Дар назди Муҷтамаи 2700 солагии шаҳри Кӯлоб бо иштироки Раиси шаҳри Кӯлоб муҳтарам Назарзода Бахтиёр Худоёр, фаъолону адибон ва сокинони касбу кори гуногуни шаҳр Соли нави мелодӣ бо шукуҳу шаҳомати хоса таҷлил карда шуд.
Қайд гардид, ки соли равон барои халқи тоҷик аз ҳама ҷиҳат бобарору пур аз руйдодҳои муҳим буд. Имсол 31 – солагии Истиқлолияти давлатии Ҷумҳурии Тоҷикистон ва 30 солагии Иҷлосияи таърихию тақдирсозии ХVI – уми Шӯрои Олии Ҷумҳурии Тоҷикистон дар саросарии кишвар бо шукуҳу шаҳомати хоса ҷашн гирифта шуданд. Ба пешвози ин санаҳои муҳими таърихӣ дар мамлакат ҳазорон иншооти хурду бузурги таъиноти гуногун сохта шуданд ва мавриди истифода қарор гирифтанд.
Сипас, собиқадорони соҳаи маориф Аслбӣ Шарифова ва НозимТалаб баромад карда ҳозиринро ба ин муносибат самимона табрик намуданд.
Дар охир аз тарафи бахши фарҳанги мақомоти иҷроияи ҳокимияти давлатии шаҳри Кӯлоб ва ҳунармандони санъати кишвар барномаи рангину шавқовар пешкаши аҳли сокинон гардонида шуд.
Бахши матбуотии Миҳд-и шаҳри Кӯлоб
Ҳамдиёрони азиз!
Инак боз як соли пуртуғён ба охир расида вориди саҳифаи таърих шуда истодааст ва мо дар арафаи соли нави мелодии 2023-юм қарор дорем. Ба ин муносибат Шумо ва дар шахси Шумо тамоми мардуми сарзамини Кӯлоби бостониро табрику муборакбод намуда, таманнои онро дорам, ки соли нав барои халқи Тоҷикистон соли сулҳу оромӣ ва ваҳдати сартосарӣ, файзу баракат, пешрафту дастовардҳои бузург гардад.
Мебояд қайд намуд, ки соли равон барои халқи тоҷик аз ҳама ҷиҳат бобарору пур аз руйдодҳои муҳим буд. Имсол 31 – солагии Истиқлолияти давлатии Ҷумҳурии Тоҷикистон ва 30 солагии Иҷлосияи таърихию тақдирсозии ХVI – уми Шӯрои Олии Ҷумҳурии Тоҷикистон дар саросарии кишвар бо шукуҳу шаҳомати хоса ҷашн гирифта шуданд. Ба пешвози ин санаҳои муҳими таърихӣ дар мамлакат ҳазорон иншооти хурду бузурги таъиноти гуногун сохта шуданд ва мавриди истифода қарор гирифтанд.
Рӯзи 14 декабр Маҷмаи Созмони Милали Муттаҳид ташаббуси панҷуми Сардори давлати тоҷикон, Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро пазируфта, бо қатъномаи худ соли 2025-ро «Соли ҳифзи умумиҷаҳонии пиряхҳо» эълон намуд. Ин руйдод боиси ифтихори ҳар як сокини Тоҷикистон аст. Зеро дар ҷаҳон каманд сиёсатмадороне, ки ба ин андоза пешниҳодҳои аҳамияти умумиинсонӣ карда бошанд ва онҳо аз ҷониби Созмони бонуфузи байналмиллалии болозикр қабул шуда бошад.
Рӯзи 23 декабр Паёми навбатии Пешвои муаззами миллат ба мақоми Олии қонунгузори мамлакат ироа гардид. Дар Паём Ҷаноби Олӣ тамоми паҳлуҳои ҳаёти иқтисодӣ, иҷтимоӣ, фарҳангӣ ва ҳуқуқии кишварро таҳлил, раванди рушди соҳаҳои мухталифи хоҷагии халқи мамлакатро бо далелу рақамҳои қотеъ собит ва вазифаҳоро барои минбаъда муқаррару мушаххас намуданд. Акнун вазифаи ҳамаамон аз он иборат аст, ки онро такрор ба такрор хонем, дастуру супориш ва ҳидоятҳои дар Паём баёншударо сармашқи кори худ намоем.
Мебояд тазаккур дод, ки соли 2022 барои шаҳри Кӯлоби бостонӣ низ ҳамаҷиҳата файзбор буд. Зеро заҳматкашони шаҳру деҳот меҳнати зарбдоронаю садоқатмандона карда, дар зарфи моҳҳои январ – ноябр тавонистанд ба натиҷаҳои назаррас ноил гарданд. Аз ҷумла нақшаи андозҳо барзиёд иҷро шуда, музди маошу нафақапулиҳо пурра пардохт гардиданд.
Дар соҳаҳои хоҷагии халқи шаҳр 2596 ҷойҳои нави кории доимӣ ва муваққатӣ таъсис ёфтанд. 6 корхона ва 3 коргоҳи нав ба истифода дода шуданд.
