ЗАН-ОФАРАНДАИ ҲАЁТ
Имрӯз, 7 марти соли 2023 бо ташаббуси мақомоти иҷроияи ҳокимияти давлатии шаҳри Кӯлоб дар толори Қасри фарҳанги ба номи Рустами Абдураҳим бахшида ба Рӯзи Модар чорабинии идона баргузор гардид.
Дар чорабинии идона раиси шаҳри Кӯлоб Назарзода Бахтиёр Худоёр, бонувони собиқадор, роҳбарони мақомотҳои ҳифзи ҳуқуқ, фаъолон, масъулину кормандони ташкилоту муассисаҳои шаҳрӣ, кормандони васоити ахбори омма, собиқадорону фаъолони соҳаҳои гуногун ва ҳамчунин дигар сокинони касбу кори гуногун иштироки фаъол доштанд.
Чорабинии идона бо роҳпаймоии зиёда аз 5 ҳазор нафар, фаъолону собиқадорон ва кормандони касбу кори гуногун бо шиору овезаҳои нақши Зан Модар аз майдони марказӣ то Қасри Фарҳанги ба номи Рустами Абдураҳими шаҳри Кӯлоб идома ёфт.
Дар ҳамин рӯз роҳбарият ва бонувони собиқадор, роҳбарони мақомотҳои ҳифзи ҳуқуқ, фаъолон ба хотири эҳтиром ва бузургии зан Модар дар назди Муҷассамаи “Дуои Модар” гулгузорӣ намуданд.
Сипас, чорабинии идона дар Қасри фарҳанги шаҳри Кӯлоб идома ёфт. Баъди истиқболи гарму самимӣ иштирокчиёни чорабинӣ аз намоиши ҳунарҳои мардумӣ ва дастоварҳои ташкилоту муассисаҳои шаҳру деҳоти Кӯлоб боздид намуданд.
Ҳамоиши тантанавӣ бо сухани табрикотии раиси шаҳри Кӯлоб Назарзода Бахтиёр Худоёр оғоз гардида, тамоми бонувони шаҳри бостонии Кӯлобро ба муносибати 8-март, ки ҳамасола дар кишварамон бо тантана таҷлил карда мешавад табрику муборакбод намуд.
Зимни суханронӣ изҳор гардид, ки Асосгузори сулҳу ваҳдати миллӣ – Пешвои Миллат, Президенти Ҷумҳурии Тоҷикистон муҳтарам Эмомалӣ Раҳмон зикр карданд: «Мо бояд як нуқтаи муҳимро ҳамеша дар хотир дошта бошем, ки зан – модар мавҷуди муқаддас мебошад ва ҳама сиёсатмадарону донишмандон ва бузургони олам, аз он ҷумла Пайғамбари ислом аз домани поки модар ба дунё омадаанд ва бо шири ҷонбахши ӯ бузург шудаанд».
Ҳақ ба ҷониби Пешвои муаззами миллат аст ва ҳама эъҷозу парвоз, ҳама эҷоду бунёд, ҳама қаҳрамониву мардонагӣ самараи меҳнати шабонарӯзии модарон мебошад.
Ҷойи дигар Ҷаноби Олӣ мегӯянд: «Мо вуҷуди муқаддаси модарро аз аввалин лаҳзаҳои ҳаёт то дами вопасин фаромуш намекунем ва ҳангоми шодиву нишот ва ғаму андуҳи зиндагӣ ҳамеша ҳамроҳи мост. Тарбияи ибтидоӣ ки марҳилае аз ҳама муҳими умри инсонӣ мебошад, маҳз ба заҳмати модар ва муҳаббати ӯ вобаста аст».
Бо назардошти ҳамин мартаба ва манзалати занону модарон Ҳукумати Ҷумҳурии Тоҷикистон аз оғози соҳибистиқлолии кишвар вобаста ба таъмини риояи ҳуқуқҳои конститутсионии онҳо тамоми тадбирҳоро андешида, кушиш бар он дорад, ки тавонанд рисолати худро ташаккул диҳанд ва дар раванди демократикунонии ҷомеаи навин, корҳои ободонӣ ва бунёдкориву созандагӣ нақши мондагор дошта бошанд.- қайд намуд раиси шаҳри Кӯлоб Назарзода Бахтиёр Худоёр.
