КӮЛОБ: БАРГУЗОРИИ РӮЗИ ДАЪВАТШАВАНДА БА САФИ ҚУВВАҲОИ МУСАЛЛАҲИ ҶУМҲУРИИ ТОҶИКИСТОН
Таъмини фазои орому осудаи Ватан ва амнияти ҷомеа яке аз муҳимтарин вазифаҳои давлату ҳукумат ба шумор рафта, вобаста ба он таълиму тарбия ва руҳану ҷисман омода намудани ҷавонони синни даъватӣ барои хизмат дар сафи Қувваҳои Мусаллаҳи ҷумҳурӣ беш аз пеш аҳамияти муҳим пайдо менамояд.
Бо ин мақсад санаи 1 октябри соли равон дар Комисариати ҳарбии шаҳри Кӯлоб маросими ботантанаи гусели тирамоҳии ҷавонони даъватшаванда ба сафи Қувваҳои мусаллаҳи Ҷумҳурии Тоҷикистон баргузор гардид.
Дар чорабинии тантанавӣ раиси шаҳри Кӯлоб муҳтарам Назарзода Бахтиёр Худоёр, кормандони комиссарияти ҳарбӣ, волидайни даъватшавандагон ва ашхоси касбу кори гуногун иштирок карда, наваскаронро ба хизмати содиқона баҳри ҳифзу марзу буми кишвар гусел намуданд.
Сараввал, дар чорабинии мазкур роҳбарияти шаҳри Кӯлоб суханронӣ намуда, иброз дошт, ки Асосгузори сулҳу ваҳдати миллӣ, Пешвои миллат, Сарфармондеҳи Олии Қувваҳои мусаллаҳи Ҷумҳурии Тоҷикистон муҳтарам Эмомалӣ Раҳмон чунин таъкид намуданд: “Хизмат ба Ватан ва ҳимояи марзу буми аждодӣ барои ҳар як ҷавонмарди бонангу номуси Тоҷикистони соҳибистиқлол ҳам қарз ва ҳам фарз аст”.
Зикр гардид, ки имрӯз ҳар як сокини шаҳри Кӯлоб бо чунин ҷавонони бонангу номуси диёр, ки ихтиёран ба сафи Қувваҳои Мусаллаҳи Ҷумҳурии Тоҷикистон сафарбар шуда истодаанд, сидқан ифтихор мекунанд. Ҳоло Қувваҳои мусаллаҳ ба як сутуни муқтадири ҳимояи марзу бум ва тамомияти арзии кишвар табдил ёфтаанд. Давлати Тоҷикистон ва мардуми тоҷик дар шахсияти афсарону сарбозони Қувваҳои мусаллаҳ муҳофизони боэътимоди Ватанро мебинанд ва ба онҳо ифтихор доранд.
Бо изҳори миннатдорӣ ба волидайни ҷавонони даъватшаванда, ки ихтиёран ба сафи артиши миллӣ пайвастаанд, раиси шаҳр ба ҳамаи онҳо ба ин рӯзи пуршараф табрику муборакбод намуда, ба наваскарон саломатӣ, хушбахтӣ ҳушёрию зиракӣ, матонату ҷасорат ва дар роҳи хизмати содиқона ба Ватан саодату комёбӣ ва барору музаффарият таманно намуд.
Ҳамчунин, як қатор волидайни даъватшавандагон ва ҷавононе, ки ба ихтиёран ба Сафи Қувваҳои Мусаллаҳи Ҷумҳурии Тоҷикистон дохил гардидаанд, баромад карда миннатдории хешро ба Пешвои муаззами миллат муҳтарам Эмомалӣ Раҳмон ҷиҳати фароҳам овардани шароити мусоид дар Сафи Қувваҳои Мусаллаҳи Ҷумҳури Тоҷикистон баён намуданд.
Баъдан маросими мардумии “Нонгазон” аз ҷониби модарони даъватшудагон баргузор гардид.
Дар қисмати охир ҳунармандони бахши фарҳанги шаҳри Кӯлоб барномаи ҷолиби консертии омоданамудаи хешро пешниҳоди ҳозирин намуданд.
Бахши матбуотии Миҳд-и шаҳри Кӯлоб
Ба озмуни «Беҳтарин муаррификунандаи дастовардҳои шаҳри Кӯлоб»
АВҶИ КОРҲОИ СОЗАНДАГӢ БА ИСТИҚБОЛИ ҶАШН
Бо мақсади дар сатҳи баланд пешвоз гирифтани 35 солагии Истиқлолияти давлатии Ҷумҳурии Тоҷикистон дар шаҳри Кӯлоб иқдомҳои зиёди созандагию ободонӣ тарҳрезӣ гардида, бунёд ва азнавсозии иншооти маъмурию фарҳангӣ, коргоҳу корхонаҳои истеҳсолӣ ва муассисаҳои хизматрасонию таълимӣ идома дорад.
