Хабарҳо

 
Таҳти ин унвон  дар толори маҷлисгоҳи КИ ҲХДТ дар шаҳри Кӯлоб бахшида ба 28-солагии ҲХДТ Конференсияи илмӣ-назариявӣ баргузор гардид.
 
Дар конференсияи мазкур муовини раиси шаҳри Кӯлоб, собиқ раиси КИ ҲХДТ дар шаҳри Кӯлоб, Орзу Ҳамидиён, раиси КИ ҲХДТ дар шаҳри Кӯлоб Салим Гадоев, собиқадори ҳизбу меҳнат, вакили Маҷлиси вакилони халқи шаҳри Кӯлоб, собиқ раиси Кумитаи иҷроия муҳтарам Валиева Саъбагул , раиси ташкилоти ибтидоии ҳизбӣ “Технолог”, узви фаъоли ҲХДТ, Шоҳиён Алмосшо Набот ва дигар шахсони масъул иштирок доштанд.
HIZB
 
Нахуст чорабинии мазкурро раиси КИ ҲХДТ дар шаҳри Кӯлоб Салим Гадоев оғоз намуда изҳор доштанд, ки боиси ифтихор ва сарфарозист, ки имрӯз мо дар фазои ваҳдати миллӣ ва рушду шукуфоии Ватани маҳбубамон аз 28-солагии Ҳизби Халқии Демократии Тоҷикистон ҷашн мегирем. Конфренсияи мо бахшида ба солгарди ҲХДТ дар даврае баргузор гашта истодааст, ки мардуми сарбаланди шаҳр ҷиҳати дар сатҳи баланди сиёсӣ, созандагиву бунёдкорӣ ва бо дастовардҳои баланди меҳнатӣ истиқбол гирифтани 35-солагии Истиқлолияти давлатии Ҷумҳурии Тоҷикистон ҳамаҷониба омодагӣ гирифта истодаанд. Тоҷикистон, ки дар як марҳилаи нави тараққиёт, давраи созандагиву бунёдкорӣ қарор дорад, аъзо ва ҷонибдорони ҲХДТ дар шаҳри Кӯлоб таҳти сарварии Асосгузори сулҳу ваҳдати миллӣ – Пешвои миллат, Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон баҳри ободии диёри хеш заҳмату меҳнат карда истодаанд. “Ҳизби Халқии Демократии Тоҷикистон чун ҳизбе ба майдони сиёсат омад, ки ба ҷомеаи феълии Тоҷикистон такя дошт ва эълон кард, ки ҷонибдори давлати соҳибихтиёр, демократӣ, ҳуқуқбунёд ва адолатпарвари иҷтимоист”.
 
Сипас, вакили Маҷлиси вакилони халқи шаҳри Кӯлоб, собиқ раиси Кумитаи иҷроия Саъбагул Валиева, муовини раиси шаҳри Кӯлоб, собиқ раиси Кумитаи иҷроия Ҳамидиён Орзу, раиси ташкилоти ибтидоии ҳизбӣ “Технолог” , узви фаъоли ҲХДТ, Шоҳиён Алмосшо Набот ва дигар аъзоёни Ҳизби Халқии Демократии Тоҷикистон суханронӣ намуданд.
Зимни суханронӣ баромадкунандагон иброз доштанд, ки Ҳизби Халқии Демократии Тоҷикистон, рисолат ва мазмуну моҳияти барномаҳои Ҳизби Халқии Демократии Тоҷикистон рушди устувори Тоҷикистони соҳибистиқлол, ободу пешрафта ва аз лиҳози сиёсӣ ва иқтисодиву иҷтимоӣ босубот мебошад.
 
Дар идомаи Конференсия ба як қатор фаъолони ҳизб барои таблиғу ташвиқи ғояҳои Ҳизби Халқии Демократии Тоҷикистон, баланд бардоштани нуфузи он дар ҷомеа, саҳмгузорӣ дар татбиқи ҳадафҳои созандаи Ҳизби Халқии Демократии Тоҷикистон Сипосномаи раиси шаҳри Кӯлоб ва Сипосномаи Раиси КИ ҲХДТ дар шаҳри Кӯлоб дар вазъияти тантанавӣ тақдим карда шуд.
Бахши матбуотии МИҲД-и шаҳри Кӯлоб
Хабарҳо

