Хабарҳо

 
Дар ҳошияи Форуми байналмилалии иқтисодии “Кӯлоб-2022” мулоқоти раиси вилояти Хатлон Қурбон Ҳакимзода бо сафири сафири фавқулодда ва мухтори Ҷумҳурии Мардумии Чин дар Ҷумҳурии Тоҷикистон Тзи Шумин баргузор гардид.
Баррасии раванди татбиқи лоиҳаҳои муштараки тоҷикию чинӣ дар вилояти Хатлон ва дурнамои ҳамкориҳои иқтисодию тиҷоратӣ ва фарҳангӣ миёни вилояти Хатлон ва музофотҳои Чин дар меҳвари мулоқоти мазкур қарор дошт.
Раиси вилояти Хатлон Қурбон Ҳакимзода зикр намуд, ки миёни Ҷумҳурии Тоҷикистону Ҷумҳурии мардумии Чин аз қадим муносибатҳои анъанавии дӯстона роҳандозӣ шуда, он ҳанӯз аз замони Роҳи бузурги абрешим сарчашма мегирад.
- Бо дарназардошти он ки Тоҷикистон Чинро ҳампаймони боэътимод, шарики иқтисодӣ, дӯст ва ҳамсояи неки худ меҳисобад, мо мекӯшем, ки дар доираи созишномаҳои аз ҷониби Пешвои миллат, Президенти мамлакатамон муҳтарам Эмомалӣ Раҳмон ва раиси Ҷумҳурии Халқии Чин ҷаноби Сӣ Ҷин Пин имзошуда ҳамкориҳои иқтисодию иҷтимоиро вусъат бахшем, - қайд кард Қурбон Ҳакимзода. – Дар натиҷаи равобити хуби ҷонибҳо тайи солҳои охир ҳайатҳои ҳар ду кишвар ба минтақаҳои ҳамдигар сафарҳои корӣ анҷом доданд, бо мақомоти давлатӣ ва доираҳои тиҷоратӣ перомуни рушди ҳамкориҳо табодули назар ва таҷриба сурат гирифт.
Қурбон Ҳакимзода афзуд, ки вилояти Хатлон бо минтақаҳо ва ширкатҳои мухталифи Чин ҳамкории самараоварро ба роҳ мондааст. Бо ҷалби сармояи чинӣ дар ноҳияи Ёвон ду корхонаи истеҳсоли сементи «Хуаксин Ғаюр семент» ва «Ҷунгтай Моҳир семент» бо иқтидори истеҳсолии 1,2 миллион тонна фаъолият мекунад. Инчунин дар ҳамкорӣ бо сармоягузорони чинӣ хати интиқоли барқи «Лолазор» мавриди баҳрабардорӣ қарор дода шуд, ки барои транзити неруи барқи Тоҷикистон ба мамлакатҳои дигар муҳим аст.
Аз ҷониби ширкатҳои чинӣ дар Минтақаи озоди иқтисодии «Данғара» ва ҳудуди ноҳияи Данғара низ корхонаҳои истеҳсолию саноатӣ бунёд гардиданд. Ширкатҳои кишоварзии Чин имрӯзҳо дар ҳамкорӣ бо мутахассисони хатлонӣ дар ноҳияҳои Ёвон, Данғара, Кӯшониён, Ҷалолиддини Балхӣ, Дӯстӣ фаъолияти пурсамар дошта, саҳми худро дар таъмини амнияти озуқавории вилоят гузошта истодаанд.