Тавре мудири бахши меъморӣ ва шаҳрсозии Мақомоти иҷроияи маҳаллии ҳокимияти давлатии шаҳр Қурбон Аҳмадзода, иттилоъ дод, дар чор соли оянда бо мақсади дар сатҳи олӣ пешвоз гирифтани ҷашни миллӣ 35 солагии Истиқлолияти давлатӣ бунёд ва азнавсозии 462 иншооти таъиноташон гуногун ба нақша гирифта шудааст. Аз ҷумла, бунёд ва азнавсозии 86 муассисаҳои таълимӣ, кӯдакистон, синфхонаҳои иловагӣ, 48 адад бунгоҳҳои тиббӣ, марказҳои саломатӣ, 40 коргоҳу корхонаҳои саноатӣ, 16 адад толору майдончаҳо иварзишӣ, 44 маркази хизматрасонӣ, 40 маркази савдо, 33 биноҳои баландошиёнаю маъмурӣ, 106 иншоот дар самти нақлиёт ва коммуникатсия, 13 иншооти ба соҳаи кишоварзӣ, 9 иншоот ба соҳилмустаҳкамкунӣ, 4 иншоот ба соҳаи фарҳанг, 21 иншооти дигари сохташаванда дар самтҳои гуногуни хоҷагии халқ аз ҳамон ҷумлаанд.
Ҳамчунин, иттилоъ дода шуд, ки соли ҷорӣ яке аз дастовардҳои хуби меҳнатӣ сокинони шаҳри Кӯлоб ин бунёд ва ба истифода додани 45 иншооти таъиноти гуногун бо таъсиси 100 ҷойи нави корӣ мебошад.
-Инчунин, ба муносибати 31–умин солгарди Истиқлолияти давлатӣ ва ташрифи меҳмонони олиқадр дар шаҳри Кӯлоб 22 иншооти дигар, аз ҷумла, ду коргоҳи паррандапарварӣ, як муассисаи таълимӣ, бинои маъмурии Кумитаи идораи замини шаҳр ва минтақаи Кӯлоб, бинои Агентии тоҷикстандарт дар минтақаи Кӯлоб, Маркази хизматрасонӣ, синфхонаҳои иловагӣ, пурра мумфарш кардани роҳи Чармгарони Поён ва Коллеҷи иноватсионии шаҳри Кӯлоб ба истифода дода мешаванд, ки ин ҳам бошад дастовардҳои шаҳри Кӯлоб дар давраи соли ҷорӣ ба ҳисоб мераванд,-гуфт Қурбон Аҳмадзода.
Мавсуф ҳамчунин, афзуд, ки айни замон дар 150 иншоот сохташаванда корҳои сохтмонӣ бо мароми баланд идома дошта, дар онҳо мутахассисону коргарони маҳаллӣ бо ҷойи кор таъмин гардидаанд.
Бояд тазаккур дод, ки соли ҷорӣ тибқи қарори раиси шаҳри Кӯлоб «Соли рушди саноат ва роҳҳои обод» эълон гардид. Бо ин мақсад дар минтақаи саноатии шаҳр ба 11 соҳибкор қитъаи замин барои бунёди корхонаҳои саноатӣ ҷудо гардид. Инчунин, бо мақсади иҷрои қарори мазкур барои таъмини ҳаракати бехатарии нақлиёт ва пешгирии тамбашавӣ воситаҳои нақлиёт, роҳи алтернативӣ дар кӯчаи Чармгарони Поён бо дарозии 850 метр аз ҳисоб имаблаѓгузории буҷети маҳаллӣ таъмиру навсозӣ гардида, пурра асфалтпӯш шуд.
Дар робита ба ҳадафи чорумистратегӣ–саноатикунонии босуръати мамлакат дар шаҳри Кӯлоб бунёд ва азнавсозии 40 коргоҳу корхонаҳои саноатӣ дар назар дошта шуда, то ҷашни 35 солагии Истиқлолияти давлатӣ сохта мавриди баҳрабардорӣ қарор хоҳанд гирифт.
Исломи РАҶАБАЛӢ,
Рӯзноманигор
Ба озмуни «Беҳтарин муаррификунандаи дастовардҳои шаҳри Кӯлоб»
РУШДИ МУАССИСАҲОИ ТОМАКТАБӢ ДАР ШАҲРИ КӮЛОБ
Дар даврони соҳибистиқлолии мамлакат барои ба таҳсилоти томактабӣ фаро гирифтани кӯдакон, хусусан дар шаҳри Кӯлоб бо дастгирии Ҳукумати Ҷумҳурии Тоҷикистон ва Вазорати маориф ва илм, ва Мақомоти иҷроияи маҳаллии ҳокимияти давлатии шаҳр даҳҳо адад муассисаҳои томактабӣ ва марказҳои инкишофи кӯдак бо шароитҳои замони муосир сохта, мавриди баҳрабардорӣ қарор дода шуданд.
