“Мо бояд ба таълиму тарбияи фарзандонамон, рушди илму маориф, бахусус, илмҳои табиӣ, дақиқ ва риёзӣ, ки асоси омода кардани мутахассисони ояндасози миллӣ мебошад, эътибори аввалиндараҷа диҳем ва нагузорем, ки дар байни ҷомеаи мо ва махсусан наврасону ҷавонон андешаҳои хурофотиву таасуб ва унсурҳои фарҳанги бегона нуфуз пайдо намоянд”.
15 августи соли 2023 дар толори қароргоҳи раиси вилояти Хатлон дар шаҳри Кӯлоб маҷлиси васеи кормандони соҳаи маорифи шаҳри Кӯлоб баргузор гардид.
Дар ҷаласаи мазкур раиси шаҳри Кӯлоб Назарзода Бахтиёр Худоёр, намояндаи Раёсати маорифи вилояти Хатлон Усмонов Аслиддин, намояндаи Агентии давлатии назорат дар соҳаи маориф ва илми Ҷумҳурии Тоҷикистон дар минтақаи Кӯлоб Абдураҳмонзода Нуриддин, директорони муассисаҳои таҳсилоти олӣ, касбӣ ва миёна, роҳбарони ташкилоту муассисаҳои дахлдори шаҳр, собиқадорони соҳаи маориф, намояндагони васоити ахбори омма ва дигар шахсони масъул иштирок доштанд.
Қабл аз оғози ҷаласа меҳмонон ва иштирокчиён аз намоиши китобҳо ва асарҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, намунаи дастурҳо ва нақшаҳои кории иттиҳодияҳои методӣ аз тарафи кормандони кабинети методии шуъбаи маорифи шаҳри Кӯлоб, дастовардҳои Маркази дарёфти рушди истеъдодҳои назди шуъбаи маорифи шаҳр, муассисаҳои томактабӣ ва муассисаҳои таҳсилоти миёнаи умумӣ дидан намуданд.
Зимни оғози машварати августии кормандони соҳаи маориф, мудири шуъбаи маорифи мақомоти иҷроияи ҳокимияти давлатии шаҳри Кӯлоб Салимзода Нурулло “Оид ба фаъолият, дастовард ва мушклотҳои соҳаи маорифи шаҳр дар соли таҳсили гузашта ва вазифаҳои барои соли 2023-2024” дар назди роҳбарияти шаҳр ҳисобот дод.
Сипас, Абдураҳмонов Шералӣ-директори Муассисаи давлатии таълимии “Литсейи давлатии №2-и шаҳри Кӯлоб, раиси кумитаи падару модарони муассисаҳои таҳсилоти миёнаи умумии №40-и шаҳр Раҳимхоҷазода Раҷабалӣ, Бобоева Меҳрангез-гирандаи медали тиллои равияи ҷамъиятӣ-гуманитарӣ аз Муассисаи давлатии таълимии “Мактаби Президентӣ барои хонандагони болаёқат” дар шаҳри Кӯлоб бо маърузаҳои пурмуҳтавои худ дар назди ҳозирин баромад карданд.
Дар идомаи кори машварати августии кормандони соҳаи маориф, раиси шаҳри Кӯлоб Назарзода Бахтиёр Худоёр суханронӣ намуда, қайд кард, ки маориф ҳамчун соҳаи афзалиятнок ба ҳисоб рафта, таҳти назари бевоситаи Асосгузори сулҳу ваҳдати Миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дошта, дар давари соҳибистиқлолӣ дар ин самт дигаргуниҳои куллӣ сурат гирифтанд. Гуфта шуд, ки имрӯзҳо барои наврасону ҷавонони мо шароите фароҳам оварда шудааст, ки баҳри баланд гардидани сатҳи маънавиёти ҷомеа ва шаклгирии мафкураи ҷавонон мусоидат менамоянд. Дар ин замина таъкид гардид, ки ҳар як корманди соҳаи маорифро мебояд, ки дар иҷрои вазифаҳои ба зиммадошта дар масъулиятшинос буда, дар рушди пешравии соҳаи маорифи шаҳр саҳми муносиб гузорем.