Дар идомаи чорабинии тантанавӣ Шоираи Ваҳдатсаро Хосият Вализода, собиқадорони меҳнат Ҳақназарзода Зулайхо ва Аслбӣ Шарифова оид ба нақши Зан дар замони соҳибистиқлолият ва бузургии Модар ёдоварӣ намуданд.
Маврид ба зикр аст, ки баргузор намудани чунин чорабиниҳои тантанавӣ бо шукуҳу шаҳомати хосса аз таваҷҷуҳи Ҳукумати мамлакат, бахусус, Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон нисбат ба занон гувоҳӣ медиҳад, зеро занону бонувон нерӯи бузургу созанда буда, дар ободии кишвар хусусан дар тарбияи насли наврас нақши пурарзиш доранд.
Дар идомаи чорабинӣ ба як қатор бонувони фаъоли шаҳри Кӯлоб, собиқадорони меҳнат Ифтихорномаю Сипоснома ва туҳфаҳои хотиравии раиси шаҳри Кӯлоб тақдим карда шуд.
Дар охир, барномаи омоданамудаи ҳунармандони бахши фарҳанги вилояти Хатлон ва мақомоти иҷроияи ҳокимияти давлатии шаҳри Кӯлоб, ки дар васфи Зан Модар бахшида буд пешниҳоди ҳозирин гардониданд.
Бахши матбуотии МИҲД-и шаҳри Кӯлоб
23.02.2023. ш. Кӯлоб
Бахшида ба 30-юмин солгарди таъсисёбиии Қувваҳои Мусаллаҳи Ҷумҳурии Тоҷикистон дар қисми низомии 13483-и шаҳри Кӯлоб чорабинии тантанавӣ баргузор гардид.
Нахуст, ҳайати меҳмонон аз намоиши ҳунари рассомии рассомони шаҳри Кӯлоб боздид намуда, ба ҳунари волои онҳо баҳои баланд доданд.
Ҳамчунин, бо нишони эҳтиром ва арҷгузорӣ ба хизматҳои фидокоронаи ҳомиёни Ватан дар назди Лавҳаи ёдгории шаҳидони Ватан гулчанбар гузошта, лаҳзае хотираи шаҳидони Ватанро пос доштанд.
Сипас, маросими тантанавӣ бахшида ба Рӯзи Артиши миллӣ бо садо додани Суруди миллӣ оғоз гардид.
Баъдан, раиси шаҳри Кӯлоб Назарзода Бахтиёр Худоёр суханронӣ намуда, афсарону сарбозон ва кулли сокинонро ба ин санаи фархунда табрик намуд.
Иброз намуд, ки яке аз рукнҳои асосии ҳар як давлати мустақилу озод Қувваҳои Мусаллаҳ маҳсуб меёбанд. Бинобарин Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳангоми раиси Шӯрои Олии Ҷумҳурии Тоҷикистон интихоб шуданашон, ба ҳайси Сардори давлат дар қатори аввалин санадҳо, санаи 18 декабри соли 1992 Қарорро «Дар бораи таъсиси Қувваҳои Мусаллаҳи Ҷумҳурии Тоҷикистон» ба имзо расониданд. Он замон ҳарчанд кишварро вазъи печидаи ҳарби сиёсӣ ва муноқишаҳои дохилӣ фарогир буду дар натиҷаи ҷанги таҳмилии шаҳрвандӣ ба иқтисодиёти кишвар ҳисороти хеле ҳам зиёде ворид ва барои таъсиси ниҳодҳои қудратӣ ягон заминаи моддӣ – техникӣ қариб вуҷуд надошт, Ҳукумати кишвар сарфи назар аз ҳама мушкилот, аз сифр ба таъсиси Артиши миллӣ шуруъ намуд. Зеро ҳамчунон, ки Пешвои муаззами миллат мефармоянд «Ягон давлат бе Артиши миллии муқтадир ва муҷҷаҳаз пойдор нест. Чунин артиш сипари мамлакат, кафили амният ва зиндагии осоиштаи мардум маҳсуб мешавад».
