Боиси зикр аст, ки ҳамасола дар саросари кишварамон 10-август ҳамчун рӯзи варзишгарони Тоҷикистон бо тантана таҷлил карда мешавад. Бахшида ба ин муносибат санаи 10 август дар Маркази ҷавонони шаҳри Кӯлоб чорабинии тантанавӣ бо иштироки муовини раиси шаҳри Кӯлоб Ҳамидиён Орзу, мудири Бахши кор бо ҷавонон ва варзиши шаҳри Кӯлоб Нозимов Абдулло ва дигар меҳмонону собиқадорони соҳа баргузор гардид.
Муовини раиси шаҳри Кӯлоб Ҳомидиён Орзу дар назди ҳозирин баромад намуда,тамоми варзишгарон, собиқадорону мураббиён ва кормандони соҳаи варзишро ба фарорасии Рӯзи варзишгарони Тоҷикистон табрик намуд.
Қайд гардид, ки имрӯзҳо дар Тоҷикистони соҳибистиқлол варзиш новобаста аз синну сол ва мавқеи иҷтимоии шаҳрвандон оммавӣ гардида, ҳамчун қосиди сулҳ, рамзи дӯстиву рафоқат ва шарафу эътибори миллат шинохта шудааст! Тавре Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зикр намудаанд: “Варзиш омили тавонои таҳкими дӯстӣ ва ҳамкории халқу давлатҳо мебошад. Миллати тоҷик ҳанӯз дар замонҳои қадим бо ойинҳои ҷавонмардиву паҳлавонӣ маъруф буд.
Дар идомаи чорабинӣ ба як қатор собиқадорону мураббиён, кормандони соҳаи варзиш ва инчунин варзишгарони боистеъдоди шаҳр бахшида ба рӯзи варзишгарони Ҷумҳурии Тоҷикистон барои саҳми арзанда гузоштан дар рушди соҳаи варзиш ва муаррифӣ намудани диёри азизамон дар сатҳи ҷумҳуриявию байналмиллалӣ бо Сипоснома ва туҳфаҳои хотиравиии мақомоти иҷроияи ҳокимияти давлатии шаҳри Кӯлоб, Бахши кор бо ҷавонон ва варзиши шаҳри Кӯлоб қадрдонӣ карда шуданд.
Мақомоти иҷроияи ҳокимияти давлатии шаҳри Кӯлоб тамоми сокинони шаҳрро ба фарорасии Рӯзи варзишгарони Тоҷикистон табрик менамояд!
Боиси фараҳмандист, ки имрӯзҳо дар Тоҷикистони соҳибистиқлол варзиш новобаста аз синну сол ва мавқеи иҷтимоии шаҳрвандон оммавӣ гардида, ҳамчун қосиди сулҳ, рамзи дӯстиву рафоқат ва шарафу эътибори миллат шинохта шудааст!
Тавре Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зикр намудаанд: “Миллати тоҷик ҳанӯз дар замонҳои қадим бо ойинҳои ҷавонмардиву паҳлавонӣ маъруф буд... Имрӯз ҳам бо ифтихор изҳор менамоям, ки варзишгарони тоҷик бо иштироки фаъолонаи худ нуфуз ва эътибори сарзамини соҳибистиқлоламонро баланд бардошта, Тоҷикистони азизро дар арсаи ҷаҳонӣ ба таври шоиста муаррифӣ карда истодаанд”.
Дар воқеъ, барои миллати тамаддунсози тоҷик варзиш бо гузашти ҳазорсолаҳо ба як бахши зиндагии маъмулӣ табдил ёфта, дар ин муддат садҳо намуди варзиш аз ҷониби ниёгони мо ихтироъ ва роҳандозӣ гардидаанд. Аз ҷумла, камонвариву аспдавонӣ, шамшерзаниву найзаандозӣ, гуштину ҳарбҳои тан ба тан, чавгонбозиву гурзандозӣ, давидан ба масофаҳои дуру наздик, оббозиву қаиқронӣ, нардбозиву камандпартоӣ ва ғайраҳо аз зумраи он намудҳои варзиши миллӣ ҳастанд, ки бо гузашти замон хусусияти ҷаҳонӣ касб кардаанд.
Айни замон дар шаҳри Кӯлоб 5 мактаби варзишӣ фаъолият дошта, насли ҷавонро аз рӯи намудҳои гуногуни варзиш таълим дода истодаанд. Инчунин, дар шаҳри Кӯлоб 185 майдончаи варзишӣ, 23 иншооти махсуси варзишӣ, 75 толори варзишӣ, 4 ҳавзи шиноварӣ, 1 маҷмааи варзишӣ ва 1 варзишгоҳи марказӣ барои машқу тамрин ва баргузории мусобиқаҳо фаъолият доранд. Боиси тазаккур аст, ки қисмати зиёди иншооти мазкур маҳз дар солҳои соҳибистиқлолӣ, бахусус дар 10-солаи охир бунёду барқарор гардида, шумораи варзишгарони касбӣ рӯ ба афзоиш дорад.
