Дар доираи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати истиқбол аз ҷашни 35-солагии Истиқлолияти давлатии Ҷумҳурии Тоҷикистон дар шаҳру деҳоти Кӯлоб дар тамоми соҳаҳои гуногуни хоҷагӣ истифода аз саҳми соҳибкорони ватанӣ корхонаву мағоза ва тарабхонаҳои ҳозиразамон ба истифода дода шуда истодааст, ки ин аз шарофати Истиқлолияти давлатии Ҷумҳурии Тоҷикистон ва дастгириҳои ҳамаҷонибаи давлату Ҳукумати Ҷумҳурии Тоҷикистон гувоҳӣ медиҳад.
Чунин иқдоми ҷавонмардона, имрӯз аз ҷониби соҳибкори шаҳри Кӯлоб Лоиқ Ҳакимзода дар доираи сиёсати ғамхоронаи Пешвои муаззами миллат муҳтарам Эмомалӣ Раҳмон, раиси вилояти Хатлон Давлаталӣ Саид ва нақшачорабиниҳои мақомоти иҷроияи ҳокимияти давлатии шаҳри Кӯлоб боз дар паҳлуи Қаҳвахонаи "Шоми Кӯлоб" як нуқтаи тез-тайёр "PIZZA BBQ BURGER" бо дизайни Аврупоӣ сохта ба истифода дода шуд.
Дар расми ифтитоҳи он роҳбари Гурӯҳи кории Ҳукумати Ҷумҳурии Тоҷикистон дар шаҳри Кӯлоб, Вазири нақлиёти Ҷумҳурии Тоҷикистон муҳтарам Азим Иброҳим, раиси шаҳри Кӯлоб муҳтарам Назарзода Бахтиёр Худоёр ва дигар меҳмонон иштирок намуда, аз шароитҳои он аз наздик шинос шуданд. Тавре соҳибкори ватанӣ иттилоъ доданд, нуқтаи тез-тайёр, ки бо дизайни Аврупоӣ ва тибқи талаботи имрӯзаи замони муосир мебошад бо тамоми таҷҳизотҳои ҳозиразамон муҷҷаҳаз гардонида шудааст.
Тибқи маълумот нуқтаи мазкур бо ҷалби сохтмончиёни маҳаллӣ ва масолеҳи ватанӣ сохта шуда, маблағи умумии он 600000 ҳазор сомониро ташкил медиҳад. Масоҳати он 180м2 буда, барои 80 нафар ҷойи нишаст ташкил гардида, дар марҳилаи якум 12 нафар мутахассисон аз ҳисоби худи шаҳрвандони шаҳри Кӯлоб бо ҷойи кори доимӣ таъмин шудаанд, ки аксарияташон ҷавонони кордону забондон ҷалб гардидаанд.
Ёдовар мешавем, ки таҷҳизотҳои насбшуда РКПР-ро аз Федератсияи Россия бо маблағи 170000 ҳазор сомонӣ харидорӣ ва насб гардидааст. Инчунин, барои омӯзонидани кормандон мутахассисон аз Ҷумҳурии Исломии Эрон ва Ҷумҳурии Ӯзбекистон ҷалб гардидаанд.
Боиси қаноатмандӣ мебошад, ки мизу курсиҳо истеҳсоли ватанӣ буда, дар шаҳри Кӯлоб бо тарҳи муосир сохта шудааст. Дар идома, Роҳбарият аз иқдоми бисёр созанда ва татбиқ гардидани сиёсати созандаву бунёдкоронаи Пешвои муаззами миллат муҳтарам Эмомалӣ Раҳмон ба соҳибкори шаҳри Кӯлоб Ҳакимзода Лоиқ изҳори миннатдорӣ намуда, таъкид доштанд, ки бояд ҳар як соҳибкори ватандӯст дар доираи имкониятҳои мавҷуда ҷиҳати фароҳам овардани ҷойҳои корӣ ва бунёди чунин иншоотҳои замонавӣ масъулияти баланд дошта бошанд. Имрӯз давлату Ҳукумати Ҷумҳурии Тоҷикистон барои соҳибкорон имкониятҳои хубро пешниҳод намудааст ва ҳамеша Пешвои муаззами миллат муҳтарам Эмомалӣ Раҳмон ба чунин соҳибкорони ҳимматбаланду ватандӯст ва саховатпеша изҳори сипосу миннатдории хешро мерасонанд. Соҳибкор Ҳакимзода Лоиқ тасмим гирифтааст, ки боз дар паҳлуи ҳамин қаҳвахона дар ояндаи наздик як корхонаи истеҳсоли шириниҳоро ба истифода хоҳад дод.
