миллат Барномаи рушди иҷтимоию иқтисодии шаҳри Кӯлоб барои солҳои 2020-2025 бо қарори Ҳукумати Ҷумҳурии Тоҷикистон аз 25 июни соли 2020, №389 тасдиқ карда шудааст.
Дар шаш моҳи соли равон тибқи маълумотҳо 44 лоиҳа ба маблағи зиёда аз 351 млн. сомонӣ амалӣ гардида, дар 32 лоиҳаҳо корҳо идома дошта, 111 млн. сомонӣ аз худ гардида, азхудкунии маблағҳои лоиҳаҳо дар маҷмуъ 462 млн. сомониро ташкил додааст.
Дар маҷмуъ қисми даромади буҷет 110,9 фоиз иҷро ва қисми хароҷоти он 96 фоиз таъмин гардид. Қобили қайд аст, ки дар нимсолаи аввали соли 2022 аз ҳисоби музди меҳнат қарздорӣ ба қайд гирифта нашудааст. Дар нимсолаи аввали соли 2022 бонкҳои шаҳр ба соҳаҳои иқтисодиёт 137,5 миллион сомонӣ қарзҳои бонкӣ равона намуданд, ки нисбати ҳамин давраи соли гузашта 26,3 миллион сомонӣ зиёд мебошад. Нақшаи пешниҳоди қарз аз тарафи филиали “Саноатсодиротбонк” дар соли 2022 27,7 млн. сомонӣ пешбинӣ шудааст. То инҷониб ба маблағи 5,9 млн. сомонӣ қарз ба соҳаҳои саноату сохтмон, кишоварзӣ ва савдо равона гардида, бо фоизҳои нисбат ба бонкҳои дигар пасттар дода шудаанд.
Дар шаш моҳи соли ҷорӣ дар нозироти андози шаҳр 5172 соҳибкори инфиродӣ, аз ҷумла 2327 бо патент, 721 соҳибкор бо шазодатнома ва 2124 хоҷагиҳои деҳқонӣ дар қайд мебошанд.
Дар нимсолаи аввали соли ҷорӣ ҳаҷми умумии истеҳсоли маҳсулоти кишоварзӣ дар ҳамаи бахшҳои хоҳагидорӣ дар шаҳр ба 209,5 млн. сомони расонида шуд, ки нисбат ба ҳамин давраи соли гузашта 8,2 млн. сомонӣ зиёд буда, суръати афзоиш 104,1 фоизро ташкил дод.
Аз ҷумла аз ҳисоби истеҳсол ва фуруши маҳсулоти соҳаи растанипарварӣ 144 млн. сомонӣ, ё ин ки 4,4 млн. сомонӣ зиёд, аз ҳисоби соҳаи чорводорӣ 65,4 млн. сомонӣ, ё ин ки 3,7 млн сомонӣ зиёд ва аз ҳисоби соҳаҳои моҳипарварӣ 2,1 млн. сомонӣ, ё ин ки 0,4 ҳазор сомонӣ зиёд ба қайд гирифта шуд. Суръати афзоиш мутаносибан 103,2 фоиз, 106,1 фоиз ва 100 фоизро ташкил дод.
Қобили қайд аст, ки бо назардошти эълон гардидани солҳои 2022-2026 “Солҳои рушди саноат” ва амалӣ намудани ҳадафи чоруми миллӣ- саноатикунонии босуръати мамлакат, мақомоти иҷроияи ҳокимияти давлатии шаҳр ба рушди соҳаи саноат ҳамчун соҳаи афзалиятноки иқтисодии шаҳр диққати ҷиддӣ дода истодааст. Соли 2022 тибқи қарори раиси шаҳр “Соли рушди саноат ва роњњои обод” эълон гардида, нақшаи чорабиниҳо таҳия ва дар нимсолаи аввал дар ин самт корҳои муайян амалӣ карда шуданд. Дар маҷмӯъ ҳаҷми истеҳсоли маҳсулот ба 142,2 млн. сомонӣ баробар шуда , ин нишондиҳанда нисбат ба ҳамин давраи соли гузашта 30,6 млн. сомонӣ зиёд буда, рушди соҳа 127,4 фоизро ташкил намудааст
Дар нишасти матбуотӣ намояндаи телевизиони “Сафина” дар минтақаи Кӯлоб, намояндаи нашрияи Садои Мардум”, Намояндаи телевизони “Точикистон” намояндаи нашрияи “Пайк”, намояндаи телевизиони “Варзиш” ва ҳамчунин дигарон ба суолҳои худ оид ба масъалаҳои мухталифи иҷтимоию иқтисодӣ, кишоварзию рушди саноат посухи мушаххас гирифтанд.
