Хабарҳо

Санаи 7 майи соли равон дар доираи муносибатҳои дуҷонибаи  дӯстӣ Ҷумҳурии Тоҷикистон ва Арабистони Саудӣ ҳайати меҳмонон аз давлати Аморати  Муттаҳидаи Араб ба шаҳри Кӯлоб ташриф оварданд. 

Ҳайати  меҳмононро дар даромадгоҳи шаҳр роҳбрияти шаҳр Бахтиёр Назарзода ва дигар масъулони соҳаи тиб самимона истиқбол намуданд.
Баъди истиқболи меҳмонон дар даромадгоҳи шаҳр   ҳайати мазкур дар муаррифии намоиши клиникаи сайёри тиббӣ ширкат варзиданд.
 rais bo mehmonon
Намоиши техникаи клиникаи сайёр бо сухани ифтитоҳии  муовини Сарвазири Ҷумҳурии Тоҷикистон, Матлубахон Сатториён оғоз ёфта,  оиди моҳияти татбиқи лоиҳаи мазкур дар шаҳру ноҳияҳои минтақаи Кӯлоб ибрози андеша намуд.
Дар чорабинӣ ҳамчунин Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллоҳзода   ба сухан баромада оид ба ҳамкориҳои муштараки Ҷумҳурии Тоҷикистон ва давлати Аморати  Муттаҳидаи Араб  дар самти рушди соҳаи тандурустӣ ёдовар намуд.
 
Дар идома, мудири бахши барномаҳои башардӯстонаи Муассисаи корҳои башардӯстонаи шоҳ Абдуллоҳ инжинер Абдулазиз ал-Ҷинфовӣ, Сафири Ходими Ҳарамайни Шарифайн дар Ҷумҳурии Тоҷикистон   Валид ибни Абдураҳмон ар-Решайдон, дар назди ҳозирин баромад карда, аз натиҷаҳои лоиҳаи мазкур изҳори умедворӣ намуда  таъкид доштанд, ки татбиқи лоиҳаи   дар раванди солимгардонии ҷомеа ва беҳдошти сиҳатии омма нақши муассир хоҳад гузошт.
Ичунин дар чорабинӣ   раиси шаҳри Кулоб Назарзода Бахтиёр Худоёр баромад намуда   чунин баён дошт: “Боиси  ифтихор ва шукургузории мардуми сарбаланди Тоҷикистон аз ҷумла мардуми  шарафманди шаҳри Кӯлоби бостонӣ мебошад, ки бо ташаббусу ибтикороти Асосгузори сулҳу ваҳдати миллӣ, Пешвои миллат муҳтарам Эмомалӣ Раҳмон соҳаи тандурустӣ дар кишвар сол то сол тақвият ёфта истодааст, ки ин ба солимии ҷомеа нақши босазои худро гузошта истодааст.
mehmononi arabi
Дар баробари  сиёсати дохилии пешгирифтаи давлату Ҳукумати Ҷумҳурии Тоҷикистон ҳамзамон дар доираи сиёсати хориҷии «Дарҳои боз» шарикони рушд бо мо дар самту соҳаҳои гуногун, аз ҷумла соҳаи тандурустӣ ҳамкориҳои судманд намуда истодаанд.”    
Роҳбарияти мақомоти иҷроияи ҳокимияти давлатии шаҳри Кӯлоб  бо нишони қадрдонӣ ва таҳкими робитаҳои дӯстона   ба меҳмонон тоқӣ ва дигар туҳфаҳои дорои рамзи миллиро тақдим намуданд.
Дар охир масъулони клиникаи сайёри тиббӣ техникаи тиббии хешро ба меҳмнон ва сокинон муаррифӣ намуданд.
  
  Бахши матбуотии МИҲД-и шаҳри Кӯлоб
 
Хабарҳо

Имрӯз, 4 майи соли равон дар толори маҷлисгоҳи Нозироти андози шаҳри Кӯлоб бахшида ба рӯзи касбии кормандони мақомоти андоз чорабинии тантанавӣ таҷлил гардид.  

   Дар чорабинӣ раиси шаҳри Кӯлоб Назарзода Бахтиёр Худоёр, муовинони раиси шаҳр, сардорони раёсатҳо, мудирони шуъбаҳо, роҳбарияту  кормандони Нозироти андози шаҳр, кормандони Раёсати молия,  намояндагони ташкилоту муассисаҳо ва дигар шахсони масъул ширкат карданд.

   Нахуст, роҳбарияти шаҳр кормандони мақомоти андозро ба рӯзи касбиашон табрик намуда, дар ҷамъоварии бенуқсони андозҳо ва ғанисозии буҷети давлатӣ барору муваффақият таманно намуд.

pervoy

   Инчунин, изҳор гардид, ки бо шарофати Истиқлолияти давлатӣ ва  зери сиёсати созандаи Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамасола 4 май рӯзи касбии кормандони мақомоти андоз ҷашн гирифта мешавад.