Муассисаи таълимии томактабии «Ситора»-и назди Донишгоҳи давлатии Кӯлоб ба номи Абӯабдуллоҳи Рӯдакӣ аз ҷумлаи даргоҳест, ки фаъолияташ ба самти таълиму тарбияи кӯдакон нигаронида шудааст. Муассисаи мазкур асосан барои фарзандони устодону омӯзгорони Донишгоҳ таъсис дода шуда, ҳамчун базаи таҷрибавӣ дар назди донишгоҳ фаъолият мекунад, ки дар он донишҷӯёни факултаи омӯзгории шуъбаи таҳсилоти томактабӣ таҷриба меомӯзанд. Бино аз ду ошёна иборат буда, ҳуҷраҳои хобу ҷойи бозии кӯдакон бо тамоми шароитҳои лозима муҷаҳҳаз гардонида шудааст.
Даминзода Хатичамо, мудири кӯдакистон ҳангоми суҳбат ҷиҳати дастгириҳои Ҳукумати Ҷумҳурии Тоҷикистон дар даврони соҳибистиқлолии малмакат, нисбати муассисаҳои томактабӣ изҳори сипосу миннатдори карда, афзуд, ки айни замон дар кӯдакистон панҷ гурӯҳ бо 150 нафар кӯдак ба тарбия фаро гирифта шуданд, ки барои нигоҳубини онҳо шаш мураббия машғуликормебошанд.Баиттилоиномбурда,даркӯдакистончоргурӯҳбозабонитоҷикӣваякгурӯҳбозабонирӯсӣтаълиммегиранд.
Муассисаи таҳсилоти томактабии №3 бо номи «Парасту» аз ҷумлаи даргоҳи таълимиест, ки дар таълиму тарбияи насли наврас хусусан кӯдакон нақши арзанда дорад. Ҳарчанд бинои кӯдакистон солҳои шӯравӣ сохта шуда бошад ҳам, бо дастгирӣ ва маблағгузориҳои Мақомоти иҷроияи маҳаллии ҳокимияти давлатии шаҳри Кӯлоб ва соҳибкорони маҳаллӣ бинои муассиса таъмири ҷорӣ гардида, синфхонаҳо бо мизу курсиҳои наву замонавӣ таъмин шудааст .Гулсара Денпанаева, мудири кӯдакистон дар суҳбат гуфт,ки кунун дар муассиса 12 гурӯҳи кӯдакон бо 282 кӯдак ба таълиму тарбия фаро гирифта шуданд, ки ба онҳо 12 муррабияи соҳибтахассус таълим медиҳанд. Номбурда ҳамчунин, изҳор дошт, ки бо дастгирии Мақомоти иҷроияи маҳаллии ҳокимияти давлатии шаҳри Кӯлоб хусусан раиси шаҳр, барои таъмири ҷории муассиса ва иваз кардани тирезаҳои кӯдакистон аз буҷети маҳаллӣ маблағи120 ҳазор сомонӣ ҷудо гардид. Инчунин, соли гузашта барои болопӯши бино 100 ҳазор сомонӣ ҷудо гардида, он пурра аз таъмир бароварда шуд.
Ба ҳамин монанд, метавон Муассисаи томактабии №2–ро ҳамчун мисол овард, ки дар таълиму тарбияи насли наврас хусусан кӯдакон саҳми бағоят калон дорад. Муассиса зери роҳбарии Сафармо Шамсуддинова, ба дастовардҳои назарраси меҳнатӣ ноил гардидааст. Он соли 1954 сохта шуда, то имрӯз фаъолияти густурда дорад.
Тавре Сафармо Шамсуддинова, гуфт, ки айни ҳол дар кӯдакистон 170 кӯдак ба тарбия фаро гирифта шуданд, ки ба онҳо 6 мураббияи соҳибмаълумот таълим медиҳанд. Муассиса бо тамоми шароитҳои замони муосир муҷаҳҳаз гардонида шуда, синфхона ва ҷойи бозии кӯдакон ба талаботи замони муосир ҷавобгӯ мебошад. Дар муассиса бо дастгирии ҳукумати шаҳри Кӯлоб рахти хоби кӯдакон ва мизу курсиҳои замонавӣ барои таълиму тарбияи наврасон харидорӣ шуда, ба талаботи рӯз ҷавобгӯ мебошанд.