Дар охир раиси шаҳри Кӯлоб Назарзода Бахтиёр изҳор дошт, ки сокинони фарҳангдӯсти шаҳр бо ҷонибдорӣ аз сиёсати пешгирифтаи Асосгузори сулҳу ваҳдати миллӣ, Пешвои миллат, Президенти кишвар муҳтарам Эмомалӣ Раҳмонро баҳри иҷрои ҳадафҳои пешгирифта дар самти корҳои ободонию созандагии диёри биҳиштоосоямон содиқона саъю талош хоҳанд варзид.
Бахши матбуотии МИҲД-и шаҳри Кӯлоб
Пеш аз оғози Конференсия муовини Раиси ҲХДТ Хайриниссо Юсуфӣ, Раиси Кумитаи иҷроияи ҲХДТ дар вилояти Хатлон Миралиён Қиёмиддин, узви Раёсат ва Кумитаи иҷроияи ҲХДТ дар шаҳри Кӯлоб, раиси шаҳри Кӯлоб Назарзода Бахтиёр ва раиси Кумитаи иҷроияи ҲХДТ дар шаҳри Кӯлоб – Шарифзода Гулрухсор аз рафти истифодаи самараноки заминҳои хоҷагиҳои деҳқонии ҷамоати деҳоти Зиракии шаҳри Кӯлоб дидан намуданд.
Баъдан, дар кори Конференсия муовини Раиси ҲХДТ Хайриниссо Юсуфӣ, Раиси Кумитаи Иҷроияи ХҲДТ дар вилояти Хатлон Миралиён Қиёмиддин, узви Раёсат ва Кумитаи иҷроия, раиси шаҳри Кӯлоб Назарзода Бахтиёр Худоёр, раиси Кумитаи иҷроияи ҲХДТ дар шаҳри Кӯлоб Шарифзода Гулрухсор, Раҳмон Дилшод Сафарбек-ректори Донишгоҳи давлатии Кӯлоб, вакилони даъватшуда, аъзои ТҶҶ “Созандагони Ватан”, фаъолон ва намояндагони ВАО иштирок доштанд.
Пас аз садо додани Суруди миллӣ ва интихоби ҳайатҳои раёсат, котибот, комиссияи таҳририя, комиссияи ваколатдор, тасдиқи регламент ва рӯзномаи маҷлис вакилон ба кори Конеференсия ҳусни оғоз бахшиданд.
Конференсия тибқи рӯзномаи тасдиқшуда масъалаҳои зеринро мавриди таҳлилу баррасӣ қарор дод: 1. Шунидани ҳисоботи раиси Кумитаи иҷроияи Ҳизби Халқии Демократии Тоҷикистон дар шаҳри Кӯлоб аз моҳи ноябри соли 2019 то моҳи июни соли 2022; 2. Шунидани ҳисоботи раиси комиссияи тафтишотии Кумитаи иҷроияи Ҳизби Халқии Демократии Тоҷикистон дар шаҳри Кӯлоб аз моҳи ноябри соли 2019 то моҳи июни соли 2022; 3. Интихоби ҳайати нави Кумитаи иҷроияи Ҳизби Халқии Демократии Тоҷикистон дар шаҳри Кӯлоб; 5. Интихоби вакилон ба Конференсияи 14-уми ҲХДТ дар вилояти вилояти Хатлон аз шаҳри Кӯлоб ва масъалаҳои ҷорӣ.
