Боиси зикр аст, ки дар доираи сиёсати пешгирифтаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамкориҳои судманд бо ташкилотҳои байналмиллалӣ ривоҷ ёфта бо мақсади рушди соҳаҳои мухталифи хоҷагии халқ лоиҳаҳои судманд амалӣ гардида, барои баланд бардоштани сатҳу сифати зиндагии аҳолӣ дар самтҳои гуногун роҳандозӣ мегарданд.
Санаи 19.03.2025 раиси шаҳри Кӯлоб муҳтарам Назарзода Бахтиёр Худоёр бо намояндагони татбиқи лоиҳаи “Обтаъминкунӣ ва корези шаҳри Кӯлоб” Қодиров Фарҳод, Ҷалилов Шуҳрат ва Шарипов Сайдалӣ мулоқот намуданд. Ҳайати меҳмононро масъулини мақомоти иҷроияи ҳокимияти давлатии шаҳри Кӯлоб қабул намуданд.
Сипас дар толори мақомоти иҷроияи ҳокимияти давлатии шаҳри Кӯлоб раиси шаҳри Кӯлоб Назарзода Бахтиёр Худоёр бо ҳайати меҳмонон мулоқот намуда, ташрифи меҳмононро ба шаҳри бостонии Кӯлоб хайрамақдам хонданд. Дар идома иброз доштанд, ки бо дастгирии Асосгузори сулҳу ваҳдати миллӣ, Пешвои миллат Президенти Ҷумҳурии Тоҷикистон муҳтарам Эмомалӣ Раҳмон лоиҳаи “Обтаъминкунӣ ва корези шаҳри Кӯлоб” ба маблағи 16,2 миллион евро 2 марти соли 2021 оғоз гардида, анҷоми лоиҳа 31 декабри соли 2025 пешбинӣ шудааст. Боварӣ дорам, ки дар ҳамкории судманд лоиҳаи “Обтаъминкунӣ ва корези шаҳри Кӯлоб”, ки онро сокинони маркази шаҳр бесаброна интизоранд дар муҳлати тасдиқгардида амалӣ мегардад.
Бахши бойгонӣ-матбуотии МИҲД шаҳри Кӯлоб
