Хабарҳо

МУРОҶИАТНОМАИ
Шӯрои кор бо ҷавонони назди мақомоти иҷроияи ҳокимияти давлатии шаҳри Кӯлоб дар хусуси аз ҷониби Созмони миллали муттаҳид қабул гардидани ташаббуси сатҳи байналмилалии Президенти Федератсияи футболи Тоҷикистон, муҳтарам Рустами Эмомалӣ ҷиҳати эълон гардидани 25 май ҳамчун Рӯзи ҷаҳонии футбол
Ҷавонони сарбаланди шаҳри Кӯлоби бостонӣ,
Барои ҳар яки мо ҷавонони даврони соҳибистиқлол боиси хушбахтист, ки таҳти сиёсати ғамхорона ва падаронаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар фазои орому осудаи кишвар зиндагӣ ва кору фаъолият намуда, аз тамоми шароитҳои зарурӣ бархурдорем. Ифтихор аз он мекунем, ки рӯз аз рӯз мақому манзалати Тоҷикистони соҳибистиқлол дар арсаи байналмилалӣ баланд гардида, таклифу пешниҳодҳои роҳбарияти олии кишварамон аз тарафи ҷомеаи ҷаҳонӣ қабул ва мавриди амал қарор дода мешаванд.
Дар арафаи Рӯзи ҷавонони Тоҷикистон хабари аз ҷониби Созмони миллали муттаҳид қабул шудани қатънома дар бораи эълон кардани санаи 25 май ҳамчун "Рӯзи ҷаҳонии футбол", ки аз пешниҳоди Президенти Федератсияи футболи Тоҷикистон, Раиси маҷлиси миллии Маҷлиси Олии Ҷумҳурии Тоҷикистон, раиси шаҳри Душанбе муҳтарам Рустами Эмомалӣ сарчашма мегирад, барои ҳамаи ҷавонони кишвар боиси ифтихору болидарӯҳӣ гардид. Бори дигар, ҷомеаи ҷаҳонӣ мавқеи башардӯстона ва дар айни замон ҷавонпарваронаи ҷониби Тоҷикистонро эҳсос намуда, ба хиради азалӣ ва дурандешиву некманишии миллати тамаддунофари тоҷик арҷ гузошт.
Дар партави чунин як дастоварди бузурги сатҳи ҷаҳонӣ, ки ба боло рафтани обрӯи кишвари азизамон боис гардидааст, ба ҳамаи ҷавонони бонангу номуси Кӯлобшаҳри бостонӣ муроҷиат менамоем, ки:
- Биёед, дар партави сиёсати созандаи Пешвои муаззами миллат муҳтарам Эмомалӣ Раҳмон баҳри ободиву сарсабзӣ ва рушду нумӯи кишвари азизамон талоши бештар варзем;
- дар пайравӣ аз роҳбари ҷавону хирадманд – Президенти Федератсияи футболи Тоҷикистон муҳтарам Рустами Эмомалӣ дар ҳама ҷабҳаҳо ташаббускор бошем;
- ба оммавияти футбол дар кишварамон бештар диққат дода, ҳамчунин, дар тамоми намудҳои дигари варзиш низ камол ёфта, парчамбардори Ватан дар арсаҳои баланди варзишӣ гардем;
- ба Ватан, миллат ва обу хоки ин сарзамин то охири умр содиқ бошем ва нагузорем, ки нохалафе фазои маънавию сиёсии моро олуда созад;
- ҳамчун ҷавонони бошарафи кишвар дар роҳи ҳифзу ҳимояи арзишҳои миллӣ ва нангу номуси ватандорӣ пайравони воқеии роҳбари хирадманду хирадсолори Тоҷикистон бошем.
Рӯзи ҷавонони Тоҷикистон ва Рӯзи ҷаҳонии футбол муборак бошад, ҳамватанони азиз!
Хабарҳо

        Имрӯз дар доираи таҷлил аз “Рӯзи ҷавонони Тоҷикистон” дар толори мақомоти иҷроияи ҳокимияти давлатии шаҳри Кӯлоб бо иштироки раиси шаҳр Назарзода Бахтиёр Худоёр ҷаласаи Шӯрои кор бо ҷавонони назди мақомоти иҷроияи ҳокимияти давлатии шаҳри Кӯлоб ва вохӯрӣ бо фаъолҷавонони шаҳр  баргузор гардид.