Қадамшоҳ Ҳакимзода, мудири шуъбаи маорифи шаҳри Кӯлоб зимни суҳбат афзуд, ки ҳоло дар ҳудуди шаҳру деҳоти Кӯлоб ҳашт кӯдакистони давлатӣ ва се кӯдакистони хусусӣ фаъолият мекунанд, ки дар онҳо1280 нафар кӯдак ба тарбия фаро гирифта шуданд.
-Соли гузашта, - ба муносибати 30–юмин солагарди Истиқлолияти давлатии Ҷумҳурии Тоҷикистон дар маҳаллаи Саддикови шаҳри Кӯлоб муассисаи томактабӣ бо фарогирии 250 кӯдак бо тамоми шароитҳои лозима аз ҷониби соҳибкори маҳаллӣ сохта ба истифода дода шуд. Ду боғчаи дигар, ки яке дар назди Муассисаи таҳсилоти миёнаи умумии №50–и шаҳри Кӯлоб, дигар дар деҳаи Андароби ҷамоати деҳоти Кӯлоб бо фарогирии 280 кӯдак аз ҷониби Вазорати маориф ва илм сохтмонаш идома доранд,- изҳор намуд Қ. Ҳакимзода.
Исломи РАҶАБАЛӢ,
Рӯзноманигор
Санаи 30 сентябри соли равон дар муассисаи таҳсилоти миёнаи умумии №45-и шаҳри Кӯлоб бо иштироки муовини раиси шаҳр Даминзода Арафамо ба муносибати Рӯзи Мавлоно Ҷалолиддини Балхӣ ҳамоиши ҷашнӣ баргузор гардид.
Нахуст, муовини раиси шаҳри Кӯлоб Даминзода Арафамо суханронӣ намуда, паёми табрикотии раиси шаҳри Кӯлоб муҳтарам Назарзода Бахтиёр Худоёрро ба саҳми ҳозирин расонид.
Қайд намуд, ки бо ба даст овардани истиқлолияти давлатии Ҷумњурии Тоҷикистон ва сулҳу оромии кишварамон зери сиёсати бобарору арзишманди Асосгузори сулҳу ваҳдати миллӣ –Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон тамоми ҷашнҳои милливу таърихиямон бо як шукуҳу шаҳомати хос ва арҷ гузоштан ба фарҳанги гузаштагонам дар як руҳияи худшиносию худогоҳи ва ифтихори миллӣ баргузор мегардад. Воқеан ҳам арҷгузорӣ ба фарҳангу тамаддуни оламгир ва мероси маънавии халқи тоҷик аз муҳимтарин ҷанбаи сиёсати хирадмандонаи Пешвои муаззами миллат муҳтарам Эмомалӣ Раҳмон ба ҳисоб рафта, «Дар шароити феълӣ, ки бархурди тамадунҳо дар ҷаҳон торафт тезу тунд мешавад, омӯхтан ва таҳқиқ кардани мероси бостонӣ, ҳифзи арзишу суннатҳои милливу мардумӣ ва ёдгориҳои таърихӣ аҳамияти махсус пайдо мекунад».
Сипас, директори генералии Муҷтамаи ҷумҳуриявии осорхонаҳои Кӯлоб Асозода Ҳотам баромад намуда, изҳор намуд, ки Мавлоно аз сермаҳсултарин адибони тоҷик буда, бо мероси адабии худ ҷаҳониёнро дар ҳайрат гузоштааст. Ҷалолиддини Балхӣ бо осори орифонаю безаволи худ, аз он ҷумла “Маснавии Маънавӣ”, бо гузашти асрҳо дили ҳаводорони каломи манзумро тасхир намудааст.
Ҳамчунин дар идомаи чорабинӣ шоираи ширинкалом Хосият Вализода баромад карда, иброз аз он дошт, ки Мавлоно Ҷалолуддини Балхӣ миёни сухансароён, шоирону орифони адабиёту фарҳанги оламшумули тоҷик ҷойгоҳи баланд дошта, бо эътибори андешаҳои ирфонӣ, ахлоқи, фалсафӣ ва афкори гаронқадри маънавии хеш беш аз 800-сол инҷониб маъруф аст.
Дар қисмати баъдии чорабинӣ хонандагони муассисаҳои таълимми шаҳр аз эҷодиёти Мавлоно Ҷалолиддин Балхӣ панду андарз ва шеърҳо қироат намуданд.
Дар охир ҳунармандони бахши фарҳанги мақомоти иҷроияи ҳокимияти давлатии шаҳри Кӯлоб баҳри болидаруҳии иштирокчиён барномаи омоданамудааи хешро пешинҳоди ҳозирин намуданд.
Бахши матбуотии МИҲД-и шаҳри Кӯлоб
Подкатегории
Шабакаҳои иҷтимоӣ
30-солагии Истиқлоли давлатии Ҷумҳурии Тоҷикистон
