Фарзанди ман ҳоло дар сафи Қувваҳои мусаллаҳи кишвар адои хизмат намуда истодааст ва аз ин ман мефахрам. Хизматаш хуб буда, аз ҳолу аҳволаш пайваста мо хабардор мешавем. Ман соли 2022 фарзандамро барои хизмати ватан гусел кардам. Ҳар як ҷавон бояд хизмати ватанро ба ҷо орад.
Ватан барои ҳар яки мо муқаддасбуда, барои ҳифзи марзу буми он мо вазифадор ҳастем. Ба қадри амният ва сулҳу суботе, ки дорем, бояд расид.
Пас, хизмат ба ватан ва ҳифзи марзу буми он қарзи шаҳрҳандии ҳар як шахс мебошад. Аз ин хотир, маҳз ҷавонони далеру ҷасури бонангу номуси тоҷик бояд сарбаландона баҳри ҳифзи ватан Модари худ камари ҳиммат баста, қарзи фарзандии хешро дар назди Ватан адо намоянд.
Мо, волидайн ҳам бо як боварӣ фарзандонамонро ба сафи Қувваҳои Мусалаҳ гусел мекунем. Бо дастгирии Асосгузори сулҳу ваҳдати милли-Пешвои миллат, Президенти Ҷумҳурии Тоҷикистон, Сарфармондеҳи Олии Қувваҳои Мусаллаҳ генерали артиш муҳтарам Эмомалӣ Раҳмон шароит барои афсарону аскарони ҳарбимон мунтазам беҳтар шуда истодааст ва боиси ифтихор ва қаноатмандист, ки имрӯз дар фазои сулҳу субот ва осмони мусафои кишварамон ҷавонмардон барои хизмат омода мебошад.
Бояд қайд кард, ки сол то сол ҷавонони мо барои хизмат дар сафи Қувваҳои мусаллаҳ ва расидан ба армонҳои миллӣ зиёд шуда истодааст ва имрӯз теъдоди наваскароне, ки бо хоҳиши худашон ба сафи мактаби мардонагӣ сафарбар мегарданд, хеле зиёданд. Имрӯз ҷавонони мо дарк кардаанд, ки ояндаи давлату миллат аз онҳо вобаста аст.
Имрӯз медонам, ки шароитҳо хуб ҳастанд, нағз ҳастанд ва ба фарзанди худам боварӣ дошрам. Ман фикр мекунам, ки на танҳо фарзанди ман, балки фарзандони зиёди миллати тоҷик ҳисси баланди масъулият мекунанд, ки ҳифзи ватан ин қарзи ҷавонмардист, ҳимояи марзу бум мояи ифтихору шараф аст. Ман ҳамчун Зан-Модар барои ин рисолати мардонагии худро иҷро кардан ба ҳамаи онҳо ҳушёрию зиракии сиёсӣ, матонату мардонагӣ ва пеш аз ҳама саломатӣ таманно дорам.
Ҷавонони мо дар шароити бениҳоят хуб зиндагӣ мекунанд, тарбия меёбанд. Ман ба фарзандам насиҳат кардам, ки новобаста аз душвориҳо, новобаста аз камбудиҳо ту бояд хизмат кунӣ, дар ягон ҷо заҳмату машақатҳои кашидаи худро нагӯӣ, ин айб аст.
Ман миннатдории худро ба ҳамаи он ҷавонмардоне, ки ватани моро ҳифз мекунанд, хоби осудаи моро таъмин мекунанд, аз самими қалб, аз номи тамоми занону модарон баён мекунам.
Аз ҳамаи падару модарони азиз хоҳиш мекунам, ки имрӯз вақти он расидааст, ки барои барои зиндагии арзандаю шоиста мо бояд ватани худро ҳифз намоем.
Шукронаи ин ватани тинҷу амон мекунем ва ҳар яки мо вазифадор ҳастем, ки барои ҳифзи он коре карда бошем. Ман доимо фарзандонамро дар рӯҳияи ватандӯстӣ тарбият мекунам ва ин боис мегардад, ки ихтиёран ба хизмати ҳарбӣ мераванд.
Хизмати ҳарбӣ мактаби ҷавонмардӣ ҳаст ва бояд фарзандони мо аз ин мактаб гузаранд. Дар замони мо ҷавоне, ки хизмат намекард, ӯро ҳеҷ духтаре ба шавҳарӣ қабул намекард, яъне духтарон ба чунин ҷавононе, ки барои хонадоршавӣ ба назди онҳо меомаданд, мегуфтанд: “Ту чи хел мардбачаӣ, ки хизмат накардаӣ!” Ин ба ҷавонон таъсир мекард ва ҳама дар якҷоягӣ ба хизмати Ватан мерафтанд.