Бахши бойгонӣ-матбуотии МИҲД-и шаҳри Кӯлоб
Санаи 7 июни соли 2024 дар толори мақомоти иҷроияи ҳокимияти давлатии шаҳри Кӯлоб вохӯрии роҳбари Гурӯҳи кории Ҳукумати Ҷумҳурии Тоҷикистон дар шаҳри Кӯлоб, Вазири нақлиёти Ҷумҳурии Тоҷикистон муҳтарам Азим Иброҳим, раиси шаҳри Кӯлоб муҳтарам Назарзода Бахтиёр Худоёр бо имомхатибони масҷидҳои ҷомеъи шаҳру деҳоти Кӯлоб доир гардид. Маврид ба зикр аст, ки дар ин вохурӣ ҳамчунин муовинони раиси шаҳр, роҳбари дастгоҳи раиси шаҳр ва роҳбарони мақомотҳои ҳифзи ҳуқуқ фаъолона иштирок намуданд. Зимни баромади худ, раиси шаҳри Кӯлоб Назарзода Бахтиёр Худоёр бори дигар роҳбари Гурӯҳи кории Ҳукумати Ҷумҳурии Тоҷикистон дар шаҳри Кӯлоб, Вазири нақлиёти Ҷумҳурии Тоҷикистон муҳтарам Азим Иброҳимро ба шаҳри Кӯлоби бостонӣ хайрамақдам гуфта, сипас ҳадафи баргузории вохӯриҳоро дар доираи сиёсати созандаву бунёдкоронаи Пешвои муаззами миллат муҳтарам Эмомалӣ Раҳмон ва вохӯриашон бо фаъолон ва ходимони дин, ки санаи 9 март баргузор гардид, ёдовар шуда, таъкид намуданд, ки мо масъулон новобаста дар кадом вазифа фаъолият намуданамон бояд дар амалӣ гардидани дастуру ҳидоятҳои созандаи давлату Ҳукумати Ҷумҳурии Тоҷикистон дар сатҳи маҳал хизмати софдилона анҷом диҳем.
Дар идома, роҳбари Гурӯҳи корӣ дар шаҳри Кӯлоб, Вазири нақлиёти Ҷумҳурии Тоҷикистон муҳтарам Азим Иброҳим бо масъулин сӯҳбат намуда, изҳор намуданд, ки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни вохӯриашон тамоми масъалаҳое, ки имрӯз бояд мавриди омӯзиш ва баррасӣ қарор диҳем бо далелҳои мушаххас гуфта баромаданд. Танҳо аз ҳар яки мо масъулияти баландро тақозо менамояд, ки дар самти татбиқ гардонидани ҳадафҳои созандаву бунёдкоронаи Пешвои муаззами миллат муҳтарам Эмомалӣ Раҳмон саҳми босазо гузорем. Инчунин гуфта шуд, ки мо бояд дар баромадҳои худ нисбати ватану ватандорӣ, эҳтиром ба арзишҳои умумиинсонӣ, дӯст доштани меҳан, тарғибу ташвиқи либоси миллӣ, роҳ надодан ба фарҳанги бегона, пешгирии ҷавонон ба ҳар гуна гурӯҳҳои ифротӣ, эҳтироми падару модар, тарғибу ташвиқи сарбози ихтиёрӣ ба сафи Қувваҳои мусаллаҳи Ҷумҳурии Тоҷикистон дар муҳлатҳои муқарраршуда, кӯмак намудан ба ятимону бепарасторон, дастгирии маъюбон ва шахсони яккаву танҳо аз рисолати ҷавонмардии ҳар як кадоми мо маншаъ мегирад.
Зимнан, бояд ҳар як кадоми мову Шумо аз хонаи худамон то кӯчаву маҳаллаҳо корҳои созандагиву бунёдкориро ба роҳ монем ва ба наслҳои ояндаамон мерос гузорем, ин аст рисолати ҳар яки мо.