Дар натиҷаи густариши равобити вилояти Хатлон бо минтақаҳои Ҷумҳурии Халқии Чин сол аз сол ҳаҷми мубодилаи молу маҳсулот афзоиш меёбад. 34,2%-и сармояи хориҷии ба вилояти Хатлон воридгардида ба Чин рост меояд.
Сафири Чин дар Тоҷикистон ҷаноби Тзи Шумин аз сатҳи баланди ташкили Форуми байналмилалии иқтисодӣ дар Кӯлоб ситоиш кард ва онро майдони мусоиди табдили таҷрибаи соҳибкорон, муаррифии тавонмандиҳои Хатлонзамин ҳисобид.
Сафири Чин доир ба раванди иҷрои лоиҳаҳои муштарак сухан гуфта, афзуд, ки кишвараш на фақат ба тавсеаи равобити анъанавӣ, ҳамчунин ба баррасии мавзуъҳои нави ҳамкорӣ дар самтҳои иқтисодиёти рақамӣ, технологияҳои муосири истеҳсолӣ, ташкили таҷрибаомӯзии мутахассисони корхонаҳои саноатӣ ва саноати кӯҳкорӣ низ алоқаманд аст.
Қобили зикр аст, ки миёни вилояти Хатлон ва музофоти Шэнсии Чин Протокол «Дар бораи нияти рушди муносибатҳои бародарона» (соли 2015) ва Меморандум дар бораи барқарорсозии муносибатҳои бародарона (4 сентябри соли 2017) ба имзо расидааст. Шаҳри Вэйнани музофоти Шэнсӣ ва ноҳияи Данғараи Тоҷикистон бародаршаҳр мебошанд.
Чин калонтарин сармоягузор ва калонтарин шарики тиҷоратии Точикистон ба шумор меравад. Робитаҳои Тоҷикистону Чин дар соҳаи иқтисод дар ҳамсоягии якдигар ҷойгир будани кишварҳо, инчунин дар мавҷуд будани потенсиали муайяни захираҳои табиӣ ва транзитӣ асос меёбад.
Дар идомаи мулоқот раиси вилоят Қурбон Ҳакимзода ва сафири Чин дар Тоҷикистон Тзи Шумин доир ба масъалаҳои вобаста ба рушди ҳамкориҳо дар соҳаи кишоварзӣ, аз ҷумла боғпарварӣ, ташкили маркази таҷрибаомӯзӣ, баланд бардоштани дараҷаи тахассусии кормандони соҳаи хоҷагии қишлоқ ва ҳамчунин ба роҳ мондани муносибатҳои дуҷонибаи судманд байни Мақомоти иҷроияи ҳокимияти давлатии вилояти Хатлон ва музофотҳои Ҷумҳурии мардумии Чин табодули назар карданд.
Хабарҳо