      Пеш аз оғози ҳамоиш, роҳбарияти мақомоти иҷроияи ҳокимияти давлатии шаҳри Кӯлоб ва меҳмонон  аз дастовардҳои донишҷуён, хонандагон  ва варзишгарони шаҳри Кӯлоб  дидан намуда, бо онҳо суҳбати самимӣ анҷом доданд.

         Дар чорабинии мазкур  муовинони раиси шаҳр, роҳбари дастгоҳи раиси шаҳр, намояндагони мақомотҳои ҳифзи ҳуқуқ, раисони ҷамоатҳо, донишҷӯён, гирандагони стипендияи Президентӣ ва ҷавонони  фаъоли ташкилоту муассисаҳои шаҳрӣ иштирок намуданд.

        Дар оғоз, раиси шаҳри Кӯлоб Назарзода Бахтиёр Худоёр ҷавононро бахшида ба “Рӯзи ҷавонони Тоҷикистон” самимона шодбош намуда, изҳор доштанд, ки шурӯъ аз соли 1997 дар заминаи ташаббуси қонунгузории Сарвари маҳбуби кишварамон муҳтарам Эмомалӣ Раҳмон бо нишони эътибори хоса ва арҷгузорӣ корнамоиҳои ҷавонони мамлакат, санаи 23 май ҳамчун “Рӯзи ҷавонони Тоҷикистон” таҷлил карда мешавад. Имрӯз зери ҳамин санаи муборак раиси шаҳри Кӯлоб муҳтарам Назарзода Бахтиёр Худоёр ҳамаи ҳузурдоштагон ва тамоми ҷавонони Кӯлобшаҳри бостониро самимона табрику муборакбод намуда, барояшон саломатии бардавом, иқболи баланд, осмони софу беғубор ва тамоми хӯшаҳои зиндагиро таманно намуд.

      Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар яке аз Паёмҳои шодбошии худ ба муносибати “Рӯзи ҷавонони Тоҷикистон” таъкид карданд: «Бо эътимоди комил метавон гуфт, ки ҷавонони тоҷик аз ӯҳдаи иҷрои қарзи ватандорӣ ва фарзандии худ сарбаландона мебароянд, арзишҳои миллиро ҳифз мекунанд, амнияту оромии Ватани азизамонро шабу рӯз ҳимоя менамоянд ва бо ҳисси баланди масъулиятшиносӣ ба хотири рушди Тоҷикистони биҳиштосоямон минбаъд низ саъю талош мекунанд».

     Хушбахтона, аксарияти кулли ҷавонони Кӯлобшаҳри бостонӣ бо рафтори намунавӣ ва ватандӯстонаву меҳанпарваронаи худ кӯшиш мекунанд, ки ба ин боварии Роҳбари хирадманду хирадсолори Тоҷикистон сазовор бошанд. Далели ин гуфтаҳо он аст, ки қисмати зиёди онҳо дар даъвати баҳории имсола ихтиёран ба Сафи Қувваҳои Мусаллаҳи Ҷумҳурии Тоҷикистон сафарбар шуданд ва ин имкон дод, ки шаҳри Кӯлоб нақшаи даъватро пеш аз мӯҳлат таъмин намояд. Бо истифода аз фурсати қуллай ба чунин ҷавонони ватандӯсти кишвар минатдории бепоёни худ, мақомоти иҷроияи ҳокимияти давлатии шаҳр ва Маҷлиси вакилони халқи шаҳрро баён менамоям.

          Мебояд тазаккур дод, ки давлат ва Ҳукумати Ҷумҳурии Тоҷикистон барои он, ки ҷавонони кишвар ҳамчун насли созанда ва соҳиби асили ин хоку сарзамин ба воя расанд, тамоми шароитҳои заруриро фароҳам овардааст. Боиси ифтихор аст, ки дар шаҳри Кӯлоб 1 донишгоҳ, 1 донишкада, 6 коллеҷ ва 2 литсейи касбӣ-техникӣ, ки бо тамоми технологияҳои муосири коммуникатсионӣ муҷаҳҳаз мебошанд, фаъолият карда истодаанд. Ҷавонони шаҳри Кӯлоб соҳиби бино ва маркази худ мебошанд. Даҳҳо иншоотҳои варзишию фарҳангӣ дар хизмати Шумо ҳастанд. Зиёда аз 80 фоизи буҷаи маҳаллӣ ба соҳаи маориф равона карда мешавад. Бояд ин қишри ҷомеа, яъне Шумо ҷавонон аз ин имкониятҳо самаранок истифода бурда, ояндасози худ ва Тоҷикистон бошед. Ба қадри ин неъмати бебаҳои соҳибистиқлолии кишвар бирасед ва онро чун гавҳараки чашм эҳтиёт намоед. Бо дасту дили гарм ва нерӯи созанда дар пайи ободии Ватани барои ҳар якамон азиз Тоҷикистони биҳиштосо ва як гӯшаи он Кӯлобшаҳри бостонӣ бошед.

