Дар партави дастуру ҳидоятҳои хирадмандонаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бахшида ба 26-солагии ҷашни Ваҳдати миллӣ ва Иди Қурбон дар асоси нақшаи чорабиниҳои мақомоти иҷроияи ҳокимияти давлатии вилояти Хатлон ва шаҳри Кӯлоб раиси шаҳри Кӯлоб муҳтарам Назарзода Бахтиёр Худоёр ба аёдати собиқадорони меҳнат ва оилаҳои ниёзманд рафтанд.
Мақомоти иҷроияи ҳокимияти давлатии шаҳри Кӯлоб ҳар кадоми Шумо ва дар симои Шумо аҳли оила ва хешону пайвандонатонро ба фарорасии иди сайиди Қурбон табрику муборакбод менамояд.
Имрӯз ҳар кадоми мо дар чунин як фазои бе сару сомони ҷомеаи ҷаҳонӣ ба даргоҳи Худо шукрона аз он мекунем, ки таҳти сиёсати сулҳҷӯёна ва ваҳдатпар-варонаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шароити тинҷиву оромӣ ва амнияту суботи комил зиндагӣ карда истодаем. Маҳз аз баракати ин сиёсати созанда ва ваҳдати миллӣ барои мусалмонони кишвар як қатор шароитҳои беҳтар барои тоату ибодат ва анҷоми дигар маросими динӣ фароҳам оварда шудаанд. Тавре ҳамагон шоҳид будем, санаи 8-уми июни соли равон Масҷиди марказии шаҳри Душанбе дар сатҳи баланд бо иштироки Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Амири Давлати Қатар муҳтарам Шайх Тамим бин Ҳамад Оли Сонӣ ифтитоҳ гардид. Ин рӯйдоди муҳим бори дигар шаҳодат аз он медиҳад, ки танҳо бо роҳи таъмини суботу оромӣ ва ваҳдати миллӣ метавон дар ҳама самту соҳаҳо комёб шуд ва ба мардум шароит ҷиҳати зиндагии боз ҳам беҳтар фароҳам овард.
Чун дирӯз мо аз 26-солагии Ваҳдати миллӣ истиқбол гирифтем, месазад хотирнишон созем, ки риояи расму оинҳои динӣ низ бояд ба рушди маърифати баланди инсонӣ, эҳтироми якдигар, некиву накӯкорӣ, ободиву созандагиҳои дастаҷамъона ва дар маҷмуъ ба Ваҳдати миллӣ равона карда шаванд. Зеро гиромӣ доштану қадр кардани Ваҳдати миллӣ, ки ҳаёти осудаи мо аз он сарчашма мегирад, бароямон вазифаи муқаддас аст.
Ҳамдиёрони азиз!
Иди саиди Қурбон дорои фазилатҳои зиёдест, ки хайру сахо, дастгирии ниёзмандон, шод кардани дили ятимон, аёдати беморон ва зиёрати волидон аз зумраи онҳо мебошад. Дар ин рӯзе, ки ба хотири хурсандӣ ид карда мешавад, набояд ба зиёдаравию исрофкорӣ роҳ дод. Бо риояи қонуни Ҷумҳурии Тоҷикистон “Дар бораи танзими анъана ва ҷашну маросим дар Ҷумҳурии Тоҷикистон” ва фаҳмишҳои олии фитрии ҳар як шахси мусалмон дастархони идонаи мо аслан дастархони маънавӣ бояд бошад. Яъне мақсад аз ба хонаи ҳамдигар меҳмон шудан дар рӯзҳои ид асосан ёди гузаштагон ва мустаҳкам намудани риштаи хешиву пайвандӣ ва дӯстиву рафоқат бо аҳли ҳамон хонадон мебошад, ки моро мебояд бештар сари ин ҳикмати зиндагӣ андеша кунем.
Бо назардошти ин гуфтаҳо, дар охир таманнои онро менамоем, ки дар кишварамон ваҳдату субот пойдор бошад, раҳмату баракат дар ин сарзамин фаровон шавад ва ба мардуми ин диёр зиндагонии орому саодатмандона насиб гардад.
Иди Қурбон муборак, ҳамдиёрони азиз!
Дар арафаи 26-умин солгарди рӯзи Ваҳдати миллӣ ва иди Қурбон кӯмакҳои моддии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба кормандони соҳаи комуналии шаҳри Кӯлоб дастрас карда шуд.