 
Санаи 27 августи соли равон дар толори мақомоти иҷроияи ҳокимияти давлатии шаҳри Кӯлоб мулоқоти раиси вилояти Хатлон Қурбон Ҳакимзода бо сафири фавқулода ва мухтори Подшоҳии Арабистони Саудӣ дар Ҷумҳурии Тоҷикистон Валид ибни Абдурраҳмон ар-Рушайдон доир гардид.
Зимни мулоқот ҷонибҳо оид ба ҳамкориҳо ҳамкориҳо дар чаҳорчӯби созмонҳои байналмилалӣ ва минтақавӣ, инчунин доираҳои тиҷоратии вилояти Хатлон ва минтақаҳои Арабистони Саудӣ табодули афкор намуданд.
Раиси вилояти Хатлон Қурбон Ҳакимзода қайд карданд, ки Арабистони Саудӣ аз ҷумлаи аввалин кишварҳоест, ки бо Ҷумҳурии Тоҷикистон робитаҳои дипломатӣ барқарор карда ва ба рушди муносибатҳои дӯстона алоқамандӣ нишон медиҳад.
Дар шаҳри Кӯлоб мавриди баҳрабардорӣ қарор додани клиникаи сайёри тиббӣ аз ҷониби Муассисаи байналмилалии корҳои башардӯстонаи шоҳ Абдуллоҳ ибни Абдулазиз дар моҳи майи соли ҷорӣ намунае аз чунин равобити устувор арзёбӣ мегардад. Раиси вилоят аз номи худ барои Муассисаи шоҳ Абдуллоҳ ва дигар ташкилотҳои саҳмгузор дар ин лоиҳа изҳори миннатдорӣ намуданд.
Сафири Арабистони Саудӣ Валид ибни Абдурраҳмон ар-Рушайдон аз таваҷҷуҳи Ҷумҳурии Тоҷикистон ва фароҳам овардани тамоми шароитҳои лозима ҷиҳати таъмини ниёзҳои мардуми тоҷик изҳори сипос намуда, афзуд, ки бахшҳои клиникаи сайёри тиббӣ дар Тоҷикистон яке аз дастовардҳои барномаи “Фоили Хайр”-и Барномаи хайриявии шоҳ Абдулло ибни Абдулазиз Оли Сауд ба шумор рафта, тибқи ин лоиҳа чаҳор минтақаи Ҷумҳурии Тоҷикистон бо панҷ клиникаи сайёр таъмин мегарданд. Ин дармонгоҳҳо хидматрасониҳои аввалиндараҷа ва дуюминдараҷаи тиббӣ, ташхиси бемориҳо, ҷарроҳӣ ва ренгенҳо, омӯзиши кадрҳо дар соҳаи тиб, баланд бардоштани сатҳу сифати хизматрасонии кормандони соҳаи тиб, ки бештар аз 700 ҳазор нафарро дар Ҷумҳурии Тоҷикистон дар давоми панҷ сол дар бар мегирад, ки барои роҳандозии ин Лоиҳа 18 миллион доллари амрикоӣ ҷудо гардидааст.
- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни дидори худ бо Салмон ибни Абдулазиз оли Сауд таъкид дошта буданд, ки мо дар Тоҷикистон кишвари Арабистони Саудиро ба ҳайси шарики муҳими худ дар ҷаҳони арабу минтақаи Ховари Миёна мешиносем ва ба рушду таҳкими муносибатҳои гуногунҷанба бо он таваҷҷуҳи доимӣ дорем, - зикр карданд раиси вилоят Қурбон Ҳакимзода.
Дар мулоқот қайд гардид, ки мардумон ва кишварҳои моро муштаракоти зиёди таърихию тамаддунӣ ва маънавӣ ба ҳам мепайвандад.
Ҳамсуҳбатон ҳавасмандии амиқро барои рушду таҳкими муносибатҳои мутақобилан судманд, аз ҷумла дар миёни шаҳрҳои алоҳидаи вилояти Хатлон ва Арабистони Саудӣ, таъкид намуда, оид ба имкониятҳои роҳандозии ҳамкориҳои иқтисодӣ, тиҷоратӣ, сармоягузорӣ, техникӣ ва фарҳангӣ табодули назар карданд.