Шаҳло САДРИДДИНОВА, сокини шаҳри Кӯлоб
Рӯзномаи "Хатлон"
20 феврали соли 2023 дар толори мақомоти иҷроияи ҳокимияти давлатии шаҳри Кӯлоб, ҷаласаи назоратии назди раиси шаҳри Кӯлоб Назарзода Бахтиёр Худоёр баргузор гардид.
Дар кори ҷаласа муовини якум, муовинон ва роҳбари дастгоҳи раиси шаҳри Кӯлоб, роҳбарони мақомотҳои ҳифзи ҳуқуқ, сардорони раёсатҳо, мудирони шуъбаву бахшҳои дастгоҳ ва мақомоти иҷроияи ҳокимияти давлатӣ, роҳбарони ташкилоту муассисаҳо, сардорони қитъаҳои истифодабарии манзил, раисони ҷамоатҳо, масъулони муассисаҳои таълимию тиббии шаҳр, имомхатибон, намояндагони васоити ахбори омма ва дигар шахсони масъул иштирок доштанд.
Нахуст, роҳбарияти шаҳр ҷаласаро оғоз намуда, рӯзномаи маҷлисро ба ҳозирин шинос намуд.
Сипас, мудири шуъбаи ташкилӣ ва кор бо кадрои дастгоҳи раиси шаҳри Кӯлоб Фирӯз Шарипов оид ба қарорҳои раиси шаҳри Кӯлоб барои таъин гардидан ба вазифаи муовини раиси шаҳри Кӯлоб оид ба соҳаи иқтисодиёт, Асозода Манучеҳр, роҳбари дастгоҳи раиси шаҳр Кӯлоб Қурбонзода Наргис, мудири шуъбаи маорифи мақаомоти иҷроияи ҳокимияти давлатии шаҳри Кӯлоб Ғаффорзода Давлатҷон, сардори раёсати омор Зарина Хушвахтова, сардори раёсати агении суғуртаи иҷтимоӣ ва нафақаи назди Ҳукумати Ҷумҳурии Тоҷикистон дар шаҳри Кӯлоб Рухшона Шомадзодаро ба ҳозирин шинос намуд.
Аз рӯи масъалаи дуюм раиси шаҳри Кӯлоб Назарзода Бахтиёр Худоёр дар бораи вазъи сиёсӣ-иҷтимоии сайёра, ҷумҳурӣ ва шаҳри Кӯлоб баромад карда, қайд намуд, ки вазъи сиёсии ҷаҳони имрӯза моро водор месозад, ки ҳушёр бошем ва зиракиву сиёсиро аз даст надиҳем. Мардуми тоҷик дар гузаштаи начандон дур, солҳои 90-ум ҳодисаҳои хеле ҳам фоҷеаборро аз сар гузаронид. Аз сабаби он ки баъзе гуруҳҳои сиёҳкор ва манфиатҷую мансабпараст бо дастгирии хоҷагони хориҷии худ ба сари мардум ҷанги таҳмилии шаҳрвандиро бор карданд, беш 150 ҳазор сокинони кишвар қурбон шуданд. Мо ки чунин сабақи талхи таърихиро аз сар гузаронидаем, дигар ҳаргиз набояд бо чунин хатогӣ роҳ диҳем.
Зимни баромад роҳбарияти шаҳр аз тамоми сокинон даъват ба амал овард, ки шукри давлату кишвар, сулҳу субот ва роҳбари раъиятпарвару хирадмандро карда, зидди экстремистону террористон ва онҳое, ки бадхоҳи миллату ин давлатанд, муборизаи беамон барем.
Дар идома сардабири ҳафтавори “Пайк” Аҳмад Иброҳим баромад намуда, ба раиси шаҳри Кӯлоб ҷоизаи ҳафтаномаро таҳти унвони “Қавииродатарин раиси сол”ба раиси шаҳри Кӯлоб Назарзода Бахтиёр Худоёр супорид.
Баъдан, роҳбари дастгоҳи раиси шаҳр Қурбонзода Наргис, оид ба супоришҳои протоколии дар маҷлиси қаблӣ додашуда ба роҳбарияти шаҳр ҳисобот пешниҳод намуд.
Дар идомаи ҷаласаи мазкур вакили маҷлиси вакилони халқи шаҳри Кӯлоб аз ҳавзаи интихоботии №18 Маҳмудзода Қумриниссо фаъолияти муассисаҳои таҳсилоти миёнаи умумии №41 ва №50-ро натиҷагирӣ намуда, дар назди иштирокчиёни ҷаласа ҳисоботи муфассал пешноҳод гардонид.
