КӮЛОБ: ШАҲРВАНДОН АЗ КАРАНТИНИ 22 РӮЗА ҶАВОБ ДОДА ШУДАНД

Рӯзи 15 – 16 апрели соли ҷорӣ аз Беморхонаи сироятӣ ва Беморхонаи ноҳиявии шаҳри Кӯлоб шаҳрвандони Тоҷикистон ки 22 рӯз пеш аз Федератсияи Россия ба воситаи ҳавопаймо ба Фурӯдгоҳи шаҳри Кӯлоб омада буданд ва дар карантин қарор доштанд, баъди гузаштан аз меъёрҳои санитарӣ ба хонаҳои худ ҷавоб дода шуданд.

Тибқи иттилои сардухтури Беморхонаи сироятиии шаҳри Кӯлоб Шокиров Абдукарим аз рӯзи 24-уми март то ба 15-уми апрел давоми 22 рӯз 33 нафар шаҳрвандони аз Россия омада дар карантин қарор доштанд. Дар ин муддат барои онҳо тамоми шароити буду бош, 3 вақт хӯроки гарм ва дигар хизматрасониҳои тиббӣ аз тарафи Ҳукумати ҷумҳурӣ, МИҲД-и вилояти Хатлон ва шаҳри Кӯлоб, Вазорати тандурустӣ ва ҳифзи иҷтимои аҳолии Ҷумҳурии Тоҷикистон муҳаё карда шуда буд. Сардухтур зикр намуд, ки дар ин муддат шаҳрвандон аз муоинаи санитарӣ пура гузаронида шуданд ва дар онҳо ягон аломати сирояти вируси тоҷдор мушоҳида нагардид.

Сардухтури Беморхонаи ноҳиявии шаҳри Кӯлоб Шомадов Ниёзмад иброз дошт, ки дар беморхонаи мазкур 95 нафар шаҳрвандони аз Федератсияи Россия рӯзи 26 март омада дар крантин қарор доштанд. Дар давоми 21 рӯз ба онҳо 55 нафар кормандони беморхона хизмат расониданд. Дар ин муддат дар ягон шаҳрванди дар карантин қарордошта аломатҳои сироятии вируси тоҷдор мушоҳида нагардид. Ҳамаи онҳо ба хӯроки гарм ва дигар хизматрасониҳо таъмин карда шуда буданд. Ба маврид аст қайд намоем, ки шаҳрвандон аз минтақаҳои Кӯлобу Бохтар ва Суғду шаҳри Душанбе иборат буданд. Баъди карантин онҳоро то Терминали мусофирбарии шаҳри Кӯлоб бо автобусу микроавтобусҳо бурда расониданд. Дар ин кор роҳбари Терминали мазкур Хизиров А., ҷамъиятҳои мусофирбарии шаҳр, Фурудгоҳи байналмилалии шаҳри Кӯлоб саҳми худро гузоштанд.

                                                                             Бахши матбуотӣ                                                                                                                                                                                                                                                                                                                                                                                                                                                                                                                                                                                                                              

Шарҳи худро гузоред

Еmail-и шумо нашр нахоҳад шуд. бахшҳои ҳатми бо * ишора шудаанд *

*

code