 
Табрикотии Раиси шаҳри Кӯлоб Назарзода Бахтиёр Худоёр бахшида ба рӯзи кормандони соҳаи молия.
Муҳтарам кормандони соҳаи молия!
Дар оғоз кулли кормандони соҳаи молияи Ҷумҳурии Тоҷикистонро бо фарорасии иди касбӣ — Рӯзи кормандони мақомоти молия табрику таҳният гуфта, барояшон пеш ҳама тани сиҳат, саломатии бардавом, хотири ҷамъ ва дар иҷрои вазифаҳои ба зиммадоштаашон комёбиҳо таманно дорам.
Ҳамасола санаи 7-уми декабр дар кишварамон -Рӯзи кормандони мақомоти молия таҷлил карда мешавад.
Бояд гуфт, ки пешбурди сиёсати буҷету андоз, таҳияи буҷети давлатӣ, ҷараёни иҷроиши буҷет, назорати истифодаи маблағҳои буҷетӣ, маблағгузории саривақтӣ дар буҷет пешбинӣ шудаанд. Ҳамчунин, назорати фаъолияти молиявии ташкилоту муассисаҳои буҷетӣ, хароҷоти босамар ва мақсадноки маблағҳои буҷетӣ яке аз вазифаҳои аввалиндараҷаи молиячиён дониста мешаванд.
Маҳз ба шарофати меҳнати бурдборонаи кормандони мақомоти молия нақшаи қисми даромади буҷети кишвар мунтазам таъмин карда мешавад ва бовар дорам, ки ин ҳамкорӣ минбаъд ҳам ривоҷ хоҳад ёфт.
Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон зимни баромадҳои худ таъкид медоранд, ки: «Пешбурди оқилонаи сиёсати молиявӣ ва муътадили он дар ҳама давру замонҳо омили асосии устувории давлат мебошад».
Умедворам, ки дар пайрави аз сиёсати пешгирифтаву ҳидоятҳои хирадмандонаи Президенти Ҷумҳурии Тоҷикистон, муҳтарам Эмомалӣ Раҳмон кормандони соҳаи молия бо фаъолияти самарабахшу таҷрибаи дар инҷода андухтаашон дар ғанисозии буҷети давлат ба васила дар рушду тарақиёти тамоми соҳаҳои кишвар ва фароҳам овардани зиндагии шоистаи мардум кору фаъолият хоҳанд намуд.
Маврид ба ёдоварист, ки мақомоти иҷроияи ҳокимияти давлатии шаҳри Кӯлоб барои рушди иқтисодиёт, болоравии соҳаҳои иқтисодиву фарҳангӣ ва ғанӣ гардонидани буҷети давлатӣ тадбирҳои зиёдро амалӣ мекунад ва ҷиҳати амалӣ гардонидани онҳо кормандони мақомоти молия нақши калидӣ доранд.
Аз ин рӯ, бори дигар Вазири молияи Ҷумҳурии Тоҷикистон муҳтарам Қаҳҳорзода Файзиддин Саттор ва тамоми кормандони мақомоти молия ва собиқадорони соҳаро ба иди касбиашон табрику таҳният намуда, тансиҳативу хотирҷамъӣ, сарбаландӣ ва дар иҷрои вазифаҳои пурмасъулияташон дастовардҳои меҳнатиро таманно дорем.
Рӯзи кормандони мақомоти молия муборак дустони азиз!
Хабарҳо

Бо мақсади омодагии дасатаҳои Лигаи Олӣ ба мавсими нави футбол дар шаҳри Кӯлоб вохӯрии раиси шаҳри Кӯлоб муҳтарам Назарзода Бахтиёр Худоёр ва директори дастаи “Равшан”-и Кӯлоб Ғайраталӣ Мираҳмадов бо масъулини Федератсияи футболи Тоҷикистон таҳти роҳбарии ноиби Президенти федератсия Алишер Урунов, директори Лигаи футболи Тоҷикистон Сайвалӣ Шоҳқурбонов ва ҳамзамон сардори раёсати иншоотҳои варзишии ФФТ Раҳмон Муртазоев  баргузор шуд.

Дар ин вохӯрӣ ҳамзамон муовини раиси шаҳри Кӯлоб оид ба соҳаи маънавиёт, ҷавонон ва варзиш Орзу Ҳамидиён ва директори МД Мактаби варзишии шаҳри Кӯлоб Баҳром Рустамов иштирок намуданд.

Нахуст бо истифода аз фурсати муносиб ноиби Президенти федератсия Алишер Урунов раиси шаҳри Кӯлоб Бахтиёр Назарзода ва сарпарасти генералии даста ҶДММ “Ҳоҷӣ Шариф”-ро барои ишғоли мақоми 2-юми “Равшан”-и Кӯлоб дар Чемптонати Тоҷикистон табрику шодбош гуфтанд.   

Ҳамзамон иттилоъ доданд, ки дастаи “Равшан” яке аз роҳхатҳои Ҷоми КФО-ро дар соли 2023 ба даст оварда дар оғози мавсим барои “Шоҳҷоми Тоҷикистон-2023” бо дастаи “Истиқлол”-и Душанбе майдондорӣ менамояд.

Раиси шаҳри Кӯлоб Назарзода Бахтиёр якҷо бо масъулини ФФТ масъалаҳои рушди васеъи футбол дар ин шаҳри бостонӣ, ҳамзамон футболи кӯдакону наврасон, бонувон, футболи толорӣ, омодагии варзишгоҳи марказӣ ба мавсими нав ва қабули бозиҳои Осиёиро дар шаҳри Кӯлоб мавриди баррасӣ қарор доданд.