Зимни баррасии масъалаҳои рӯзномаи маҷлис раиси шаҳри Кӯлоб, ҷиҳати иҷрои саривақтии нақшаи андоз ва пардохт намудани бақияпулиҳои он аз ҷониби хоҷагиҳои деҳқонӣ, кишту истеҳсоли маҳсулоти кишоварзӣ, бо оби полезӣ таъмин намудани аҳолӣ, вусъат додани корҳои ободониву созандагӣ, ба қайд гирифтани хоҷагиҳои деҳқонӣ дар нозироти андоз, иҷро намудани нақшаи даъвати ҳарбӣ, ва дигар масъалаҳо маврдиди муҳокимаронӣ ва баррасӣ қарор дода шуда, дар ин замина ба масъулон дастуру супоришҳои мушаххс доданд.
Бахши матбуотии МИҲД-и шаҳри Кӯлоб
Дар шаҳри Кӯлоб бахшида ба санаи 15-феврал Рӯзи гиромидошти хотираи ҷанговарони башардӯст ҷамъомад баргузор гардид.
Ҷамъомади мазкур дар қисми низомии 13483д-и шаҳри Кӯлоб оғоз гардида, иштирокчиён бо нишони арҷгузорӣ ба хизматҳои фидокоронаи ҳомиёни Ватан назди Лавҳаи ёдгории шаҳидони Ватан гулчанбар гузошта, лаҳзае хотираи шаҳидони Ватанро пос доштанд.
Сипас, чорабинӣ дар толори дар толори Донишгоҳи давлатии Кӯлоб ба номи Абӯабдуллоҳи Рӯдакӣ бо иштироки муовини раиси шаҳри Кӯлоб Ҳамидиён Орзу, Раҳмон Дилшод Сафарбек- ректори Донишгоҳи давлатии Кӯлоб ба номи Абӯабдуллоҳи Рӯдакӣ, Бахтиёр Раҳимов-раиси Шӯрои ҷанговарони башардӯсти шаҳру минтақаи Кӯлоб, Исмоилзода Саймурод-раиси Шӯрои собиқадорони ҷангу меҳнат дар минтақаи Кӯлоб, роҳбарони мақомоти ҳифзи ҳуқуқ ва дигар собиқадорону фаъолони шаҳри Кӯлоб идома ёфт.
Зимни баргузориии чорабинии мазкур муовини раиси шаҳри Кӯлоб Ҳамидиён Орзу суханронӣ намуда, қайд кард, ки Асосгузори сулҳу ваҳдати миллӣ, Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон хизматҳои шоёни ҷанговаронро ба инобат гирифта, дар сатҳи расмӣ имтиёзҳои ҷанговарони башардӯстро муқаррар намудаанд ва ҳамеша қишри соҳибэҳтироми ҷомеа муаррифӣ мешаванд.
Дар идома дигар иштирокчиён низ бо маърӯзаҳои пурмуҳтавои худ баромад карда, атрофи роҳҳои тайнамудаи баромадани ҷанговарони тоҷики қушунҳои Шуравӣ аз хоки Афғонистонро ёдоварӣ намуданд.
Дар ин рӯз дар вазъияти тантанавӣ як идда собиқадорон барои саҳми арзанда гузоштан дар ҳифзи марзу буми Ватан ва ҳамчунин шахсият тарбия намудани насли ҷавон дар рӯҳияи меҳанпарастӣ ва далериву ҷасорат бо Сипосномаи Мақомоти иҷроияи ҳокимияти давлатии шаҳри Кӯлоб сарфароз гардонида шуданд.
Дар қисмати фарҳангии ҳамоиш дастаи ҳунарии ҳунармандони ансабли “Фалак” ва бахши фарҳанги Донишгоҳи Давлатии Кӯлоб ба номи Абӯабдуллоҳи Рӯдакӣ ба аҳли нишаст суруду шеърҳои дилнишин, ки мавзӯи ватандӯстиро дар бар мегирифт бо маҳорати баланд пешниҳод намуданд.
Бахши матбуотии МИҲД-и шаҳри Кӯлоб
Имрӯз, 13 феврали соли 2023 дар даромадгоҳи шаҳри Кӯлоб дастпарварони муассисаи давлатии мактаби варзишии шаҳри Кӯлоб Назарова Ҷонона, Ҳалимова Қурбонгулро намояндагони мақомоти иҷроияи ҳокимияти давлатии шаҳри Кӯлоб самимона истиқбол гирифтанд.