Раиси вилояти Хатлон Қурбон Ҳакимзода рӯзи 27 август дар шаҳри Кӯлоб сафири фавқулода ва мухтори Подшоҳии Арабистони Саудӣ дар Ҷумҳурии Тоҷикистон Валид ибни Абдурраҳмон ар-Рушайдонро ба ҳузур пазируфт.
Дар ҷараёни ин мулоқот ҷонибҳо роҷеъ ба ҳамкориҳо дар чаҳорчӯби созмонҳои байналмилалӣ ва минтақавӣ, инчунин доираҳои тиҷоратии вилояти Хатлон ва минтақаҳои Арабистони Саудӣ табодули афкор намуданд.
Раиси вилояти Хатлон Қурбон Ҳакимзода қайд карданд, ки Арабистони Саудӣ аз ҷумлаи аввалин кишварҳоест, ки бо Ҷумҳурии Тоҷикистон робитаҳои дипломатӣ барқарор карда ва ба рушди муносибатҳои дӯстона алоқамандӣ нишон медиҳад.
Дар шаҳри Кӯлоб мавриди баҳрабардорӣ қарор додани клиникаи сайёри тиббӣ аз ҷониби Муассисаи байналмилалии корҳои башардӯстонаи шоҳ Абдуллоҳ ибни Абдулазиз дар моҳи майи соли ҷорӣ намунае аз чунин равобити устувор арзёбӣ мегардад. Раиси вилоят аз номи худ барои Муассисаи шоҳ Абдуллоҳ ва дигар ташкилотҳои саҳмгузор дар ин лоиҳа изҳори миннатдорӣ намуданд.
Сафири Арабистони Саудӣ Валид ибни Абдурраҳмон ар-Рушайдон аз таваҷҷуҳи Ҷумҳурии Тоҷикистон ва фароҳам овардани тамоми шароитҳои лозима ҷиҳати таъмини ниёзҳои мардуми тоҷик изҳори сипос намуда, афзуд, ки бахшҳои клиникаи сайёри тиббӣ дар Тоҷикистон яке аз дастовардҳои барномаи “Фоили Хайр”-и Барномаи хайриявии шоҳ Абдулло ибни Абдулазиз Оли Сауд ба шумор рафта, тибқи ин лоиҳа чаҳор минтақаи Ҷумҳурии Тоҷикистон бо панҷ клиникаи сайёр таъмин мегарданд. Ин дармонгоҳҳо хидматрасониҳои аввалиндараҷа ва дуюминдараҷаи тиббӣ, ташхиси бемориҳо, ҷарроҳӣ ва ренгенҳо, омӯзиши кадрҳо дар соҳаи тиб, баланд бардоштани сатҳу сифати хизматрасонии кормандони соҳаи тиб, ки бештар аз 700 ҳазор нафарро дар Ҷумҳурии Тоҷикистон дар давоми панҷ сол дар бар мегирад, ки барои роҳандозии ин Лоиҳа 18 миллион доллари амрикоӣ ҷудо гардидааст.
- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни дидори худ бо Салмон ибни Абдулазиз оли Сауд таъкид дошта буданд, ки мо дар Тоҷикистон кишвари Арабистони Саудиро ба ҳайси шарики муҳими худ дар ҷаҳони арабу минтақаи Ховари Миёна мешиносем ва ба рушду таҳкими муносибатҳои гуногунҷанба бо он таваҷҷуҳи доимӣ дорем, - зикр карданд раиси вилоят Қурбон Ҳакимзода.
Дар мулоқот қайд гардид, ки мардумон ва кишварҳои моро муштаракоти зиёди таърихию тамаддунӣ ва маънавӣ ба ҳам мепайвандад.
Ҳамсуҳбатон ҳавасмандии амиқро барои рушду таҳкими муносибатҳои мутақобилан судманд, аз ҷумла дар миёни шаҳрҳои алоҳидаи вилояти Хатлон ва Арабистони Саудӣ, таъкид намуда, оид ба имкониятҳои роҳандозии ҳамкориҳои иқтисодӣ, тиҷоратӣ, сармоягузорӣ, техникӣ ва фарҳангӣ табодули назар карданд.
Хабарҳо