Рӯзи 27 август бо дастгирӣ ва дастури бевоситаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳр бо иштироки сармоягузорони хориҷӣ, бахусус аз Федератсияи Россия, Ҷумҳурии Исломии Эрон, Ҷумҳурии Туркия, Арабистони Саудӣ, Ҳиндустон, Ҷумҳурии Қазоқистон ва ғайра, Форуми байналқалқии иқтисодии «Кӯлоб - 2022» баргузор гардид. Дар ин чорабинии муҳташам муяссар шуд, ки бо сармоягузорон барои бунёди корхонаҳои саноатӣ санадҳои ҳамкориро ба маблағи 2,2 млрд. сомонӣ ба имзо расонем. Ҳангоми амалӣ намудани ин санадҳо натанҳо соҳаи саноати шаҳр қуллаҳои хеле баландро фатҳ мекунад, балки баҳри расидан ба ҳадафи чоруми стратегии давлат, саноатикунонии босуръати кишвар як қадами устуворе ба пеш гузошта мешавад.
Дар доираи омодагиҳо ба истиқболи 35 солагии истиқлолияти давлатии Ҷумҳурии Тоҷикистон мақомоти иҷроияи ҳокимияти давлатии шаҳр сохтмону азнавсозӣ ва таъмири 462 иншоотро ба нақша гирифтааст. Дар зарфи моҳҳои январ – ноябр аз ин ҳисоб 68 иншоот мавриди баҳрабардорӣ қарор гирифтанд. Боиси қаноатмандӣ ва шукургузорист, ки кори чанд иншоотро ҳангоми сафари кориашон ба шаҳри Кӯлоб Пешвои муаззами миллат муҳтарам Эмомалӣ Раҳмон бевосита худашон ифтитоҳ бахшиданд.
Дастовардҳои назаррас дар дигар бахшҳои иқтисодиёту иҷтимоиёт ҳам кам нестанд. Ба андешаи мо, ҳоло вақти он аст, ки бо шукургузориву миннатдорӣ ҷиҳати атои оромию осоиш, файзу баракати фаровон, корҳои зиёди ободонию созанда бо соли куҳани 2022 хайрухуш кунем ва ба истиқболи соли нави мелодии 2023 бо умеду орзуҳои нек, ҳамчун марҳилаи нави меҳнати садоқатмандонаю содиқона баҳри ободии Ватани ҷононҷонамон бағал кушоем. Таманно кунем, ки соли нав бо қадами хуҷастаи худ барои мардуми Тоҷикистон, аз ҷумла шаҳри Кӯлоб хушнудиву хушҳолӣ биёрад. Соли пурфайзу баракат ва таъмини пешрафти ҳамами ҷабҳаҳои иқтисодиёту иҷтимоиёт, баланд кардани сатҳи зисту зиндагии аҳолӣ гардад. Соле шавад, ки ҳиммату ғайрати ҳар як сокини ин куҳандиёр барои фаровонии дастархони мардум дучанду сечанд афзоиш ёбад.
Бо ҳамин ниятҳое нек бори дигар ҳамаи Шуморо бо фарорасии соли нави мелодии 2023 самимона табрику таҳният гуфта, ба ҳар як хонавода бахти сафеду иқболи нек, тандурустиву рӯзгори осуда ва ғайрати ободгариву нангу номуси шаҳрдорӣ ва ватандорӣ орзумандам.
Бигузор дар соли нав мувафақияту музаффариятҳо ҳамсафари ҳамарӯзаи Тоҷикистону мардуми ин сарзамини биҳиштосо бошад.
Соли нав муборак ҳамдиёрони азиз!
Бо мақсади таъмини иҷрои дастуру ҳидоятҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти дастгирии собиқадорони меҳнат Вазири нақлиёти Ҷумҳурии Тоҷикистон, намояндаи Ҳукумати мамлакат дар шаҳри Кӯлоб муҳтарам Азим Иброҳим, раиси шаҳри Кӯлоб муҳтарам Назарзода Бахтиёр Худоёр собиқадорони меҳнат, ки дар соҳаҳаи гуногуни хизмати давлатӣ фаъолият намудаанд аз ҷумла Иброҳим Исмоил, Ҳайдар Шарифзода, Шарифова Аслбӣ, Раҳимов Ҳабибулло, Шарифов Ҳикмат, Достиев Қурбон, Нозимов Талаб ва Саид Салимро аёдат карданд.
Дар суҳбат бо собиқадорон Вазири нақлиёти Ҷумҳурии Тоҷикистон ва раиси шаҳри Кӯлоб аз таваҷҷуҳи хосаи Ҳукумати мамлакат ба соҳаи ҳифзи ҳуқуқ, соҳаи илму маориф, хизмати давалатӣ ва соҳаи сохтмон ёдоварӣ карда ба онон тансиҳативу хотирҷамъӣ ва хушиҳои рӯзгорро таманно намуданд.
Собиқадорони меҳнат бо ёдоварӣ аз лаҳзаҳои кории худ барои таваҷҷуҳ ба Роҳбарияти давлату Ҳукумати кишвар миннатдории самимии хешро расониданд.