Аз рӯи масъалаи якум Шарифзода Гулрухсор раиси Кумитаи иҷроияи ҲХДТ дар шаҳри Кӯлоб доир ба фаъолияти Кумитаи иҷроияи Ҳизби Халқии Демократии Тоҷикистон дар шаҳри Кӯлоб аз моҳи ноябри соли 2019 то моҳи июни соли 2022 ҳисобот дод. Иттилоъ дода шуд, ки дар шаҳри Кӯлоб низ чун дар тамоми Тоҷикистон ҲХДТ дорои мавқею обрӯ ва ҷонибдории устувори сокинон буда, Кумитаи иҷроия дар асоси қарорҳои Анҷумани ХII, Оиннома ва Барномаи ҳизб, дастуру супоришҳои КИМ ҲХДТ ва КИ ҲХДТ дар вилояти Хатлон дар ин давра ба натиҷаҳои назаррас ноил гардидааст.
Ҳамзамон гуфта шуд, ки дар давоми ин солҳо сафи аъзои ҲХДТ дар шаҳри Кӯлоб ба миқдори 1374 нафар зиёд карда шудааст.
Зимни музокира, вакилони конференсия Ҷалолов Баҳриддин, Эмомова Сайлигул ва Бадалов Исфандиёр ҳисоботи раиси Кумитаи иҷроияи ҲХДТ дар шаҳри Кӯлобро дар давраи ҳисоботӣ қаноатбахш ҳисобиданд.
Сипас, тибқи масъалаи дуюми рӯзнома Қурбонзода Наргис раиси комиссияи тафтишоти Кумитаи иҷроияи ҲХДТ дар шаҳри Кӯлоб бораи фаъолияти молиявии Кумитаи иҷроия дар давраи ҳисоботӣ маълумот дод.
Зимни баррасии масъалаи сеюм ва чорум бо иштироки фаъолонаи вакилон ҳайати нави Кумитаи иҷроияи ҲХДТ дар шаҳри Кӯлоб иборат аз 29 нафар ва комиссияи тафтишотӣ иборат аз 5 нафар интихоб карда шуданд.
Аз рӯи банди 5-уми рӯзнома барои иштирок дар Конференсияи ХIV ҲХДТ дар вилояти Хатлон аз шаҳри Кӯлоб низ вакилон иборат аз 36 нафар интихоб гардиданд.
Ҳамзамон, дар баробари баррасии масъалаҳои Конференсия, аввалин маҷлиси Кумитаи иҷроия дар ҳайати нав баргузор гардид, ки дар он тибқи масъалаҳои рӯзномаи маҷлис ҳайати нави Раёсати Кумитаи иҷроияи ҲХДТ дар шаҳри Кӯлоб ва Раиси Кумитаи иҷроияи ҲХДТ дар шаҳри Кӯлоб интихоб шуданд.
Инчунин, барои хизматҳои арзанда дар рушду нумуи диёр, кордониву ташаббускорӣ, дарки баланди масъулият дар амалӣ гардонидани сиёсати хирадмандонаи Раиси муаззами ҲХДТ, Пешвои миллат муҳтарам Эмомалӣ Раҳмон ва саҳми босазо гузоштанашон дар татбиқи ҳадафҳои барномавии ҳизб якқатор фаъолони ҳизб бо Сипосномаҳои Кумитаи Иҷроияи Марказӣ, вилоятӣ ва шаҳрии ҳизб қадршиносӣ шуда, дар ин баробар як қатор занону ҷавонон ба сафи ҳизб пайваста, ки дар фазои тантанавӣ ба онҳо билетҳои ҳизбӣ супурда шуд.
Қарорҳо ва масъалаҳое, ки дар Конференсия ва маҷлиси Кумитаи иҷроия баррасӣ карда шуданд, ба манфиат ва пешрафти ҷомеа равона шуда, ҷиҳати боз ҳам тақвият бахшидани корҳои ҳизбӣ дастурҳои мушаххас дода шуданд.
