Санаи 17 октябри соли равон ҳайати иштирокчиёни конфронси байналмилалии илмӣ-амалӣ таҳти унвони «Логистика ва бартариҳои он дар рушди иртибототи нақлиётӣ миёни Тоҷикистон ва кишварҳои минтақа» аз ҷумҳуриҳои Эрон, Туркия, Туркманистон, Қазоқистон, Хитой ва Ӯзбекистон ба шаҳри Кӯлоб ташриф оварданд.
Меҳмононро дар назди даромадгоҳи шаҳри Кӯлоб Вазири нақлиёти Ҷумҳурии Тоҷикистон Азим Иброҳим, муовинонони раиси шаҳри Кӯлоб ва дигар шахсони масъул самимона пешвоз гирифтанд.
Сипасдар ҳудуди истигоҳи роҳи оҳани шаҳри Кӯлоб мулоқоти Вазири нақлиёти Ҷумҳурии Тоҷикистон Азим Иброҳим бо ҳайати иштирокчиёни конфронс баргузор гардид.
Зимни баргузории мулоқот лоиҳаи озмоишии ҳамлу нақли мултимодалии бор тавассути долони "Хитой-Тоҷикистон-Ӯзбекистон-Туркманистон-Эрон-Туркия" мавриди баррасӣ қарор дода шуд.
Дар идома ҳайати меҳмонон аз бинои маъмурии ба расмиятдарории нуктаи ҳамлу нақли борҳоро ки дар шаҳри Кӯлоб ба таври муосир бунёд гардидаву дар он намояндагони мақомоти назоратӣ аз ҷумла хадамоти гумрук , КВД роҳи оҳани Тоҷикистон, суғурта ва дигар сохторҳои марбута фаъолият менамоянд, ки Махз барасмиятдарории борхати электронӣ дар ҳамин нуқта сурат мегирад боздид намуданд. Иттилоъ дода шуд, ки мавкегирии маркази ҳамлу нақл дар майдони 7 гектар дар шахри Кӯлоб бунёд шудааст.
Бояд гуфт ки Татбиқи чунин лоиҳаҳо ба рушди муносибатҳои иқтисодӣ, тиҷоратӣ ва транзитии байналмиллалии кишвар нақши муассир дорад.
Дар охир ҳайати меҳмонон бо мақсади эҳтиром ва қадршиносӣ Оромгоҳи мутафаккири бузург Мир Сайи Алии Ҳамадониро зиёрат намуданд. Бо ҳамин ташрифи меҳмонон ба шаҳри Кӯлоб ба охир расид.
Бахши матбуотии МИҲД-и шаҳри Кӯлоб
Санаи 13 октябр бахшида ба Рӯзи байналмиллалии паст кардани хатари офатҳои табиӣ дар назди Маркази ҷавонони шаҳри Кӯлоб ҷамъомад баргузор гардид.
Дар ҷамъомади мазкур муовини раиси шаҳри Кӯлоб Орзу Ҳамидиён, Сардори шӯъбаи хадамоти давлатии оташнишонии минтақавӣ, подполковники хизмати дохила, Раҳматзода Саймудассир, намояндаи Созмони Миллали Муттаҳид дар минтақаи Кӯлоб Гулиев Абдулло, кормандони шуъбаи Кумитаи ҳолатҳои фавқулодда ва Мудофиаи граждании шаҳр ва минтақаи Кӯлоб, намояндагони ташкилоту муасиссаҳои тиббӣ ва таълимӣ, донишҷӯён ва хонандагони муассисаҳои миёна ва дигар шахсони масъул иштирок доштанд.
Пеш аз оғози ҷамъомад иштироккунандагони аз намоиши автомошинаҳои махсуси наҷотдиҳӣ ва таҷҳизотҳои замонавӣ дар амалиётҳои наҷотдиҳӣ истифодашаванда ва расмҳои беҳтарини толибилмони муассисаҳои таълимӣ дидан карданд.