Дар чорабинии имрӯза собиқадори мақомоти ҳифзи ҳуқуқ
Демпанаев Аскаршо, баромад намуда ҳамагонро ба муносибати 30-юмин солгарди таъсисёбии Қувваҳои мусаллаҳи Тоҷикистон табрик намуд. Ҳамчунин яке аз сарбозони қисми низомӣ бо шукргузорӣ аз сулҳу субот баромад карда , миннатдории тамоми сарбозонро ба Асогузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баён намуд.
Зимни чорабинӣ яке аз модарони сарбоз изҳори самимӣ тамоми кормандони мақомоти ҳифзи ҳуқуқ ва сарбозони шуҷову далери Ватанро ба ин муносибат табрик намуда дасти дуо бардоштанд.
Дар идомаи чорабинӣ аз ҷониби масъулони Қушунҳои хушкигарди Қувваҳои мусаллаҳи Ҷумҳурии Тоҷикистон барои таваҷҷуҳ ба шароити хизматчиёни ҳарбӣ ва саҳми арзанда дар чорабиниҳои сиёсиву тарбиявӣ, тарбияи ватанпарастии ҷавонон, раиси шаҳри Кӯлоб Назарзода Бахтиёр Худоёр бо Ордени “Муҳофизони сохти конститутсионӣ” дар Тоҷикистон сарфароз гардонида шуд.
Дар имрӯз аз ҷониби мақомоти иҷроияи ҳокимияти давлатии шаҳри Кӯлоб ба кормандони мақомотҳои ҳифзи ҳуқуқ ва сарбозону афсарони қисми ҳарбии воқеъ дар шаҳри Кӯлоб Сипоснома ва туҳфаҳои хотиравӣ супурда шуд.
Дар қисати дигари чорабинӣ аҳли фарҳанги шаҳри Кӯлоб барномаи театрикунонидашудаи худро пешкаши меҳмонону хизматчиёни ҳарбӣ намуданд.
Дар идомаи қисмати фарҳангӣ сарбозони шуҷои Ватан машқҳои омоданамудаи ҷолиби низомиро пешкаши иштирокчиён гардониданд, ки хеле ҷолибу диққатҷалбкунанда баҳри иштирокчиён буд.
Бахши матбуотии МИҲД-и шаҳри Кӯлоб
Имрӯз ба таъсисёбии Қувваҳои Мусаллаҳи Ҷумҳурии Тоҷикистон 30 сол пур шуд. Ба ин муносибат ҳамагонро табрику муборакбод гуфта, саломатӣ, саодати рӯзгор, сулҳу суботи абадӣ ва дар ҳифзи дастовардҳои истиқлолияту ободии минбаъдаи Тоҷикистони азиз комёбиву муваффақиятҳои беназир орзумандам.
Чуноне, ки маълум аст, «Қувваҳои Мусаллаҳи Ҷумҳурии Тоҷикистон – ташкилоти ҳарбии давлатӣ буда, асоси мудофиаи Ҷумҳурии Тоҷикистонро, ки он барои муҳофизати мусаллаҳонаи истиқлол ва тамомияти арзии он таъин гардидааст, ташкил медиҳад». Дар ҳақиқат тафсири дуруст аст.
