Санаи 12 ноябри соли 2024 дар толори мақомоти иҷроияи ҳокимияти давлатии шаҳри Кӯлоб бо иштироки Вазири кишоварзии Ҷумҳурии Тоҷикистон Қурбон Ҳакимзода, муовини раиси вилояти Хатлон Файзуллозода Заробуддин, раиси шаҳри Кӯлоб Назарзода Бахтиёр Худоёр ва дигар масъулини соҳаҳои хоҷагии халқ вохӯрӣ доир гардид.
Роҳбарияти мақомоти иҷроияи ҳокимияти давлатии шаҳри Кӯлоб ҳозиринро ба шаҳри Кӯлоб хайрамақдам гуфта, қайд намуданд, ки вохӯрии мазкур ин пеш аз ҳама оид ба масъалаи чиниш, ҷамъоварӣ, супоридан ва муайян намудани ҳосили ҳақиқии пахта дар пахтазорҳо мебошад.
Вобаста ба масъалаи мазкур Вазири кишоварзии Ҷумҳурии Тоҷикистон Ҳакимзода Қурбон баромад намуда изҳор доштанд, ки дар доираи дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати сари вақт ҷамъоварӣ намудани пахта ва бо истифода аз боду ҳавои мусоид тамоми масъулинро аз ҷумла соҳаи кишоварзиро мебояд дар ин самт корро ҷоннок намоянд.
Зимнан иттилоъ дода шуд, ки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар тамоми баромадҳояшон таъкид менамоянд, ки мо бояд ҳар як ваҷаб заминро самаранок истифода бурда, аз он накам аз ду-се ҳосил ба даст орем. Аз ин рӯ, масъулини соҳаи кишоварзиро мебояд, ки дар ин самт фаъолияти худро бо хоҷагидорон мустаҳкам намуда, дар вақти кишти дилхоҳ зироатҳо аз маслиҳати мутахассисони варзида истифода баранд.
Иброз гардид, ки бояд масъулин ҷиҳати кишти оянда аз имрӯз чораандешӣ намоянд, то ин ки дар оянда маҳсулоти бештар ва босифат ба даст оварда шавад.
Дар идома меҳмонон аз заминҳои пахтаи ҶДММ "Пахтаи Кӯлоб" дар Ҷамоати деҳоти Зиракӣ ва Корхонаи коркарди пахтаи ҶДММ "Тиллои сафед" дар Ҷамоати деҳоти Кӯлоб дидан намуда, бо масъулин сӯҳбати самимӣ намуданд. Зимни суҳбат, меҳмонон аз қабули пахта ва банду басти он ба масъулини Корхонаи коркарди пахтаи ҶДММ "Тиллои сафед" дар Ҷамоати деҳоти Кӯлоб баҳои баланд дода, барои боз ҳам беҳтар намудани фаъолияти корӣ ба мутахассисони корхонаи мазкур маслиҳатҳои муфид доданд.
Дар идомаи вохӯрӣ раиси шаҳри Кӯлоб Назарзода Бахтиёр Худоёр изҳор намуданд, ки кишоварзони шаҳру деҳоти Кӯлоб ҷиҳати амалӣ гардидани сиёсати созандаву бунёдкоронаи Пешвои муаззами миллат муҳтарам Эмомалӣ Раҳмон, Вазири кишоварзии Ҷумҳурии Тоҷикистон Қурбон Ҳакимзода ва раиси вилояти Хатлон Давлаталӣ Саид тамоми маҳорату малакаи худро равона менамояд, ки дар оянда нисбати кишти тамоми зироатҳо чораҳои дахлдор андешанд.
Дар интиҳо, ба роҳбарияти Вазорати кишоварзии Ҷумҳурии Тоҷикистон ва мақомоти иҷроияи ҳокимияти давлатии вилояти Хатлон ҷиҳати пешниҳоди маслиҳатҳои муфид изҳори сипосу миннатдорӣ баён намуданд.
