Санаи 16 ва 17-уми ноябр дар бинои маъмурии Донишгоҳи давлатии Кӯлоб ба номи Абуабдуллоҳи Рӯдакӣ ва Донишкадаи технологи ва менечменти иноватсиони семинар -омӯзиши Кумитаи дин, танзими анъана ва ҷашну маросими назди ҳукумати Ҷумҳурии Тоҷикистон барои иҷрои “Стратегияи муқовимат бо экстрeмизм ва терроризм барои солҳои 2021-2025” баргузор гардид.
Дар семинар -омӯзиш мудири бахши таҳсилоти диннии Кумитаи дин, танзими анъана ва ҷашну маросими назди ҳукумати Ҷумҳурии Тоҷикистон дар вилояти Хатлон Юсуфзода Файзигул, сармутахассиси Кумитаи дин, танзими анъана ва ҷашну маросими назди ҳукумати Ҷумҳурии Тоҷикистон дар вилояти Хатлон Мулоалӣ Ализода, сармутахассиси ҳамин кумита Қиёмиддин Насриддинзода, сардори Раёсати тарбияи донишгоҳ Холматов Баҳром ва дигар омӯзгорону донишҷӯён иштирок доштанд.
Дар семинар доир ба ҳассос будани вазъи ҷаҳон, пешгирии шомилшавии ҷавонон ба ҳар гуна ҳизбу ҳаракатҳои мамнӯъ, баргардонидани афроди гумроҳ, решакан кардани экстремизм ва терроризм ва сабукиҳо дар қонунгузорӣ барои нафарони пушаймоншуда маълумоти муфассал дода шуд.
Мудири бахши таҳсилоти диннии Кумитаи дин, танзими анъана ва ҷашну маросими назди ҳукумати Ҷумҳурии Тоҷикистон дар вилояти Хатлон Юсуфзода Файзигул баён дошт, ки мақомоти иҷроияи ҳокимияти давлатии вилоят барои иҷрои «Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025», баланд бардоштани таълиму тарбияи насли наврас ва ҷавон, тарбияи онҳо дар рӯҳияи худшиносиву ватандӯстӣ, ҳифзи арзишҳои олии инсонӣ ва миллӣ, идомаи анъанаҳои неки бунёдкориву созандагӣ таваҷҷуҳи хосса зоҳир менамояд.
Имрӯз, 21 ноябри соли равон дар толори Мақомоти иҷроияи ҳокимияти давлатии шаҳри Кӯлоб ҷаласаи назоратии назди раиси шаҳр Назарзода Бахтиёр Худоёр аз рӯи масъалаҳои дар сатҳи баланд ҷашн гирифтани Рӯзи Парчами миллӣ, ҷамъовари намудани ҳосили пахта, иҷрои нақшаи обуна ба рӯзномаҳои ҷумҳуриявӣ, вилоятӣ ва шаҳрӣ, оид ба татбиқи омӯзиши талаботи Қонуни Ҷумҳурии Тоҷикистон “Дар бораи муроҷиати шахсони воқеӣ ва ҳуқуқӣ дар ташкилоту муассисаҳо ва ҷамоатҳои деҳот” баргузор гардид.
Дар ҷаласа муовинони раиси шаҳр, роҳбари дастгоҳ, мудирони шуъбаву бахшҳои мақомоти иҷроияи ҳокимияти давлатии шаҳри Кӯлоб, сардорони раёсатҳо, масъулони ташкилоту муассисаҳо, раисони ҷамоатҳои деҳот, сардорони қитъаҳои истифодабарии манзили шаҳр ва дигар шахсони масъул иштирок доштанд.
Нахуст, раиси шаҳри Кӯлоб Назарзода Бахтиёр Худоёр рӯзномаи маҷлисро ба ҳозирин шинос намуд. Изҳор гардид, ки бо мақсади дар амал татбиқ намудани дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳар яки моро мебояд корбариро беҳтару хубтар намоем то ба ҳадафҳои ниҳоӣ ва рушду пешрафти шаҳрамон ҳиссагузор бошем.