Маврид ба зикр аст, ки яке аз рукнҳои асосии ҳар як давлати мустақилу озод Қувваҳои Мусаллаҳ маҳсуб меёбанд. Бинобар ин, Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳангоми раиси Шӯрои Олии Ҷумҳурии Тоҷикистон интихоб шуданашон, ба ҳайси Сардори давлат дар қатори аввалин санадҳо, санаи 18 декабри соли 1992 Қарор «Дар бораи таъсиси Қувваҳои Мусаллаҳи Ҷумҳурии Тоҷикистон»-ро ба имзо расонид. Он замон ҳарчанд кишварро вазъи печидаи ҳарбӣ-сиёсӣ ва муноқишаҳои дохилӣ фарогир буду дар натиҷаи ҷанги таҳмилии шаҳрвандӣ ба иқтисодиёти кишвар хисороти хеле ҳам зиёд ворид ва барои таъсиси ниҳодҳои қудратӣ ягон заминаи моддӣ – техникӣ вуҷуд надошт, Ҳукумати кишвар сарфи назар аз ҳама мушкилот, аз сифр ба таъсиси Артиши миллӣ шуруъ намуд. Зеро ҳамчунон, ки Пешвои муаззами миллат мефармоянд «Ягон давлат бе Артиши миллии муқтадир ва муҷаҳҳаз пойдор нест. Чунин артиш сипари мамлакат, кафили амният ва зиндагии осоиштаи мардум маҳсуб мешавад».
Ҳамин тариқ, санаи 23 феврали соли 1993 дар пойтахти мамлакат, шаҳри Душанбе бори нахуст паради ҳарбӣ баргузор гардид ва он рӯз санаи таъсисёбии Қувваҳои Мусаллаҳи Ҷумҳурии Тоҷикистон эълон карда шуд. Инак 30 сол аст, ки ин ниҳоди пурқудрат ҳимояи марзу бум, таъмини якпорчагии меҳан, сулҳу субот, таҳкими қонуниятро ба души худ гирифта , ин вазифаҳои муқаддасро бо сарбаландӣ иҷро карда истодааст.
Мебояд тазаккур дод, ки давлат ва Ҳукумати Ҷумҳурии Тоҷикистон аз лаҳзаи аввали таъсисёбӣ ба мустаҳкам намудани баззаи моддӣ-техникӣ, таҳкими инфрасохтори ҷузъу томҳои ҳарбӣ, таъмини қисмҳои ҳарбӣ бо кадрҳои болаёқат ва дигар эҳтиёҷоти Қувваҳои Мусаллаҳ аҳамияти аввалиндараҷа медоданд. Баъд аз андешидани тадбирҳои пайвастаи Ҳукумати Ҷумҳурии Тоҷикистон Артиши миллӣ марҳила бо марҳила устувору қавитар гардида, бо техникаву таҷҳизоти муосир таъмин шуд ва ба нерӯи пурқудрати дорои ҷузъу томҳои замонавӣ табдил ёфт. Айни замон Артиши миллии Ҷумҳурии Тоҷикитон ҳамчун нерӯи обутобёфта, ҷангдида, бошуҷоату ватандуст яке аз муқаддасоти миллӣ – рукни муҳими давлатдории миллӣ дониста мешавад. Ҳайтаи шахсии Қувваҳои мусаллаҳ дар зарфи 30 сол борҳо собит намудаанд, ки таъминкунандаи амният, сулҳу субот ва ҳаёти орому осудаи мардуми кишваранд. Сардори давлат, Сарфармондеҳи Олии Қувваҳои Мусаллаҳи Ҷумҳурии Тоҷикистон муҳтарам Эмомалӣ Раҳмон ҳам ба хизматҳо ва садоқати ин нерӯи тавоно ва сипари боэътимоди давлат баҳо дода, таъкид намудаанд, ки «Аз оғози таъсисёбӣ то имрӯз ҳайати шахсии Қувваҳои Мусаллаҳи кишвар дар лаҳзаҳои бисёр ҳассосу тақдирсоз борҳо садоқати худро ба Ватан ва миллати худ, Ҳукумат ва Президенти Тоҷикистон собит сохтааст».
Аз ин хотир ҳар афсару сарбоз ва ҳар ҷавоне, ки ба сафи Қувваҳои Мусаллаҳ дохил шуда, савганди ҳарбӣ ёд мекунад, ҳамеша дар хотир бояд дошта бошад, ки хизмати ҳарбӣ аз ӯ, пеш аз ҳама, иродаи матин, донишу маърифати муосир ва эҳсоси садоқату самимият ба халқу Ватанро талаб менамояд.
