Имрӯз раиси Комиссияи ҳолатҳои фавқулодаи мақомоти иҷроияи ҳокимияти давлатии шаҳри Кӯлоб Назарзода Бахтиёр Худоёр, муовини якуми сардори Раёсати Кумитаи ҳолатҳои фавқулода ва мудофиаи граждании вилояти Хатлон полковник Ҳалимзода Миралӣ ва намояндагони дигар ташкилоту муассисаҳои шаҳрӣ аз рафти корҳои соҳилмусатҳкамкунӣ аз мавзеъҳои Девонасой дар махаллаи Хатти роҳ, Ҷамоати деҳоти Зиракӣ деҳаи Сангпар, Ҷамоати деҳоти Кӯлоб мавзеъҳои Лағмон-2 дарёчаи Кӯлоб, Ҷамоати деҳоти Зиракӣ назди пули мошингузарӣ самти Фурудгоҳ ва маҳаллаи Суғдиён дидан намуда, ба масъулин ҷиҳати бо сифат анҷом додани корҳои соҳилмустаҳкамкунӣ маслиҳатҳои муфид доданд.
Ёдовар мешавем, ки дар мавзеъҳои болозикр пеш аз ҳама тоза намудани селпарто ва ҷуйборҳои обрав, хобонидани тахтасангҳои оҳану бетонӣ ва ба роҳ мондани корҳои заминӣ, барқарорсозии назди купрук ва баровардани сангу шағал инчунин тоза ва бо тариқи ҳашарҳои дастаъҷамона баровардани партовҳо сурат гирифт ва ин корҳо то санаҳои муқарраргардида идома меёбад.
Дар корҳои анҷомдодашуда зиёда аз 4 экскватор, 3 мехлопата, 5 адад автомашинаҳои боркаши Камаз ва дигар техникаҳои лозимӣ ҷалб гардиданд.
Раиси Комиссияи ҳолатҳои фавқулодаи мақомоти иҷроияи ҳокимияти давлатии шаҳри Кӯлоб ба масъулин изҳори миннатдорӣ намуда, таъкид доштанд, ки бояд мо боз ҳам дар сатҳи пешгирӣ аз офатҳои табиӣ корҳои назаррасро ба анҷом расонем.
Бахши матбуотии МИҲД-и шаҳри Кӯлоб
Имрӯз дар толори мақомоти иҷроияи ҳокимияти давлатии шаҳри Кӯлоб ҷаласаи ғайринақшавии Комиссияи ҳолатҳои фавқулодаи мақомоти иҷроияи ҳокимияти давлатии шаҳри Кӯлоб доир гардид, ки дар он раиси Комиссияи ҳолатҳои фавқулодаи мақомоти иҷроияи ҳокимияти давлатии шаҳри Кӯлоб, аъзоёни комиссия, инчунин намояндаи мақомоти иҷроияи ҳокимияти давлатии вилояти Хатлон, муовини якуми сардори Раёсати Кумитаи ҳолатҳои фавқулода ва мудофиаи граждании вилояти Хатлон полковник Ҳалимзода Миралӣ ва дигар масъулон ширкат намуданд.
Зимни ҷаласаи мазкур раиси Комиссияи ҳолатҳои фавқулодаи мақомоти иҷроияи ҳокимияти давлатии шаҳри Кӯлоб Назарзода Бахтиёр Худоёр баромад намуда, изҳор доштанд тибқи дастуру супоришҳои раиси вилояти Хатлон муҳтарам Давлаталӣ Саид ҷиҳати баргузории Комиссияҳои доимамалкунанда ва пешгирии офатҳои табиӣ ба миён омадааст. Ҳамзамон таъкид намуданд, ки тибқи Амри раиси шаҳри Кӯлоб аз 29 апрели соли 2024, №88 “Дар бораи ташкил ва гузаронидани машқи ғайринақшавӣ бо ҷалби қувва ва воситаҳои Низоми ягонаи давлатии шаҳри Кӯлоб оид ба пешгирӣ ва рафъи оқибатҳои офатҳои табиӣ ба тавсиб расидааст.
Ҳамзамон дар доираи супоришҳои протоколи ҷаласаи сайёри ҳайати комиссияи ҳолатҳои фавқулодаи мақомоти иҷроияи ҳокимияти давлатии шаҳри Кӯлоб дар якҷогӣ бо роҳбарони ташкилоту муассисаҳои минтақавӣ санаи 29 апрели соли 2024 бо роҳбарии муовини раиси вилояти Хатлон, муовини раиси комиссияи ҳолатҳои фавқулодаи вилояти Хатлон Қурбонзода Амирхон дар мавзеъҳои хавфноки ҳудуди шаҳру деҳоти Кӯлоб то имрӯз доир гардида истодааст. Ҳамзамон, тибқи Амри мазкур ва нақшаи гузаронидани машқи ғайринақшавӣ вобаста ба пешгирӣ намудани офатҳои табиӣ дар рӯзҳои аз 29 то 4 майи соли равон дар мавзеъҳои хавфноки ҳудуди ҷамоатҳои шаҳру деҳоти Кӯлоб бо ҷалби қувва ва воситаҳои Низоми ягона барои пешгирӣ ва рафъи оқибатҳои офатҳои табиӣ ҷалб гардида, дар самтҳои муайянгардида идома меёбад.