Ин иқдомҳои пешгирфтаи Пешвои миллат бо ташаббуси раиси вилояти Хатлон Давлаталӣ Саид ва раиси шаҳри Кӯлоб Назарзода Бахтиёр Худоёр роҳандозӣ гардид. Зимни дастрасии кумакҳои яквақтаина намояндагони мақомоти иҷроияи ҳокимияти давлати шаҳри Кӯлоб бо кормандони соҳаи комуналии шаҳри Кӯлоб суҳбат намуда, иброз намуданд, ки аз ҷониби Ҳукумати Ҷумҳурии Тоҷикистон ба ҳар як корманде ки дар соҳаи комуналӣ кору фаъолият намуда истодаанд ва дар тозаву обод намудани шаҳр саҳми муносиб гузошта истодаанд маводи хӯрокаи яквақта ҷудо гардидааст.
Кормандон аз дастгириҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва мақомоти иҷроияи ҳокимияти давлатии вилояти Хатлон ва ҳамчунин роҳбарияти шаҳри Кӯлоб изҳори қаноатмандӣ карда, иброз доштанд, ки Ҳукумати мамлакат ҳамеша мардумро дастгирӣ менамояд, ки ин боиси рӯҳбаландии ҳар яки мо кормандони соҳаи комуналӣ мегардад.
Бахши матбуотии Миҳд-и шаҳри Кӯлоб
Бо ташаббуси мақомоти иҷроияи ҳокимияти давлатии шаҳри Кулоб ба муносибати Рӯзи байналмилалии хизмати давлатӣ, ки бо қатъномаи Ассамблеяи Генералии Созмони Милали Муттаҳид қабул шудааст, мизи мудаввар баргузор гардид.
Дар мизи мудаввар изҳор карда шуд, ки мақсади ҷашнгирии Қатъномаи зикршудаи СММ ин иттилоотонии ҷомеа дар бораи хусусиятҳои хоси кори хизматчиёни давлатӣ, вазифаҳо ва масъулияти баланди онҳо дар назди ҷомеа мебошад. Санаи мазкур ҳамчун эҳтиром овардан ба хизматчиёни давлатии касбӣ эътироф шудааст.
Бояд гуфт, ки Конститутсияи Ҷумҳурии Тоҷикистон дар моддаи 27 муқаррар намудааст: «Шаҳрвандон ба хидмати давлатӣ ҳуқуқи баробар доранд».
Дар нишаст тазаккур дода шуд, ки давоми солҳои соҳибистиқлолӣ тавассути сиёсати созандаи Президенти Ҷумҳурии Тоҷикистон муҳтарам Эмомалӣ Раҳмон такмили низоми идоракунии давлатӣ ва ташаккули хизмати давлатӣ, аз ҷумла масъалаҳои таъминоти кадрӣ ва истифодаи оқилонаи иқтидорҳои кадрӣ, тайёр намудани мутахассисони соҳаи идоракунии давлатӣ, такмили ихтисос ва азнавтайёркунии хизматчиёни давлатӣ ба вазифаҳои афзалиятноки давлатӣ табдил ёфтанд.
Баён карда шуд, ки ҳуқуқ ба хизмати давлатӣ ҳамчунин принсипи конститутсионии идоракунии давлат эътироф шуда, бевосита аз Эъломияи умумии ҳуқуқи инсон ва Паймони байналмилалӣ оид ба ҳуқуқҳои шаҳрвандӣ ва сиёсӣ бармеояд.
Иттилоъ дода шуд, ки ҳуқуқ ба хизмати давлатӣ яке аз ҳуқуқҳои сиёсии шаҳрванд ба ҳисоб рафта, дар баъзе аз давлатҳо бо номи ҳуқуқи иштирок дар идораи давлат низ маълум аст. Инчунин, масъалаи хусусиятҳои хоси хизмати давлатӣ дар дигар давлатҳо, аз ҷумла дар ИМА, Русия, Ҷопон мавриди муҳокимаи иштирокчиёни мизи мудаввар қарор дода шуд.
Ёдовар мешавем, ки 23 июн ҳамчун Рӯзи байналмилалии хизмати давлатӣ аз ҷониби Созмони Милали Муттаҳид эълон карда шудааст. Аввалин маротиба Маҷмаи Умумии СММ дар қатъномаи 57/277 аз 20 декабри соли 2002 ин санаро ҳамчун Рӯзи хизмати давлатӣ қабул намудааст. Ҳамасола давлатҳои узви Созмони МИллали Муттаҳид дар ин рӯз ҳамоишҳои махсус ташкил намуда, аҳамияти хизмати давлатӣ ва саҳми он дар рушди иҷтимоию иқтисодии мамлакатро арзёбӣ мекунанд.
Подкатегории
Шабакаҳои иҷтимоӣ
30-солагии Истиқлоли давлатии Ҷумҳурии Тоҷикистон