18 июли соли равон дар толори Мақомоти иҷроияи ҳокимияти давлатии шаҳри Кӯлоб ҷаласаи назоратии назди раиси шаҳр Назарзода Бахтиёр Худоёр доир гардид, ки дар он муовинони раиси шаҳр, сардорони раёсатҳо, мудирони шуъбаҳо, раисони ҷамоатҳо, роҳбарони ташкилоту муассисаҳо ва дигар шахсони масъул иштирок доштанд.
Сараввал, раиси шаҳр ҷаласаро ифтитоҳ намуда, изҳор доштанд, ки баҳри амалӣ гардидани дастуру ҳидоятҳои Президенти Ҷумҳурии Тоҷикистон, Пешвои муаззами миллат муҳтарам Эмомалӣ Раҳмон мебояд масъулиятшинос бошему дар таъмини фазои мусоид ва рушду пешрафти шаҳрамон ҳиссагузор бошем.
Дар ҷаласаи мазкур қайд гардид, ки ҷиҳати ҳарчи зудтар ба роҳ мондани дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки дар вохӯрӣ бо фаъолони вилояти Хатлон дар ноҳияи Данғара санаи 18 июни соли 2022 изҳор гардида буд нақша-чорабиниҳоро таҳрезӣ намуда баҳри амалигардии бандҳои он саривақт чораандешӣ намоем.
Дар идомаи ҷаласа дар асоси розигии Президенти Ҷумҳурии Тоҷикистон ва бо қарори дахлдори мақомоти иҷроияи ҳокимияти давлатии шаҳри Кӯлоб Даминова Арафамо муовини раиси шаҳри Кӯлоб таъин карда шуд.
Дар идомаи кори маҷлис ҳисоботи роҳбари дастгоҳи раиси шаҳр Абдулло Файзуллоев оид ба таъмини иҷрои супоришҳое, ки дар дар маҷлиси назоратии қаблӣ додашуда шунида шуд.
Аз рӯи масъалаи навбатии рӯзномаи маҷлис оид ба рафти иҷрои қарори раиси шаҳр аз 19 июли соли 2020, №335, дар бораи қарори раиси вилояти Хатлон аз 22 майи соли 2022 №154 оид ба қарори Ҳукумати Ҷумҳурии Тоҷикистон аз 2 октябри соли 2019 №463 дар бораи “Барномаи пешгирии фарбеҳӣ ва ташаккули ғизои солим дар Ҷумҳурии Тоҷикистон барои солҳои 2019-2024” Бобохуҷаев Саймумин маълумоти муфассал пешниҳод намуд.
Ҳамчунин оид ба пешниҳоди Агентии давлатии назорати молиявӣ ва мубориза бо корупсияи Ҷумҳурии Тоҷикистон, Раёсати Агентӣ дар вилояти Хатлон, шуъбаи минтақавӣ дар шаҳри Кӯлоб аз Амирҷон Гулмадов ҳисобот пешниҳод намуд.
Дар идомаи кори ҷаласа роҳбарияти мақомоти иҷроияи ҳокимияти давлатии шаҳри Кӯлоб ба масъулин ҷиҳати ба самар расонидани кишти такрорӣ, инъикоси кишти такрорӣ дар васоити ахбори омма, таъминоти оби полезӣ ва оби нӯшокӣ ба аҳолӣ, тақвият бахшидани корҳои фаҳмондадиҳӣ миёни сокинон, саривақт пардохт намудани рухсатпулии омӯзгорон, ва дигар масъалаҳо мавриди баррасӣ қарор дода шуда, ба масъулин дастуру супоришҳои мушаххас доданд.
Бахши матбуотии МИҲД-и шаҳри Кӯлоб
Подкатегории
Шабакаҳои иҷтимоӣ
30-солагии Истиқлоли давлатии Ҷумҳурии Тоҷикистон