Дар идомаи машварати корӣ намояндаи Раёсати маорифи вилояти Хатлон Усмонов Аслиддин, намояндаи Агентии давлатии назорат дар соҳаи маориф ва илми Ҷумҳурии Тоҷикистон дар минтақаи Кӯлоб Абдураҳмонзода Нуриддин, собиқадори соҳаи маориф Нозим Талаб, ректори Донишгоҳи давлатии Кӯлоб ба номи Абӯабдуллоҳ Рӯдакӣ Раҳмон Дилшод Сафарбек андешаҳои хешро оид ба пешравии фаъолияти соҳаи маориф баён намуданд.
Ҳамчунин дар ҷаласаи васеи машварати августии кормандони соҳаи маорифи шаҳр матни лоиҳаи муроҷиатномаи иштирокчиёни машварат аз ҷониби муовини мудири кабинети методии шуъбаи маориф Таманно Одинаева шунида шуд.
Дар охир ба як қатор пешқадамони соҳои маориф, беҳтарин омӯзгорону мураббиён ва дигар кормандони соҳа, ки тайи солҳои охир дар пешрафти соҳаи маориф саҳми шоиста гузошта, дар ҳаракатҳои олимпии сатҳи вилоятӣ, ҷумҳуриявӣ ва байналмиллалӣ бо дастоварҳои назаррас ноил гардиданд, инчунин беҳтарин хонандагони аълохони муассисаҳои таҳсилоти умумӣ бо Ифтихорнома, Сипоснома ва туҳфаҳои хотиравии роҳбарияти мақомоти иҷроияи ҳокимияти давлатии шаҳри Кӯлоб, Вазорати маориф ва илми Ҷумҳурии Тоҷикистон, Раёсати маорифи вилояти Хатлон қадршиносӣ карда шуданд.
Бахши матбуотии Миҳд- шаҳри Кӯлоб
14 августи соли равон дар мақомоти иҷроияи ҳокимияти давлатии шаҳри Кӯлоб ҷиҳати иҷрои Амри Президенти Ҷумҳурии Тоҷикистон аз 15 сентябри соли 2011 дар бораи баргузор намудани нишастҳои матбуотӣ бо намояндагони воситаҳои ахбори омма нишасти навбатии матбуотӣ баргузор намуд.
Нишасти матбуотӣ бо иштироки бевоситаи Раиси шаҳри Кӯлоб Назарзода Бахтиёр Худоёр, муовинон ва роҳбарони сохторҳои мақомоти иҷроияи ҳокимияти давлатии шаҳр ва инчунин иштироки беш аз 43 - намояндагони воситаҳои ахбори оммаи ҷумҳуриявӣ, вилоятӣ ва шаҳрӣ доир гашт.
Дар оғози нишасти матбуотӣ ба хотири қурбониёни садамаи нақлиётӣ лаҳзаи хомӯшӣ эълон гардид.
Сипас, раиси шаҳри Кӯлоб Назарзода Бахтиёр Худоёр барои ҳамкории хубу пурсамар бо мақомоти иҷроияи ҳокимияти давлатии шаҳри Кӯлоб, дастгирии сиёсати давлатӣ, тарғибу ташвиқи арзишҳои миллию давлатдорӣ ва муаррифии дастовардҳои иҷтимоию иқтисодии шаҳр дар соли 2023 ба кулли рӯзноманигорон изҳори сипосу миннатдорӣ баён намуд.