Чунин корҳои ободониву созандагиро агар ба давраи то ба даст овардани Истиқлолияти давлатӣ муқоиса намоем, маълум мегардад, ки рӯз аз рӯз бунёди иншооти таъиноташон гуногуни варзишӣ ва солимгардонӣ дар шаҳру деҳоти Кӯлоб афзун гардида истодаанд. Ин раванд ба натиҷаҳои варзишӣ низ таъсири мусбат мерасонанд. Барои мисол, агар дар замони то Истиқлолият натиҷаҳои варзишгарони шаҳри Кӯлоб ангуштшумор буданд, вале дар даврони соҳибистиқлолии кишвари азизамон теъдоди варзишгарони касбӣ ва ҷоизадорони мусобиқаҳои ҷумҳуриявию байналмиллалӣ ба беш аз 2000 нафар расидааст.
Дар охир, бори дигар ҳамаи сокинони сарбаланди шаҳри Кӯлобро ба Рӯзи варзишгарони Тоҷикистон шодбош гуфта, ба ҳар кадоми Шумо саломативу комёбӣ ва рӯзгори нек таманно менамоем.
Рӯзи варзишгарони Тоҷикистон муборак бошад!
10.08.2023, шаҳри Кӯлоб
Дар асоси дастуру супоришҳои Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, раиси шаҳри Кӯлоб Назарзода Бахтиёр Худоёр ба аёдати беморони осебдида аз садамаи фоҷеабор рафта ҳамарӯза аз аҳволи онҳо хабардор мегардад. Ин навбат нимаи дуюми рӯзи 9 августи соли ҷорӣ роҳбарияти шаҳр беморонро аёдат намуда кӯмаки молиявии Пешвои миллат муҳтарам Эмомалӣ Раҳмонро ба ҳар як зарардидагон расониданд.
Дар доираи татбиқи барномаҳо дар самти мубориза бар зидди бемории сил сафири Иёлоти Муттаҳидаи Амрико дар Ҷумҳурии Тоҷикистон ҷаноби Маннуел Микаллер, намояндагии Агентии Иёлоти Муттаҳидаи Амрико оид ба рушди байналмилалӣ, Ассотсиатсияи «Ҳамкории боздошти сил дар Тоҷикистон» ба шаҳри Кӯлоб ташриф оварданд.
Меҳмононро раиси шаҳри Кӯлоб Назарзода Бахтиёр Худоёр, масъулини муассисаи давлатии маркази ҷумҳуриявии ҳимояи аҳолӣ аз бемории сил ва дигар шахсони масъул ҳамроҳӣ намуданд. Дар идома роҳбарияти мақомоти иҷроияи ҳокимияти давлатии шаҳри Кӯлоб бо сафири Иёлоти Муттаҳидаи Амрико дар Ҷумҳурии Тоҷикистон мулоқот намуда, вобаста ба таърихи пайдоиш, мавқеи ҷуғрофӣ, расму оин, шуғли асосии сокинони шаҳру деҳоти Кӯлоб ва рушду нумӯи мунтаззами соҳаҳои гуногуни хоҷагии халқ мубодилаи афкор намуд.
Зимнан ҷаноби Маннуел Микаллер аз ҳодисаи фоҷиабор-садамаи нақлиётӣ, ки нимаи дуюми рўзи 6-уми августи соли равон дар шоҳроҳи Душанбе-Кӯлоб-Хоруғ ба вуқуъ пайваст ёдрас шуда, ҳодисаи ба амал омадаро боиси андӯҳи худ арзёбӣ намуда, ба наздикону пайвандони ҳалокшудагон ва захмиёни ин ҳодисаи фоҷиабор изҳори амиқи ҳамдардӣ намуд.
Сипас, ҷонибҳо ба масоили нишона ва омилҳои пайдоиши бемории сил, дастгирии иҷтимоии оилаҳои камбизоате, ки гирифтори бемории сил мебошанд, ҳимояи ҳуқуқи шахсони гирифтори бемории сил ва ҳамкории иҷтимоӣ дар идораҳои давлатӣ барои гирифтани имтиёзҳо, мусоидат ба беҳтар ва васеътар намудани хизматрасониҳои стандартии иҷтимоӣ, ки ба шахсони гирифтори бемории сил расонида мешаванд, дастгирии иқтисодӣ, таъмини кӯмакҳо ба оилаҳои камбизоате, ки мубталои бемории сил мебошанд, изҳори назар карда шуд.
Бояд гуфт, ки имрӯз дар шаҳри Кӯлоб дастгоҳи ренгении шуш ҷиҳати дарёфт ва муайянкунии саривақтии бемории сил мавҷуд аст, ки меҳмонон бо ҷарраёни гузаронидани ташхиси ин беморӣ шинос шуданд.
Дастрасии гирифторони бемории сил ба чунин дастгоҳи наву замонавӣ бобати пешгирӣ ва рафъи бемории мазкур муҳиму саривақтӣ арзёбӣ карда шуд.
Дар идомаи ин тадбир ҷонибҳо аз аҳамияти таҳкими ҳамкориҳо бо мақсади саҳмгузорӣ дар самти мубориза алайҳи бемории сил ёдовар шуда, дар хусуси зарурати фароҳам овардани шароит ба хотири ташхису табобат ва пешгирии бемории сил изҳори назар намуданд.