Сипас, аз рӯи масъалаи якуми рӯзномаи маҷлис муовини раиси шаҳри Кӯлоб Арафамо Даминзода нақшаи тасдиқнамудаи раиси шаҳри Кӯлобро барои дар сатҳи баланд баргузор намудани чорабинии рӯзи Парчами миллӣ ба масъулин шинос намуд.
Аз рӯи масъалаи дигари рӯзномаи маҷлис мудири шӯъбаи кор бо кадрҳо ва дастгоҳи раиси шаҳри Кӯлоб Шарипов Фирӯз оид иҷрои супоришҳои дар маҷлиси қаблӣ додашуда ҳисобот пешниҳод намуд.
Зимни баррасии масъалаи мазкур оиди хушсифат ҷамъоварӣ намудани ҳосили пахта, шудгор намудани заминҳо барои кишти ғалладонагиҳои барвақтӣ, тартиб додани нақшаи дурнамои пахта барои соли 2023, иҷрои нақшаи обуна ба рӯзномаҳо аз ҷониби ташкилоту муассисаҳои дахлдор, сафарбар намудани ҷавонон ба сафи қувваҳои Мусаллаҳи Ҷумҳурии Тоҷикистон, таъмин намудани қувваи барқ ба тамоми аҳолии ҷамоату деҳоти шаҳри кӯлоб, риояи ботартиби хизматрасонии хатсайрҳо ба аҳолӣ ва дигар масъалаҳо мавриди муҳокимаронӣ қарор дода шуд.
Бо ҳамин тартиб мудири шуъбаи умумӣ ва муроҷиати шаҳрвандони дастгоҳи раиси шаҳри Кӯлоб Раҳмонов Икром оид ба татбиқи омӯзиши талаботи Қонуни Ҷумҳурии Тоҷикистон “Дар бораи муроҷиати шахсони воқеӣ ва ҳуқуқӣ дар ташкилоту муассисаҳо ва ҷамоату деҳоти шаҳри Кӯлоб” баромад намуд.
Ҳамчунин муовини якуми раиси шаҳри Кӯлоб Ташрифзода Мунаваршо оид ба иҷрои нақшаи ҷамъоварии ҳосили пахта, муовини раиси шаҳр Даминзода Арафамо оиди иҷрои нақшаи обуна ба рӯзномаҳои ҷумҳуриявӣ, вилоятӣ ва шаҳрӣ, сармутахассис-ҳуқуқшиноси дастгоҳи раиси шаҳр Амирҷон Гулмадов оид ба пешниҳодҳои Прокуратураи шаҳри Кӯлоб дар назди ҳозирин маълумоти муфассал пешниҳод намуданд.
Баъди баррасии масъалаҳои ҷаласаи мазкур раиси шаҳри Кӯлоб Назарзода Бахтиёр Худоёр ба масъулини ташкилоту муассисаҳо бо мақсади вусъат додани корҳои ободониву созандагӣ, ташкили дурусти корҳо дар самти ҷамъоврии ҳосили пахта, иҷрои дурусти нақшаи андоз, дар муҳлати камтарин иҷро намудани нақшаи обуна ба рӯзномаҳо, сари вақт тоза намудани ҷӯйборҳои ҳудуди шаҳр ва ҷамоатҳо ва дигар масъалаҳои мубрами рӯз ба масъулин дастуру супоришҳои мушаххас доданд.
Бахши матбуотии МИҲД-и шаҳри Кӯлоб
Тибқи моддаи 20-и Қонуни Ҷумҳурии Тоҷикистон "Дар бораи хизмати давлатӣ" бо мақсади муайян кардани мувофиқат ба мансаби ишғолнамуда ва таъмини болоравии касбӣ аттестатсияи хизматчии давлатии маъмурӣ гузаронида мешавад.
Дар ин замина санаи 17 ноябри соли равон аттестатсияи хизматчиёни давлатии мақомоти иҷроияи ҳокимияти давлатии шаҳри Кӯлоб баргузар гардид.
15 ноябри соли равон дар толори маҷлисгоҳи мақомоти иҷроияи ҳокимияти давлатии шаҳри Кӯлоб таҳти раёсати раиси шаҳри Кӯлоб муҳтарам Назарзода Бахтиёр Худоёр ҷаласаи назоратӣ баргузор гардид.