     Дар асоси дастуру супоришҳои Асосгузори сулҳу ваҳдати миллӣ, Пешвои   миллат, Президенти Ҷумҳурии Тоҷикистон муҳтарам Эмомалӣ Раҳмон санаи 27 августи соли ҷорӣ дар шаҳри Кӯлоб Форуми байналмиллалии иқтисодии “Кӯлоб-2022” баргузор гардид.

      Ҳамоиши мазкур нахуст бо пазирої ва истиќболи гарму самимии меҳмонону иштирокчиён сурат гирифт.

      Сипас иштирокчиёни чорабинӣ   аз намоиши молу маҳсулоти корхонаҳои саноатӣ, номгӯ ва иқтидори истеҳсолии онҳо, намунаи масолеҳи сохтмонӣ,  ҳунарҳои мардумӣ, маҳсулоти кишоварзӣ,  гиёҳҳои шифобахши ватанӣ ва дигар захираҳои табии шаҳру минтақаи Кӯлоб   дидан карданд.

     Тазаккур бояд дод, ки дар  Форуми мазкур беш аз 300 нафар иштирокчӣ, аз ҷумла роҳбарону масъулони мақомоти давалатӣ, сармоягузорон аз Федератсияи Россия, Ҷумҳурии Халқии Хитой, Арабистони Саудӣ, Туркия, Ҷумҳурии Қазоқистон ва доираҳои соҳибкории шаҳри Душанбе, Вилояти Мухтори Куҳистони Бадахшон, вилоятҳои Суғду Хатлон иштирок доштанд.

forum 2

      Форум бо сухани ифтитоҳии раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон, Саъдӣ Қодирзода, раиси вилояти Хатлон Қурбон Ҳакимзода, раиси шаҳри Кӯлоб Назарзода Бахтиёр Худоёр, Вазири нақлиёти Ҷумҳурии Тоҷикистон Азим Иброҳим ва Роҳбари Намояндагии Агентии Ҷопон оид ба ҳамкориии байналмиллалӣ дар Тоҷикистон, Мунео Такасака, сармоягузорони хориҷӣ, соҳибкорони ватанӣ ва дигарон оғоз гардид.

     Зимни суханронии худ раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон, Саъдӣ Қодирзода, доир ба тадбирҳои андешидаи Ҳукумати Ҷумҳурии Тоҷикистон вобаста ба ҷалби сармояи ватанву хориҷӣ ба иқтисодиёти минтақаи Кӯлоб, фароҳам овардани шароити мусоид барои соҳибкорону сармоягузорон, инчунин самтҳои ояндадори ҳамкорӣ ибрози назар намуд.

     Раиси вилояти Хатлон Қурбон Ҳакимзода таваҷҷуҳи ҳозиринро ба имкониятҳои сармоягузорӣ дар вилоят, аз ҷумла шаҳри Кӯлоб ҷалб намуда, оид ба самтҳо ва имкониятҳои мавҷудаи ҳамкорӣ ва пешбурди фаъолияти сармоягузорию соҳибкорӣ дар вилоят суханронӣ намуд.

      Дар идома Вазири нақлиёти Ҷумҳурии Тоҷикистон Азим Иброҳим дар самти тақвияти фаъолияти соҳибкорӣ, ҷалби сармоягузорӣ ва истифодаи сармараноку оқилонаи имконоти ҳамкориҳои байналмиллалӣ изҳори андеша кард.

      Маврид ба зикр аст, ки дар чорабинии мазкур Роҳбари Намояндагии Агентии Ҷопон оид ба ҳамкориии байналмиллалӣ дар Тоҷикистон, Мунео Такасака, барои пазироии сатҳи баланд, изҳори сипос намуда, таъкид дошт,  ки ин баҳамоӣ аз иродаи қавӣ ва сиёсии роҳбарони кишварҳоямон сарчашма мегирад.

     Ҳамчунин дар Форуми мазкур раиси шаҳри Кӯлоб Назарзода Бахтиёр Худоёр баромад намуда, изҳор доштанд, ки давлату Њукумати Љумњурии Тољикистон, бахусус Асосгузори сулњу вањдати миллї, Пешвои миллат, Президенти Љумњурии Тољикистон муњтарам Эмомалї Рањмон ба соњибкорї диќќати хосса медињанд ва барои рушди он љињати фароњам овардани фазои муносиб њамеша чораандешї мекунанд.

    Дар Форум навори видеоии имкониятҳои сармоягузорӣ ва сайёҳии вилояти Хатлон ба намоиш гузошта шуда, иштирокчиён аз фаъолияти корхонаҳои саноатӣ, кишоварзӣ, мавзеъҳои таърихию сайёҳӣ ва МОИ “Кӯлоб” боздид ва шиносоӣ пайдо намуданд.

     Дар рафти  Форуми мазкур ва доираи  мулоқоти В2В (соҳибкорон бо соҳибкорон ) имконотиятҳои ба роҳ мондани ҳамкорӣ мавриди баррасии ҷонибҳо қарор гирифта, дар он беш аз 15 санади ҳамкорӣ ба маблағи 3,5 миллиард сомонӣ дар соҳаҳои саноат, кишоварзӣ, сохтмон, технологияҳои иттилоотӣ ва дигар соҳаҳо ба имзо расонида шуд.

