Боғи ҳайвоноти шаҳр ободтар мешавад.

         

     Имрӯзҳо боғи ҳавоноти шаҳри Кӯлоб  ба макони фароғату истироҳат ва мавзеи тамошобоби  кӯдакону наврасон мубаддал шудааст.  Ҳамарӯза  садҳо   нафар кӯдакону наврасон  аз ин макони фароғату истироҳат дидан мекунанд.

    Боғи ҳайвоноти шаҳри Кӯлоб  дар арафаи 700- солагии Мир Сайид Алии Ҳамадонӣ бо ибтикори мақомоти иҷроияи ҳокимияти давлатии  шаҳри Кӯлоб  дар майдони  4 га бунёд ёфтааст.

    Дар  боғ паррандаҳои  зебо ва хушхон аз қабили саъба, тутӣ, (канарейка), кабутар, мурғҳои марҷон ва декоративӣ, товус,  мурғҳои  ҷопонӣ, мурғобиҳо , паррандаҳои  тезчангол аз қабили  уқоб, шоҳин, бум ва калоғ мавҷуданд.

    Ҳамчунин  дар боғи ҳайвонот  аспу уштур, хирсу , рӯбоҳ, муши обиву , шутурмурғ, бузҳои покистонӣ , гусфанди кароқулӣ  ва   харгӯшро дидан мумкин аст.

    Роҳбарияти боғ барои хӯроки  паррандагон дар ҳудуди 1 га ғалла кишт карда,  тасмим гирифтаанд, ки боғро боз ҳам ободтар намуда дар ҳудуди боғ гардиши аспу аробаро ташкил намоянд.  Дар боғ тамоми шароитҳо барои фароғати кӯдакон муҳайё мебошад.

     Роҳбарияти боғ соҳибкоронро даъват менамояд, ки барои ободии боғ метавонанд  лимпопо ва чархофалакҳои гуногунро насб  намоянд.

                                                                                                                               Сулаймон Султон                                                                                                                                      Дилором Файзова                                    

Шарҳи худро гузоред

Еmail-и шумо нашр нахоҳад шуд. бахшҳои ҳатми бо * ишора шудаанд *

*

code