Бахши бойгонӣ-матбуотии МИҲД-и шаҳри Кӯлоб
Ёдовар мешавем, ки дар доираи сиёсати ғамхоронаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва сазовор ҷашн гирифтани 35-солагии Истиқлолияти давлатии Ҷумҳурии Тоҷикистон мардуми шарифи Тоҷикистон, аз ҷумла сокинони шаҳру деҳоти Кӯлоб марҳила ба марҳила бо оби нӯшокӣ таъмин гардида истодаанд. Дар доираи татбиқи лоиҳаи "Обтаминкунӣ ва корези шаҳри Кӯлоб" дар деҳаи Тудакавши ҷамоати деҳоти Кӯлоб, сохтмони обанбор дар ҳаҷми 3000 метри кубӣ бо истгоҳи насосӣ идома дорад. Баъди баанҷомрасии сохтмон ва ба истифода додани обанбори мазкур дар арафаи истиқбол аз ҷашни 35-солагии Истиқлолияти давлатӣ маҳаллаҳои А.Ҷомӣ, С. Вализода, маҳаллаи Қурбон Асадулло, Дустӣ ва як қисмати маҳаллаи Синои шаҳри Кӯлоб бо оби нӯшокӣ таъмин хоҳанд гашт.
Зимни боздид аз рафти корҳои сохтмонӣ роҳбарият бо масъулин сӯҳбат намуда, таъкид доштанд, ки мову шумо вазифадорем тибқи лоиҳаи мазкур корро ҷоннок намуда, бо сифати баланд ва дар муҳлати муқарраршуда корҳои сохтмониро ба анҷом расонем.
Дар идома, роҳбарият аз рафти сохтмони хатти ташноб (конализатсия), ки дар ҷамоати деҳоти Кӯлоб идома дорад, дидан намуданд. Тавре, ки масъулин иттилоъ доданд, хати ташноб зиёда аз 9 км-ро дар бар гирифта, айни ҳол тибқи нақша 41 фоизи корҳо иҷро гардида, боқимонда корҳо дар ду баст бо фарогирии 16 нафар мутахассисони маҳаллӣ идома дорад.
Зимни сӯҳбат роҳбари Гурӯҳи кории Ҳукумати Ҷумҳурии Тоҷикистон дар шаҳри Кӯлоб, Вазири нақлиёти Ҷумҳурии Тоҷикистон Азим Иброҳим ва раиси шаҳри Кӯлоб Назарзода Бахтиёр Худоёр бо масъулину мутахассисон сӯҳбат намуда, дастур доданд, ки корҳои боқимонда бояд бо сифати баланд ва тибқи лоиҳаи мазкур дар муҳлатҳои муқарраргардида анҷом дода шавад.
Бахши бойгонӣ-матбуотии МИҲД-и шаҳри Кӯлоб
Имрӯз дар доираи сафари кории роҳбари Гурӯҳи кории Ҳукумати Ҷумҳурии Тоҷикистон, Вазири нақлиёти Ҷумҳурии Тоҷикистон муҳтарам Азим Иброҳим дар толори мақомоти иҷроияи ҳокимияти давлатии шаҳри Кӯлоб бо иштироки раиси шаҳри Кӯлоб Назарзода Бахтиёр Худоёр вохӯри бо гурӯҳҳои корӣ доир гардид.
Зимни баромад Назарзода Бахтиёр Худоёр раиси шаҳри Кӯлоб оид ба гурӯҳҳои корӣ ва фаъолияти онҳо мухтасар баромад намуда, изҳор дошт, ки дар ҳошияи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон то имрӯз як қатор санадҳои меъёрию ҳуқуқӣ, барномаҳо ва консепсияҳо дар самти кор бо занон ба тасвиб расидааст, ки ин аз сиёсати бобарору муваффақонаи роҳбари давлатамон ба ҳисоб меравад.
Ёдовар мешавем, ки Гурӯҳҳои корӣ аз ҳисоби занону бонувони фаъол, хизматчиёни давлатӣ, омӯзгорон, ташкилотҳои ҷамъиятӣ ва ҷомеаи шаҳрвандӣ иборат мебошад. Мақсаду ҳадафи Гурӯҳҳои корӣ пеш аз ҳама аз наздик бо ҳаёту фаъолияти сокинони шаҳру деҳот шинос шудан ва корҳои тарғиботиву ташвиқотиро ҷиҳати иҷроиши Қонунҳои Ҷумҳурии Тоҷикистон "Дар бораи масъулияти падару модар дар таълиму тарбияи фарзанд ", "Дар бораи танзими анъана ва ҷашну маросимҳо дар Ҷумҳурии Тоҷикистон " ва тарғибу ташвиқи дастовардҳои соҳибистиқлолӣ, фарҳанги оиладорӣ, тарғиби либосҳои миллӣ, муошират ва дигар масъалаҳои марбут ба занону бонувон дар тамоми ҷамоатҳои шаҳру деҳоти Кӯлоб марказҳои савдо, кӯчаву маҳаллаҳо ва тариқи усули хона ба хона ба роҳ монда шудааст.