Бахши матбуотии Миҳд-и шаҳри Кӯлоб
Мақомоти иҷроияи ҳокимияти давлатии шаҳри Кӯлоб ҳамаи кормандони сохтори мақомоти амнияти миллӣ ва собиқадорони соҳаро ба муносибати иди касбии Рӯзи кормандони мақомоти амнияти миллӣ табрику муборакбод менамояд.
Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бузургтарин хизматро дар роҳи таъмини амният ва суботи ҷомеа амалӣ намуда, Тоҷикистонро аз кишвари ҷангзада ба кишвари орому осуда табдил дод ва ба мардуми тоҷик олитарин ифодаи амният-сулҳу оромӣ ва ваҳдати саросариро ҳадя кард. Имрӯз вазифаи аввалиндараҷаи ҳар як узви ҷомеа ҳаст, ки ин неъмати бебаҳоро ҳамчун гавҳараки чашм ҳифзу эҳтиёт намояд.
Ҳамчунон, ки худи Пешвои муаззами миллат зикр намуданд «Ҳифзи давлату миллат масъалаи ҳаётан муҳим ба шумор меравад». Аз ин лиҳоз амнияти миллӣ омили сарнавиштсоз ва таъмини бақои давлату миллат мебошад.
Дар иртибод ба гуфтаҳои боло мебояд таъкид намуд, ки мақомоти амнияти миллии Ҷумҳурии Тоҷикистон ва кормандони он нафароне мебошанд, ки ба зиммаашон амнияти шахс, давлат ва ҷамъият аз таҳдидҳои дохилӣ ва хориҷӣ вогузор карда шудааст. Бо қаноатмандӣ бояд изҳор намуд, ки ҳар як корманди ин ниҳод ӯҳдадориҳои базимадоштаро сарбаландона иҷро карда истодаанд ва нақшашон дар таъмини зиндагии осоиштаи халқ ва амну суботи кишвар, фаъолияти пурсамари соҳаҳои мухталифи иқтисодиёту иҷтимоиёт хеле назаррас арзёбӣ мегардад.
Бо назардошти он, ки давлат таъмини амниятро вазифаи муҳимтарин ва афзалиятноки хеш медонад, ҳалли ин масоил ба заҳматҳои шабонарузии чунин ҷавонмардони бонангу номус алоқаи ногусастанӣ дорад.
Пешвои муаззами миллат хизматҳои садоқатмандонаи кормандони мақомоти амнияти кишварро дар кори таъмини амну суботи мамлакат ва зисту зиндагии ороми мардум борҳо қайд карданд. Бомаврид аст зикр кунем, ки дар роҳи расидан ба сулҳу вахдат кормандони мақомоти амнияти мамлакат корнамоиҳои бемисл нишон доданд ва мутаасифона чандин нафарашон қурбон ҳам гардиданд.
Ҳоло онҳоро бо некӣ ёд карда, таманноионро дорем, ки ёдашон бахайр, руҳашон шод бошад. Бо боварӣ метавон гуфт, ки меҳнати содиқонаи кормандони мақомоти амнияти миллӣ ҷиҳати таъмини бехатарии давлату ҷомеа аз ҷониби Президенти кишвар, халқ ва дигар сохторҳо борҳо бо сипосгузорӣ қадрдонӣ карда мешаванд.
Имрӯзҳо Тоҷикистони соҳибистиқлол, аз ҷумла қисми таркибии он шаҳри бостонии Кӯлоб рӯ ба рушд ниҳода, рӯзгори мардумаш обод гаштааст. Ҳалқи заҳматқаринаш шукри осмони софу беғубор ва сулҳи бебозгаштро карда, зери роҳбарии сиёсатмадори шинохтаи сатҳи ҷаҳонӣ, Пешвои миллат муҳтарам Эмомалӣ Раҳмон ба оянда устуворона қадам зада истодаанд. Бори дигар мехоҳам қайд кунам, ки дар таъмини ин ҳаёти осоишта нақши тамоми кормандони мақомоти амнияти миллӣ бараъло эҳсос мегардад. Боварии комил дорем, ки минбаъд низ афсарону сарбозони шуҷоъи ин ниҳоди қудратӣ хизмати содиқонаву сарбаландонаи халқу Ватани азизро сарбаландона ба ҷо оварда, мардуми Тоҷикистон аз чунин нерӯи тавоно ва таъмингари ҳаёти осоиштаи мардум ҳамеша ифтихор мекунанд.
Дар охир бори дигар ҳамаи кормандон ва собиқадорони мақомоти амнияти миллиро бо иди касбӣ табрик гуфта, дар корҳои ояндаи пурмасъулият бобати таъмини амну субот музаффарияту комёбҳои беназир хоҳонам
Ҳамеша сарбаланду нерӯманд ва саодатманд бошед родмардони Ватан!
Подкатегории
Шабакаҳои иҷтимоӣ
30-солагии Истиқлоли давлатии Ҷумҳурии Тоҷикистон