   Таъкид гардид, ки соҳаи андоз яке аз соҳаҳои афзалиятнок ва калидӣ ба шумор рафта, ҳамеша зери таваҷҷуҳи давлату Ҳукумати Ҷумҳурӣ қарор дорад.  Бе соҳаи андоз ҳеҷ як давлат тараққӣ карда наметавонад. Рушди иҷтимоӣ ва иқтисодии ҳар як давлат аз устувории пардохти андозҳо вобастагии калон дорад. Дар идомаи чорабинӣ роҳбарият ва собиқадорони соҳаи андози шаҳр баромад намуда, аз раванди кор дар Нозироти андоз ва роҳҳои тай намудаи он дар даврони соҳибистиқлолии кишвар маърӯзаҳо пешниҳод намуданд. 

vtoroy

  Дар охир аз тарафи масъулини Мақомоти иҷроияи ҳокимияти давлатии шаҳри Кӯлоб ба кормандони Нозироти андоз ба хотири саҳми арзанда гузоштан дар иҷрои босифати андозҳои давлатӣ ва иштироки фаъолона дар корҳои ҷамъиятӣ бахшида ба рӯзи кормандони Мақомоти андоз бо сипоснома ва мукофотҳои пулӣ қадрдонӣ шуданд.

 
Бахши матбуотии МИҲД-и шаҳри Кӯлоб

Хабарҳо

 
Ҳамаватанони  азиз!
 
Инак, моҳи шарифи Рамазон – моҳи файзу баракат, нузули раҳмату мағфират, поксозӣ ва парвариши бадан, иҷобати дуоҳо ба поён расид. Имрӯз иди сайиди Фитр аст. Иҷозат диҳед ба ин муносибат Шумо ва мардуми Кӯлобшаҳри бостониро табрику муборакбод гуфта, ба ҳамагон тани сиҳату хотири ҷамъ, имони комил, хушбахтиву некрузӣ, осмони софу беғубор ва тамоми хушиҳои зиндагиро таманно намоям.
 
Тӯли як моҳ имони  ҳар як мусулмони комил мавриди озмоиш қарор дошт. Ҳамчунон, ки Асосгузори сулҳу ваҳдати миллӣ, Пешвои миллат,  Президенти Ҷумҳурии Тоҷикистон  муҳтарам  Эмомалӣ  Раҳмон таъкид карданд «Рӯзадорӣ дар моҳи шарифи Рамазон дар радифи калимаи шаҳодат, намоз, закот ва ҳаҷ рукни чаҳоруми аркони панҷгонаи ислом буда, инсонро ба парҳезгорӣ, покӣ ва тақво, шикасатани ҳавову ҳавас, ғалаба бар нафс, зудудани бадиҳо, эҳсосу шавқати бародарӣ талқин месозад. Аз ин рӯ, аёми мубораки моҳи Рамазонро фурсати озмоиш ва сафобахши нафси инсон гуфтаанд».
 
Ба туфайли Истиқлолияти давлатиро ба даст овардани Тоҷикистон, мардуми тоҷик ва тоҷикистониён имкон пайдо карданд, ки ҷашну маросим ва анъанаву идҳои милливу динии худро дар фазои озод таҷлил кунанд.
 
Дар ҳамин давра Қуръони азимушан ба алифбои кириллӣ ба забони тоҷикӣ тарҷимаву нашр шуд то мардум ба пайғомҳои Худованд ва фарҳанги исломӣ наздиктар ошно гарданд. Аз ин ру қарзи имониву виҷдонии ҳар як мусулмони ҷомеаи имрузаи Тоҷикистон,  аз ҷумла мову Шумост, ки шукри истиқлолият ва роҳбари хирадманду раъиятпарвари худро карда, баҳри боз ҳам пойдору устувор шудани пояҳои давлатдорамон ҳамеша дар талош бошем.
 
Ислом дини покиву парҳезгорӣ, илму адаб ва панду насиҳат аст. Бо ин сабаб мардуми мусулмон Иди сайиди Фитрро, ки марбути ҳамин дин аст ҳамасола бо эътиқод, ихлос ва орзую омоли нек пешвоз мегиранд. Иди сайиди Фитр бошад иди хайру саховат аст.  Идест, ки ба ятимон, маъюбон, камбизоатон, дармондагон, ниёзмандон, муйсафедони барҷомонда хулоса ҳама он нафароне, ки муҳтоҷи ёрӣ ҳастанд, дасти кумак дароз карда мешавад. Бо назардошти ин боварӣ ва умед дорам ҳамаи он нафароне, ки барои расонидани чунин кумакҳо имкониятҳояшон фаррох ҳастанд, аз ин кори савоб худро дар канор намегиранд.
 
Тибқи дастури мақомоти болоии ҳокимияти давлатӣ  закоте, ки имруз дар масҷидҳо ҷамъ мегардад низ бояд барои дастгирии табақаҳои ниёзманди аҳолӣ равона карда шавад. Боварӣ дорем, ки ходимони муҳтарами дин, бахусус эмом-хатибон ин дастурро сармашқи кори худ мекунанд ва маблағи ҷамъшударо ба ҳамин қишри ҷомеа, яъне онҳое, ки дар ҳақиқат муҳтоҷи дастгирианд дастрас  намуда, ҳадиси Паёмбари ислом Муҳаммадро дар хусуси он, ки «Беҳтарин ва боарзиштарин садақа он аст, ки дар моҳи Рамазон анҷом гирад» ба ҷо меоранд.
 