Дар кори ҷаласа муовинони раиси шаҳр, роҳбари дастгоҳи раиси шаҳр, мудирони шуъбаву бахшҳои дастгоҳи раис ва мақомоти иҷроияи ҳокимияти давлатии шаҳр, роҳбарони ташкилотҳо, раисони ҷамоатҳо, сардорони қитъаҳои истифодабарии манзил ва дигар шахсони масъул иштирок доштанд.
Дар ҷаласаи мазкур масъалаҳо оид ба таъмини иҷрои супоришҳои қаблӣ, оид ба фаъолияти ҷамъиятҳои мусофирбарӣ ва тибқи ҷадвали тасдиқгардида риояи ҳаракати нақлиёти мусофирбар дар хатсайрҳо, оиди иҷрои нақшаи ҷамъоварии ҳосили пахта, ҷиҳати обуна ба рӯзномаҳои маҳаллӣ, вилоятӣ ва ҷумҳуриявӣ, оид ба рафти иҷрои нақшаи даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон ва дигар масъалаҳои ҷорӣ мавриди муҳокима қарор дода шуд.
Сипас, аз рӯи масъалаи якуми рӯзномаи маҷлис мудири шуъбаи ташкилӣ ва кор бо кадрҳои дастгоҳи раиси шаҳр Шарипов Фирӯз оид ба супоришҳои дар маҷлиси қаблӣ додашуда ҳисобот дод.
Ҳамзамон тибқи тартиби рӯзномаи ҷаласа мудири бахши саноат, энергетика ва нақлиёту камуникатсияи мақомоти иҷроияи ҳокимияти давлатии шаҳр Хуҷамқулов Абдураззоқ оид ба фаъолияти ҷамъиятҳои мусофирбарӣ ва тибқи ҷадвали тасдиқгардида риояи ҳаракати нақлиёти мусофирбар дар хатсайрҳо баромад намуд.
Дар идома роҳбарияти шаҳр ба масъулини мақомот ва роҳбарони ҷамъияти мусофирбарӣ дар хатсайрҳо ҷиҳати хизматрасониро дар сатҳи баланд ба роҳ мондан, корро чоннок намудан дар ин самт ва тибки конун амал кардани ронандагон супоришҳои мушаххас доданд.
Бо ҳамин тартиб муовини якуми раиси шаҳри Кӯлоб Ташрифзода Мунаваршо оид ба ҷамъоварии ҳосили пахта, муовини раиси шаҳр, Даминзода Арафамо оид ба иҷрои нақшаи обуна ба рӯзномаҳо ва Орзу Ҳамидиён, муовини раиси шаҳр, ҳамзамон раиси комиссия, ҷиҳати иҷрои нақшаи даъвати ҷавонон ба сафи қувваҳои мусаллаҳи Ҷумҳурии Тоҷикистон ҳисобот пешниҳод намуданд.
Роҳбарияти шаҳри Кӯлоб муҳтарам Назарзода Бахтиёр Худоёр зимни баррасии масъалаи даъвати ҷавонон ба сафи Қувваҳои Мусаллаҳи Ҷумҳурии Тоҷикистон ба масъулини мақомоти иҷроияи ҳокимияти давлатии шаҳри Кӯлоб барои дар муҳлати камтарин иҷрои намудани нақшаи даъват дастуру супоришҳои мушаххас доданд.
Ҳамчунин дар кори ҷаласа масъалаҳо ҷиҳати саривақт иҷро намудани нашаи обуна ба рӯзномаҳои ҷумҳуриявӣ, вилоятӣ ва шаҳрӣ, шинонидани гулҳои мавсимӣ дар назди ҳамаи ташкилоту муассисаҳо, вусъат додани корҳои ободонӣ, Раванди коргузории хатсайрхоро, ба танзим даровардани воситаи харакати наклиёт ва дигар масъалаҳо мавриди баррасӣ қарор дода шуд.
Бахши матбуотии МИҲД-и шаҳри Кӯлоб
Подкатегории
Шабакаҳои иҷтимоӣ
30-солагии Истиқлоли давлатии Ҷумҳурии Тоҷикистон