Бояд ёдовар шавем, ки то ҳол корҳои анҷомдоданашуда хело зиёданд бояд мо то рӯзҳои муқарраргардида гузаронидани корҳои соҳилмустаҳкамкунӣ, тоза кардани маҷрои каналҳо, селпартовҳо, сойҳо, заҳбуру заҳкашҳо, хобонидани тахтасангҳои оҳану бетонӣ ва кашонидани партовҳо камари ҳиммат баста, ҳар яки мо бояд дар ин самт масъулияти баланд нишон диҳем.
Зимнан таъкид гардид, ки машқи ғайринақшавиро дар рӯзҳои боқимонда яъне аз санаҳои 2 то 4 майи соли 2024 ба таври муташаккилона бо ҷалби қувва ва воситаҳои Низоми ягона, техникаҳои соҳавии ташкилоту идораҳои дахлдор ва дигар техникаҳо новобаста аз шакли моликият, кормандони ташкилоту идораҳо, муассисаҳо, корхонаҳо ва ҷамоатҳои шаҳр бо ташкили ҳашарҳои дастаҷамъона дар 5 мавзеъҳои хавфноки махсусан хатарноки шаҳру деҳот баргузор намуда, ба ин васила шаҳру деҳоти Кӯлобро ҷиҳати пешгирӣ аз офатҳои табиӣ дар давраҳои боронгариҳо омода намоем, то ин ки ба сокинони шаҳр хатар наорад.
Дар идома муовини якуми сардори Раёсати Кумитаи ҳолатҳои фавқулода ва мудофиаи граждании вилояти Хатлон полковник Њалимзода Миралӣ баромад намуда, бо изҳори боварию эътимод ба Раиси Комиссияи ҳолатҳои фавқулодаи мақомоти иҷроияи ҳокимияти давлатии шаҳри Кӯлоб, роҳбарони ташкилоту муассисаҳо ҷиҳати саривақт баргузор намудани ҷаласаҳои комиссия, ҳамзамон мунтазам гузаронидани ҳашарҳои дастаҷамъона ва ба ин васила тоза намудани сойҳои болозикр бо ҷалби қувва ва воситаҳои Низоми ягонаи давлатии шаҳри Кӯлоб баҳои баланд дода, бо боварӣ изҳор дошт, ки мо агар масъулияти баланд дошта бошем ҳама он дастуру супоришҳои Роҳбарияти Олии сиёсии кишвар муҳтарам Эмомалӣ Раҳмон ва раиси вилояти Хатлон Давлаталӣ Саидро иҷро менамоем танҳо дар ин кор аз ҳар яки мо масъулияти баландро талаб менамояд.
Дар интиҳои ҷаласаи мазкур Раиси Комиссияи ҳолатҳои фавқулодаи мақомоти иҷроияи ҳокимияти давлатии шаҳри Кӯлоб бо боварию эътимоди баланд изҳор намуданд, ки мо ҳама вақт ҷиҳати иҷроиши дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва раиси вилояти Хатлон Давлаталӣ Саид омода ҳастем ва бо як масъулияти баланди ватандӯстона содиқонаву софдилона вазифаҳои ба зимма доштаамонро иҷро менамоем ва изҳори сипоси худ ва тамоми сокинони шаҳри Кӯлобро ба Пешвои муаззами миллат муҳтарам Эмомалӣ Раҳмон ва раиси вилояти Хатлон Давлаталӣ Саид ҷиҳати дастгириҳои ҳамешагӣ алалхусус дар самти пешгирии офатҳои табиӣ расониданд.
Бахши матбуотии МИҲД-и шаҳри Кӯлоб
Дар доираи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, раиси вилояти Хатлон Давлаталӣ Саид ва раиси шаҳри Кӯлоб Назарзода Бахтиёр Худоёр, ҷиҳати иҷрои нақшаи чорабиниҳои тасдиқгардида вобаста ба пешгирӣ аз ҳолатҳои фавқулодда дар ростои номусоидии боду ҳаво, боронҳои пуршидати рӯзҳои охир бо ҷалби қувва ва воситаҳои низоми ягонаи давлатии шаҳри Кӯлоб оид ба пешгирии офатҳои табиӣ дар мавзеъи Дарёчаи Кӯлоб дар ҷойҳои хатарафзо кубикҳои бетонӣ гузошта шуда, ҳамзамон маҷрои обҳои ҷоришавандаи сел аз сангу шағал тоза ва бехатар карда шуданд.