Имрӯз мо ҳамаамон бояд як мақсаду маром дошта бошем. Яъне ҷаъду талош кунем, ки шаҳри азизи худро рӯз аз рӯз ободтар созем. Бо ҳамин ният мо соли 2022-ро «Соли рушди саноат ва роҳҳои обод» эълон кардем. Бунёди корхонаҳои нави саноатӣ, ки ҳадафи чоруми стратегии давлат дар кори саноатикунонии босуръати кишвар маҳсуб меёбад, имкон медиҳад, ки ҷойҳои нави корӣ пайдо шаванд ва мардум соҳиби музди меҳнатӣ шоиста шуда, тенҷу ором умр ба сар баранд. Таъмиру бунёди роҳҳои нав ба ҳаракати бехатари нақлиёту пиёдагардон мусоидат мекунанд. Дар ин самт корҳои оғоз шудаанд ва муташаккилона идома дода мешаванд.
 
Чунон, ки ҳамагон воқиф ҳастед дар саросари кишвар мардум ба ҷашни бузургӣ миллат 35-солагии Истиқлолияти давлатии Точкистон омодагӣ гирифта истодаанд. Албатта, мо ҳам бояд ин санаи муҳташамро бо дастовардҳои назаррасӣ меҳнатӣ пешвоз гирем. Бояд ҳамаамон камари ҳиммат баста, корҳои созандагиву ободониро аз хонаву дари худ оғоз карда кушиш кунем, ки кӯчаву маҳаллаҳоямон то он рӯз қабои идона ба бар кунанд.
 
Боз як масъалаи муҳим ва ҳалталаби рӯз он аст, ки нархи маводҳои ниёзи аввал дар ҷаҳон боло рафта истодааст. Ҳоло зарурият аст, ки ҳар як ваҷаб замин самаранок истифода ва ду се ҳосил руёнида шавад. Аз ин рӯ эҳтиромона хоҳиш менамоям, ки ба ин масъала диққати ҷиддӣ диҳед ва дастурҳои Сардори давлатро дар хусуси захираи дусолаи маводи ғизоӣ иҷро намоед.      
 
Бо ҳамин ниятҳои нек ҳамаи Шумо – ҳозирини гиромӣ ва тамоми мардуми ин сарзамини овозадору меҳмоннавозро бори дигар ба муносибати иди сайиди Фитр муборакбод гуфта, бароятон аз даргоҳи Илоҳӣ хонаи обод, дастархони пурнозу неъмат, имони комилу тандурустӣ ва ҷомаи амал пушидани ҳама орзуву омолҳоро таманно дорам.
 
 Саломату сарбаланд   бошед!
Хабарҳо

Дар доираи дастуру ҳидоятҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Кӯлоб корҳои ободониву созандагӣ вусъати тоза дорад.

222 

Дар ин росто, бахшида ба 35-солагии Истиқлолияти давлатии Ҷумҳурии Тоҷикистон ва амалӣ гаштани иқдоми мақомоти иҷроияи ҳокимияти давлатии шаҳри Кӯлоб дар соли 2022 таҳти унвони “Соли рушди саноат ва роҳҳои обод” мумфаршкунии роҳи нави алтернативӣ дар ҳудуди маҳаллаи Чармгарони поёни шаҳри Кулоб оғоз гардид. 
 Ин иқдом бо мақсади пешгирӣ аз тамбашавии воситаҳои нақлиёт ва таъмини ҳаракати муназами он дар роҳи марказии хиёбони Исмоили Сомонӣ, назди бозори “Саховат” ва Маркази савдои шаҳри Кӯлоб аз самти кӯчаи Худоёр Назаров то   маҳаллаи Чармгарони поён рӯи кор гирифта шудааст.
2
Айни замон бо ҷалби мутахасисони роҳсоз ва техникаву таҷҳизот ва масолеҳи зарурии роҳсозӣ аз ҷониби пудрачӣ – ҶДММ “Бунёди роҳ” корҳо бо суръати баланд ҷараён доранд.
 
     Бахши матбуотии МИҲД-и шаҳри Кӯлоб
  
 

Подкатегории

/////

Сахифаи 102 аз 114

Ҷустуҷӯ

Шабакаҳои иҷтимоӣ

facebook instagram youtube

30-солагии Истиқлоли давлатии Ҷумҳурии Тоҷикистон

nar rem nar rem nar rem nar rem nar rem nar rem nar rem nar rem nar rem nar rem

Ҷумҳурии Тоҷикистон, вилояти Хатлон, ш. Кӯлоб, хиёбони И. Сомонӣ №36 Адрес электронной почты защищен от спам-ботов. Для просмотра адреса в браузере должен быть включен Javascript.
TPL_BACKTOTOP