Баъдан, роҷеъ ба нишондиҳандаҳои рушди иҷтимоию иқтисодии шаҳри Кӯлоб дар нимсолаи аввали соли 2023 маълумоти мухтасар манзур гардид. Қайд гардид, ки мақомоти иҷроияи ҳокимияти давлатии шаҳри Кўлоб дар асоси Конститутсияи Ҷумҳурии Тоҷикистон, Қонуни конститутсионии Ҷумҳурии Тоҷикистон «Дар бораи мақомоти маҳаллии ҳокимияти давлатӣ», дастуру супоришҳои Асосгузори сулҳу ваҳдати миллӣ,Пешвои миллат Президенти Ҷумҳурии Тоҷикистон муҳтарам Эмомалӣ Раҳмон, ки аз Паём ба Маҷлиси Олии Ҷумҳурии Тоҷикистон аз 23 декабри соли 2022 бармеоянд, қарорҳои Ҳукумати Ҷумҳурии Тоҷикистон ва супоришҳои раиси вилояти Хатлон дар 6 моҳи соли ҷорӣ корҳои муайянро ба анҷом расонида, дар натиҷа аксарияти нишондиҳандаҳои иҷтимоию иқтисодии шаҳр дар давраи ҳисоботӣ бо натиҷаҳои назаррас ҷамъбаст гардид.
Дар ҷараёни нишасти матбуотӣ оид ба масъалаҳои мухталифи иҷтимоию иқтисодӣ, кишоварзию рушди саноат, маорифу тандурустӣ, нақлиёт ва роҳҳои шаҳрӣ мавриди баррасӣ қарор дода шуда вобаста ба масъалаҳои мазкур аз ҷониби намояндагони васоити ахбори омма суолҳо пешниҳод гардида раиси шаҳри Кӯлоб ба суолҳои намояндагони васоити ахбори омма посухҳои мушаххас гардониданд.
Дар охир нишасти матбуотӣ дар фазои самимият, ҳусни тафоҳум ва муколамаи созанда ба анҷом расид.
Бахши матбуотии Миҳд- шаҳри Кӯлоб
Боиси зикр аст, ки ҳамасола дар саросари кишварамон 10-август ҳамчун рӯзи варзишгарони Тоҷикистон бо тантана таҷлил карда мешавад. Бахшида ба ин муносибат санаи 10 август дар Маркази ҷавонони шаҳри Кӯлоб чорабинии тантанавӣ бо иштироки муовини раиси шаҳри Кӯлоб Ҳамидиён Орзу, мудири Бахши кор бо ҷавонон ва варзиши шаҳри Кӯлоб Нозимов Абдулло ва дигар меҳмонону собиқадорони соҳа баргузор гардид.
Муовини раиси шаҳри Кӯлоб Ҳомидиён Орзу дар назди ҳозирин баромад намуда,тамоми варзишгарон, собиқадорону мураббиён ва кормандони соҳаи варзишро ба фарорасии Рӯзи варзишгарони Тоҷикистон табрик намуд.
Қайд гардид, ки имрӯзҳо дар Тоҷикистони соҳибистиқлол варзиш новобаста аз синну сол ва мавқеи иҷтимоии шаҳрвандон оммавӣ гардида, ҳамчун қосиди сулҳ, рамзи дӯстиву рафоқат ва шарафу эътибори миллат шинохта шудааст! Тавре Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зикр намудаанд: “Варзиш омили тавонои таҳкими дӯстӣ ва ҳамкории халқу давлатҳо мебошад. Миллати тоҷик ҳанӯз дар замонҳои қадим бо ойинҳои ҷавонмардиву паҳлавонӣ маъруф буд.
Дар идомаи чорабинӣ ба як қатор собиқадорону мураббиён, кормандони соҳаи варзиш ва инчунин варзишгарони боистеъдоди шаҳр бахшида ба рӯзи варзишгарони Ҷумҳурии Тоҷикистон барои саҳми арзанда гузоштан дар рушди соҳаи варзиш ва муаррифӣ намудани диёри азизамон дар сатҳи ҷумҳуриявию байналмиллалӣ бо Сипоснома ва туҳфаҳои хотиравиии мақомоти иҷроияи ҳокимияти давлатии шаҳри Кӯлоб, Бахши кор бо ҷавонон ва варзиши шаҳри Кӯлоб қадрдонӣ карда шуданд.
