Тибқи нақшаи чорабиниҳои мақомоти иҷроияи ҳокимияти давлатии шаҳри Кӯлоб ва Бахши Кумитаи ҳолатҳои фавқулода ва мудофиаи гражданӣ дар шахр оид ба пешгирӣ намудани ҳолатҳои фавқуллода дар мавзӯи заминҷунбӣ, омадани сел, пешгирӣ намудани ҳолатҳои ғарқшавии шаҳрвандон ва расонидани ёрии аввалини тиббӣ дар ҳамкорӣ бо Ҷамъияти ташкилоти Ҳилоли Аҳмари Точикистон дар минтақаи Кӯлоб ба шаҳрвандони шаҳри Кӯлоб, сокинони ҷамоати деҳоти Кӯлоб, кормандони беморхонаи шаҳрӣ корҳои фаҳмондадиҳӣ баргузор гардид.
Ҳадафи асосии баргузории ин рӯз баланд бардоштани сатҳи омодагии шаҳрвандон ва кормандони муассисаҳо дар ҳолатҳои фавқулода, омӯзонидани тартиби дурусти амал дар шароити офатҳои табиӣ, сӯхтор, заминларза ва дигар ҳолатҳои ғайричашмдошт мебошад.
Дар ҷараёни чорабинӣ машғулиятҳои амалӣ ва назариявӣ доир ба масъалаҳои мудофиаи гражданӣ гузаронида шуданд. Инчунин, шаҳрвандон ва кормандони сохторҳои болозикр дар машқҳои омӯзишӣ иштирок намуда, малакаҳои амалиашонро такмил доданд.
Бахши бойгонӣ-матбуотии МИҲД-и шаҳри Кӯлоб