Бахши матбуотии МИҲД-и шаҳри Кӯлоб

Хабарҳо

Санаи 20 августи соли равон бо мақсади шиносоӣ аз корҳои созандагию ободонӣ ва ҷараёни иҷрои корҳои сохтмонӣ бахшида ба таҷлили ҷашни 35-солагии Истиқлолияти давлатии Ҷумҳурии Тоҷикистон раиси вилояти Хатлон Қурбон Ҳакимзода ба шаҳри Кӯлоб ташриф оварданд.
Меҳмононро дар даромадгоҳи шаҳр роҳбарияти шаҳри Кӯлоб Назарзода Бахтиёр Худоёр пешвоз гирифта, нахуст аз рафти корҳои сохтмонии муҷассамаи “Дуои модар” , ки дар назди даромадгоҳи шаҳр сохта ба истифода дода мешавад аз наздик шинос шуданд.
darvoza
Ҳамчунин дар ин руз бо иштироки раиси вилояти Хатлон Қурбон Ҳакимзода, раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Баҳодур Аҳмадҷон, раиси шаҳри Кӯлоб Назарзода Бахтиёр Худоёр ва дигар меҳмонон санги асоси бинои Раёсати ҳифзи муҳити зист дар минтақаи Кӯлоб гузошта шуд.
Ба меҳмонон иттилоъ дода шуд, ки лоиҳакашии иншооти мазкур Ҷамъияти дорои масъулити “Аркон” мебошад.
Гуфта шуд, ки сохтмони бинои навӣ Раёсати ҳифзи муҳити зист дар минтақаи Кӯлоб дар доираи ҷашни таърихии миллат 35- солагии Истиқлолияти давлатии Ҷумҳурии Тоҷикистон ба нақша гирифта шуда он аз ҷониби Кумитаи ҳифзи муҳити зисти назди Ҳукумати мамлакат бо харҷи 18,0 млн сомонӣ бунёд карда мешавад.
ekalogia
Бино аз 5 ошёна иборат буда, он аз таҳхона, ҳуҷраҳои техникӣ, лабаратория барои обу ҳавосанҷӣ, осорхона, утоқҳои корӣ, китобхона, ҳуҷраҳои посбон ва ҳамчунин барои кормандони бахши ҳифзи муҳити ҳисти шаҳри Кӯлоб бунёд карда мешаванд.
Ҳоло бо ҷалби мутахассисони варзида соҳаи сохтмон корҳои бунёдии Раёсати ҳифзи муҳити зисти минтақаи Кӯлоб оғоз ёфта, он бояд моҳи сентиябри соли 2023 дар арафаи ҷашни истиқлолияти кишвар маврди истифода қарор дода мешавад.
Соҳибов Қурбон сардори Раёсати ҳифзи муҳити зист дар минтақаи Кӯлоб зимни суҳбат изҳор дошт, ки бунёди бинои нав орзуву омоли кулли экологони минтақа мебошад ва умедворем, ки пас аз сохта ба истифода додани он дар шароиту хубу созгор кору фаъолият хоҳем кард.
Бахши матбуотии МИҲД-и шаҳри Кӯлоб

Подкатегории

/////

Сахифаи 65 аз 95

Ҷустуҷӯ

Шабакаҳои иҷтимоӣ

facebook instagram youtube

30-солагии Истиқлоли давлатии Ҷумҳурии Тоҷикистон

nar rem nar rem nar rem nar rem nar rem nar rem nar rem nar rem nar rem nar rem

Ҷумҳурии Тоҷикистон, вилояти Хатлон, ш. Кӯлоб, хиёбони И. Сомонӣ №36 Адрес электронной почты защищен от спам-ботов. Для просмотра адреса в браузере должен быть включен Javascript.
TPL_BACKTOTOP