 Аз ҷониби масъулини ФФТ изҳор гардид, ки таи ду соли охир дастаи “Равшан”-и Кӯлоб дар Чемпионати Тоҷикистон бидуни ягон камбудӣ молиявӣ ва дигар мушкилиҳо бозиҳои худро баргузор намуданд ва дар натиҷа даста тавонист, ки яке аз мақомҳои ифтихориро соҳиб гардад.

Ҳамзамон дар рафти суҳбат директори Лигаи футболи Тоҷикистон Сайвалӣ Шоҳқурбонов оид ба ҳуҷҷатгузории даста барои ҷоми КФО, омодагии чаманзори варзишгоҳи Кӯлоб барои мавсими нав ва иҷрои талаботҳои комисияи шаҳодатномакунонӣ фикру андешаҳои худро иброз намуда омодагии худро барои мусоидат ба қабули бозиҳои Осиёӣ дар шаҳри Кӯлоб иброз доштанд.

Дар анҷоми суҳбат раиси шаҳри Кӯлоб муҳтарам Назарзода Бахтиёр Худоёр ҷиҳати дастгирии ҳамаҷонибаи Клуби футболи “Равшан”-и Кӯлоб дар мавсими нав барои бозиҳои Чемпионати Тоҷикистон байни дастаҳои Лигаи олӣ, иштироки фаъолонаи даста дар Ҷоми КФО ва дастгирии дастаҳои наврасону бонувон якҷо бо сарпарасти генералии даста ҶДММ “Ҳоҷӣ Шариф” изҳори андеша намуданд.

Хабарҳо

Ҳамасола санаи 3-юми декабр ҳамчун Рӯзи байналмилалии маъюбон дар саросари ҷаҳон муайян карда шудааст.

 Бо ин мақсад имрӯз дар шаҳри Кӯлоб бахшида ба Рӯзи байналмиллалии маъюбон чорабинии идона баргузор гардид. Дар чорабинии мазкур раиси шаҳри Кӯлоб Назарзода Бахтиёр Худоёр, собиқадорону фаъолони шаҳр ва дигар шахсони масъул иштирок доштанд.

 Нахуст, меҳмонон аз намоиши маҳсули дастони нафарони имконияташон маҳдуд, ки ба намоиш гузошта шуда буд, дидан намуда ба ҳунари волои онҳо баҳои баланд доданд.

Сипас, раиси шаҳри Кӯлоб муҳтарам Назарзода Бахтиёр Худоёр суханронӣ намуда, аз дастгириву ғамхориҳои Ҳукумати Ҷумҳурии Тоҷикистон бахусус, Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон нисбат ба шахсони имконияташон маҳдуд ёдовар шуд.

 Дар идома роҳбарияти шаҳри Кӯлоб ба як қатор мутахассисон барои саҳми арзанда гузоштан дар тарбияи кӯдакони имконияташон маҳдуд, риояи меъёрҳои Қонуну Ҷумҳурии Тоҷикистон “Дар бораи ҳифзи иҷтимоии маъюбон” дар соҳаи хизматрасонии иҷтимоӣ бо Ифтихорнома ва Сипосномаи мақомоти иҷроияи ҳокимияити давлатии шаҳри Кӯлоб тақдим намуд. Ҳамчунин ба 20 нафар маъюбон аробачаҳои маъюбӣ тақдим карда шуд.

Дар ин руз аз ҷониби мақомоти иҷроияи ҳокимияти давлатии шаҳри Кӯлоб ба беш аз 200 нафар шахсони имконияташон маҳдуд дастархони идона ороста шуд.

Дар интиҳои чорабинӣ кормандони Бахши фарҳанги шаҳри Кулоб барномаи омоданамудаи худро пешкаши меҳмонон намуданд.

Мавриди зикр аст, ки волидону пайвандони шахсони имконияташон маҳдуд аз ин ҳама таваҷҷуҳу дастгириҳои Ҳукумати Ҷумҳурии Тоҷикистон рӯҳбаланд гардида, бо шукргузорӣ аз ҳаёти осоиштаву шароиту имкониятҳои мавҷуда,худ низ баҳри хушбахтиву саодати маъюбон саъю кӯшиши бештар менамоянд.

Бахши матбуотии МИҲД шаҳри Кӯлоб

Подкатегории

/////

Сахифаи 49 аз 96

Ҷустуҷӯ

Шабакаҳои иҷтимоӣ

facebook instagram youtube

30-солагии Истиқлоли давлатии Ҷумҳурии Тоҷикистон

nar rem nar rem nar rem nar rem nar rem nar rem nar rem nar rem nar rem nar rem

Ҷумҳурии Тоҷикистон, вилояти Хатлон, ш. Кӯлоб, хиёбони И. Сомонӣ №36 Адрес электронной почты защищен от спам-ботов. Для просмотра адреса в браузере должен быть включен Javascript.
TPL_BACKTOTOP