Сипас муовини раиси шаҳри Кӯлоб Орзу Ҳамидиён, Сардори шӯъбаи хадамоти давлатии оташнишонии минтақавӣ, подполковники хизмати дохила, Раҳматзода Саймудассир, намояндаи Созмони Миллали Муттаҳид дар минтақаи Кӯлоб Гулиев Абдулло, Сардори шуъбаи КҲФ ва МГ дар минтақаи Кӯлоб Юсуф Сафаров ва Абдулло Дониёр омӯзгори Донишгоҳи давлатии Кӯлоб ба номи Абӯабдуллоҳи Рӯдакӣ маърӯза намуда, нақши кормандони хадамоти давлатии оташнишонӣ ва мудофиаи гражданиро дар паст кардани хавфи офатҳои табиӣ хуб арзёбӣ карданд.
Дар идома ба як қатор иштирокчиён барои саҳми арзанда гузоштан дар пешгирӣ ва тасмимигирии фаврӣ ҳангоми рӯй додани офатҳои табиӣ бахшида ба “Рӯзи байналмиллалии коҳиши хатари офатҳои табиӣ бо Сипосномаи раиси шаҳри Кӯлоб, Сипоснома ва туҳфаҳои хотиравии ШКҲФ ва МГ инчунин Маркази иҷроиш ва навоварии Барномаи рушди СММ дар минтақаи Кӯлоб тақдим карда шуд.
Бахши матбуотии МИҲД-и шаҳри Кӯлоб
Ҳифзи Ватан, ҳимояи манфиатҳои давлат, таҳкими Истиқлолият, амният ва иқтидори мудофиавии он вазифаи муқаддаси шаҳрванд аст.
Бояд гуфт, ки яке аз рукнҳои муҳимтарини давлату давлатдорӣ ва сипари боэътмоди ҳар кишвари соҳибистиқлол Қувваҳои Мусаллаҳи он маҳсуб меёбад. Ин аст, ки Қувваҳои мусаллаҳ ба як сутуни муқтадири ҳимояи марзу бум ва тамомияти арзии кишвар табдил ёфтаанд.
Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон чунин таъкид намудаанд: “Барои насли наврас хизмат дар сафи Қувваҳои мусаллаҳи мамлакат муҳимтарин мактаби обутоби ҳаётӣ мебошад. Маҳз дар ҳамин ҷо ҷавонписарон сабақи шуҷоату мардонагӣ гирифта, муҳофизат кардани хоки Ватанро меомӯзанд. Вақте ки мо ватандӯстӣ мегӯем, пеш аз ҳама муҳофизати Ватан ва якпорчагии марзу буми кишварро дар назар дорем”.
Дар ин баробар имрӯзҳо ҷавонони шаҳри Кӯлоб суханони падарони Пешвои миллатро сармашқи кори худ намуда ихтиёран ба Сафи Қувваҳои Мусаллаҳи Ҷумҳурии Тоҷикистон баҳри ҳифзу ҳимояи Ватани азизамон Тоҷикистони соҳибистиқлол дохил шуда истодаанд.
Яке аз он нафароне, ки имрӯз ихтиёран баъди хатми Донишгоҳ ба Комисариати ҳарбии шаҳри Кӯлоб ҳозир гардид Миров Масабур Баҳрамович мебошад ва мехоҳад хизмати Модар-Ватанро софдилонаю содиқона адо намояд.
Бо боварӣ метавон гуфт, ки ҷавонони саодатманди шаҳру деҳоти Кӯлоб бо хизмати намунавӣ дар Сафи Қувваҳои Мусаллаҳи Ҷумҳурии Тоҷикистон садоқати худро ба Пешвои муаззами миллат ва Ватани азизи худ ҳамеша собит месозанд.
Шамсия Наврӯзова, мутахассиси пешбари бахши матбуотии Миҳд-и шаҳри Кӯлоб