Мақомоти иҷроияи ҳокимияти давлатии шаҳри Кӯлоб тамоми сокинони шаҳрро ба фарорасии Рӯзи варзишгарони Тоҷикистон табрик менамояд!
Боиси фараҳмандист, ки имрӯзҳо дар Тоҷикистони соҳибистиқлол варзиш новобаста аз синну сол ва мавқеи иҷтимоии шаҳрвандон оммавӣ гардида, ҳамчун қосиди сулҳ, рамзи дӯстиву рафоқат ва шарафу эътибори миллат шинохта шудааст!
Тавре Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зикр намудаанд: “Миллати тоҷик ҳанӯз дар замонҳои қадим бо ойинҳои ҷавонмардиву паҳлавонӣ маъруф буд... Имрӯз ҳам бо ифтихор изҳор менамоям, ки варзишгарони тоҷик бо иштироки фаъолонаи худ нуфуз ва эътибори сарзамини соҳибистиқлоламонро баланд бардошта, Тоҷикистони азизро дар арсаи ҷаҳонӣ ба таври шоиста муаррифӣ карда истодаанд”.
Дар воқеъ, барои миллати тамаддунсози тоҷик варзиш бо гузашти ҳазорсолаҳо ба як бахши зиндагии маъмулӣ табдил ёфта, дар ин муддат садҳо намуди варзиш аз ҷониби ниёгони мо ихтироъ ва роҳандозӣ гардидаанд. Аз ҷумла, камонвариву аспдавонӣ, шамшерзаниву найзаандозӣ, гуштину ҳарбҳои тан ба тан, чавгонбозиву гурзандозӣ, давидан ба масофаҳои дуру наздик, оббозиву қаиқронӣ, нардбозиву камандпартоӣ ва ғайраҳо аз зумраи он намудҳои варзиши миллӣ ҳастанд, ки бо гузашти замон хусусияти ҷаҳонӣ касб кардаанд.
Айни замон дар шаҳри Кӯлоб 5 мактаби варзишӣ фаъолият дошта, насли ҷавонро аз рӯи намудҳои гуногуни варзиш таълим дода истодаанд. Инчунин, дар шаҳри Кӯлоб 185 майдончаи варзишӣ, 23 иншооти махсуси варзишӣ, 75 толори варзишӣ, 4 ҳавзи шиноварӣ, 1 маҷмааи варзишӣ ва 1 варзишгоҳи марказӣ барои машқу тамрин ва баргузории мусобиқаҳо фаъолият доранд. Боиси тазаккур аст, ки қисмати зиёди иншооти мазкур маҳз дар солҳои соҳибистиқлолӣ, бахусус дар 10-солаи охир бунёду барқарор гардида, шумораи варзишгарони касбӣ рӯ ба афзоиш дорад.
Чунин корҳои ободониву созандагиро агар ба давраи то ба даст овардани Истиқлолияти давлатӣ муқоиса намоем, маълум мегардад, ки рӯз аз рӯз бунёди иншооти таъиноташон гуногуни варзишӣ ва солимгардонӣ дар шаҳру деҳоти Кӯлоб афзун гардида истодаанд. Ин раванд ба натиҷаҳои варзишӣ низ таъсири мусбат мерасонанд. Барои мисол, агар дар замони то Истиқлолият натиҷаҳои варзишгарони шаҳри Кӯлоб ангуштшумор буданд, вале дар даврони соҳибистиқлолии кишвари азизамон теъдоди варзишгарони касбӣ ва ҷоизадорони мусобиқаҳои ҷумҳуриявию байналмиллалӣ ба беш аз 2000 нафар расидааст.
Дар охир, бори дигар ҳамаи сокинони сарбаланди шаҳри Кӯлобро ба Рӯзи варзишгарони Тоҷикистон шодбош гуфта, ба ҳар кадоми Шумо саломативу комёбӣ ва рӯзгори нек таманно менамоем.
Рӯзи варзишгарони Тоҷикистон муборак бошад!
10.08.2023, шаҳри Кӯлоб