Ҳамчунин, роҳбарияти шаҳри Кӯлоб зимни суханронии худ иброз намуданд, ки давлату Ҳукумати Ҷумҳурии Тоҷикистон, роҳбари Гурӯҳи корӣ дар шаҳри Кӯлоб, Вазири нақлиёти Ҷумҳурии Тоҷикистон муҳтарам Азим Иброҳим ва раиси вилояти Хатлон муҳтарам Давлаталӣ Саид ҳамеша барои татбиқ намудани сиёсати кадрӣ аз ҳисоби занону бонувони лаёқатманд таваҷҷӯҳи беандозаи худро равона карда истодаанд ва дар ҷавоби ин ҳама ғамхориҳо бояд мо пеш аз ҳама дар таълиму тарбияи фарзандон бо масъулият бошем.
Инчунин, муовини раиси шаҳри Кӯлоб оид ба соҳаи иҷтимоиёт Даминзода Арафамо Искандар оид ба фаъолияти ҳамарӯзаи Гурӯҳҳои корӣ мухтасар ҳисобот пешниҳод намуд.
Дар идома, роҳбари Гурӯҳи корӣ, Вазири нақлиёти Ҷумҳурии Тоҷикистон муҳтарам Азим Иброҳим зимни вохӯрӣ бо гурӯҳи корӣ, ки аз ҳисоби занону бонувони фаъоли тамоми ниҳодҳои давлатию ҷамъиятӣ шомил мебошанд, шинос гардида, ҷиҳати боз ҳам тақвият бахшидани корҳои тарғиботию ташвиқотӣ миёни аҳолӣ маслиҳадҳои муфид доданд. Ҳамзамон таъкид намуданд, ки занону ҷавондухтарон корҳои тарғиботиро бештар намуда, вобаста ба фарҳанги либоспӯшӣ, аз ҷумла чакан ва атлас, ки имрӯз бо ташаббуси Пешвои муаззами миллат муҳтарам Эмомалӣ Раҳмон аз ҷониби Созмони миллали муттаҳид ба рӯйхати мероси ғайримоддӣ пазируфта шуд, бояд ҳар як духтари тоҷик ин либосро ба бар кунад ва барои духтани он аз модарону чеварон истифода баранд.
Агар аз як ҷиҳат духти либосро аз худ намоянд, аз ҷиҳати дигар таҳаммулу зебоипарастии ҳар як ҷавондухтар нисбати Ватан, модар ва ояндаи худ равшан мегардад. Пас вазифаи аҳли ҷомеа дуруст дарк кардан ва ба мардум фаҳмонидани моҳияти ҳамин масъалаҳо мебошад. Инчунин, масъулини Гурӯҳҳои корӣ вазифадор гардиданд, ки дар вақти вохӯриҳо шахсони донишмандро низ даъват намоянд ва бо мардум аз наздик суҳбат карда, моҳият ва мақсади баргузории чунин вохӯриҳои судмандро расонанд.
Таъкид гардид, ки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни вохӯриашон бо фаъолон ва ходимони дин, ки санаи 9 марти соли ҷорӣ доир гардида буд, тамоми масълаҳои мубрами рӯзро бо далелҳои мушаххас расониданд. Ин мулоқоти Пешвои муаззами миллатро мо бояд масъулон ба мардум аз наздик расонем ва ба зиёдарави роҳ надода, фарзандонро дар рӯҳияи ватандӯстиву хештаншиносӣ ва эҳтиром гузоштан ба арзишҳои миллӣ ҳидоят ва тарбия намоем.
Дар интиҳо, масъулин ҷиҳати тамоми он дастгириҳои бевоситаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, роҳбари Гурӯҳи кории Ҳукумати Ҷумҳурии Тоҷикистон дар шаҳри Кӯлоб, Вазири нақлиёти Ҷумҳурии Тоҷикистон Азим Иброҳим, раиси вилояти Хатлон Давлаталӣ Саид ва раиси шаҳри Кӯлоб Назарзода Бахтиёр Худоёр изҳори миннатдорӣ намуда, таъкид доштанд, ки бонувон ҳамеша татбиқкунандаи сиёсати созандаву бунёдкорона ва роҳнамунсози Пешвои муаззами миллат муҳтарам Эмомалӣ Раҳмон ҳастанд ва хоҳанд монд.
Бахши бойгонӣ-матбуотии МИҲД-и шаҳри Кӯлоб
Подкатегории
Шабакаҳои иҷтимоӣ
30-солагии Истиқлоли давлатии Ҷумҳурии Тоҷикистон