           Дар идома, муовини раиси Шӯро Ҳамидиён Орзу оид ба фаъолияти Шӯрои  кор бо ҷавонони назди мақомоти иҷроияи ҳокимияти давлатии шаҳри Кӯлоб баромад намуда, аз дастовардҳои ҷавонон дар ҳама соҳаҳо ибрози андеша намуданд. Ҳамзамон,  ҷавонони саодатманди шаҳри Кӯлоб якояк баромад намуда, аз ғамхориҳои рӯзафзуни Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, раиси вилояти Хатлон Давлаталӣ Саид ва раиси шаҳри Кӯлоб Назарзода Бахтиёр Худоёр ҷиҳати дастгириҳояшон изҳори сипос намуда, таъкид доштанд, ки мо ҳамеша дар сиёсати пешгирифтаи Пешвои тоҷикони ҷаҳон устуворем ва ваъда медиҳем, ки баҳри татбиқ гардидани сиёсати ҷавонпарваронаи Пешвои муаззами миллат муҳтарам Эмомалӣ Раҳмон содиқонаву софдилона хизмат менамоем.

        Дар интиҳо, ба як қатор оилаҳои намунавӣ, ки фарзандони худро барои ҳимояи марзу буми Ватан, ҷиҳати анҷом додани хизмати модар-ватан ба сафи Қувваҳои мусаллаҳи Ҷумҳурии Тоҷикистон сафарбар намудан ва ҷавонони фаъоли шаҳри Кӯлоб бо Сипосномаҳо ва туҳфаҳои хотиравӣ дар вазъияти тантанавӣ қадрдонӣ  шуданд.

                                                                                                                                                           Бахши бойгонӣ-матбуотии МИҲД-и шаҳри Кӯлоб

Хабарҳо

         Таҳти ҳамин унвон, имрӯз бо иштироки раиси шаҳри Кӯлоб Назарзода Бахтиёр Худоёр, роҳбарони мақомоти ҳифзи ҳуқуқ, модарон ва ҷавонони саодатманди шаҳри Кӯлоб дар ҳошияи таҷлил аз “Рӯзи ҷавонони Тоҷикистон” ва дастгирӣ аз ташаббуси Президенти федератсияи футболи Тоҷикистон, раиси Маҷлиси миллии Маҷлиси Олии Ҷумҳурии Тоҷикистон, раиси шаҳри Душанбе муҳтарам Рустами Эмомалӣ ҷиҳати санаи 25 май эълон гардидани “Рӯзи ҷаҳонии футбол” роҳпаймоии идона дар маркази шаҳри Кӯлоб дар фазои сулҳу оромӣ ва сиёсати ҷавонпарваронаи Пешвои муаззами миллат муҳтарам Эмомалӣ Раҳмон баргузор гардид.
         Иштирокчиёни роҳпаймоӣ истиқбол аз “Рӯзи ҷавонони Тоҷикистон” дар даст шиору овезаҳо, ки таранумгари ваҳдати миллӣ ва расмҳои Пешвои миллат муҳтарам Эмомалӣ Раҳмон, ки ҳастии худро барои оромии кишвар бахшидааст, бо як ғурӯри ватантдорӣ зери шиори “Тоҷикистон ба пеш” ва “Мо пайравони асили Пешвои миллатем” роҳ ба сӯи макони баргузории чорабинии тантанавӣ пеш гирифтанд. Маълум буд, ки воқеан ҷаонони имрӯзаи мо зери сиёсати ҷавонпарваронаи Пешвои муаззами миллат, абармарди арсаи сатҳи ҷаҳонӣ муҳтарам Эмомалӣ Раҳмон роҳ ба сӯи ояндаи боз ҳам гулгуншукуфон рафта истодаанд ва ҳамеша татбиқкунандаи сиёсати созандаву бунёдкоронаи давлату Ҳукумати Ҷумҳурии Тоҷикистон мебошанд.
 