Бахши бойгонӣ-матбуотии мақомоти иҷроияи ҳокимияти давлатии шаҳри Кӯлоб
Санаи 2 ноябри соли равон маорифчиёни шаҳру деҳоти Кӯлоб дар баробари дигар кормандони ташкилоту муассисаҳои марбута зери ҳидоятҳои роҳнамунсози Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ҳамзамон ҷиҳати иҷрои дастуру супоришҳои раиси вилояти Хатлон Давлаталӣ Саид ва нақшаи чорабиниҳои мақомоти иҷроияи ҳокимияти давлатии шаҳри Кӯлоб истифода аз рӯзҳои истироҳатӣ, боду ҳавои мусоид ва беталаф ҷамъоварӣ намудани тиллои сафед ба хоҷагиҳои деҳқонии Ҷамоатҳои шаҳру деҳоти Кӯлоб кӯмак расониданд.
Ёдовар мешавем, ки тӯли чанд рӯз мешавад бо истифода аз боду ҳавои мусоид дар рӯзҳои истироҳатӣ кормандони соҳаҳои мухталифи шаҳр ва сокинони хурду бузурги деҳаҳои гирду атрофи ҷамоатҳои деҳоти шаҳр ҷиҳати расонидани кӯмак ба марди деҳқон, ки аз масъулият ва ҳисси баланди ватандӯстии ҳар як шаҳрванд гувоҳӣ медиҳад, бо як меҳру муҳаббат ва рисолати ҷавонмардӣ сафарбар гардиданд.
Маврид ба зикр аст, ки дар ҳашари дастаҷамъонаи имрӯза зиёда аз 1000 нафар кормандони касбу кори гуногун ва сокинон саҳмгузорӣ намуданд. Чунин иқдомҳои дастаъҷамона минбаъд низ идома меёбад.
Бахши бойгонӣ-матбуотии мақомоти иҷроияи ҳокимияти давлатии шаҳри Кӯлоб
Зери ҳидоятҳои роҳнамунсози Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон, иҷрои дастурҳои саривақтии раиси вилояти Хатлон Давлаталӣ Саид ва нақшаи чорабиниҳои мақомоти иҷроияи ҳокимияти давлатии шаҳри Кӯлоб ҷиҳати саривақт ва беталаф ҷамъоварӣ намудани пахта субҳи имрӯз 1200 нафар кормандони касбу кори гуногун дар Ҷамоатҳои деҳоти Зарбдор ва Зиракии шаҳри Кӯлоб ба ҳашари дастаҷамъона барои кӯмак расонидан ба марди деҳқон сафарбар гардиданд.
Ёдовар мешавем, ки тӯли чанд рӯз мешавад, ки бо истифода аз боду ҳавои мусоид дар рӯзҳои истироҳатӣ кормандони соҳаҳои мухталиф, ҷиҳати кӯмак намудан ба марди деҳқон, ки аз масъулият ва ҳисси ватандӯстии ҳар як шаҳрванди бедордил гувоҳӣ медиҳад, бо як меҳру муҳаббат ва рисолати ҷавонмардӣ барои кумак намудан ба марди деҳқон сафарбар мегарданд.
Бахши бойгонӣ-матбуотии МИҲД-и шаҳри Кӯлоб
Бо мақсади иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон, раиси вилояти Хатлон Давлаталӣ Саид ва нақшаи чорабиниҳои мақомоти иҷроияи ҳокимияти давлатии шаҳри Кӯлоб ҷиҳати саривақт ва беталаф ҷамъоварӣ намудани пахта, субҳи имрӯз тамоми роҳбарон ва кормандони ташкилоту муассисаҳои шаҳрӣ ба ҳашари дастаҷамъона барои кӯмак расонидан ба марди деҳқон сафарбар гардиданд.
Бо истифода аз боду ҳавои мусоид дар рӯзҳои истироҳатӣ кумак намудан ба марди деҳқон рисолати ҷавонмардист.
Ёдовар мешавем, ки дар ҳашари дастаҷамъона анқариб 1700 нафар кормандони касбу кори гуногун дар Ҷамоатҳои шаҳру деҳоти Зарбдор ва Зиракии шаҳри Кӯлоб сафарбар гардидаанд.
Бахши бойгонӣ-матбуотии МИҲД-и шаҳри Кӯлоб
Шабакаҳои иҷтимоӣ
30-солагии Истиқлоли давлатии Ҷумҳурии Тоҷикистон