Азбаски Қувваҳои Мусаллаҳ яке аз рукнҳои асосии давлатдорӣ ба ҳисоб мераванд, хизмат дар сафи онҳо низ бояд мояи ифтихори ҳар як фарди ин сарзамини биҳиштосо бошад. Дар моддаи 43-и Конститутсияи Ҷумҳурии Тоҷикистон омадааст: «Ҳифзи Ватан, ҳимояи манфиатҳои давлат, таҳкими истиқлолият, амният ва иқтидори мудофиави он вазифаи муқаддаси шаҳрванд аст». Дар иртибот ба ин муқаррарот Пешвои муаззами миллат ҳам ишора кардаанд, ки «Адои хизмат дар сафи артиши миллӣ на танҳо қарзи муқаддаси фарзандӣ, балки мояи ифтихор ва шарафи бузург буда, хизмати ҳарбӣ барои ҳар як ҷавонмард мактаби ҷасорату матонат, дӯстиву рафоқат ва худогоҳиву меҳанпарастӣ мебошад. Ҳар низомие, ки худро фарзанди озоду соҳибихтиёр медонад, набояд лаҳзае ин вазифаи бузург ва қарзи муқаддаси худро фаромӯш кунад».
Бо назардошти гуфтаҳои боло ва истифода аз фурсати муносиб ба ҷавонони шаҳру деҳоти Кӯлоб муроҷиат карда, даъват ба амал меорам, ки дар сафи пеши посбонони Ватан бошанд. Бо хизмати содиқона дар сафи Қувваҳои Мусаллаҳи Ҷумҳурӣ собит созанд, ки давомдиҳандагони кору пайкор ва корнамоиҳои бемислу монанди аждодони қаҳрамони худ ҳастанд.
Дар охир, бори дигар ҳамаи Шумо мардуми шаҳру деҳоти Кӯлоби бостониро ба муносибати 30-юмин солгарди Қувваҳои Мусаллаҳи Ҷумҳурии Тоҷикистон табрику муборакбод гуфта, ба Шумо рӯзгори хуш, осмони соф, саодати оилавӣ ва дар ҳифзи Ватани аждодӣ комёбиҳои бузург таманно менамоям.
Саломату сарбаланд бошед!
22.02.2023с ш. Кӯлоб
Дар доираи 30-юмин солгарди таъсисёбии Қувваҳои Мусаллаҳи Ҷумҳурии Тоҷикистон ва бо мақсади дар амал татбиқ намудани дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати дастгирӣ намудани собиқадорони меҳнат, намояндаи Ҳукумати мамлакат, роҳбари гуруҳи корӣ дар шаҳри Кӯлоб, Вазири нақлияти Ҷумҳурии Тоҷикистон Азим Иброҳим, раиси шаҳри Кӯлоб Назарзода Бахтиёр Худоёр як қатор аз оилаҳои собиқадор дар мақомотҳои ҳифзи ҳуқуқи шаҳрро аёдат намуданд.
Зимни аёдат намояндаи Ҳукумати мамлакат, роҳбари гуруҳи корӣ дар шаҳри Кӯлоб, Азим Иброҳим, роҳбарияти шаҳри Кӯлоб Назарзода Бахтиёр Худоёр собиқадоронро ба муносибати 30-юмин солгарди таъсисёбии Қувваҳои Мусаллаҳи Ҷумҳурии Тоҷикистон табрику таҳният гуфта ба онҳо аз номи Пешвои муаззами миллат, муҳтарам Эмомалӣ Раҳмон кумаккҳои модию молиявӣ расониданд.
Ин иқдоми пешгирифтаи давлату Ҳукумат, боиси хушҳоливу рӯҳбаландии собиқадорон гардида онҳо миннатдории самимӣ ва дасти дуои худро барои ҳукмфармо будани сулҳу ваҳдати миллии Тоҷикистон ва роҳбарияти давлату Ҳукумат махсусан Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон иброз намуданд.
Бахши матбуотии МИҲД-и шаҳри Кӯлоб