                                                                                                                                                               Бахши бойгонӣ-матбуотии МИҲД-и шаҳри Кӯлоб
Хабарҳо

         Имрӯз дар доираи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва раиси вилояти Хатлон Давлаталӣ Саид бахшида ба “Рӯзи ҷавонони Тоҷикистон” чорабинии тантанавӣ дар қисми низомии 13483-и шаҳри Кӯлоб баргузор гардид.

Зимни боздид, раиси шаҳри Кӯлоб Назарзода Бахтиёр Худоёр аз шароитҳои буду боши сарбозону афсарон шинос шуда, бо ҳар як сарбози шуҷои Ватан  суҳбати самимӣ анҷом доданд.

Роҳбарияти мақомоти иҷроияи ҳокимияти давлатии шаҳри Кӯлоб зимни табрикоти худ дар ҳузури меҳмонон, сарбозону афсарони қисми низомии 13483-и шаҳри Кӯлоб изҳор доштанд, ки имрӯз давлату Ҳукумати Ҷумҳурии Тоҷикистон, махсусан Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар тамоми қисмҳои низомӣ барои буду боши сарбозону афсарон шароитҳои мусоид фароҳам оварда шудааст. Пас вазифаи ҳар як фарзанди Ватан ва далеру шуҷоъ ин пеш аз ҳама хизмати соддиқонаву софдилона ва ҳимояи марзу буми кишвар мебошад, ки инро мо дар симои ҳар яки Шумо фарзандои азиз эҳсос  менамоям.

          Мақомоти иҷроияи ҳокимияти давлатии шаҳри Кӯлоб дар асоси  дастуру супоришҳои раиси вилояти Хатлон муҳтарам Давлаталӣ Саид ва нақшачорабиниҳои шаҳрӣ ҷиҳати дар сатҳи баланди ташкилию сиёсӣ ва фарҳангӣ баргузор намудани “Рӯзи ҷавонони Тоҷикистон” тамоми талошҳои худро равона карда истодааст, ки барои шумо сарбозону афсарон шароити мусоид фароҳам оварем.

Роҳбарияти мақомоти иҷроияи ҳокимияти давлатии шаҳри Кӯлоб бори дигар тамоми сарбозону афсарони Тоҷикистони азизро ба “Рӯзи ҷавонони Тоҷикистон” самимона шодбош намуда, ба ҳар кадоми онҳо пеш аз ҳама саломатӣ, хушбахтӣ ва барои анҷом додани хизмати содиқонаву софдилона  барору музаффариятҳои беназиро таманно намуд.

         Дар идома, модарону сарбозон аз дастгириҳои рӯзафзуни давлату Ҳукумати Ҷумҳурии Тоҷикистон ва сиёсати бобарори Пешвои муаззами миллат муҳтарам Эмомалӣ Раҳмон, раиси вилояти Хатлон Давлаталӣ Саид ва раиси шаҳри Кӯлоб  Назарзода Бахтиёр Худоёр изҳори сипос намуда, таъкид доштанд, ки мо ҳамчун сипари боэътимоди ин сарзамин ҳамеша баҳри иҷро гардидани рисолати худ содиқонаву софдилона хизмат менамоем.

  Дар вазъияти тантанавӣ ба як қатор сарбозону афсарон Ифтихорнома, Сипоснома ва туҳфаҳои хотирави тақдим карда шуд.

         Сипас, аз ҷониби роҳбарияти мақомоти иҷроияи ҳокимияти давлатии вилояти Хатлон ва шаҳри Кӯлоб барои сарбозону афсарон дастархони идона ороста шуд.

  

                                                                                                                                                             Бахши бойгонӣ-матбуотии МИҲД-и шаҳри Кӯлоб

Подкатегории

/////

Сахифаи 12 аз 95

Ҷустуҷӯ

Шабакаҳои иҷтимоӣ

facebook instagram youtube

30-солагии Истиқлоли давлатии Ҷумҳурии Тоҷикистон

nar rem nar rem nar rem nar rem nar rem nar rem nar rem nar rem nar rem nar rem

Ҷумҳурии Тоҷикистон, вилояти Хатлон, ш. Кӯлоб, хиёбони И. Сомонӣ №36 Адрес электронной почты защищен от спам-ботов. Для просмотра адреса в браузере должен быть включен Javascript.
TPL_BACKTOTOP