Имрӯз роҳбарияти мақомоти иҷроияи ҳокимияти давлатии шаҳри Кӯлоб ҷиҳати иҷроиши дастуру супоришҳои раиси вилояти Хатлон Давлаталӣ Саид ва инчунин иҷроиши Пртоколи ҷаласаи Комиссияи ҳолатҳои фавқулодаи мақомоти иҷроияи ҳокимияти давлатии шаҳри Кӯлоб, ки санаи 29 апрели соли 2024 бо иштироки муовини раиси вилояти Хатлон Қурбонзода Амирхон ва дигар намояндагон сурат гирифта буд, аз рафти корҳои соҳилмустаҳкамунӣ ва тоза намудани маҷрои обҳои ҷоришаванда дар мавзеи Дарёчаи Кўлоб дидан намуда, ба масъулин ҷиҳати тақвияти корҳои соҳилмустаҳкамкунӣ ва бо сифат анҷом додани он дастуру супоришҳои қатъӣ доданд.
Таваҷҷуҳи Ҳукумати Ҷумҳурии Тоҷикистон махсусан Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва раиси вилояти Хатлон Давлаталӣ Саид нисбати шаҳри Кӯлоб зиёд буда, барои бартараф намудани камбудиҳо дар ҷойҳои хавфнок ва бехатарии сокинон кўмаку дастгириҳои ҳамешагии худро мерасонанд. Мо масъулинро зарур мебояд, ки тамоми имкониятҳоро саривақт дар ҷойҳои даркорӣ истифода бурда, камбудиҳои ҷойдоштаро ҳарчи зудтар бартараф намоем то ин ки дар оянда ягон хавфу хатари офатҳои табиӣ сокинонро таҳдид накунад.
Тибқи маълумоти Бахши Кумитаи ҳолатҳои фавқулода ва мудофиаи гражданӣ дар шаҳри Кӯлоб чунин корҳои соҳилмустаҳкамкунӣ ва бехатар гардонидан дар дигар маҷрои обҳои ҷоришаванда низ идома хоҳад ёфт.
Бахши матбуотии МИҲД-и шаҳри Кӯлоб
Бо мақсади иҷроиши дастуру ҳидоятҳои созандаву бунёдкоронаи Пешвои муаззами миллат муҳтарам Эмомалӣ Раҳмон ва мувофиқи Амри Президенти Ҷумҳурии Тоҷикистон, нақшаи чорабиниҳои мақомоти иҷроияи ҳокимияти давлатии вилояти Хатлон ва шаҳри Кӯлоб баҳри истиқболи сазовор аз ҷашни 35-солагии Истиқлолияти давлатӣ моҳҳои феврал – апрели соли равон дар кишвар Фестивали ҷумҳуриявии гулҳо «Сайри гули лола» доир мешавад. Имрӯз даври ҷамъбастии он дар шаҳри Душанбе доир гардид, ки намояндагони мақомоти иҷроияи ҳокиямияти давлатии шаҳри Кӯлоб бо дастовез ширкат варзиданд.
Боиси ёдоварист, ки «Сайри гули лола» шурӯъ аз соли 2019 доир мегардад. Ҳадаф аз баргузории он, пеш аз ҳама баланд бардоштани сатҳи донишу маърифат, фарҳангу ҷаҳонбинӣ, бедор намудани завқи зебоипарастӣ дар зеҳни ҳар як сокини мамлакат, ободу зебо намудани ҳар як хона, кӯча, маҳалла, деҳа, деҳот, шаҳрак, ноҳия, шаҳр, вилояти мамлакат мебошад.
Баргузории озмун дар эҳёи анъанаҳои ниёгон, ободонӣ ва хуррамии муҳити атроф, бедор намудани муҳаббати сокинони мамлакат ба гулпарварӣ, ҳифзи мероси табиӣ ва дар ин замина, рушди соҳаи сайёҳӣ мусоидат хоҳад кард.
"Лола" зиёда аз 140 намуд дошта, дар Тоҷикистон 24 навъаш ҳамчун гули худрӯй вомехӯрад, ки 19-тои он ба “Китоби сурхи Тоҷикистон” дохил шудааст. Ҳафт намуди он ба гурӯҳи рустаниҳои эндемикӣ мансуб буда, танҳо дар қаламрави Тоҷикистон мерӯяд. Яъне, Ватани маҳбубамонро ба маънои томаш кишвари лолаҳо гуфтан мумкин аст.
Имрӯз сокинони Тоҷикистон аз ҷумла мардуми шаҳри Кӯлоб бо эҳёи боз як анъанаи гузаштагони худ ба ҷаҳониён паём фиристода мегӯянд: “Тоҷикистон кишвари сулҳ, кишвари лолаҳо, кишвари ҳамаи гулҳост”. “Сайри гули лола” ҷашнвораест, пур аз ифтихори миллӣ. Гузашта аз ин, баргузор намудани он дар баробари бедор намудани ҳофизаи таърихӣ, боз моро водор менамояд, ки нисбат ба сарсабзу шукуфон намудани ҳар як ваҷаб хоки Ватани азизамон саъю талош варзем.
Бахши матбуотии МИҲД-и шаҳри Кӯлоб
Подкатегории
Шабакаҳои иҷтимоӣ
30-солагии Истиқлоли давлатии Ҷумҳурии Тоҷикистон
